وقت الشقا

هذي القصيدة للشاعر/ عمر بن علي بن منير الصلاخي الحارثي
بعنوان/ "" وقت الشقا ""

ليه ياوقت الشقا والعنا تبحث خفاي=ماكفاك اللي حصل يازماني ما كفا
كل مامنيت نفسي يخالفني مناي=لاهنا بالي والا الجفن في نومه غفا
والتوجد والتنهات والعبره جداي=والهموم بداخل الصدر ياناس حلفا
والمصيبه يازمن فاقدن نص اصدقاي=لاعطيت الرجل وجهي يعرضني القفا
ماتوقعت يتناسون طيبي مع وفاي=ولاتوقعت الهجر والخيانه والجفا
والله اني حافظٍ هيبتي مع مستواي=ولا عليه لو زماني تكدر ماصفا
اجزي الطيب على الطيب واكفيهم رداي=وطيب مجنايه نحته على صم الصفا
دايم الجزله يرفرف علمها في سماي=الكرم والطيب والجود رابعها الوفا
اكتشفت الهجر والغدر في نص زملاي=واتضح ماكان مستور واللي فالخفا
سامح الله طيبتي والله ان يحسن عزاي=في خوي اعطيه طيب ويجازيني جفا

الله الله
يا أبو عبيد

قصيدة قمة في الروعة والجمال
لا هنت على نقلها لنا
ولا هان الشاعر أبو علي
وصح لسانه ملايين

قصيدة رائعة
لاهنت أخوي على الايراد
شكري وتقديري

صح لسانك ، ولاهنت ع القصيدة
شكرا لك

صح بدنك يايوعبدالله ولاهنت على المرور.

صح لسان الشاعر
وسلمت يداك يالذيب
....

قصيدة رائعة وَ شكراً لك ..



.........................................

صح لسان شاعرها
ولاهنت يا صعوط على نقلها
تقبل مروري