نشمية

سلام عليكم ورحمة وبركاته

ياكثر ما غيب عنها وانشغل عنهـا=واخطي عليها خطايا مالهـا تالـي
وان عاتبت رحت كني ما علي منها=وقفلت عن صوتها سمعي وجوالـي
انظر لها نظرة اللي مـا يواطنهـا=ما كنها اول طموحي واخر امالـي
وان قلت ابثقل عليها ليـن اجننهـا=ضميت عليها عيوني وانشغل بالـي
ادور لوسعـة الخاطـر واعينـهـا=بين زمـلاي وجماهيـري ومالـي
بعض اللحون الله يسامـح ملحنهـا=تاثر على جوي وتثر علـى حالـي
لتلهـا ابوشنـب والفيـن ثمنـهـا=والخاتمة قالوا الغالي هـو الغالـي
تظهر علي ذكرياتي مـن مخازنهـا=واصير فالحفل كني فالخلا الخالـي
اذكر يوم اخفى عبايرهـا تحنحنهـا=وقالت وانامل يديها تـازن عقالـي
فمان من يعتق الانفـس ويسجنهـا=وقامت تبسم ودمـع العيـن همالـي
وتلفتـت فالجـدار اللـي موازنهـا=مثل اللي يقـول لاتتركنـي لحالـي
في وقتها الديرة اللي جيـت زابنهـا=لاوهنـي المريـح الدالـه السالـي
اقـوم أياسـر مبانيهـا وايامنـهـا=ليـن يتبيـن طريقـي ويتهيـالـي
والله ما يصدح بأذان الفجـر مذنهـا=الا وانا قد قطعت اميـال واميالـي
اسابق اللي عطـت مافـي مكاينهـا=خص اللي سواقها راسه ماهو خالي
مـا ينهبـل ويتحـدى الا مطينهـا=وانا لاشفت التحدي جانـي هبالـي
اظهر حفيل اطلق الجيات واحسنهـا=والنفس ميعادها في دبـرة الوالـي
انا حياتي شهـر مانـي بضامنهـا=والثانيه تنقص المجمـوع الاجمالـي
ولاقام بين المواتـر يامـر وينهـى=عقيد قـوم علـى العيـال عيابـي
جاه النذر من حفيف حربتـه كنهـا=مامورة تقصر اجل معرب الخالـي
ولد النظر فيه ابـوه وقـال مكنهـا=القـوم ناصيننـا رجلـي وخيالـي
قال ابشر ان البكار اللـي نحينهـا=من الاذن للاذن في وجهي وفسبالي
ياموتـري والله انهـا مـا يطمنهـا=الاتقاسيم وجهي في الضحى العالـي
فاخلاقها فـي وفاهـا فـي تدينهـا=نموذج حي تضرب فيـه الامثالـي
وفي بري وخدمتي والله العظيم انها=انفع من اصغر بناتي واكبر عيالـي
والله لو اذكر لخلـق الله محاسنهـا=واشرح ماسوت من الخير اول وتالي
ان ابطي شري دواهـا والا كفنهـا=نشمية تجعـل الرجـال رجالـي

اتمنى ان تحوزعلى رضاكم

صح السان شاعرها ولاهنت على الانتقاء المميز كاتميزك يافارس
لكن ياليت انك تضع علامه = بين كل شطر
حتى يسهل علينا التنسيق
تحياتي لك

ألف شكر لك ولطيب حضورك
وروعة مشاركاتك وجميل تواصل
وننتظر منك الجديد دائماً

اختيار موفق اخوي فارس
الله يعطيك العافيه

يعطيك العافيه
فارس ولاهنت على الطرح
الرائع

مشكورين على مروركم المميز

تسلم على طيب اختيارك العب
وفقك الله

مشكور اخوي خيال علي مرورك وتسلم

سلمت يمناك



بارك الله فيك أخي

ربي يسلمك ويعافيك
إنتقاء عذب..
ماتقصر والله ..

,’