آخر 10 مشاركات |
مختارات | قالَ كَارليل: أعْظمُ خطأ أَنْ تَرى نَفْسَكَ مُنزَّهاً عن الخَطَأِ |
مواضيع ننصح بقراءتها |
|
||||||||||||||||||
رد ابن جربان على قصيدة ابو عيد في زواج خالد بن نوار
بسم الله الرحمن الرحيم هذه القصيده قيلت في زواج اخونا خالد بن نوار بن نايش الحارثي من قبل كلاً من : 1 عيد بن مسلط بن سيف الحارثي 2 علي بن عويض الحارثي 3 محمــد بن عــــــــويض الحارثي 4 دخيل الله بن هلال الحارثي 5 صنات بن عــــــــــويض الحارثي 6 عبيــــد بن سلطـــــــان الحارثي 7 سفـــــر بن شــــــــــارع الحارثي 8 فيحـــــــــان بن سريان الحارثي 9 عايــــــــــض بن زايــــــد الحارثي 10 محماس بن ســــودان الحارثي 11 زيــــــــاد بن عيـــــــد الحارثي بيض الله وجيهكم وماقصرتوا وحضوركم شرف لنا شرفتونا بزواج اخونا خالد والعاقبه لكم بالافراح ان شاءالله سلام ياللي واف ِ في معانيه = من روس ربع ِ يعرفون السلومي ياطيب وقفاته ومطيب مباديه = عساه يسلم من جميع الهمومي كل العرب تفرح ليا حل طاريه = هذاك ابو خالد قوي العزومي ابوه في علوم النشاما موصيه = مروي بعد نجر يسد اللزومي وليا دعانا واجبه مانخليه = ما يترك الماجوب غير الرخومي والله لو انه من وراء البحر لنجيه = نجيه لو دونه بحورِ تعومي اللي مثل مروي نحبه ونغليه = واخوه خالد جعل عمره يدومي الله من اسباب المقادير ينجيه = ونقوله مبروك في كل يومي تم الرد على القصيده اعلاه من قبل ابن عم العريس ( ابن جربان ) نيابه عن ابن عمه مروي بن نجر الحارثي يا مرحبا بالقاف واللي مسويه = ويا مرحبا ً بالصيرمي الجزومي اكرر الترحيب واعيد واثنيه = ترحيبة ٍ تثنى لربع ٍ قرومي يا مرحبا باللي لفاء يوم ندعيه = ترفع له البيضاء بعال الرجومي انا افتخر في مثلهم يوم اخاويه = هم عزوتي من روس ربعي وقومي ربعي بني شداد كم خصم تكويه = لا جاء لعج الخيل مثل الغيومي صويبهم يبطي وربعه تداويه = اليا تعلو كل قبا ً قحومي لا شفت واحدهم ارحب واحييه = وافز من مركاي لا اجله واقومي واسوي الفنجال الاشقر وقهويه = للحر ما قهويت انا كل بومي لان الردي ماله على مشاريه = ماله مع الاجواد ذكر وعلومي واختامها يامن لفاء الله يحييه = ونقدم الضيفه لكل محشومي واعذورنا ان حصل منا قصور ولا هنتم وبيض الله وجيهكم
التعديل الأخير تم بواسطة ابن جربان ; 01 Jul 2007 الساعة 11:56 PM
|
02 Jul 2007, 12:00 AM | [ 2 ] | ||||||
|
بيض الله وجيهم في تشريفهم حفل بن عمهم ولاهي غريبه على الرجال اللي مثلهم وشرواهم وخالد وخوانه اهل علومً غانمه وهل العلوم الغانمه يستاهلون كل خير وصح لسان الشاعر ابو عيد وبيض الله وجه بن جربان على الرد |
||||||
|
|||||||
02 Jul 2007, 12:06 AM | [ 3 ] | ||||||||
شاعر
|
لاهنت يابو متعب وأنت الخير والبركه وبيض الله وجهك على ما قمت به في حفل اعيال عمك وهاذي ماهي بغريبه على الرجال الكبار مثلك ونفتخر بهكم بين الرجال وتنومسون بذكركم الطيب والله يعطيكم العافيه ولاهنتم |
||||||||
02 Jul 2007, 01:27 AM | [ 4 ] | |||||||
عضو متميز
|
يستاهلون ألاد شدّاد العلوم الغانمة ولا هي غريبه عليهم بيض الله وجيهم وصح لسانك يابن جربان وصح لسان ابو عيد وعساكم ع القوة. |
|||||||
|
||||||||
02 Jul 2007, 12:06 PM | [ 5 ] | ||||||||
مؤسس شبكة الشدادين
|
يا هلا والله بشاعرنا ابن جربان القصيدة لعمي عبيد بن سلطان ( أبو عيد ) وكنت أتمنى الحضور ومقابلتك بعد ما ذكر لي إنك حضرت يا ابن جربان لكن الظروف ما جت على الكيف .. وحضور عيال العم عند عيال عمهم واجب وتشريفهم لازم وبيض الله وجيه كل من جاء وشرف وبيض الله وجه شعارنا الكبار |
||||||||
|
|||||||||
02 Jul 2007, 03:06 PM | [ 6 ] | |||||||
|
والله ونعم الرجال... ونعم الشعار.. ونعم القبيله.. ماعندي تعليق الا أني اقول لك يكفيني تشريف وقوفي على متصفحك وقراءة القصيدتين.. وأسماء الرجال الكرام.. كل الود |
|||||||
|
||||||||
02 Jul 2007, 03:20 PM | [ 7 ] | |||||||
نائب المشرف العام
|
والله والنعم بالجميع صح لسانك ولسان ابو عيد قصايد جزله من شعار كبار كل الود |
|||||||
|
||||||||
03 Jul 2007, 01:52 AM | [ 8 ] | ||||||||
شاعر
|
صح لسانك يابن جربان ولاهي غريبه عليك أخوك فارس |
||||||||
04 Jul 2007, 12:18 AM | [ 9 ] | |||||||
شاعر
|
ونعم بأبو عيد ونعم بك يا خال صحت ألسنتكم |
|||||||
04 Jul 2007, 04:54 AM | [ 10 ] | ||||||||
شاعر
|
صح لسانك يابوي وصح لسانك يابن جربان
قصايد جزله من شعرا كبار ومعروفين ويستاهل مروي بن نجر كل العلوم الغانمه تقبلو تحياتي الغربي |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الف مبروك زواج فهد بن نوار | مجدي الشدادي | أخبار الشدادين | 17 | 08 Oct 2010 02:32 AM |
قصيدة وردها مع الشاعر حمود بن جربان | فيصل بن مهرس | بحور القوافي | 10 | 04 Dec 2009 04:09 PM |
قصيدة الإعتذار من الاد جربان | فيصل بن مهرس | بحور القوافي | 9 | 04 Jun 2009 06:52 PM |
رد بن جربان على قصيدة بن مهرس في مدح الجرابين | ابن جربان | بحور القوافي | 27 | 19 Apr 2009 10:31 AM |
زواج الاخ : نوار بن منير الشدادي | شــاهر | أخبار الشدادين | 8 | 27 Feb 2009 01:13 PM |
|