مجنونتي .. جابر بن هايف

جابر بن هآيف العتيبي

شاعر نزف نخآع الشعر بـ قوة فكر و حنكه و جزآلته المتفرده لا يتقنهآ سوى جآبر القصيد

مـجـنـونتي وش عاد باقي ماكتبته وأكتبه=وأنـا الـخليط اللي مزج بيت الشعر تجاربه
كـل شـي قلته يوم قالوا أعذبه في .. أكذبه=بس أنتي أدرى أبأكذبي في عذبنا وش صاربه
حـاولت أصيغ من الأدب فكره وماهي مأدبه=كـنـت أتـمنى العولمه تلغي جهل وتحاربه

أشـرب خيال اللي قراني من فضوله وأسكبه=والـشـاعـر اللي ماحفر مخ المتابع عار به
وإذا أبـتـلـشـنـا بالغبي نحاول إنا ندربه=حـتـى يكون المقتدر على إن يحطم مار به
لو كنت أدري عن جحا ومسماره اللي معذبه=بـعـطي جحا جدارنا اللي حط له مسمار به
بـالـعـمـق دايم شي أكثر لو الأكثر ترغبه=والـلي يغوص البحر يدري ويش هالمحار به
الأخـتـراع اللي نجح وش كان لولا التجربه=والـتجربه أستخرجت من حاجه جت iiمتقاربه
أقـرب مـثال / الساعه بيدك ليه فيها عقربه=لأن الـوقـت إن مـاذبـحته تذبحك عقاربه
وحـنـا ذبحنا الوقت وننفظ في غبار المكتبه=بـعـقـولنا كم عنكبوت يمين به ويسار iiبه
مـن الـفـشـل نقول للي مجتهد في مطلبه=كـم طـار طير ٍ وأرتفع وطاح باللي طار به
لـكـن أنا مادمت شاعر وأنتي فيني معجبه=والله لـخـلـي بـارد الأحساس كل النار به
شـاعـرك يـرسم بالقصايد من حياته أغلبه=أنـتـي وحزنه والضياع وش هو محتار به
الـشـعر لو هو موهبه الرسم برضو موهبه=والله خـلق فيني مواهب مع بعض متضاربه
أكـتب بحرف ٍ أبجدي مهووس ولا تستغربه=وأرسـم على فخذ المسا زنديق يفتل شاربه
مـجـنـونتي أنا الأديب اللي ضلوعك كوكبه=ولا يـخـاف بـيـوم حبك لو كبر ينهار به
أنـا الأديـب الـلي نشّب كل بنطلونه بكعبه=فـي حـلمي اللي جابك وفزيت من ما داربه
نـصفك سلبته وأكثرك عجزت أطوله وأسلبه=أبـيـك كـلك بس الأجمل كان الأختصار به
لـو الـحـظوظ مع البشر وكل محب أتقربه=جـف الـبـحر حين يضع موعد لقانا قاربه
حـظي وأعرفه منسدح ياليت يوقف ع ركبه=مـاكـنت أفقد الأمل في حظنك لوهي خاربه
لـكـن كـذا ونـبـقى كذا متابعه لما أكتبه=ويـحـول بـين أحلامنا بعد ٍ بنى الأقدار به

الله عليك يارسآم ..
إختيآر ذوق وفي القمة ..
صح لسان قايلها وسلمت يمينك على النقل المميز ..

رسام
تشكر على انتقاءك بعنايه للقصيد الجزل

كلمات تفوق الوصف
سلم لنا اختيارك الراقي

تسلم يمينك يارسام


لاهنت على الانتقاءالراااااقي


تحياتي ليك

		المشاركة الأصلية بواسطة : السارية اقتباس
	الله عليك يارسآم .. إختيآر ذوق وفي القمة .. صح لسان قايلها وسلمت يمينك على النقل المميز ..

مرحباً يا السآرية

سلم غاليكِ و مغليكِ من كلّ شر , شكراً لـ حضوركِ العذب




.
.
/

		المشاركة الأصلية بواسطة : خيال الشدادين اقتباس
	رسام تشكر على انتقاءك بعنايه للقصيد الجزل

أرحب يا أبو مشعل

تشكر على حضورك و ردك الجزل


.
.
/

		المشاركة الأصلية بواسطة : غـــــــــــلا اقتباس
	كلمات تفوق الوصف سلم لنا اختيارك الراقي

سلم غاليكِ و مغليكِ من كلّ بأس

شكراً لـ حضوركِ العطر


.
.
/

		المشاركة الأصلية بواسطة : بحر القوافي اقتباس
	تسلم يمينك يارسام لاهنت على الانتقاءالراااااقي تحياتي ليك

مرحب بيك

سلم قلبك و روحك يا بعدي

لآهآن غاليك و مغليك


شكراً لـ حضورك المعطر بـ المرح


.
.
/

		المشاركة الأصلية بواسطة : اقتباس
	شاعـرك يرسـم بالقصايـد مـن حيـاتـه أغلـبـه أنتـي وحزنـه والضيـاع وش هـو محـتـار بــه

أليمه وبقوه


رسام لاهنت عالأختيار تسلم يمينك