مصافحه اولى " لا..واحسايف"..

تحيه عطره وافيه صافيه تعم الجميع ...
حضرت بينكم للاستفاده منكم ومن ابداعكم وذوقكم ورقي اخلاقكم ...
وحبيت اشارككم ابداعكم واسعى لنقدكم قبل اشادتكم ..
مانا الا اخ يصغركم سناً ويطمح للاستفاده منكم ..
اسال الله ان انال شرف استحسانكم والرقي لذائقتكم ..
اليكم القصيدة ...

ياحظ عين اللي هنـا لـه منامـه=وانا عيوني بعدهـا عافـت النـوم
أتذكـره واذكـر عتبـه وملامـه=وأقول ليت اللي مضى يرجع اليـوم
قولوا لها أني بألف خير وسلامـه=اقضي زماني بين حسرات واهموم
الوقت عندي ساعته مثـل عامـه=ياطول ليل اللي من الحب محـروم
ياللي هجرتي من ملكتـي غرامـه=ماكني الا اللي من الديـد مفطـوم
دامـك نويتـي ياغرامـي فطامـه=ماكان قلتي له وهو فيك موهـوم؟
سلمتك أبقلبـي وسـام الزعامـه=حكمتك ابقلبي مثـل حاكـم الـروم
واليوم عفتي من عطاك احترامـه=لا واحسايف دامني منـك مظلـوم
نهايتـك ماهـي قيـام القيـامـه=با عيش من دونك وفرقاك مقسـوم
نمر بعد وضحى بقى فـي خيامـه=رضى بحكم الله ومن مات مرحـوم
من باعني مانـي بقائـل علامـه=ماني مدور له والا بأكثـر اللـوم
كلن على قولـك يراعـي مقامـه=وانا على الفرقى معي صبر واعزوم
إن عودت عِـزه وكِبـر وكرامـه=الله معك والأمر مقضي ومحسـوم
لاتبتسم ماحدٍ طلبـك ابتسامـه=أرخصت نفسك بعد ماكنت محشـوم
القلب عنك اليـوم يعلـن صيامـه=ماعاد تلزمني والا لي بـك الـزوم
شوفي واشوف اللي يوفي كلامـه=دام الفراق أصبح مقـدر ومحتوم

صح لسانك اخوي هاني
قصيدة جميلة بيض الله وجهك
وتقبل تحياتي

الزنيد .. أهلا وسهلاً بك .. تواجدك بيننا

يسعدنا ويزيد المنتدى الق .. ومصافحتك الاولى

جزلة .. ووافيه وتدل على وجود شاعرية فذه ..

صح لسانك مدد ..وننتظر منك المزيد

يبدو اننا في موعد مع الاثارة والشاعر الجميل مع هاني الزنيد

اتمنى ان تجد بيننا مايسرك وان يطيب لك المقام هنا

صح لسانك وحتى نرى جديدك نبقى على شوق

صح لسانك مليوووووووووون يا هاني

وقصيدة جزلة من شاعر متمكن

حياك الله والمنتدى منتداك

صح لسانك وحياك الله اخي الكريم

قصيدة رااائعه تدل على قدوم شاعر عملاق

كل الود

صح لسانك وبيض الله وجهك

صح لسانك ولاهنت على القصيدة الجزلة
دمت بخير

صح لسانك ولاهنت اخوي
دمت بود

		المشاركة الأصلية بواسطة : من رؤس بنيوس اقتباس
	صح لسانك اخوي هاني قصيدة جميلة بيض الله وجهك وتقبل تحياتي

صح بدنك يالذيب ولاهنت يالغالي ...


جمل الله حالك ووجهك ابيض يالذيب ولاخلا ولاعدم ..


مرورك فخر وشرف يالغالي ..