قصيده للشاعر/ فايز بن جزاء بن فدغوش الشدادي

قامت تصافق باالغصـون الهبايـب=وتمحي ذعاذيع الهوا كـل الانكـاد
وهل المطر من مدلهـم السحايـب=صدوق الحيا ماهو بنشرات الارصاد
نو تحـدر مـن مزونـه سكايـب=يسقـي ديـار وجدهـا للحيـا زاد
اخذت لها عاميـن والسيـل غايـب=عساسها لـوراح باالبشـر ماعـاد
يجيك بعلوم الحيـا اهـل الركايـب=وتلقى علومـه مـع صديـر ووراد
بشـر بمنبوتـه شبـاب وشـايـب=وبشر بغدران المطـر كـل نشـاد
لابد ترجع عقـب كانـت جدايـب=باذن الولي تفرش من العشب سجاد
تمشي به الذيـدان مثـل الذهايـب=تسرح وتضوي مالها شبـك وقيـاد
تدوج في عشب الفيـاض النجايـب=ويرتاح راعيها عقـب كـان كـداد
لي ديرة تسـوا الديـار الرحايـب=دار الكرم والعز من عهد الاجـداد
منوة هل البل فاالسنيـن العشايـب=لاناشهـا الوسمـي ببـرق ورعـاد
ربعي هل البل محتميـن السلايـب=هم عزوتي لاقلـت يـاالاد شـداد
لطامـة العـدوان يـوم الحرايـب=جموع العدا من فعلهم راحت ابـداد
مـن يعترضنـا بشـره باالغلايـب=نشرب فناجيل الشيوخ اهل الامجاد
كم راس شيخ صار حدر النصايـب=عزي لعيـن ترتجـي لـه بمعـواد
عقب الفرح لجوا عليـه الحبايـب=وشقن عليه الثوب غضات الانهـاد
حنا بني الحارث رجـال النوايـب=وافعالنـا تشهـد قديمـات وجـداد
فوق المهـار ملافخـات السبايـب=عن دارنا نـذود بـارواح واجسـاد
ستـر البنـي منقضـات الذوايـب=لاجـاء نهـار فيـه قايـد ومنقـاد
فينا الكرم والطيب مالـه حسايـب=ذباحـة للـكـوم فـايـام شــداد
بيباننـا شـراع والبـال طـايـب=للجار والضيفـان ومـدور الـزاد
جف القلم والحبر يااهـل الطلايـب=كل سبـق للفعـل بـذراع وزنـاد
الطيـب ماينبـاع مثـل الجلايـب=سوق المراجل بارز يوم الاضـداد
مايشتريهـا الا عطيـب الضرايـب=ماينجحد فعله على روس الاشهـاد
وقول بليـا فعـل ماهـو بصايـب=ولاني بقايل شـي ياكـود باسنـاد

ودمتم بكل ود ومحبه

صح لسان الشاعر فايز بن جزاء

قصيده جزله ورائعه .....

وسلمت يمناك يا هاجس

مشكور

صح لسان فايز بن جزاء


مشكور أخوي هاجس على النقل

صح لسانك أخوي فايز

ولاهنت على القصيده الرائعه

أخوي هاجس الذكرى دائمن ماتورد ألا الجزل ولاهنت

وصح لسان فايز

حنا بني الحارث رجـال النوايـب=وافعالنـا تشهـد قديمـات وجـداد
فوق المهـار ملافخـات السبايـب=عن دارنا نـذود بـارواح واجسـاد
ستـر البنـي منقضـات الذوايـب=لاجـاء نهـار فيـه قايـد ومنقـاد
فينا الكرم والطيب مالـه حسايـب=ذباحـة للـكـوم فـايـام شــداد
بيباننـا شـراع والبـال طـايـب=للجار والضيفـان ومـدور الـزاد
جف القلم والحبر يااهـل الطلايـب=كل سبـق للفعـل بـذراع وزنـاد
الطيـب ماينبـاع مثـل الجلايـب=سوق المراجل بارز يوم الاضـداد
مايشتريهـا الا عطيـب الضرايـب=ماينجحد فعله على روس الاشهـاد
وقول بليـا فعـل ماهـو بصايـب=ولاني بقايل شـي ياكـود باسنـاد

ونعم ...عز الله أنها قصيدة مليانه..معنى ومبنى..
لله در أبن فدغوش..وسلمت ياهاجس الذكرى على النقل!!
تحياتي

صح لسان قايلها
وسلمت يمين كاتبها

بدوي فاهم

عن الشاعر صح بدنك

والله يسلمك

ومشكور على المرور

ودمت

سيف الشدادين

عن الشاعر صح بدنك

ومشكور على مرورك

ودمت

الوكيل

عن الشاعر صح بدنك

ومشكور على مرورك

ودمت