هاضني مبداي في راس الطويله

بسم الله الرحمن الرحيم
السلام عليكم ورحمة الله وبركاته..
أخواني الأعزاء إليكم هذي القصيدة
والتي قيلت في حفل زواج عبدالله بن فيحان بن عايض ابن مهرس بتاريخ 19/7/1428هـ
قبل وفاة الأمير حسين بن علي رحمه الله

هاضني مبداي في راس الطويله = وألعب القيفان من بالي وأغني
أترك الهزلات وأجيب الجزيله = البيوت اللي لها معنى وفني
يوم بعض الناس صيداته هزيله = أحمد الله صيداتي ينومسني
ليلة ٍ تسوى لها تسعين ليله = زادت الأفراح وزيح الهم عني
وأستوى سرد السواليف الجميله = يا جماعة هاكم الأخبار مني
يا بني مهرس مقاديم القبيله = يا رجال المدح مزبان المجني
أنتم أهل الطيب ركاب الأصيله = في السنين التاليه واللي مضني
مار أنا قبل أمس شفت العصر زيله = ماهوب زول أنسي ولا هو زول جني
أثره التاريخ وسلوم ٍ نبيله = وأشهد أن القلب للماضي يحني
وجاب لي ذيك السواليف الجليله = في الشهامة والبطولات أعجبني
والعميل اللي وفي ٍ مع عميله = والحقيقة يالنشاما هيّضني
الفعل لأهله وكل ٍ له حصيله = المطر همّال والرعّاد دني
أنشدوا زيّاد1 كسّاب النفيله = وأنشدوه حسين2 عن علم ٍ شحني
يا هلي شوفوا لنا في الوضع حيله = وفي هل الفزعات ما قط خاب ظني
أصملوا والآدمي ربه وكيله = وأشهد أن الطايله تبغا تعني
ما شكيت الكم ريالاتي قليله = ورزقي اللي ضامنه رب ٍ كفلني
مار أشوف الوقت ميلاته ثقيله = ولي حقوق وفي حقوق ٍ يجبرني
وقالها قدمي من أصحاب الفضيله = (( المراجل ما تهيا بالتمني ))

1- زيّاد بن صنات بن محماس ابن مهرس الشدادي
2- حسين بن علي بن محماس ابن مهرس الشدادي رحمه الله


قائل القصيدة / فيصل بن زايد بن نايف ابن مهرس الشدادي

:؛:



قصيدة جزلة من شاعر جزل ..

صح لسانك مدد بلا عــــدد ..

ورحم الله امـــيرنا ..




:؛:

بيض الله وجهك يا شاعرنا فيصل والله يعلي مقدارك

ورحم الله الأمير حسين وحفظ زياد بن صنات

وأشكرك جزيل الشكر على موافاتنا بهذه القصيدة

الجزلة من شاعرنا الجزل أبو زايد.

صح لسانك ولاهنت

يابن مهرس جزله من شاعر جزل

مودتي

نجود حياك الله

ابن مهرس

لاهنت

السلطان
يا مرحبابك وجزاك الله خير

حي المبدا وحي راعيه



شوقتي للمبادي ....

وصح لسانك يالأمير ...

قصيدة جزله جزله جزله

الله الله يا ابن مهرس

والله كفو يا ولد العم وما قصرت

قصيدك زين وعلومك طيبة الله يزيدك من طيبه

عبدالله الشدادي - الشبح
حياكم الله