سؤالين للشباب وسؤلين للبنات

السلامـ عليكمـ ورحمهـ اللهـ وبركاتهـ

شهد : فيصل امي تبيك الحين

فيصل : وش تبي ؟

شهد : تبيك توديني السوق بسرعه
فيصل : لحوووول كل يوم مشوار ماني فاضي لك مشغول روحي لمحمدفاضي

000

شهد : محمد ممكن توديني السوق محتاجته اليوم ضروووري

محمد : معليش والله مشغول روحي لـ اخوانك < شكله من عيال الجيران

000

شهد : مساء الخييير خلوودي الغالي ممكن نروح السوق نتمشى ثم نتعشى < زانت الاخلاق

خالد : دام فيها عشى يالله مشينا تجهزيبسرعه

خالد جاه اتصال ....

خالد : هلا

صديقه : هلاابوخلود تراني قدام الباب اطلع نبي نروح مشوار قريب
خالد : اوكي جايك الحين

سكر السماعه وراح لصديقه وسحب علىاخته

00000000000

بعد هذه المواقف البسيطه ندخل في الموضوع سيداا

ما رأيكم في تعامل بعض الاشخاص لـ اخواتهم بهذي الطريقه؟

الشباب: هل أنت ممن يعطي اخواتهم حقهم من وقتك ويجلس معهم ويستمع إليهم ؟

هل لديك احد من أخواتك قريب من قلبك عكس باقي الأخوات ؟

البنات: هل أنتي لديكِ اخوان لا يهتمون لطلباتك ؟

هل انتي راضيه عن تعامل بعض الاخوان لكِ ؟

اريد جواب من الجميع وأريد الصراحه عنوان هذا الطرح مع ذكر بعض المواقف إذا أمكن

		المشاركة الأصلية بواسطة : اقتباس
	الشباب: هل أنت ممن يعطي اخواتهم حقهم من وقتك ويجلس معهم ويستمع إليهم ؟ هل لديك احد من أخواتك قريب من قلبك عكس باقي الأخوات ؟

ايه عشان اعرف الي لي والي علي معهم ومع الكل !!!

لا كلهم نفس بعض ونفس التعامل !!!

الحمدالله انا اخوي

الله يسعده ويوفقه ما شاء الله دايما معنا ويلبي طلباتنا

الله يوفقه مو مقصر معنا وكل هذا بطيبة خاطرة يعني مو غصب



مشكورهــ الجازي

تسلمي والله يوفقك

اهلا اهلا اهلا












والله انا اول ماتعلمت السوااااااااقه كنت اجودي معهم











ما اقصر شقردي انبسط اذا قالوا عندنا مشوار








بسسسسسسسس بعد ما طفشت من السواقه صرت نكدي شوي














بس الاكيد اني ما اقصر احيان

والله زان لي الموضوع بصراحه انا موفر لخواتي كل شي ولله الحمد اجل ايش استني المسكينة تروح مع تكسي اخس على شنبي لا سويت كذا

تسلمي يالجازي على الطرح

هههههههههههه ضحكني خلود
يحليلها اخته صج سحب عليها
لو منها بنقهررررررررررررر موووت ههههه


اممممممممم الحين بجاوب على سؤالين البنات

هل أنتي لديكِ اخوان لا يهتمون لطلباتك ؟
لا الحمدلله،
يمكن ما تعودت وايد اطلب من اخوي بحكم ان الوالد والوالدة ما يقصرون وياي بشي، بس في حال كان لي طلب عند اخوي أكيد ما يقصر فديته، الله يبارك لي فيه ويعطيه طولة العمر ويخليه ذخر لي
انا شخصيا اعتبر علاقاتي بأخوي مميزة جدا!!
اما اذا جينا على طلعات السوق وطلعات العشا وما إلى ذلك،، هني غالبا ما نعتمد وايد على اخواننا الشباب في هالشي بحكم ان سياقة االسيارة متاحة للبنات!
تعودنا نقضي مثل هالمشاوير بأنفسها...
بس أكيد أي طلعة عائلية نفكر نطلعها مع أخوي أكيد يكون مخطط لها وإلزامية خلاص يعني مافيها انه يسحب علينا ويطلع مع ربعه مثلا مثل ما سوى خالد مع اخته!!
أكيد الأولوية في هالمواقف تكون لنا مش لربعه!
إلا في حالات الضرورة طبعا هذا شي ثاني.. والكل يكون متفهم!

هل انتي راضيه عن تعامل بعض الاخوان لكِ ؟
جداً..
الحمدلله
واي علاقة مب بس بين الاخوان طالما غلفت بالاحترام المتبادل فهي من انجح العلاقات وأنجح أساليب التميز في التعامل!
الحمدلله انا اعتبر نفسي تربيت في بيت ذا بيئة عائلية صحية ومميزة جدا،، العلاقات بيني وبين اخواني على ارقى مستوى ولله الحمد والله لا يغير علينا...




تسلمين يالجازي
موضوعج مميز
يعطيج الف عافية