يا غنـــــــــد

بسم الله الرحمن الرحيم

السلام عليكم ورحمة الله وبركاته ،،،،،،،
اسعد الله جميع اوقاتكم
اعتذر عن الانقطاع واعود لكم بهذه المتواضعه
وارجوا ان تحوز على رضاكم ،،،،،،،،،،،،

يا غند ياحالي البيذر من الله سبيت الروح سبي=كلوب حبك معرقيني وفاطمني من غيرك فطام
اجروح قلبي جهر لك بعضها صوت والمخنوق غبي=قطعة نسم لعن ابو من لامني فيك يابدر التمام
ممشوق منتوق عنق وطرق والزين يدبي فيك دبي=اما انت مخلوق في ليل القدر ولا منت امن العوام
خدراتك ان طرقت ليل ٍ جفل من مراح ٍ فيه ربي=وان نوخت طرفها كنها تجلل على الصبح الظلام
فيلق جبايه ومن رمشك صدف مضغته يجباه جبي=بالغصب يذهب مع من قد ذهب به ولله الدوام
سبحان من لك عقل قلبي وذيرت نبضه وانت ضبي=شوارع القلب لا سلهمت سببت لك فيها زحام
ثولثت لك رصدة السابر ومن رام ما ياصلك حبي=والشرد اللي تعس القفر تعسف لك اجباه الكلام
هاك الغلا واعلم ان الود مابان واللي بان خبي=عشان خوفي عليك ألحمت صندوق صدري بالعظام

ياالله حية علومك علوم (غند=سكر) ولعب والحب مايرحم

ابطيت ياقلب الذيب واشتقنا لك ولقصيدك لاعاد تبطي علنا

ولا تأخذك منا الدنيا صح لسانك وجعل أيامك كلها سكر أمين

قلب الذيب


قريتها اكثر من مره وشدتني لسبب واحد فقط

ماعرفت وزنها وبحرها وما فهمت ابياتهااااااااا

وانت شاعر مافيك شك واعتقد ان السبب في انا

برد اقرااااها مره ثانيه وثالثه لين افك شفرتها


ولي عووووده

صح إلسانك وبيض الله وجهك

		المشاركة الأصلية بواسطة : زعيم الحب اقتباس
	ياالله حية علومك علوم (غند=سكر) ولعب والحب مايرحم ابطيت ياقلب الذيب واشتقنا لك ولقصيدك لاعاد تبطي علنا ولا تأخذك منا الدنيا صح لسانك وجعل أيامك كلها سكر أمين

صح بدنك والله لا يهينك
والحب على قولتك ما يرحم هذا لانك زعيم الحب هههههههه
عموما اسعدني مرورك
لك كل الشكر والتقدير ،،،،،،،،،

		المشاركة الأصلية بواسطة : الرهاوي اقتباس
	قلب الذيب قريتها اكثر من مره وشدتني لسبب واحد فقط ماعرفت وزنها وبحرها وما فهمت ابياتهااااااااا وانت شاعر مافيك شك واعتقد ان السبب في انا برد اقرااااها مره ثانيه وثالثه لين افك شفرتها ولي عووووده

يا هلالالالا وغلا لالالالالالالا بالرهاوي
ياخوي زين اللي قريتها اكثر من مره
عشان اتشرف بتواجدك
وبالنسبه للبحر سمه بحر الذيب هههههههههه
انت شاعر يالرهاوي وانا احب قصيدك
واكيد انت تدور للوزن عشان تجاريها هههههههه
كالعاده يالرهاوي
مرورك جدا اسعدني وان عودت يا مرحبا بك يالغالي
تقبل خالص تحاياي

		المشاركة الأصلية بواسطة : بنـــ ( H )ــدر اقتباس
	صح إلسانك وبيض الله وجهك

اخوي بندر صح الله بدنك زان حالك واستر فالك
ووجهك ابيض طال طال عمرك،،،،،
سررت بتواجدك
ولك ازكى تحياتي يالغالي

يا هلا والله بشاعرنا الكبير قلب الذيب

من طول الغيبات جاب الغنايم

يا طول غيابك وأنا أخوك ويا بعدك عنا : ...!!

المهم إنا شفناك اليوم وشفنا هذه القصيدة الأكثر من رائعة

ولا هي غريبة على شاعر كبير مثلك أن ينظم مثل هذه الدرر

صح لسانك ولا هنت وإن شاء الله نشوفك متواصلاًَ معنا وما تنقطع عنا

صح لسانك ياقلب الذيب

وبيض الله وجهك على هالقصيده

الرائعه والجزله

والله يعطيك العافيه يالغالي

وان شالله ماتغيب عنا ولا تطول علينا بقصايدك

تقبل مروري الغربي

قلب الذيب
صح لسانك وبيض الله وجهك
وتقبل مروري