راكب اللي دفعها خلفي وامام

راكب اللي دفعها خلفي وامام
ماتطيح ان جيت لك برض خلي

الدبل في بطنها مثل الزمام
في هنوف اصلها اصل بدوي

ساتره في وجهها الابيض لثام
حظ منهو بالحلال ابها روي

جيب لكزز في المعارض مايسام
من غلاه الي كوا المغرم كوي

مالكه منهو جنا ماله حرام
يعشقه لانه على المسرا قوي

ان مسك به خط والله مايضام
وان بغاها بر خطه مستوي

يمسح الطبلون كنه تو قام
مثل نجم في سما العال يهوي

منوة اللي له ليالي ماينام
من قرابيع طوة كبدي طوي

الاديتر لاعبن فيه الحام
والحراه شاوية رجله شوي

فوقها له ضنتي عشرين عام
وخشمها من دون صدمه ملتوي

مايطيب خاطري فيه الكلامً
شوفته فالخط تزويني زوي

كل مامريته ارد السلام
محزم مليان في الخط وخوي

واخر الاقوال مني و الختام
يرزق الله من يشاء ويهتوي

صصح لسانك فاتكك "
لاخلا ولاعدم يارب ،

صحة ابدانك وشكرا لك ولمرورك الكريم والجميل اخت سوكراً

ارحب ويا هلا بك يا شاعرنا العزيز
والعذب المتميز أبو نايش
ولا هنت وبيض الله وجهك وصح لسانك

سلمت وصح لسانك
ولا هنت وبيض الله وجهك
شاعر مبدع ومتميز

صحة ابدانكم جميع وشكرا لكم ولمروركم الجميل