هاقي بك الطيب لاتخيب هقاويه

يا فيصل اجلس بجنبي وانا خالك=اسمع كلامي زين بهديلك اوصيه
احفظ كلامي وحطه دوم في بالك=وصيتي لاتصير في يوم منسيه
اوصيك في ابوك واللي بطنها شالك=اوصيك فيها تراها جنتك هيه
اقم صلاتك وتصلح باقي اعمالك=وخلك مع الناس دايم محسن النيه
وإفزع لمن جاك يالحر وتعنالك=وجارك يافيصل حذاري تلحقه سيه
يالحر خلك صدوقٍ دوم بأقوالك=ولاتماشي إلا شجاعٍ يحتمي الهيه
اللي بوقت الشدايد دوم يبرالك=لو سقت روحك يافيصل دونه شويه
وابعد عن اهل الحكي لو تدفع اموالك=اللي بوسط المجالس بس هرجيه
جنب عن اللي مثل هذا ولو جالك=ان غاب وإلا حضر هذي مثل ذيه
يدور عليك الخطا وان طحت ماشالك=يفرح بطاحتك لو تضحكلك اشفيه
ابعد عنه يالسنافي جات من خالك=ناسٍ تجيب الدسم مع سم هالحيه
ابعد عنه لايجي من حول منزالك=وإدليكم لاتجي يومٍ مع إدليه
انته ترى راسك مسند على جبالك=مسند على اهل الوفا اللي نارهم حيه
ابو وجد وخوالٍ طيبهم طالك=آلاد روق الكرم اهل الشهاميه
آلاد روق الشجاعة ان جاك من سالك=قومٍ تسوق المعادي سوق ركبيه
قومٍ لفو بالشكاله كلها اقبالك=جابوا لك المرجلة بصكوك شرعيه
الطيب والجود والنخوة لك إلحالك=خلوك نايفٍ يافيصل فوق ذريه
من افعالهم يالبناخي تاخذ افعالك=ومن طيبهم يالبناخي فيك ماريه
احفظ كلامي زين تكفى وانا خالك=هاقي بك الطيب لاتخيب هقاويه

وسلامتكم..

قصيده كبيره بمعانيها ونصائحها يستفاد

منها ويعتمد أرسالها للجميع لما تحمله

من كنوز كبيره تفيد الصغير والكبير

جزيت خيرا

شاعر ولافيك حيله وربي شاعر وبقوة خذها على الطاير

القصيده بمجملها روعة وقمة في الجمال لكن هذا البيت استوقفني
كثيراً والله اني اراه من اهم فقرات الوصية لما له من سلبيات لو أخلف الوصية وإجابيات لو اتقنها واعتنا بها ..

ابعد عنه لايجي من حـول منزالـك ... وإدليكـم لاتجـي يـومٍ مـع إدليـه
:
:

لله درك على هذا البيت الحريص اشكرك ياذيب وصح لسانك

صح لسانك ملاييييييييييييييييييييييييين ....
يعطيك العافيه عالطرح المميز الأكثر من رائع ..
كل الشكر لك لاهنت ....

مشكووور عالطرح المميز

قصيده جدا راااائعه ..



شكرا

شدادي كوووووووول
صح لسانك وعلا شانك
قصيدة جزلة ومعاني سامية وراقية
دمت بخير ,,,

صح لسااانك
ماشاء الله

رائعة جداا الابيات

وصايا مهمة وجميلة في قصيدك
الله لا يخيب ظنك ان شاء الله

يعطيك العافية

صح لسانك يا شدادي كوووول

وقصيدة ممتازة ومعانيها جزلة

قصيده مره حلووه

اعجبتني الوصايا كثير
يعطيك العافيه اخخوي
وصح لسانك : )

شدادي


قصيدة جزلة وقمة في الروعة

فيها من النصح الشيء الكثير

والله يصلح فيصل لأهله ويطرح فيه البركه