قم وأترك الشغل فرضك يافتى صله

قم وأترك الشغل فرضك يافتى صله=الفرض إله وقت وأشغالك تناساها
فرضك ترا حبلك اللي يرْبِطِك بالله=جوّد بيمناك حبلك وأوْثق إعْراها
حافظ على الفرض والسِنْه لها مِله=إلها منازل رفيعه كان تبغاها
ركعاتها عشر وإلها زود وأفطن له=أثنا عشر سَـنّها المعصوم سواها
والخير دقه وجله يافتى كله= ثنتين قبل الفجر يذّن ومحلاها
ياسعد رجلٍ حفظها سعد منهن له=له منزله عند ربي فاز بأعلاها
وإن كان تبغى مع الحسنات زودٍله=أحفظ جزيل السوربالليل وأقراها
الله ذكر كل حسنه عشر يبرن له=وزود علاها ميه في سبع تبراها
(يابدر) هاذي وصية وأذهن الزله= وصاك مخلص وأبوك أعطاك سلواها
أحفظ وصاتي وفرضك يافتى صله=عساك ممن يفوز اليوم وأتلاها

ونعم فيه

صح لسان الشاعر

شكرا سعد انتقاء ذا مغزى مفيد

الله يكثر من امثال هالشاعر

والخيـر دقـه وجلـه يافتـى كلـه ...... ثنتين قبل الفجـر يـذّن ومحلاهـا


صح لسان الشاعر وبيض الله وجهك يا سعد ..

شكرا لك .

	أحفظ وصاتي وفرضك يافتى صلـه ...... عساك ممن يفـوز اليـوم وأتلاهـا صح السان الشاعر وشكرا ياسعد على النقل

اي والله كل شي الا الصلاة .. هكذا يصبح الشعر اروع ...

صح لسان الشاعر وجزاه الف خير

على القصيده والنصيحه الرااائعه

صح لسان الشاعروسلمت على النقل الرائع
الصلاة الصلاة وماملكت أيمانكم هذه من وصايا النبي صلى الله عليه وسلم
الاعمال سوف تنقضي وتتسهل على الشخص بعد صلاته
كنا في قسم المحاسبه لاحد الوحدات العسكريه وكان مطلوب علينا الحضور قبل صلاة
الفج لانها مطلوبه في أقرب وقت ممكن أتينا قبل الصلاة وسبحان الله كأننا لانعرف
شي وهذا الكلام قبل الصلاة بنصف ساعه وعندما أقيمت الصلاة وصلينا وعدنا للعمل كأن الغشاوة وعدم الفهم إنزاحت فسهل الله علينا.........
حبيت أذكر ماحصل للعظه ومشكوراخي سعد على هذا الموضوع