البارحة يا حسين مركاي كوعي

البارحه يا حسيـن مركـاي كوعـي=من العشاء لين أذن الفجر يا حسيـن
ما غير أسلـي خاطـري بالدموعـي=مثل الذي من يقضي الديـن بالديـن
وكل السبب طيري حسين الطبوعـي=النادر اللـي شوفتـه تطـرب العيـن
اللـي إلـى منـي ندبتـه فزوعـي=مثل الشجاع إلـي نهمـوه القريبيـن
قمـت أتـذكـر تلـتـه للطلـوعـي=بخدن قنصنا فيه حـروة اسبوعيـن
مدري ثمان أيـام معهـن اسبوعـي=لا شك كنهن يا ابن الاجـواد يوميـن
وفي تالي المقنـاص يـوم الربوعـي=أتلى العهد به راهي (ن) بالجناحيـن
أقفى وراء خـرب مسقـر جزوعـي=متذير وأردفت مـن عقبـه بطيريـن
وسقنا معاهـن وسـط خـد منوعـي=أقفن شمـال ومبعـدات عـن العيـن
وقفت أدربل مير مـا مـن سنوعـي=وقالوا جهاز الطير ما نسمعـه زيـن
وأجهدت رجلي بكل رجم (ن) رفوعي=أرقى وألوح وأدبل الصوت صوتيـن
وما قصروا وقـت المنافـع ربوعـي=وأخذت في جـو القطامـي نهاريـن
لا شك طيري ما نـوى بالرجوعـي=وأنـا بعـد حـدرت يـم البـلاديـن
مـا كـان ودي والمفـارق فجوعـي=ليتـه موادعنـي سـوات المحبيـن
الله يلـوم الطيـر بـعـده يلـوعـي=خلاني أسهـر والمخاليـق ممسيـن
عساه يسلـم مـن يديـن الطموعـي=اللي عن النشـاد يخفـي البراهيـن
وإلا الرجال اللي تعـرف السنوعـي=تلقى على حجله مع السبـق رقميـن
وإلا عسـاه بنـايـرات التنـوعـي=ورزقه على اللي خالق الناس من طين
ومما جرى يا حسين قلبـي قنوعـي=لو كان عقبه خاطري صايـر شيـن

الله يعطيك العافية
على هذا الاختيار الجميل


وصح لسان شاعرها
وسلمت يمناك
وعساك على القوة

هلابك فاقدة وحياك الله

شاكر لك مرورك الطيب

دمتي بود

رآآآئع يابندر النايف
هذه القصيدة وشيلتها من أفضل ماسمعت في الوجد
معي فالجوال ماتغيب عن أسماعي .
اختياراتك رآآآئعة بروعة بندر النايف
إذا تعرفه سلملي عليه .
دمت بخير ,,,

هلابك يا شاعرنا يا واعي

ومرحبا تراحيب الأمطار

دمت بود

,,,

السلام عليكم ورحمة الله وبركاته


تسلم على الاختيار الحلو

صراحة اول مره اقراها واسمعها

قمممة في الكلمات والمعنى

تسلم اخوي بندر

وعليكم السلام ورحمة الله وبركاته

وحياك الله يا شيهانة

من دواعي سروري تواجدك شكرا لكِ

الله الله يا خالي بندر
رائعة جداً هذه القصيدة
أعجبتني وكررت استماعها
لا هنت يا الذيب

ياهلابك يالبناخي ومرحبا فيك

وشكرا لك مرورك الطيب

وفعلاً القصيدة من أروع ما سمعت ..

دمت بود ..

لله درك يابندر
فعلاً قصيدة جميلة تستحق الرفع من
جديد وفقك الله