سمعة الغربي تنومس كل شدادي

سيف الشلاوى

بعد شعشع منتدى السلطان بأشعاعه=سمـعـة الغـربـي تنـومـس كــل شـــدادي
وأش تورى بعد قلـت السمـع والطاعـه=طاعتـك تنـشـر عـلـى التلـفـاز والــرادي

الغربي

منتدى السلطان نوره ماطفى ساعه=وانـت نـورك يالسنـافـي بينـنـا بــادي
افتخـر دام الخـبـر فــي كــل سمـاعـه=خصني واختصني في خدمة بـلادي

سيف الشلاوى

أنت تسبح في بحور(ن) مالها قاعه=كلهـا مــن شــان تلـقـى لقـمـة الــزادي
والـنـهـايـه حـبـلـهـا فـالـرجــل تـربــاعــه=لاتقـول أنــي ملـكـت العـشـق فـفـوادي

الغربي

عارف(ن) ممشاي في دربي ومرجاعه=واحمـد المولـى حضـوري ماهـو بعـادي
كل خصم(ن) يعترضنـي بكسـر ذراعـه=لـيـن عـقـب النايـفـات إيطـيـح فـالـوادي

سيف الشلاوى

كيف عـارف وأنـت ماساومـت فالباعـه=مسلك(ن) من ذب دربه صار متحادي
الــخـــزى والـــــذل والـطـغـيــان بـأنــواعــه=والحـرار أتشـوم منهـا يـاأبـن الأجــوادي

الغربي

ماحسبـنـا للـزمـان وكـثــرة اوجـاعــه=نعـتـلـي للطـايـلـه مـانـتـبـع الــغــادي
يوم بعض الناس تفقع قلبه الراعه=عايش(ن)عمره دلـع وعنـاد وبـرادي

سيف الشلاوى

الفتـى معطيـه ربــي نفـسـه أوداعــه=وأنت نفسك فالزمن تلزمك بجهادي
مـنـوة الـرجـال فــي قـلـبـه ومـربـاعـه=تستويـلـه لــو تجـنـب كــل حـسـادي

الغربي

التـعـب مـاهـمنـا والـنـفـس طـمـاعـه=والمحيط الاطلسي مايشبه الهادي
يابن شالي بعد فتره تعلن الطاعـه=ميـر هـد الوضـع قبـل ازود عنـادي

سيف الشلاوى

ياأبـن عمـي لا تسايـر نـاس خداعـه=يضلمونك وأنت عايش جوك الهادي
كـل طيـر يبيـن لامــن شـالـو أقنـاعـه=والــحــرار أتــهــد والـشـاهـيـن طــــرادي

الغربي

الـنـشـامـا تـنـعــرف والــنـــاس بـيــاعــه=مير انا اعرف وقت ميقافي ومقعادي
ياعرب سيف الشلاوى بغسل شراعـه=والمطيـه لاعـصـت بالغـصـب تنـقـادي

سيف الشلاوى

الهزايـم فالنـصـر مــن سـبـة أدفـاعـه=شرهة الجمهور تنصى ريس النادي
أبـك أنـا ماهمنـي فالضلـع وأسباعـه=مارختمـهـا بـريــح الـمـسـك والـكــادي

حياكم الله جميعاً

شرفتوا بحضوركم ومتبعتكم

سيف الشلاوى صح السانك

الغربي صح السانك

ماقصرتوا

صحت السنتكم كلكم محاوره ممتعه ونعم فيكم