صاحبي البرينيسي .. أقلط

يالربع مجرد إقتراح فقط

هذي ما صارت محاوره صارت مجاراه وقصيده بعد يومين وثلاثه بعد

وش رايكم أي شاعر يطلب شاعر للمحاوره في نفس اليوم يكون الرد والمقابله

وبعدين يقفل الموضوع ما يكون مفتوح للرد أي وقت

نعم وقتكم ضيق لكن نسقو بينكم يعني مثلا يوم الأحد الشاعر فلان والشاعر فلان
واليوم كذا فلان وفلان وما تزيد عن ساعه المحاوره


علشان نستمتع بها صح وكأننا في ساحة محاوره بجد

صدقت يا بندر وأنا أخوك ودنا تكون المحاورة حاضر بحاضر

لكن الجايات أكثر وأستلم يا البرينيسي:

ليا منا هبطنا السوق نشري غالي الأثمان = نبيع ونشتري وألا الحرامي جاته اسراقه
وألا يا شاعر ٍ في اللعب لا رابح ولا خسران = تريح وأسترح لا صار مالك في الحمل طاقه

وهات ردك الأخير يابن العم والجايات أكثر

ولاهنت

صح لسانك يا فيصل بن زايد
وصح لسانك يالبرينسي

وننتظر ردك يالبرينيسي

		المشاركة الأصلية بواسطة : اقتباس
	يالربع مجرد إقتراح فقط هذي ما صارت محاوره صارت مجاراه وقصيده بعد يومين وثلاثه بعد وش رايكم أي شاعر يطلب شاعر للمحاوره في نفس اليوم يكون الرد والمقابله وبعدين يقفل الموضوع ما يكون مفتوح للرد أي وقت نعم وقتكم ضيق لكن نسقو بينكم يعني مثلا يوم الأحد الشاعر فلان والشاعر فلان واليوم كذا فلان وفلان وما تزيد عن ساعه المحاوره علشان نستمتع بها صح وكأننا في ساحة محاوره بجد

كفو والله يابندر
أقتراح طيب

لكن وقت الشعار مايتزامن مع بعض
وهذا هو اللي معرقلنا



لكن بننسق مع شعار المنتدى واحد واحد

واللي يبغى يقيم محاورة يخاطبني أو يخاطب أخونا السلطان

وأن شاء الله نكون أول بأول معكم



لكن عليكم أنكم تتفقون قبل كذا في وقت واحد
وتبلغون مشرف القسم
لأجل يفتح موضوع لكم عشان تتحاورن فيه


وبكذا مايفوتنا شيء وتكون المحاورة حار بحار
ونستمتع فيها قدام الشاشة

حاتم الشدادي

حياك الله يا مشرفنا وشاكر لك مرورك وإقتراحك

ليا منك هبطت السوق كفك ماهو بربحان = بعد ما جاه هامور الشراء والبيع واحتاقه
ترى هاللعب كبته عليكم وأنشد الفهمان = وأنا مغنيني الله يوم فيصل يشكي الفاقه

أخوي بندر النايف اقتراحك في محله وشكراااا على مرورك الرائع

أخوي حاتم الشدادي شكرااا على مرورك الرائع وأنا تحت أمرك

فيصل بن زايد :

سلام الله سلام إسلام ندخل به مع البيبان=على عز ومعزة يوم غيري يطمر الطاقه
ليا شفت البرينيسي يشيل العود أبو دخان=أقول الله يحيي صاحبي وانحر له الناقه

البرينيسي :

هلا يا مرحبا في حلة الظفران والشجعان=رجال أيمانهم دايم على الجزلات سباقـه
ترى نيراننا حية ونذخرها لذي عـدوان=ولكن أنت من ربعي ومن عربان صداقه

فيصل بن زايد :

وألا يا ليل يا ليل السعد يا فلان يا ابن فـلان=تهوش وتنثني والخيل فـي الميـدان لحّاقـه
أنا القاضي وأنا من فعلكم راضي وأنا زعلان=وأنا ما ابغاك تشعلها ترى العربـان برّاقـه

البرينيسي :

يافيصل ياولد زايد ألا ياطير ابـن برمـان=لنا الأفعال والسمعة تجي قاطعـة ٍ الساقـه
وش اللي مزعلك ياهالحكيم أورد لنا برهان=لأجل نرضيك ونبرد كبود ٍ حيـل حراقـه

فيصل بن زايد :

ترى ربعك عطوك السيف أبو حدين وبنت حصان= ولكن يـا ولـد حـذراك بيتـك تفتـق ارواقـه
وأنا ما ابغا رفيق ٍ في البلـد مالـه ولا عنـوان= ليا منا رسلنـا لـه رسايـل ضاعـت اوراقـه

البرينيسي :

زمان ٍ راح يوم أن الوغى شبت لها نيران= ثنينا دونها يوم أن بعـض النـاس بواقـه
أنا موجود يا فيصل يميني تكرم الضيفـان= ولاني مثل ناس ٍ لا لفاها الضيـف دراقـه

فيصل بن زايد :

ليا منا هبطنا السوق نشري غالـي الأثمـان=نبيع ونشتري وألا الحرامي جاتـه اسراقـه
وألا يا شاعر ٍ في اللعب لا رابح ولا خسران=تريح وأسترح لا صار مالك في الحمل طاقه

البرينيسي :

ليا منك هبطت السوق كفك ماهو بربحان= بعد ما جاه هامور الشراء والبيع واحتاقه
ترى هاللعب كبته عليكم وأنشد الفهمان= وأنا مغنيني الله يوم فيصل يشكي الفاقه