محاوره منقوله

ويسرنا ان نقوم بتنسيق المحاورة بين الشاعرين
احمد بن خليفه الحارثي و خالد بن فراخ الحارثي

منقول / الكاتب المحمدي




أحمد

أشوف المنتدى مرخي الستار وقافل البيبان = وابونايف بشهر الصوم صام وصام شيطانـه
ألا اذن وأفطر الصايم وخلّّص عرض قرقيعان = لنا موعد مع ابن فراخ في بيته وسلطانه

خــــــــــالـــــــــــد

مادام أنك يا أبو رامي تبينّا ننزل الميدان = تو كلنا علـى الله رب كـل الخلـق سبحانـه
لاكنك قبل تنزل ياعميلي عوذ الشيطان = وسلم في المثل يقولون عيـب الشاعـر ألسانـه

أحمد

انا أرسلت الرسالة وانت ابيك توكد العنوان = وانا أطلقت الشرارة واستلم عودك ودخانـه
وانا وياك ياابن فراخ اذا جار الزمان اخوان = ولكن كل يوم اشوف لـك دعـوى وديانـه

خــــــــــالـــــــــــد

ليا كان الرساله مالها مضمون ياذيبان = ترى بعـض الرسايـل يارفيقـى مالهـا خانـه
نصيحه لا تمادى فى الخطاء وتقولي غلطان= انا خايف عليه يزعلـون حسيـن واخوانـه

أحمد

تحدونا على درب الوزأ ياربعنا البدوان = هواكم كل غالـي وانحـن اللـي يدفـع أثمانـه
علامك يوم تبني فلتك في أرضية الجيران = وعندك خير وأرضك واسعة والنفـس قنعانـة

خــــــــــالـــــــــــد

والا يطيبكم ياهل القرى ياربعنا الحضران = ترانا نشرى الغالى ونتعب صدق مـن شأنـه
ترانى مابنيت الا على ارضى صلبة السيسان = وعندى خير ياهل الخير ليش الناس زعلانه

أحمد

حميتوها من اطراف الجبوب الى أسفل الغربان = عليها ما أختلفنا كل تاجـر عنـد دكانـه
ولكن ليش تزحف باتجاه الغرب يانشبان = وعلمي خابر ان الكبـد مـن زحفتـك مليانـة

خــــــــــالـــــــــــد

حميناها وفى وقت الشدايد سيفنا شامان = صحيح اللى تقوله وانت راس الرمـح وسنانـه
علامك طامعا" فى ارض العرب ومخليا" ميسان = ولن ضامتك كبدك روح اخذلك مر ولبانـه

أحمد

يا ابو نايف تريض وش بلاك تركّب العقمان =اجب لك حبحبة وتقل جاني احمـد برمانـة
الا منّك رميت فركب الشارة على العلمان = ترى الصقر المدرب مـا يطيـر الا بجنحانـه

خــــــــــالـــــــــــد

تقلط حبحبه وانا مقلطلك من القعدان = وظن احمد مـزارع ناشبـا" فـى وسـط بستانـه
ليا منى رميت امركب الحبه على ا لنيشان = ومثلك رجل عاقل لحيتـه بالشيـب مليانـه

أحمد

لنا بستان من مفرق غزايل لآ حرم شقصان = وانا من عصر انظف تربته واشيل عيدانـه
وابو نائف على قيل البدو متركب الضلعان = اظن الداتسون اللي راح فيها صدق خربانـة

خالد

مادام انك هذا شغلك تراك الفارس البطران = ونا عارفك رجلا تنتقى فى الهـرج وسمانـه
وظنك يااحمد انته مثل قصة طير ابن برمان = ونا ماقول كلمـه للرجـال تكـون هزلانه

أحمد

علام العسكري علق عريف وكبّر الشرطان = أثاره مشتهـي حتـى يـراه افـلان وفلانـة
وانا رحت الملز وابن فراخ بملعب الصبان = يدربي كورتـه ليتـه تريّـح عنـد شيبانـه

خالد

لحيث انك تجي بقريقعان وتكسر القيفان = ونـا شايفـك وارد ياالاخـو بحبـال رمثانـه
ونا مانى بشارى موترا" بلواه فى الشكمان = نصب الزيت فيه ويظهـره حـالا بشكمانه

"

أحمد

سحر فرعون ياخالد بطل بعصاة بن عمران = نهارالعيد والميعاد شـاف المـوت باعيانـه
وجنة سد مأرب بدلت بالطلح والظهيان =هدم ذاك البنـاء العمـلاق فـار وهـد جدرانـه

خالد

انا خلصت من ديرة قديد وطحت فى عسفان = وبشركم ديار قديد خصبـه مثـل عسفانـه
ونا قابل حكم فالح يابو رامى وبن خبزان = ولاهانو رجـال المنتـدى والشعـر والوانـه

محاوره جميله جدا
صح لسان الشاعرين على المحاوره الاكثر من رائعه
مشكوور اخووي خالد على نقلك للمحاوره واحسنت الاختيار
يعطيك العافيه .

صح لسانك يابو نايف.. ولا يهون ابن خليفة..
لا عدمناك .. يابو نايف

محاوره جميله جدا ورائعه

وصح السان الشاعرين

اشكر الشاعرين على هذه المحاوره الرائعه
وبيض الله وجيهكم

شكراً اخي الغالي على المحاوره

الراااائعه نقل موفق شكرأً لك

أخوي خالد مشكور على الأختيار والنقل الرائع

وصح لسانك ولسان أحمد بن خليفه

محاوره أكثر من رائعه

ابدااع في ابدااع

تقبل تحياتي،،