قصيدة في القبائل

هذه القصيده وجدتها في اوراق قديمه عندي وهي للشاعر كامش محمد وحبيت انقلها لكم طبعا القصيده مدح بكل القبايل لكنها روعه

ياليت للايام مزبن وعنوان = فيها حمى آل سعود هم والصباحي

ياليت للايام نخوات ويلان = والله ماانقل لليالي سلاحي

لوكان للايام فزعات عتبان = ماخطت الدنيا سوالف جراحي

ياليت للايام فزعات مطران = يوم الدخيل بطارف النزل صاحي

لوكان للايام وقفات قحطان = ماهزت الدنيا علي الرماحي

لوكان للايام مدات سبعان = ماطال ليلي فوق كوعي مراحي

لوالليالي تبحر بجود عجمان = مالبست همومي سواد الوشاحي

لوعندها حس التميمي والايمان= ماضاعت ابلي في بعيد المشاحي

من الدواسر لوخذت طيب واحسان = تعلمت كيف الوفاوالسماحي

من حرب لوتاخذ جمايل وعرفان = يمدي جزتنا بالكرم والنصاحي

لومرت بعمري وغامد وزهران = كان الليالي أسفرت بانشراحي

لوتاقف بشمر وشهري وشهران = كان اطلقت سود الليالي سراحي

لوبشكي أيامي على يام نجران = كان اشتعل جمربالخدود ماحي

لوبرمي الغترة على عيال سرحان = والاعلى الاشراف لاشرب قراحي

والاعلى سهول وبقوم وقصمان = كان الأسى منه الخفوق استراحي

والابلى والاعسيري وشمران = والابني حارث بيوم شحاحي

والاالهواجر والسليمي وظفران = والابني عبس وجيه الفلاحي

والابني خالد الى حد عمان = مالاحني من لوح الايام لاحي

قبائل في ديرتي شانهم شان = وأنا افتخر فيهم بعلم مباحي

سلام من قحطانها لين عدنان= عداد ماشعشع شعاع الصباحي

بيض الله وجهك
وصح لسانك
نص فاخر
يدل على شاعر متمكن
لاهنت اخي كامش
وننتظر جديدك
وبالتوفيق

حياك الله أخوي كامش
ونعم بك وبكل قبائل الجزيرة العربية

ما قصرت والله يبيض وجهك
وصح لسان الشاعر اليوم ودوم
ونتطلع للمزيد من المشاركات

ونعم بهم كلبوهم

صح إلســانك شآعرنا

والله يبيض وجهك

لاهنت.