يا فكرة الشاعر وقافه ومعناه

يافكرة الشاعر وقافه ومعناه =يامترفه يامبدعه في القصيده
مافيه حرف ينصفك مانطقها=كل الحروف تقول هذي بعيده
معاك كل احساس شعري دفناه =لانك نهر نابع وحاجه فريده
معاك احس بهزل وصفي ولا اقراه=للو ان فيك اجزل قصيده جديده
في كل يوم اسوي البيت وانخاه=واهز شعري وانهمه واستعيده
انا هجوسي فالشعر ملحق اقصاه=لاكن من زود الحذر دوم ازيده
لي بيت فيك اموت يابنت مانساه =في خاطري كمله سنين عديده
في داخلي ساسه وعزه ومبناه =خلى مشاعر شاعرك عالحديده
انتي لك العزه ولك مني الجاه =يا كامله يا كايده يا مجيده
هالبيت تعجز صيغته لاكتبناه =ولافيه حرف من الهجا لك يفيده
لوان بيتي ينرسم لك رسمناه=وتشوف منظر لوحه الشعر بيده
لاكنها موجودة في ذاكرته وخلاياه=و مثبته في الراس وايضا شديده
واخر كلامي كم قصيد ختمناه =ختم يقفل جزء من ذاالقصيده
في خاطري اجزء كبير هنياه =في وسط صدري كاتمه في وريده
باقي جزء من جزء شاعرك ما انهاه=باقي لها باقي صفات حميده

خوي الشاعرفاتك حضوري فيه بيت ماقدرت اقراه من ناحية الوزن اللي في البيت الثاني عشر
تقول انت فيه
لاكنها موجودة في ذاكرته وخلاياه
ومثبته في الراس وايضا شديدة


لوقلت كذا
لكنهـــا مـــوجودة فــــي خـــلاياه
ومثــبته في الراس وايضا شديدة

في ذاكرته هنا الكلمه زادت على الكلمات الباقيه وصح السانك مبدع للغايه

شاعرنا
فاتك حضوري
رائعه القصيدة
الله الله

ابداعت شاعرنا
يافكرة الشاعر وقافه ومعناة
رووعه
تسلم ابن نايش
قصايدك روعه
كل قصيدة اجمل من الاخر
دائما تاتي بالجديد المميز ونطمع بالمزيد
من قصايد
لاخلا ولاعدم شكري وتقديري

صح لسانك
ولا هنت أخوي
كل الشكر والتقدير

ارحب يابو نايش منور يا الامير وصح لسانك حتى ترضى لاكن انتبه للاخطاء الاملائيه والله يسعدك

صحة ابدانكم جميع والكامل الله وشكرا لكم ولمروركم الكريم

بيض الله وجهك يا شاعرنا العزيز
ابن نايش
ولا هنت ولا هان غاليك
على طيب تواصلك معنا بكل جديد ومميز

صح بدنك اخي السلطان وشكرا لك ولمرورك الكريم

قصيده رائعه صح لسانك
الله يحفظه