أغلــــــــــــــــــــــــى المخاليق

ترى البارحة عين الشقا ليلها سرى =على طاري اللي ينعش الروح طاريها
طرا صوتها اللي له جفت عيني الكرى= وهلّت عبرة حاولت عن غيري أخفيها
عيوني تجود بدمعها كل ما طرى= وبفرقاه دمع العين روحي يعزيها
يبطي جرح أغلى المخاليق ما برى = وتبطي قوافي الشعر تنعى وترثيها
ويبطي دمع تركي كل ما تذكره جرى= وتبطي القصايد ما نست عشق غاليها
وتبطي ونةٍ منها ضلوعي تكسرى=وشرايين قلبي لوعة الحزن تكويها
يقول الذي في لوعتي فيه ما درى= راس الحول قرّب يكتمل وأنت تبكيها
غلاها يتجدد وهي في باطن الثرى= كفّو العذل يا عذال ماني بناسيها
عسى الغيث لا نشت مزونة تحدرى= على أرضٍ بها مثواه تمطر وتسقيها
أنا سائلك يا منزل الذكر في حرى=على خاتم الرسل أفضل الخلق هاديها
تجعل رحمتك يوم التنادي لها ذرى= ومن هول يوم الحشر يارب تنجيها
سطى الجرح من فرقاه فالقلب وافترى=طوى الروح لين إنه بحث كل خافيها
أعيد الشرايط وترجع الذاكرة ورى=لأيام مضت في العمر ما أحلى لياليها

تركي الشدادي
صح لسانك قصيده جزلة
تسلم يالنشمي على طرحها

الله يرحمها برحمته ويكتبها من الابرار الصالحين


صح لسانك اخوي تركي

ومازلنا ننتظر منك المزيد

ابو عبد الله


معنااااا؟؟

يا حبني لهالاسم

تركي الشدادي هنااااا


يا الف مرحبا


فديتك وفديت قافك

الله يرحمها ويسكنها فسيح جناته

اشهد لله انها كانت من اهل الخير

ابشرك ان درجاتها عاليه راحت ما اذت على قصيره

اخوي تركي سعادتي لا توصف بهذا الحضور

يا هلا وغلا

هلابك يابو عبد الله

وصح لساااانك ابدعت والله لا يهينك

عسى الله يرحمها برحمته ويسكنها فسيح جناته

الاخ تركي


رائع
صررراحة احترت اي بيت اختار ولاكن اختر كل القصيده


لان كل القصيده تستاهل

صح الله لسانك يالنشمي .. لاهنت

وصول شاعر بهذا القدر للمنتدى

وتشريفه له مكسب كبير

لن يكون إلا مع ابو عبدالله

هلا بك أخوي تركي وانا من زمان انتظر هاللحظات اللي

نشوفك فيها بيننا ونقرأ جديدك ونطرب لقصيدك

قصيدة غاية في الجمال والوصف لأم غالية فارقت هذي الدنيا

إلى دار الآخرة تتنظر منكم الدعاء لها بالرحمة والمغفرة

أعلم أن أغلي قصائدك قد كتبت فيها لكن لا مانع من نشرها

اعترافاً بفضل الأم وتكريماً لقدرها

[movet=up]الله يسكنها الجنه

ويهون الفراق عليك

فقدان الام اكبر خسارة

الله يرحمها ويوسع لها [/movet]

أخواني وأخواتي

جميع أعضاء المنتدى وجميع من تواصل معنا

أشكركم وأطلب من الله أن يوفقكم جميعاً

مشاركتكم لي مواضيعي دليل قربكم وتآلفكم وتوحدكم

وفقكم الله لكل خير