عبرة

والله إن هالوقـت ياعالـم عليـه غـبـارما سألـت أحـدٍ علومـه غيـر والله ذمهـا

المصيبه إستوى فيه الحصـان مـع الحمـارواختلـط سكـر لياليهـا بدفـقـة سمـهـا

مات جوع الحر...وعياله بعد ماتـوا حـراروالسوالـف مالهـا زبـدة خبيـثٍ دمـهـا

جايعٍ ذيـب الفلى...والحصينـي لـه تغـاروضاعت انساب القوافي خالهـا مـع عمهـا

المصيبة شفت لي قطوٍ يلاعـب بنـت فـارثـم قفـت عنـه تلعب...وهـو ماخمـهـا

خابـرٍ مابينهـم ياكـود عــدوانٍ وثــاركيف حطت عينهـا بعينـه وهـو ماهمهـا

ضاعت علوم المراجل...وارمدت ضوء الوجارومات راعي الطيـب لكـن خطبتـه ماتمهـا

صاخبٍ سوق الجعر...ميـتٍ سـوق المهـاريصهلن ياشيـب عيني...بـس محـدٍ لمهـا

التنافـس للرجال...والبنـات اللـي تـغـاروانقلب سوق المراجـل والخصيـوي طمهـا

وش نبي بالمرجلـة لاجابهـا دقـاق طـاروالسلـق تتبـع فرايسهـا بقـوة شمـهـا

مارقصنـا ولاتلوينـا علـى سـهـرات زاروارثين المرجلـة مـن جدنـا اللـي زمهـا

الولد وإن أعجبك فأعـرف إن دمـه عمـاروالبنيـة سترهـا راضعتـه مــن أُمـهـا

ولـو يطـول الليـل والله مايخليـه النهـارتنبلج شمس الضحـى مـا تخلـي سلمهـا

الكبار كبـار حتـى لـو تعيرهـا الصغـاروالصغار صغـار حتـى لـو يقاقـي فمهـا

عبدالكريم المهنا

صح السانك يابوتركي


وتسلم يمينك





اخوك

الـــــــــــوافي