آخر 10 مشاركات |
مختارات | إذا قلّ ماء الوجه قلّ حياؤه ولا خير في وجه إذا قلّ ماؤه |
|
||||||||||||||||||
++((رديه ثلاثيه))++
هذة ردية ثلاثيه (..بيني وبين فواز موبص وعواض غراب). البدايه كانت من فواز موبص،حيث ارسل بيتين عبارة عن رسالة جوال لعواض غراب في حائل، وحركت شجون أبوشاهر(وأثارت اشياء خصوصيه بيننا) فرد بقصيدة. القصيدة وصلت أثناء أنشغال فواز بزواجة قبل أسبوعين..فوقعت في يدي. طبعا رديت نيابة عن فواز.آمل أن تحوز رضاكم. يقول فواز
عدد ماغنت الورقا وما لج الحمام وناح=سلام الله سلامٍ ياصل اللي يستحقونه علام الغايب اللي من بعد كب االديار وراح=ماجانا منه مرسالٍ ولا أوحينا تليفونه رد عواض غراب قائلا:
ابدأ بك يا الأهي جل كونك فالج الاصباح=الا يامرحبا وعداد خط أهله يخطونه بعد جاني رسالة نورها صاطع كما المصباح=وهي بيتين لاكن في طرفها حروف مفتونه وأنا ما أكب داري يابن عمي والقلوب صحاح=وأنا لي عزوةٍ بالدار عهد الله يصونونه وهم الأد عايش عاسفين الضيغم السرساح=ليا منه تحنحن رجلهم ماترمش عيونه وبدون قصور في بنيوس لا زاد الصياح صياح=ليا خموا ظهور الخيل حوض الموت مادونه وصحيح أن المعاني بعضها تقول زرق رماح=تهيض هاجس اللي من زمانه باح مكنونة وأنا اسج القدم شرق وشمال وخاطري مرتاح=وشرابي من قراحٍ صافي أهل الذوق يردونه وأنا مالي بديره يأبن عمي مابها ممراح=وأنا ما عاشر اللي شرع ربي ما يدانونه وصحيح البيت أبو سيسان ما يدخل بلا مفتاح=ومن ينسى هل الميقاف يا فواز ينسونه وصحصح من كلام الجد يافواز ماهو مزاح=عبارة من معاليق الضماير جتك موزونه وإذا تدرك سلوم أبن القبايل والحما والباح=سراجٍ ولعوه أهل الأشدة لا تطفونه وأنا أدر أنك شريف ومن رجالٍ تكسب الأمداح=وأنا من العزوة اللي سلمهم مايختلف لونه وعجل بالردود اللي سناه يشوق بالمضياح=وسوق الراي لين الراي ياقف عند مامونه وركز لاتسرع والدوا يدري به الجراح=وحز اللي هل الميقاف يافواز يحزونه وإذا طافت عليك السالفة يامدور الأرباح=ترى للراي شجعانٍ عسير القاف يثنونه هذا وأسلم وسلم والمعاني حبلها مياح=ورفيقك لا بغيته مايحول البعد من دونه وصلى الله على محمد عدد ما تذري الارياح=وعدد ما لاح براق الحيا في عالي مزونه فكتبت:
برق برق القصيد ولاح في عرض السحابه لاح=على روس القوافي شاقني معناه ولحونه
تنادوا به رجالٍ يدرجون الفكر والمسباح=أبن موبص وابو شاهر رجال الشعر وفنونه مزونه مرسيه والرعد يرعد والمطر ما طاح=حدته الريح مدري يسحب الخطوه على هونه رقبته مثل مايرقب غشين النو نزل البدو والفلاح=يبون الماء شراب وطهر والضميان يسقونه وأنا اللي جابني لي في طرف بستانهم تفاح=معاني والمعاني دين والارواح مديونه ترى بعض القصايد مغلطانيه على خف وقدم وجناح=معانيها عن اللي يجهلون الشعر مدفونه ليا طافت على عقل الذكي ما طافت اللماح=فهم معنى القصيد ولاطلب منكم تعيدونه ونعم باللي نهار الكون ترخص عندها الارواح=شغاميم الرجال اليا بدو في علم ينهونه أعم الاد عايش من ذوي ثابت إلى بدّاح=مثل كل العضاوين أهل موقف ما يخلونه ولو أن العضياني لنا وقت اللزوم سلاح=معاويده لجدي يلتوي بحماه وحصونه "خليّات" أن بغيت الجد مانستجدي المدّاح=لنا تاريخ والتاريخ خلق الله يقرونه لنا ثقل الجبال اللي جوانبها صخر وعلوها لحلاح=رقينا فالعسير اللي هل القالات يرقونه كملنا واكتملنا والتبسنا المكرمات وشاح=نحب السلم والعايل علينا نقلع سنونه وترى بعض المعارف جم وأما بعضها ضحضاح=ونهر النيل ياعواض ماهو نهر سيحونه ليا من ضاق صدر الرجل وأعطى الجرهد الصحصاح=هذا عين الصواب الله يلوم اللي يلومونه وجميع الناس تخطي والحكيم يقدم السماح=ومشاحاة القرايب مثل طعن الحر لمتونه سعى لك من سعى بالحق والتحكيم والاصلاح=صليب الراي رايه راي عودٍ قاضبٍ شونه هذا واسلم وسلم والسفينة في يد الملاح=من يد كبتن في يد كبتن وموج البحر ياهونه وصلى الله على الهادي عدد وراد عد رماح=وعدد ماوقف الحجاج في مكة يلبونه
التعديل الأخير تم بواسطة سعود سليمان الحارثي ; 14 Jul 2006 الساعة 05:13 PM
|
14 Jul 2006, 06:40 PM | [ 2 ] | |||||||
عضوة متميزة
|
صح لسان الشاعر وسلمت على الرديه .. دائما تاتينا بالجزل .. |
|||||||
|
||||||||
14 Jul 2006, 07:04 PM | [ 3 ] | ||||||
|
بيض الله وجهك يا أبو طارق وصح لسانك أنت وأبو موبص وأبو شاهر لا هنت يالنشمي |
||||||
|
|||||||
15 Jul 2006, 12:51 AM | [ 4 ] | |||||||
نائب المشرف العام
|
صح لسانك ولسان الشعراء اللي معك اشكرك يابو طارق وياليت تنقل لنا بعض محاوراتك مع شعراء اخرين |
|||||||
|
||||||||
15 Jul 2006, 01:53 AM | [ 5 ] | ||||||||
عضو متميز
|
صح لسانكـ سعود ولا هنت على القصيدهـ |
||||||||
|
|||||||||
15 Jul 2006, 01:51 PM | [ 6 ] | |||||||||||||||||||||||||||
|
المستحيلة
صحت أبدانك...ويامرحبا |
|||||||||||||||||||||||||||
15 Jul 2006, 01:53 PM | [ 7 ] | |||||||||||||||||||||||||||
|
الناصر..وجهك أبيض..وحياك الله
|
|||||||||||||||||||||||||||
15 Jul 2006, 01:56 PM | [ 8 ] | |||||||||||||||||||||||||||
|
عبدالله الشدادي..
صحت أبدانك!! وقريباً سنرى بعض المحاورات والرديات الأخرى!! تحياتي |
|||||||||||||||||||||||||||
15 Jul 2006, 01:58 PM | [ 9 ] | |||||||
|
سيف الشدادين..صحت أبدانك ولاهنت!! |
|||||||
15 Jul 2006, 01:59 PM | [ 10 ] | |||||||
|
سيف الشدادين..صحت أبدانك ولاهنت!!
|
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
وليه المطر بالذات ريحه وصبّـه ...!!! | إحساس واثق | مرافئ البوح | 11 | 20 Jun 2009 06:18 PM |
رديه بيني وبين احد الزملاء (تفضلوا) | محمد العطاوي | بحور القوافي | 16 | 26 Jun 2008 01:24 AM |
أدوات الموضوع | |
|