الناس لاتلومني وأنا ماعلي لوم

الـنــاس لامـونــي وأنـــا مـاعـلـي لـــوم=فـي حـب عمهـوج مـن البـيـض عـفـرا
لــو انـهـا فــي مــدت الـفـرس والـــروم=لعبـت بقيصـر وأسهـرت عـيـن كـسـرا
يلـومـنـي مــــن لاجــفــا عـيـنــه الــنــوم=مــن لايـجــاذب دمـعـتـه كـــل عـصــرا
مـاهـو بمثـلـي مــن زمانـيـن مـضـيـوم=ليل صويب وليل من ضمـن الأسـرا
أقرا مواضيع أمس وأكتب عن اليـوم=وان حـد نشدنـي قلـت لكتـب ولا أقــرا
حــب النـقـا راعـيـه بالصـمـت مـلــزوم=وأنــــا بــحـــال الــحـــب وأخــبـــاره أدرا
وجـدي علـى اللـي قربهـا غايتـي دوم=الـــلـــي تــلاوعــنــي بـــصـــد وهـــجــــرا
الـجــادل الـلــي حـبـهــا ســــر مـكـتــوم=ورمــــــوز قـــصــــة واقــعــيـــة وذكـــــــرا
في صمتها الراهـب مواضيـع وعلـوم=تلهيك عن باقـي المواضيـع الأخـرى
جمالـهـا عـنـد أجـمـل الخـلـق مـعـدوم=وموصفـه شمـس علـى وصــف بــدرا
مـثـل الـهـلال حجابـهـا كـنـه مـرســوم=والــخــد بــــدر والـجــعــد لــيـــل غـــــدرا
والعـيـن بـحـر عــازل قـــوم مـــن قـــوم=لـبـسـو الـســواد ومحتـضـيـن لـلـمـسـرا
وخـاتــم سلـيـمـان بــــه الــــدر مـخـتــوم=والـشـفـتــيــن تـــقــــول وقـــــــاد جــــمــــرا
والعـنـق سـلـه هـنـد فــي كــف زيـــزوم=طـــلاب ثـــار صـبـحـوا الــقــوم فــجــرا
وعـقــد تــلامــع بــــه قـنـاديــل ونــجــوم=وتـفـاحـتـيـن فـــــي بـسـاتــيــن خـــضـــرا
ملهـوفـه السـرجـوف والــورك مـزمــوم=كــنــه يــعـــوذ فـــــي الـجــدايــل ويــبـــرا
والفخذ بغدادي على الوصف مبـروم=تـصـفــق عـلــيــه بـكـفـهــا يـــــوم تـــــزرا
خضابها يوصف على جيش مهزوم=قـــفـــا ورايـــاتـــه مــــــع الــــــدم حـــمــــرا
بالهـون تنخطـر علـى الـدرب وتهـوم=مـــغـــرورة طــفــلـــه ثـــمــــان وعـــشــــرا
تقـعـد لـهـا الدنـيـا عـلـى ســاق وتـقــوم=وتـمـيـل مـعـهــا مــيــل شــــراب خــمــرا
تسـيـبـك تسـتـسـيـرك تـرمـيــك بـسـهــوم=والـجــرح مـنـهـا صـايــب لــيــس يــبــرا
لــو شافـهـا الـلـي لا صـــلاة وصـــوم=رتـــل علـيـهـا ســـورة الـشـمـس جـهــرا
هـــذا وأنــــا هـيـمــان هــايــم ومـهـمــوم=ولـهـان لا أتصـبـر ولا أطـيـق صـبـرا

مهذل بن مهدي الصقور

تسلم ويسلم غاليك يا ابن مهرس
والله يبيض وجهك على تواصلك ومشاركاتك
في منتدى ربعك الشدادين

.















حب النقا راعيه بالصمت ملـزوم
حب النقا راعيه بالصمت ملـزوم
حب النقا راعيه بالصمت ملـزوم




ذائِقَّة عَذبَّة مُترفَّة وَ حضوُرُ زاخِر بـ الروائِع للهِ دُركْ
وَ صَّح الله بوُح مِهذلْ بِنْ مَهديَّْ الصقوُر وَ لا هِنتْ
عَلىْ طيبْ التواجد ’

		المشاركة الأصلية بواسطة : السلطان اقتباس
	تسلم ويسلم غاليك يا ابن مهرس والله يبيض وجهك على تواصلك ومشاركاتك في منتدى ربعك الشدادين

ووجهك أبيض يابو عبدالله وتواصلي شرف وواجب

مشكور على مرورك

		المشاركة الأصلية بواسطة : ! سارة الغيد ! اقتباس
	. حب النقا راعيه بالصمت ملـزوم حب النقا راعيه بالصمت ملـزوم حب النقا راعيه بالصمت ملـزوم ذائِقَّة عَذبَّة مُترفَّة وَ حضوُرُ زاخِر بـ الروائِع للهِ دُركْ وَ صَّح الله بوُح مِهذلْ بِنْ مَهديَّْ الصقوُر وَ لا هِنتْ عَلىْ طيبْ التواجد ’

مشكوره أختي على المرور العذب يعطيك العافيه

لاهنت أخوي
على الإيراد الرائع
كل الشكر والتقدير لك

الله يعطيك العافية ، ماقصرت ع الايراد الاكثر من رائع
......