|
|||||||||||||||||
غزوة الشدادين على البقوم ( قصة وقصيدة )
السلام عليكم والرحمة الله وبركاته هذي احد بطولات الشدادين مع البقوم وكانت بداية هذه القصه ان قبيلة البقوم غزو الشدادين في ديارهم مع الغبشه اي مع الفجريه بدون علم الشدادين وصارت الكسيره على الشدادين وبعد انتهاء المعركة اخذ صانع بن جرشان يتمثل بأبيات شعريه لا يحضرني منها بيت واحد وكانت هذه المعركة في عهد شرار بن مهرس فا اقسم على ان يردها على البقوم رده مريره وقام بغزو البقوم وهجدهم في الليل وكانت قبيلة البقوم تتحسب لهجوم من الشدادين ووقعت المعركة في تربه باانتصار الشدادين على البقوم واجلاهم من تربه حتى منطقة الصوان الواقع في ديار السبيع وبعد مادخلو حدود قبيلة سبيع كفوا فرسان الشدادين عنهم لان كان هناك احترام لحدود القبائل الاخرى . وتمثل شاعر الشدادين ضفيدع البصيصي الشدادي بقصيده طويله لم يحضرني منها الا ابيات قليله معبر عن فرحته بالانتصار المرير على قبيلة البقوم . يقول :
لي فاطر ترعى حيا ريحان = من يم الخوف ماحد ردها ياما حدينكم على الصوان = والشلف نروي حـدها تحسب (ن) الحرب يا ذقنان=مثل الفيس يوم تحدها ( حيا ريحان ) وادي موجود في ديرة البقوم . ( الصوان ) منطقة كلها حزوم في ديار السبعان . ( تحسب الحرب ياذقنان ) يقصد صانع بن جرشان يوم يعبر عن فرحته التي لم تتم وكان الامير شرار بن مهرس يمشي في تربه ويشيل ( المعاويد ) وهيه السواني التي تخرج الماء من البير ويشيل في حلالهم ويعتزي ويقول ( خيّال البواضا شرار ) وهذي قصه حقيقيه وواقعه دمتم سالمين
التعديل الأخير تم بواسطة ابن مهرس ; 27 Apr 2007 الساعة 02:51 PM
|
27 Apr 2007, 03:04 PM | [ 2 ] | ||||||||
مؤسس شبكة الشدادين
|
حياك الله أخوي أهل العنان ورحم الله أمواتنا وأموات المسلمين وتغمدهم بواسع رحمته هذا مجد من أمجاد الشدادين الكثيرة أتمنى من مشرفنا ابن مهرس الحضور والتعليق على القصة وإذا لديه إضافة أو تعديل أن لا يقصر علينا ألف شكر لك أخوي |
||||||||
|
|||||||||
27 Apr 2007, 03:12 PM | [ 3 ] | |||||||
شاعر
|
بيض الله وجهك يابن العم وماقصرت وهذي فعول الرجال منول تاخذها وتعطيها وأحب أضيف بأن صانع ابن جرشان كان يتغنى بهذه الأبيات:
مرة ضفيدع توكل الورعان = لاواخسارة كدها وبعد أن صبحوا الشدادين البقوم وأنتصروا الشدادين رد الشاعر ضفيدع ابن هميل الشدادي هذه الأبيات:سابقه عند ابن جرشان = حمر ٍ سريع ٍ ردها
لي فاطر ترعى حيا ريحان=ترى الخطر ماحد ردهـا هاضني الصانع الطربان=وردودها يم قاعد ودها وش شفت يوم جينا ياخمجان = والفعايل صدق ونعدها ياما حدينكم على الصـوان=والشلـف نـروي حدهـا تحسب أن الحرب يا ذقنان=مثل الفيـس يـوم تحدهـا وهذا ما حبيت إضافته ومشكور يابن العم وما أقول ألا ونعم في القبيلتين ومن غير قصور في باقي القبايل |
|||||||
27 Apr 2007, 04:17 PM | [ 4 ] | ||||||
|
ربعي يضدون العدا في الدبايل = مع راعي البواضا بعيد المراميس
ومشكوووووووووووووووووووووور
يا أهل العنان والله يكثر من أمثالك |
||||||
27 Apr 2007, 04:24 PM | [ 5 ] | ||||||
|
الشكرك على المرور السباق دايم يا السلطان واشكر الامير على تكميل القصه وقول كلك تكميل يا الامير وحياك الله يا ذيبان شبل من ذاك الاسد وابشر ابي ابحث لك عن هذي القصيده ويعطيكم العافيه كلكم ودمتم |
||||||
27 Apr 2007, 04:41 PM | [ 6 ] | ||||||||
مؤسس شبكة الشدادين
|
الشكر كل الشكر للأخوان ابن مهرس وذيبان الشدادي على مساهماتهما الرائعة في هذا الموضوع تقبلوا فائق شكري وعظيم امتناني وتقديري |
||||||||
09 May 2007, 03:17 PM | [ 7 ] | ||||||
|
سلام عليكم والله يمسيكم بالخير جميع
عندي تعليق بسيط : يالربع قبيلتكم كبيره ولها فعولها اللي محد يقدر ينكرها ولكن هنا اختلفت الاقوال اهل العنان يقول هجدنا البقوم وابن مهرس يقول صبحناهم والله العالم عن الحقيقه .. لذلك يالربع لاتزيفون الحقايق علشان مايضيع تاريخ القبيله لكم مني كل الشكر والتقدير .. |
||||||
التعديل الأخير تم بواسطة بـقـمـي جـده ; 09 May 2007 الساعة 03:58 PM
|
|||||||
10 May 2007, 04:04 AM | [ 8 ] | |||||||
عضو متميز
|
يا خوي بقمي جدة ما في فرق صباح وإلا هجود اللي صار صار وإنتهى هههههههههههههههههههههههههههههههههههههههههههههههههه هه الله يبارك فيك والنعم والله بربعك البقوم. |
|||||||
|
||||||||
11 May 2007, 11:49 PM | [ 9 ] | ||||||||||||||||||||||||||
|
حياك يا بقمي جده في منتدى جيرانك القصه حقيقيه ومسنده بالشعر اللي منتشر مع الناس غض النظر على انا هجدنا او صبحنا لان الاوقات اختلفوا فيها الشيبان احد يقول صبح واحد يقول لليل على العموم طالما القصه وقعت حقايقها وقصيدها ما تسبب مشكله في الوقت . ودمت سالم |
||||||||||||||||||||||||||
12 May 2007, 03:55 PM | [ 10 ] | ||||||||||||||||||||||||||
|
خلف ابن هذال يقول :
مانـقـتـنـع بالـهـجاد نـصبح الحله ............. مـع الـغـطـالـيس رجـلـيـه وخـيـالـه حياك الله ياهل العنان انت الظاهر انك متعصب ،، لكنك ابيك تفهم شي واحد ترا حزامي وربعي ظهور السواني ( البقوم ) مغازيهم علئ ابن الحـارث ماتحصرها المنتديات ولا يكفينا فيها صفحه ولاثنتين .. والفعول مايثبتها وانا اخوك عضو ولا مشرف لايتجاوز سنه 30 سنه .. الفعول انت تدري من يثبتها ولو تنشد شيبان ربعك علموك بفعولنا اللي محد يقدر يجحدها الا الجاهل ،، اهل العنان افة تاريخ رواته .. والله يعز ال سعود وحكمهم .. راح الــعــنـاد وراح فتـل الاشانـيـب ...................معاد تــرفع بـالــيديـن السهومي الــيوم بالحكمه والاخلاق تـــهذيــب ................. والحق يوخذ لك بالامر الحكومي في ضل ابو متعب حصان الاطاليـب ................ يالله عــــسى نصره وعزه يدومي اللهم اميييييييييييييييييييييييييييييييين الله يدوم نعمه الاسلام اخوي اهل العنان تقبل احترامي وتقديري .. |
||||||||||||||||||||||||||
|
|||||||||||||||||||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
حروب الشدادين مع البقوم | ذيبان الشدادي | فرسان الشدادين وأبطالهم | 26 | 09 Oct 2009 09:33 PM |
الشدادين خاصة وبني الحارث عامة يعزون البقوم في الشاعر الرياحي | خيال الشدادين | أخبار الشدادين | 42 | 16 Jan 2009 04:37 PM |
.سفير البقوم. | . سفير البقوم . | عرّف بنفسك لو سمحت | 6 | 01 Apr 2008 09:40 AM |
سالفة الشدادين والبقوم في الرقيق وقصيدة الصلاخي | الجبل | فرسان الشدادين وأبطالهم | 15 | 30 Aug 2007 03:27 AM |
أدوات الموضوع | |
|