خفة عقل

صباحية فكاهية على لبة تمر وفنجان قهوة مقرفل ..!!!
أشهد لله ان الشعر حاجة ومواقف شي مو طبيعي !!

بعض البشر ربي بلاه بثقله = ثقلة دمه ماهيب ثقلة عاقل
وبعض البشر مبلي بخفة عقله = خفة عقل ماهوب بدمٍ ناقل
وهذا فلا له في مسيري نقله = مادامه الانسان هيكل راقل
لو في يدي حيله عطيته صقله = يمكن بها يصبح خوي الصاقل
لكن على الله ماتموت الحقله = في مزرعٍ فيه البذور تحاقل
تمر النخل ماهوب بحب المقله = اهجد وفكر وش معك ياماقل
السيل ماتقدر تحمل دقله = والبحر يتحمل صخوب الداقل
والقيف مايوخذ من اول شقله = دُم الخطى لاتنكسر ياشاقل

ههههههههههه عاد الناس أجناس يا أبو حمد
وسبحان من خلق وفرق وله حكمة وشأن في كل شيء

تسلم ويسلم غاليك
ولا هنت يا بعدي
وصح لسانك

صح إلسسانك إعتلى بالخير شانك شاعرنا

شكري وتقديري

: )

سبحان من خلق وفرق
صح لسانك شاعرنا
ولاهنت على القصيدة الرائعة

هههههههههاي الله يسعدك
ابواحمد شاعر جزل ومايختلف عليك أثنين
صح السانك وقلبك مليون
ابدعت ياين العم
لاهنت ولاهان راسك
لك اعذب التحايا

		المشاركة الأصلية بواسطة : السلطان اقتباس
	ههههههههههه عاد الناس أجناس يا أبو حمد وسبحان من خلق وفرق وله حكمة وشأن في كل شيء تسلم ويسلم غاليك ولا هنت يا بعدي وصح لسانك

ههههههههههه
هلا ابو عبدالله
تصدق عاد فيه عالم غريب كل شي تسويه معهم لحاجة في نفسك يعتبروه غباء منك وذكاء منهم !
شي يفوق الخيال من عالم الهبال ..
شكراً لحضورك بارك الله فيك ..

		المشاركة الأصلية بواسطة : الشذى اقتباس
	صح إلسسانك إعتلى بالخير شانك شاعرنا شكري وتقديري

صح بدنكِ لاعدمناكِ
مشرفتنا الشذى ..
مرحبا الوووف ..