نبع المحبة

بسم الله الرحمن الرحيم
الأخوة الغالين جدا على قلبي أنا لي رجاء أن تقبلوا عذري
عن غيابي ولأنني لا أريد أن أذكر أسباب غيابي عنكم
لا مانع من ذكر القليل جدا جدا جدا في هذه الأبيات
وفيها أعتذار لمن يعزون علي ويهمني أمرهم
لكم مني كل المعزه والتقدير الذي لا يخالطه النفاق
ولا تشوبه الشوائب
وأنتم ذخري وسندي وأقول أحفروا لي قبر في هذا المنتدى
وأدفنوني في أحد زواياه قد أكون في قراري السابق
أطمح لراحة البال عن بعض الأمور لكن زادت المعاناة
بحبكم وحب من سأل عني وأتصلوا ولم يعد لي خيار
إلا الرضوخ لهذا الإهتمام الذي لا جزاء له مني
إلا أن أكون تحت أمره
هذه الأبيات مجرد تنفيس فأعذروني

أخترت من نبع المحبه ما يلي = وأرسلتها رد الوفا لأهل الوفا
سلام يا شوق المكان المعتلي = الشاهد الله ما نويت لكم جفا
وأقول يا السلطان لا تشره علي = حدتني الضيقه وما عنكم خفا
وبعض العلوم تضيّق صدور الخلي = وأن كنت مخطي لا تعاتبي بـفا
صبرت مير الصبر زاد وصار لي = من زايد الضيقه دخل قلبي حفا
وماني بخبل ولا يقيمني طلي = وأرفع مقامي عن خفافيش الخفا
وودي أقدر واحد غالي علي = اللي حضوره عن شراويهم كفا
سلطان أبو فيصل رفيع المنزلي = اللي طرف كمه على غيره ضفا
قرم وكريم ولا يحالي له حلي = ولا يعجبه هرج المهبّل فالقفا
قرم ولد قرم وعلومه تذهلي = وأثقل على الحاسد من جبال الشفا
يا ربع عذري دونكم قدم عملي = طار الكرى بعد المفارق والدفا
وشلون ما اغلي عزوةً ربع وهلي = وشلون وانا لأجلهم قلبي عفا
عن عالم تغتاب فيما تجهلي = يالله تشيل الهافيه واللي هفا
يالله طلبتك وانت لي نعم الولي = من صان وجهه نور وجهه ما طفا
وبالمختصر بعد الغياب وما يلي = يا المنتدى( الغايب من الغيبه لفا)
وعن القرار الأولِ جاء يعدلي = والقلب باللي فيه يا اصحابي صفا

للتعديل فقط

زعيم الحب

الحمد لله على سلامة العوده

ومهما كانت الأسباب ..

هذا منتداك وبيتك .. وصح لسانك

عل هذه الدره المحبوكه حبك ...

كل الود .. والمتابعه .. والاعجاب !!

		المشاركة الأصلية بواسطة : سعود سليمان الحارثي اقتباس
	الحمد لله على سلامة العوده ومهما كانت الأسباب .. هذا منتداك وبيتك .. وصح لسانك عل هذه الدره المحبوكه حبك ... كل الود .. والمتابعه .. والاعجاب !!

الله يسلمك يابو سليمان

وصدقت في كلامك هذا منتدانا

وما لنا غنا عنه

بس احيانا احتاج لراحة البال

صح بدنك

وانا والله اني اعزك

وتشرفني بمتابعتك واهتمامك

يـامـرحبـا ياراعي الوجه الجلي = يـامـشـعـل نـوره يـشــع ولاطـفا
يـاعـد يـاصـافي عـذيب المنهلي = نـفـرح لـيـا جـانـا كـمـاك وشرفا
السلطان قال ارحب وحنانكملي = انصـفـت من نـفسك وحنـا ننصفا
ابشربنا في وقـت ماحات الدلي = درع على صدرك ودرع في القفا

مرحبا مليون بالاخ الفاضل زعيم الحب عودتك اسعدتنا الله يسعد ايامك
اخ غالي ورجعت الى اهلك وبيتك حيّاك الله وحيّا عودتك ايها الزعيم الغالي
وتقبل تحياتي

		المشاركة الأصلية بواسطة : من رؤس بنيوس اقتباس
	يـامـرحبـا ياراعي الوجه الجلي = يـامـشـعـل نـوره يـشــع ولاطـفا يـاعـد يـاصـافي عـذيب المنهلي = نـفـرح لـيـا جـانـا كـمـاك وشرفا السلطان قال ارحب وحنانكملي = انصـفـت من نـفسك وحنـا ننصفا ابشربنا في وقـت ماحات الدلي = درع على صدرك ودرع في القفا مرحبا مليون بالاخ الفاضل زعيم الحب عودتك اسعدتنا الله يسعد ايامك اخ غالي ورجعت الى اهلك وبيتك حيّاك الله وحيّا عودتك ايها الزعيم الغالي وتقبل تحياتي

لك البقى ياشاعرنا

وامثالك يدل عليهم كلامهم

وطيب معدنهم

وانا طلعت من محلي
وانا اخوك
ورجعت له

ويشرفني شاعر مثلك يرحب

في بهذه الابيات الرائعه

كل الاحترام لـ شخصك
الكريم

زعيم الحب

الله يحييك يالغالي في منتداك

وصح لسانك وبيض الله وجهك

ولا عليك من احد يابو نفل

لكن لاعادي تطري علينا الغياب يالغالي

تقبل مروري الغربي

:؛:



صح لسانك وعلا شانكـ ..

ابيات تنبض بالوفاء الغير مستغرب منك ..

سعداء جدا بعودتك اخوي الزعيم ..

ماننحرم من تواصلك ..




:؛:

صح لسااانك يالزعيم


وسلمت يمناااك


شااعر مبحر


المنتدى منتداااك


اسعدتنا بعودتك ,, واتحفتنا بروائع كلامك


لك كل الشكر



وادامك الله لنا

وودي أقدر واحـد غالـي علـي=اللي حضوره عن شراويهـم كفـا
سلطان أبو فيصل رفيع المنزلـي=اللي طرف كمه على غيره ضفـا
قرم وكريم ولا يحالي لـه حلـي=ولا يعجبه هـرج المهبّـل فالقفـا
قرم ولد قـرم وعلومـه تذهلـي=وأثقل على الحاسد من جبال الشفـا

ماعليك زود يا زعيم ... ولا اغلا من القصيده الا شاعرها

صح لسانك .. حضور مميز كالعاده ..

اهلا بك معنا من جديد .. وشكرا لك بقدر محبتك في قلوبنا .