آخر 10 مشاركات |
مختارات | تعدو الذئاب على من لا كلاب له وتتقي صولة المستنفر الحامي |
مواضيع ننصح بقراءتها |
|
||||||||||||||||||
(تخديره) ردا على قصيدة الشاعر المبدع عبدالعزيز عوض
اخواني واخواتي الكراك في منتديات الشدادين والقائمين عليها السلام عليكم ورحمة الله وبركاته اطرح اما انضاركم هذه( التخديره) ردا على قصيدة (تصبيرة) المبدع عبدالعزيز عوض راجيا ان تحوز على رضاكم تصبيرتك جاتني والقيت تدويره=ورجعت ادور لقيفاني معك دبره وتبهيرتي كنت اقارنها بتبهيره=وسط الدلال الصفر تلعب على جمره تقند الراس لازادت تفاكيره=وتعرف الناس لابيح لها سره واثر التطور كبح فكري وتأثيره=بعد اكتسح مفرداتي داخل الفكره وماتت بسكته قبل تنعم بتذكيره=بلسان راوي يوديها على حبره واستنتج الهاجس ان الشعر في ديره=ماني بحوله ولا لي فيه من خبره وانحاز الابداع للمبدع بتصبيره=ياويل حالي لو انه فصل النشره كان اصبحت مفرداتي تحت تخديره=وقد طاح عذق النخل تمره ورا تمره واتجمد القاف والشاعر وتبريره=ومسوغات الكلام الي ورد ذكره يااراعي القاف والله سيرتك سيره=تلعب على المفرده وتعاني الطفره مدلول قولك تعاطيناه تنضيره=ومخزون فكرك يعيش القاف في ستره واحساسك المرهف أشبعنا بتصويره=وخيالك الواسع افصح عن مدى بحره بحرك يصفق لطينك من تباشيره=وطينك يورد بياض القلب من صدره وتقول ودك تروح وتترك الديره=وتغادر احساسنا وتدمدم الجره بدري على قافك المفعم بتصويره=يعيش خلف الستار وحضرته حضره مكانه الصف الاول دون تأخيره=وانا على ساقته بالقاف مكتره ليت الثنائي يذكرنا باساطيره=وانهد الاطلال وانوقف على خبره ونعري اوجيهنا من كل تكشيره=وانعيش في المتر قبل يلمنا شبره ياليت ذاك الزمان يعود ونعيره=بعض اهتمامات قبل نقول ياحسره وقت مضى كنت اعيشه وارد ابيره=واتحلم اني من ابطاله على كبره حلم يراود خيال اخوك في حيره=ودي بتحقيقته قبل اصل الحفره وش ذنب حلمي يموت بدون تقريره=يااليتك اتحققه ياذيب وتقره ونعيشبه يوم حب بدون تكديره=هل تقدراتعيش ياذيبان لابكره ترا المحبين بااسم الحب اكسيره=تحب والحب كره ماهو ابفره ولو فرق الشمل عضويا بتعذيره=يتجمع الشمل روحيا على نجره ياذيب قاف الشعر يحتاج تقديره=بااحساس مفعم لو انه ينكتب كسره وانته على مستوا فعله وتأثيره=باالفكره الي تولدها مية فكره قف ياطويل العمر واسترجع السيره=واعلم بان الشعور يموت في قبره اشعل قناديل شعرك واترك الحيره=ونطح لنا المفرده واصدحبها عبره لاتلتفت باامس راح بشره وخيره=واليوم عدا وخلنا ننعم ببكره ومادام حطاب باصباعه وتاشيره=يامر وينهى ويبشر بك تحت امره حققله الامنيه لو كانت صغيره=تبقى فعينه كبيره دام له شبره بشرتني وانت تعلم اي تبشيره=تفرح انسان حب وماعرف يكره
|
10 Aug 2011, 02:38 PM | [ 2 ] | ||||||||
|
رد: (تخديره) ردا على قصيدة الشاعر المبدع عبدالعزيز عوض
مُساجلات جميلة وممتعة بين قمم من قمم الشعر الجميل وبارك الله فيكم جميع وصح إلسانك يا حطاب ليل . |
||||||||
|
|||||||||
10 Aug 2011, 03:11 PM | [ 3 ] | ||||||||
شاعر
|
رد: (تخديره) ردا على قصيدة الشاعر المبدع عبدالعزيز عوض
اشعل قناديل شعرك واترك الحيره ونطح لنا المفرده واصدح بها عبره اشعلت واشعل ابو فيصل قناديل وشمع دانات من ابداع ورقى وتميز صح لسانك يابوالوليد ولسانه مليارات ومليارات مبدعين ولافيكم حيله الله يعطيكم الف عافيه تقبل تحياتي,,,, |
||||||||
|
|||||||||
10 Aug 2011, 03:47 PM | [ 4 ] | ||||||||
|
رد: (تخديره) ردا على قصيدة الشاعر المبدع عبدالعزيز عوض
صح لسانك يَ / شاعرنا أبدعت .. بتفاصيلها / حروفها أبدعت + أمتعت ~| |
||||||||
|
|||||||||
10 Aug 2011, 07:12 PM | [ 5 ] | |||||||
شاعر
|
رد: (تخديره) ردا على قصيدة الشاعر المبدع عبدالعزيز عوض
بندر النايف الغالي مرورك يسعندي دائما شكرا على جميل تواجدك هنا تفضل بقبول فائق الاحترام |
|||||||
10 Aug 2011, 07:13 PM | [ 6 ] | |||||||
شاعر
|
رد: (تخديره) ردا على قصيدة الشاعر المبدع عبدالعزيز عوض
معزوفة الرحيل صح بدنك مرورك اسعدني كثيرا تفضلي بقبول فائق الاحترام |
|||||||
10 Aug 2011, 07:14 PM | [ 7 ] | |||||||
شاعر
|
رد: (تخديره) ردا على قصيدة الشاعر المبدع عبدالعزيز عوض
اخي فهد رزيق صح بدنك ياالغالي مرورك الجميل والمحفز والمعلم يضيف لكل قصيده متواضعه اكتبها جمالا تفضل بقبول فائق الاحترام |
|||||||
10 Aug 2011, 10:19 PM | [ 8 ] | ||||||||
شاعر
|
رد: (تخديره) ردا على قصيدة الشاعر المبدع عبدالعزيز عوض
صح لسانك يابو الوليد وأتمنى أن أكون عند حسن الظن وعسى الله يجملنا منكم تقبل تحياتي |
||||||||
|
|||||||||
10 Aug 2011, 10:22 PM | [ 9 ] | ||||||||
مراقب عام
|
رد: (تخديره) ردا على قصيدة الشاعر المبدع عبدالعزيز عوض
للشعر عنوان مادام للشعر رجال مثلكم تقول الجزل ونستفيد كامتابعين. |
||||||||
|
|||||||||
12 Aug 2011, 12:24 AM | [ 10 ] | ||||||||
مؤسس شبكة الشدادين
|
رد: (تخديره) ردا على قصيدة الشاعر المبدع عبدالعزيز عوض
بيض الله وجهك يا شاعرنا المبدع أبو الوليد وصح لسانك ملايين ولا تكفيك على هذا الابداع الراقي |
||||||||
|
|||||||||