آخر 10 مشاركات |
مختارات | مَنْ جَعَلَ نفسَه عظمًا أكَلته الكِلاب |
|
||||||||||||||||||
فرحت لك .. مشعان البراق
فرحت لك .. وأنا معاليقي حطام=والصدر .. من ما فيه بيّح كنينه فرحة يتيم ٍ .. ليلة العيد ما نام !=خالاته , وخواله .. مواعدينه مواعدينه بشت .. وشماغ بسّام=ويلّعبونه .. في ملاهي المدينه مانام .. واحلامه تحّراه قدام=كنه يطول أحلامه بـ ( راحتينه ) ! صبحه تجّلا نوره بـ / عيد الاسلام=وقبل يروح المسجد : ملّبسينه جده ما بين العين والجيم واللام=خلّيه يافلانه .. ولا تأخرينه ! تراقبه بـ / عيونها .. حب وهيام=وعيونها .. ممّا تكنّه / حزينه "يعرض لها الماضي مثل عرض الافلام "=لـ .. ماضي ابوه وغلاه وحنينه يرجيه لـ ( سنين القسا ) درع وحزام=وجنب ٍ على صكات بقعا يعينه ابو ثلاث أعوام .. والا 4 أعوام=يغار منه البدر .. من كثر زينه صلّى وجاء وأمر الله اللي قضى تآم=ماهوب داري عنه .. زينه وشينه بشته عليه .. مهندم ٍ خير هندام=واللي بـ / عمره .. كلهم محترينه يوم اطلعوا للشارع انقسموا أقسام=وأهم مافي القصه ؟ ملّعبينه تداعب رموشه .. ذعاذيع الانسام=ويابردها .. يوم آيبست شفّتينه وعلى تراب الأرض بأصبعه رسّام=أما رسم له طير .. والا سفينه العيد طعمه كان في الشارع العّام=ماهوب عن رغباته .. مقيدينه رجع ولكن فرحته ضايعه ( دام :=كل ٍ مشى ) وأخذ ولده بـ / يمينه صاروا خواله في نظر عينه اصنام=آحيوا بـ .. داخله الجروح الدفينه ولا عنده الا أمه وناب القهر سّام=جاها يبي منها اليدين الأمينه شعوره اللي حس به مثل الإلهام=وأول سؤال في باله : أبوي وينه ؟ سؤال : لكن كان مثل النبا الهّام=لازال باقي في المسامع .. رنينه جته تعدي , ماهو تخّطي بالاقدام=وشالته بيديها .. وحبّت جبينه أبوك : جاء البارح وقبل الفجر قام=وشرى لك ألعاب , وهدايا ً ثمينه تراه حبّك وأنت غارق في الاحلام=وراح لـ .. دوامه , والشغل مرسلينه لحظه .. وهو بين الحقايق والأوهام=والدمع الازرق حاير فـ .. مقلتينه يمّه : ترى مانمت والعالم نيام=ماجاء .. ولا لمست يديني / يدينه مدام رقمه معك من بين الارقام=بـ .. أكلمه , يوم إنك تكلمينه ! طاحت ما كن آلها من الصدمه عظام=ولاعاد فيها صبر .. ولا سكينه قالت بدون شعور وإدراك وإلمام=أبوك ! في تراب القبر دافنينه العام مات .. ومتّ من موته العام=وكني بعد مامات عني سجينه أبوك جندي للوطن ضد الإجرام=عطاك عمره دون داره ودينه تفجّرت من تحت رجلينه ألغام=ولاعاد لي بعده حصون ٍ حصينه بكّت .. وطاح الدمع من حر الآلآم=وبكى وطاح الكون من موق عينه كل ٍ عذلها .. بين عاتب ولوّام=تصّبري .. خلي ضلوعك متينه ماهو صحيح ان الضروره لها احكام=اكبر خطاء يوم إنك تعلمينه بكره تنسّيه الليالي والايام=هو فيه أحد ينسى حدا والدينه ؟ طير السعد في عالمه مابعد حام=والله يعلم وش تخبي سنينه أنا كذا ! ساكت وصابر ومنضام=لكن كان الفرق بيني وبينه : الدمع لـ .. عيون الأرامل والايتام=ودمع الرجل ذل وهوان وغبينه !
|
25 Oct 2012, 04:03 AM | [ 2 ] | |||||||
|
رد: فرحت لك .. مشعان البراق
.
. رآئعَّة بِقدَّر الألَّم وَ آلحُزنْ هُنآ ذآئِقَّة أَنيِقَّة ، وَ مُعآنِقَّة لـِ/ آلغَمآمْ صَّح الله لسَّآن آلبرآَّقْ وَ لآ هآنتِ يمينُكَ |
|||||||
25 Oct 2012, 04:25 AM | [ 3 ] | ||||||||
عضو متميز
|
رد: فرحت لك .. مشعان البراق
,’ أهلاً ساره أهلاً بـ حضوركِ الصاخب , و شكراً عظيمه لآهان غاليكِ و مغليكِ ,’ |
||||||||
25 Oct 2012, 06:35 PM | [ 4 ] | |||||||
|
رد: فرحت لك .. مشعان البراق
بقدر مَاهي مؤلمَة كانت أبيَات جميلة جداً . شُكرا لإنتقاءك الجميل يَا عادلْ وَ كل عام وَ أنت بخير . |
|||||||
|
||||||||
25 Oct 2012, 06:45 PM | [ 5 ] | ||||||||
عضو متميز
|
رد: فرحت لك .. مشعان البراق
أهلاً سحاب و أهلاً بـِ هطول غيث أحرفك شكرٌ لا يفنى لكِ و لِـ حضوركِ و و أنتِ بخير : ) ,’ |
||||||||
02 Nov 2012, 08:28 PM | [ 6 ] | ||||||||
عضوة متميزة
|
رد: فرحت لك .. مشعان البراق
جداً رائعه بارك الله فيك.. |
||||||||
|
|||||||||
02 Nov 2012, 10:32 PM | [ 7 ] | |||||||
عضوة متميزة
|
رد: فرحت لك .. مشعان البراق
إختيار ذوق ي عادل تقبل مروري ......................... |
|||||||
|
||||||||
02 Nov 2012, 10:57 PM | [ 8 ] | ||||||||
|
رد: فرحت لك .. مشعان البراق
قصيدة حزينة حيل الله يكون بعون الأرامل والأيتام مشكور أخوي عادل ولاهنت |
||||||||
|
|||||||||
03 Nov 2012, 12:02 AM | [ 9 ] | |||||||
|
رد: فرحت لك .. مشعان البراق
قصيده راااائعه لاهنت على طرحهاااااا ,,,,,,,,,,,,, |
|||||||
|
||||||||
03 Nov 2012, 01:53 PM | [ 10 ] | ||||||||||||||||||||||||||||
عضو متميز
|
رد: فرحت لك .. مشعان البراق
جداً أهلاً : ) و شكراً لكِ الحضور , يسعدك ربي : ) ,’ |
||||||||||||||||||||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|