(ساعة الفرقا) الى اللقاء مع التحيه

مـجـمـوع الأوسـمـة · توقيع : حطاب ليل

الاخوه الاعزاء اعضاء منتديات الشدادين والقائمين عليها
اسعدالله مسائكم بكل خير
اطرح امام انضاركم هذه الابيات المتواضعه راجيا ان تحوز على رضاكم

الغياب الي تمركز في مساحات الشعور =علم النفس الحضور ابغيبته واعماها
يستفزه كل طاري لانواله باالمرور=بعد يتثاقل سوالفنا وهو مااطراها
عايرتنا ساعة الفرقا ثواني للعبور=خارج اسوار التلاقي قبل ماننعاها
كل ساعة ونس تجمعنا على حب وقدور=اصبحت ذكرى جميله ننعم ابذكراها
اجتمعنا في محيط الا شعور وباالشعور=وافترقنا كم جمعناها وفرقناها.
جمعتنا كلمت الحب وتسامت باالصدور=وافترقنا ليه والدنيا على مركاها
قبل مانقضي على الفرقى وهي بين السطور=انتضرنا لين يطفو في الوطا فحواها
المحبه فرض ماتقبل من الخلان بور=والوجيه اتعرف المقفي بما يعناها
ليه هانت ياصديق العمر عشرتنا دهور=واصبحت في مستوى عطني وانا ملقاها
وانت الاول كيف الاول صار يقصرها شبور=ماهقيت المخطيه ترميك في مرماها
وابجديات النفوس تلف واحيانا تدور=لين تجتاح الحياه وتقتحم مبداها
كنت اضن القول يبقى في مساحاته نحور=يحتفض للمفرده باالصوت لاغناها
مادريت ان الملامح فارغه واعيون عور=وابتسامه تفتقد للصدق في معناها
ماعلى الدنيا حسوف ان كان ماخذك الغرور=لاتغرك كم وقفناها وكم طحناها
كل هاالدنيا مرور ان كان تعرف شاالمرور=وفاالنهايه متر يحوينا لامترناها