..:.. مرحباً بك في شبكة الشدادين الرسمية ، ضيفنا الكريم يسعدنا دعوتك للانضمام والمشاركة معنا .. اضغط هنا لتسجيل عضوية جديدة ..:..


العودة   شبكة الشدادين > المنتديات الأدبية > منتدى القصص والحكايات > كتّاب المنتدى في القصص والرواية الأدبية
 
أدوات الموضوع
إضافة رد
  [ 1 ]
قديم 12 Nov 2009, 06:06 AM
عضوة متميزة

تــرف غير متصل

مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
المشاركات : 14,299
معدل التقييم : 767
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
يا ما أسهل الدنيا :: مهما تعاندنا {الفصل الثالث}



(وأنفجرت طراطيع الطفولة في جدار الزمن وطارت الطيور التي ترفرف في سماءات البراءة والنقاء ولم يتبق من أسراب الحمام سرب واحد كي يسلينا قلوب أبطالنا في مرحلة الشباب قد حكم عليها الدهر بالانصياع للقدر ومجاراة الواقع وحسابات العادات والتقاليد ووزن الكلمات في ميزان قاتل كي لاتخرج
من أفواههم كلمة تدينهم طول العمر ظل الحب حبيس الأضلاع وينبض بالقلوب ولــكن عندما يطفو العشق فوق فوهة اللامعقول تقف القلوب خاضعة لارادة الحب الخارق للعادات وفي هذا الجزء ترون كيف هو الصبر على الضيم والقهر وتشوفون أنواع الذل لغالية )

***



في الشرقية وتحديدا الدمام وفي أحد احيائها السكنية الراقية حيث انتقل لها سعود

لدواعي
العمل وبعد مانقلوا بشهرين تقاعد ناصر وأقنعه سعود يجي عنده بالدمام

ويشتغل عنده بالشركة
ويونسه وفرع شركته اللي بالرياض موكل عليها واحد من

أعز أصحابه لأن الدمام فرع جديد ويحتاج
وجود سعود كم سنة وهو مايستغني عن

ناصر وعياله لأنه يعتبره أبوه لأن ناصر هو اللي أخذ سعود بعد
عين أبوه وسكّنه

عنده لين تزوج وكانت قماشة تسوي نفسها إنها هي اللي ربته وعطته الفلوس


مع إنه كان حزتها بالثانوي واللي يصرف عليه أخوه ولما توظّف كان يعطي قماشه

نص راتبه
من ورى أخوه لأنها تتشكى عنده وتقول أخوك ضعيّف وعطني وأنا

أعطيه بدون مايتحسس وهي


تكذب وسعود يصدّق ويستحي منها لأنه ببيتهم وهي تاخذ الفلوس وترسلها لمكان

ثاني بعدين راح
تكتشفون مع الأحداث وين تودي الفلوس اللي تاخذهم من سعود وغيره ووش كانت تسوي طول هالسنين ..

قماشة شخصية نادرة تظهر الطيبة وتخفي أحقاد الدنيا بقلبها وكأنها رجل بثوب امراءة صاحبة عقل شيطاني تحتها مؤسسة كبيرة في الدمام وكل شهر تاخذ من كل عامل أربع آلاف سواء دخّل أو مادخّل لازم يكون المبلغ بيدها وإلا قلبت عليهم الدنيا دخلها الشهري 80 ألف غير الشيكات اللي تجيها من سعود أقل شيك يكتبه لها مية ألف وكل فترة لازم يعطيها عشان ترضى عليه وتقابله بوجه بشوش وإلا يضيق خاطر سعود وتنصك الدنيا بوجه إذا قماشه زعلت عليه وهي زوجة أخوه لااحترم أخ ولاخاف من ربه وهو يظلم زوجته ويبخس حقها بينهم شي محد يعرفه إلا غالية زوجته اللي ساكته وحاسه بالضيم والقهر وماتقدر تتكلم تخاف منه وتخاف من قماشه وراكان اللي بدأ يشك بالوضع..


في بيت ناصر


قماشه : فتحيه جيبي لي سطل فيه ماي وملح بنقع رجولي كأنها بدت تخشّن

فتحيه : من عينيا ياحقه

(فتحية شغالتها مصريه ومن عام 1405 هـ هي عندها لحد عام 1428 هـ عمركم شفتوا شغالة تجلس 23 سنة وماتروح حتى زيارات وتآمر وتنهى وكأنها من العايلة راح تعرفون السبب مع الأحداث .........)

قماشه : وعطيني معك الجوال على المكتبه




في فلة سعود وتحديداً في المجلس وحرمته وعياله حوله :

دق جوال سعود ..

سعود : فاتح السبيكر ألو نعم

قماشة : السلام عليكم

سعود : وعليكم السلام ياهلااااااااااااا والله حياك الله وكأن الملك بكبره مكلمه مو حرمة أخوه صوت ترحيبه لأخر البيت

قماشة : سعود عندي مشوار للسوق أبيك توديني

سعود : أبشري أبشري الحين جايك

وبثواني طلع سعود وكأنه ملحوق ....

(سعود برزته وبمنصبه وشخصيته القوية صاير كنه ورع قدامها وهو مايودي حرمته حتى لمستشفى يودونها أخوانها أو واحد من جماعتها ليموزين أي أحد إلا
سعود مايركّبها وجايب سواق ومانعها تركب معه إلا معها كل عيالها وغاليه ماتروح معه تخاف لأنه من عمال قماشه وماترتاح له ولحركاته ولما كبروا عيالها صاروا يودونها بداية زواجه فيها كان معيشها ملكه لمدة سنتين وبعدين انقلب وصار يكره حتى تتكلم قدامه أو تناقشه من سوى علاقته بقماشه وهو يسوء تصرفه وياها وكل سنة أردى من اللي قبلها )

أنا ما عشت ابد سني .. ولا حسيت غير الآه
احس عمري رحل مني .. واحلامي ارحلت وياه

زماني يروح ويذبحني .. واعاني من التعب و القاه

واقول الله يعوضني .. لي الجنــــه بإذن الله
!


راكان : الملعونة قماشة هذي مافيه أحد يوقفها عند حدها الحيوانة

ماكفاها فاضحتنا تركب مع سواقها لحالها وتروح بأنصاص الليالي

أقص يدي إن ماكان عطيه الصعيدي هذا موسواق وهي وياه وراهم

بلوه فيه سواق يجلس عند ناس عشرين سنة عطية وشغالتها فتحيه

ماجلسوا من خير ومصيري أعرف اللي وراهم والله والشارب

هذا مو على رجال يايمة إن ماأخذت حقك طول هالسنين ماكون راكان

وطلع ورسم علامات استفهام ولكن لاحياة لمن تنادي سعود

يودي قماشة لكل مشاويرها يطلع من دوامه يمر عليها قبل بيته يتغدى

ويروح يمها يرجع لبيته العصر والمغرب يرجع لقماشه ويتقهوى معها

ويجي لبيته وهي معبيه راسه ويثور ويهاوش بدون سبب غالية

ماعمر سعود
وداها لأي مشوار تمرض تتعب مايوديها لحد ماتتصل على قماشة

وقماشة تجي توديها مع السواق وإذا خلصت تتصل بسعود وتقوله

وديت حرمتك تعبانة ودفعت عشر آلاف حاسبني عليها وهي

مادفعت إلا ألف وأحيان خمس مية بس هذي هي من سنين تسوي

هالحركة وبعد ماكبروا عيال غالية صارت ماتوديها ولكن تاخذ الفلوس

بطريقتها الملتوية ..

غالية : والله ماقصرت قماشة بنت الحلال حتى عيالي مانفعوني يوم بغيتهم

مالقيتهم ويوم درت إني ببيع الذهب تزهلت وودتني وبعناه ..

ريم : إيه ماقصرت لاعبة بعقل أبوي وأنتي خاتم باصبعها يمه الله يهديك

ليه تبيعينه

غالية : راكان منقهر يبيله سيارة أبوك مدري وش جاه فيصل يشتري له آخر موديل من أول ما ساق وله كم سنة لاقلنا له فلوس وإلا شي للعيال شب فينا وطالب ولاعن ومشى وخلانا مدري وش اللي غيره علينا زمان مايحط بيدي إلا الآلآف ومغرقنا بالفلوس والحين مية يستخسرها فيني وأنا ماحب منة أحد .

ريم : تتذكرين خالي يوم يقول غالية ننهبل من شنطتها لاجت

ونستغرب إن حرمه يخليها رجالها تمسك هالمبالغ مافي أحد سواها قبل سعود

مصروف للحرمة وللعيال وللبنات الله يرحم أيام زمان وينك ياخالي تشوف

أبوي الحين صار خيره لقماشة وعيالها وكنهم عياله مو حنا اللي يستخسر

في اخواني ريال الحمدلله إنه ماقطع مصروفنا وإلا كان ماتحملت

غالية : والله اللي مستغربته إن أبوك لاطلبت منه شي كأنه مقروص وربي يخرعني من شكله ويبرر بأشياء مالها دخل يقولي أنتي تاجرة ليه أنا موظفة يوم يقولي كذا والله أبوك صاير عجيب وإنسان ثاني ..

وتدخل ريوف عليهم وتقطع كلامهم ..

ريوف : حركاااااااااااات وش هالاجتماع المغلق بسرعة وش كنتوا تسولفون فيه

اعترفوا أكيد تسبوني

غالية : وأنتي ماعندك إلا السوالف ماقلنا شي

ريوف : أماااااااا ماقلتوا شي وساعة تقرقرون

ريم : عشان لاقلنا لك شي نقلتيه لجوزاء وفضحتينا

ريوف وهي مطيره عيونها : وقسم بالله ماعمري قلت لجوزاء شي يخصكم

ريم : ههههههههههههههه علينا أجل كل يوم من الساعة تسع بالليل لين يأذن الفجر وأنتي

تكلمينها وش تسولفون فيه أكيد حياتنا كلها عندها

غالية : ريوف خفي من هالمكالمات مو زين حتى لأذنك

ريوف : ههههههههههههههه يماما أنتي فاهمة غلط الجوال اللي يضر مو التليفون

غالية : وحتى لو التليفون له ضرر

ريوف بطفش : حرام عليكم أنا ماعندي إلا جوزاء تونسني شوق الحين بعيدة

وبالكويت مقدر أجيها دايم تحرموني من جوزاء بعد

ريم : الحين يوم تدافعين عنها عمر جوزاء اتصلت وإلا أنتي اللي تتصلين بس

ريوف : هم ماعندهم صفر وبعدين بابا أغنى منهم ومايقول شي هي أمها تهاوش

لاشافتها تكلمني تقول خلي ريوف هي اللي تتصل ماعليهم قاصر

ريم : الله يالكذب ماعندهم صفر وشلون يتصلون بأهل الكويت

ريوف : بصفر بس أمها تقفله

ريم : الحمدلله والشكر وش دخلها تقفله خالي اللي بيسدد وش هالبخل

ريوف : ماأسمح لك تسبينهم

ريم : عشتو من يتكلم وأنتي ليه تدافعين عنهم وإلا عشان ريان وابتسمت

ريوف وينقلب وجهها : استغفر الله العظيم أنتم عالم سخيفة ولخبطت بالجمل

وش دخله ماهمني ومادريت عنه عشانه يبيني ع بالكم إني أهتم بسوالفه

وخرابيطه وقسم مادريت عنه ..

(لاجابوا طاريه يدق قلبها وينخطف لونها وماتبي أحد يكشف إنها تحبه للحين

حتى أهلها وهي تكلم جوزاء كل هالساعات عشان تسمع سوالف جوزاء عنه

لأن طبع جوزاء تسولف عن كل صغيرة وكبيرة تصير ببيتهم والمستفيدة ريوف

تسمع سوالف وحركات ويوميات حبيبها بدون ماتسأل جوزاء وتسمع صوته

لأنه يتعمد يجلس عند جوزاء لاكلمت ريوف ..)


ريم : يلعن ابو النصب أنتي من شاف وجهك غسل يدينه يعني لابغيتي تلفين الموضوع طالعي بوجهك بالمرايه وشوفيه وشلون يتقلّب وبعدين تعالي انصبي ياختي مكشوفه لاتحاولين والمصيبه إني ماعمري سمعت اسمه على لسانك بجد أتعجب منك حركاتك تقول إنك للحين تحبينه وكلامك عكس كانك ماتبين الرجال خلي أمي تقول لخالي تراه معلّم الناس إنه يحبك ويبيك مافيه رجال مايدري عن حبه لك حتى عيال عمي ناصر يدرون ..

ريوف: وعلى كيف أمه هو ووجهه يقرر مصيري واثق الأخ إني للحين أحبه عشان يعلم فلان وعلان ويخلي سيرتنا على لسانهم الزواج قسمة ونصيب وإن ماخذته وشلون أعيش مع غيره وهم يدرون عن حبه لي

ريم : حبه لي يعني أنتي ماتحبينه

ريوف بكل جبروت وكذب : لا عادي عندي ماحس بقلبي حب كبير مثل ماهو يحبني

(لأنها ماتظمن ريم أختها وتعرفها لسانها متبري منها وتعلم اخوانها بكل شي وريوف ماودها تعلن حبها للعالم وخصوصاً أهلها ويصير شي عكس ظنها وماراح تتحمل نظراتهم )



وبالكويت أخوهم فهد وأهله ناقل له كم شهر طالبينه

يتابع عملهم بالكويت بما إنه تقاعد فصار يتبع تجاراته وفرع شركة أخوه سعود بالكويت لأن الرياض الفرع الرئيسي ماسكها صديق العائلة والدمام فيها سعود والكويت فرع ثالث فتحوه قبل سنة لسلسلة شركات سعود ومافيه إلا فهد يداريها بالبداية ..

في حي راقي شرى فهد فلة كبيرة وسكن فيها وسمح لشوق تكمل دراستها

بجامعة في الكويت ومايدري إنها اختلاط شوق كتّمت على الخبر عشان

مايحرمونها من الدراسة وقالت جامعة بنات وبنات عمنا يدرسون فيها

ومادقق أبوها بالموضوع بعد ماتأكد إن بنات مطلق يدرسون فيها تطمن..


شوق ترفع جوالها وتكلم منى تصير من بنات عمها (من جماعتها بس هم
يسمون أي أحد قريب ولد عم وبما إنهم بالكويت صارت تحتك فيهم كثير )

شوق بدلع لايق عليها : ألوووو

منى : حياج

شوق : مساء الورد منو

منى : هلابج مساج فل ورياحين

شوق : قوه غناتي

منى : الله يقويج هاه بشري باجر بتداومين ويانا

شوق : تصدقين خايفه بابا يكتشف إنها اختلاط ويصلخني وأنا أصلاً خفت

مدري كيف بدخل وبعدين استحي ومقدر أفتش شكلي بسحب ملفي

أجلس السنتين هذي راحه مو لازم أدخل جامعه

منى : شنو ماكو فكه أنتي دارسه دارسه وإهنيه بجامعتنا بتدرسين سنتين ولارحتي السعودية بتصيرين دارسه الجامعة كلها ومايبقى لج إلا ترم لاتضيعين الفرصة دراستنا غير عنكم تاخذين أترام وتنزلين مواد بسنتين تخلصين أربع سنوات الحين فوّتي الترم الأول كله وأنتي يالسه بتضيعين الثاني حرام عليج

شوق وكنها بدت تقتنع : طيب أنتم تفتشون كذا تمشون عادي أنا استحي

مقدر أمشي بلبسي وجسمي طالع مقدر صعبه ..

منى : لا أتحجّب وألبس لبس ساتر وطويل وفضفاض

شوق : شنو لايكون تلبسين دراعه أنتي ووجهك وتدرسين

منى : ههههههههههههههه دراعة شنو لا ألبس بالطو طويل تحت الركبه وتحته

بنطلون جنز واسع وشعري مايطلع أتحجب وماأحط مكياج ندرس ومانختلط

بالعيال إلا بالقاعة التصوير والكافتريا فيها قسمين فاصلينهم عنا ..

شوق : وقطع يعني فاصخين الحياء تمشين بالساحة والشباب بكل مكان
ماتخافين ..

منى : عادي تعودنا أنا قسمي ماينوجد إلا هنا والكليات أغلب طالباتها ينزّلون

مواد من عندنا يعني لابد تدرسين باختلاط بأي شكل من الأشكال غصب إذا تبين أقسام حلوه

شوق : وأبوك عادي واخوانك مايقولون شي

منى : أخوي يدرس معي بنفس الجامعة وأنا محتشمة وبالي بدراستي ومعي
رفيجاتي وماكلّم شباب

شوق : أنا اخواني بالرياض مانقلوا معنا بس ماما واخواتي وبابا جاب لنا سواق


عشان يودينا يقول إنه مرتبط ودوام جامعتكم زي الزفت

منى : ترى باجر لازم تداومين لج أسبوع من انقبلتي ماحضرتي ترى بيأثر في معدلج

شوق : ترى بلبس عباية ماني داخله بلبسي لو على موتي


منى : تغطي بعد يكون أحسن خلج عجوز والبسي برقع وملفع !

شوق : ههههههه لا عاد مو كذا بس ماراح أفتش ع بالك بلبس بنطلون وأمشي

قدام الشباب والله لو أموت ماسويتها مافيها شي
بتغطى ومالي شغل فيهم من القاعة للباب

منى : ههههههههههههه على كيفج الدنيا ممنوع ياماما ممكن تلبسين عباية كتف

وتتحجبين عادي يتقبّلون

شوق : يعني أطلع وجهي والله لو يموتون بلبس عباية كتف وبتغطى رضوا وإلا انرّضوا

منى : بكيفج أنتي بتتحملين نتيجة فعلج وبتصيرين شبهه وبيطاردونج

وسكرت منها الخط وجلست تستعد لأول يوم بجامعة مختلطة ومشاعر الخوف والقلق

تساورها وقررت إنها تلبس عباية واللي يصير يصير !!


وفي الدمام وبجلسة ريم وريوف :



ريم وتبي ريوف تعترف بالغصب بحبها لريان وبحركة استفزازية : تصدقين أحسن إنك ماتحبينه بصراحة مايعجبوني وعايشين بقرية وأمه ماعندها إلا السوالف والنميمة وأنتي ماتقدرين تعيشين بقرية مافيها حتى بقالة
وكل شي عندهم عيب أنتي تستاهلين واحد مثقف وعايش بالدمام قريب عندنا وبعدين ماتقدرين تعيشين عندهم وين بيحطك لاوظيفة ولاهم تجار يعني مصيرك بيكون غرفة بجنب غرفة جوزاء ومكيف عادي حتى اسبيلت ماظنتي غالي عليه بأسلوب استفزاز كانت تسب أهل ريان ..

ريوف وهي معصبه : أقول انطمي أنا اللي باخذه وإلا أنتي وبعدين اللي ماعنده وظيفه ماهو عيب ولاحرام أهم شي مايصير داشر وإلا خريج سجون وأنا ماتهمني الفلوس ريان يسوى عندي الدنيا ومافيها ونست نفسها واعترفت من القهر

ريم : ههههههههههههههه يعني جبت راسك أثرك خبله وأدناة استفزاز يجيب أجلك

ريوف : كولي تبن ياسخيفة وبعدين أنتي وش تبين وإذا عرفتي إني أحبه وش بتسويين

ريم : بندب حظي إن أختي بتعيش بقرية وتضحي بكل عيال عمها اللي عليهم الكلام مناصب وتعليم وتروح عند البدوان وتسكن بغرفة وتجلس على أمل يتوظف وإن جت بتكون ألف وخمس ألفين كل شهادته ثانوي ماتسوي شي بهالزمن وأنتي ساكنه بقصر وأبوي أغنى الجماعة وكل الناس تتمنى نسبه وقربه مالقيتي تحبين إلا ريان هذا سلطان كان يلعب معك مثله والحين ضابط مهندس وينتظر موافقه منك ويجي

ريوف : وعععععععع سلطانوه المعفن لو يلبسونه ذهب وألماس ماخذته ولد قماشه

لويمسيني ويصبحني بفلوس ماأخذته قطع يقطعه هو وأمه ..

ريم : ولد عمك وقماشه ماعليك منها بتعيشين بيت لوحدك وهي ماتتدخل بحريم عيالها

ريوف : أقول كولي تراب عشانك بتاخذين أخوه تلزقيني فيه لاتجيبين لي سيرته ماطيقه أكرهه

ريم : بس هو يبيك وحتى قال بمجلس رجاجيل باخذ بنت عمي سعود وهو ماراح يردني

ريوف : يخسي إلا هو لو على قطع رقبتي ماخذته القلب ماينبض إلا لريان

ومستعده أعيش معه لو بخيمه مو غرفة إذا هو معاي لو نعيش بصحراء أشوفها جنة ريم أنتي ماتحسين بكبر حبي الحب مو فلوس وجاه ومنصب الحب مايعرف ماديات ومظاهر الحب قلب ريان ينبض جواتي ونبضات قلبي تنبض جوات قلبه أنا ماشفت حياتي وبتخلى عن كل هالعز لعيونه وعمري ماحسسته إني أنا بنت فلان وأنا حياتي غير ومستواي غير تصدقين إني أشوفه أحسن شخص ومافيه أحد بالدنيا مثله شفتي عقلي هذا افقده لاجا طاريه أنا بس قلب وينبض بريان

ريم : لا يانواف بن فيصل تراه يجيب المرض طعس مايدري وين ربي حاطه فيه

لاتطيرينه وأنا أعرفه سلطان أجمل منه ريان محكك صاقعته الشمس لين قلب لونه ..

ريوف : يعني عشانه أسمر يالبى السمر كلهم وفديتهم والله دام الغالي اسمراني

حتى أنا بتشمّس وأصير سمراء مثله من زين البياض أنا أكره الرجال لاصار أبيض كنه حرمه ..

ريم : ليته على السمار وبس أنتي وش عاجبك فيه سؤال يسدح نفسه لازين ولا منصب ولا فيه شي زود عن الناس

ريوف : زوده إني أحبه وأعشقه وأهواه ولاتسبينه يكفي إنه طيب ورجال وحبّوب ويحبني وأحبه وكشخه وصح مو ملك جمال بس لاتظلمينه عيونه تسدح ونظراته جارحه وشعره ناعم وخشمه حلو وفمه يجنن وسكسوكته عذاب هذاك لابتسم الملح يقطّر ويطير عقلي معه

ريم : ههههههههههههه مو ملك جمال ومواصفاتك هذي حقت الشيون يعني !!أنتي خليتيه من نجوم هوليود ..

ريوف : يخسون مامثله أحد يبطون ماجو ربع زينه وحلاه


قدمت له قلب تشيله ايديه....
...فيه الوفا والصدق طول الزماني
ياللي شبيه البدر مدري سميه.....
...عطيتني كلك وربك عطاني
لبيه أرددها مساء وضحويه ...
...ولبيه ياحظ لدربك خذاني
دلة غلاك تفوح والنار حيه...
..وصبيت فنجالك من أقصى المحاني


وفي الكويت وبوقت الصبح وشوق تجهز للجامعة :

شوق بغرفتها وجالسة قدام المرايه : ياربي وش أسوي مغامرة ماحسبت حسابها

يووووه لو درى أبوي شكلي بجرب اليوم وبشوف الوضع حتى ماما ماني معلمتها

بسوي نفسي تفاجأت إنها اختلاط وبكيفهم ..

شوي ويدق جوالها نغمة ريوف الخاصة أغنية راشد وهي مخزنتها أغلى حبيبة :

يسألوني ليه أحبك حب ما حبه بشر وليه إنتي في حياتي شمسها وإنتي القمر وليه صوتك لا وصل صحراي يملاه الزهر علميهم يالحبيبة آآه آآه يا أغلى حبيبة يسألوني وفي ....

شوق : مرحبا

ريوف : أهلاً وسهلاً وين الناس بمحل إحنا تقولين مرحبا أكيد النفسية زفت

وإلا كان قلتي ألووو ومطيتيها دقيقة ونص بصوت أنثوي ناعم مو الحين

كنك يماني فاتح محل ويجرّب صوته

شوق : ههههههههههه لعنبو بليسك حتى على الصبح ماتخلين سوالفك كليتيني

بقشوري

ريوف : من الآخر وش فيه الحلو زعلان ومتكدر

شوق : مالت عليك على بالي إنك ذاكره إن اليوم أول يوم لي بجامعتهم الزفت ومتصله تشدين من أزري

ريوف : هههههههههههههه بالعه كتاب عربي أشد من أزرك ياعنز احمدي ربك إنك بتعيشين يوم ولا عن كل الأيام أنا نفسي أغامر زي كذا وقسم لاانبسط وأنا مسويه جريمة وراكان صايدني فيها أحس بلذة عجيبة وأنا أشوف غيرة راكان تطلع من عيونه !!

شوق : وقسم إنك منتهيه الناس يخافون من عصبية اخوانهم وأنتي تتلذذين بعصبية من رااااكان

هذا لاسمعت صوته أحس إني غلطانه وأنا ماسويت شي من كثر ماأخاف من هيبته وقوته

ريوف : أوف نسينا ماكلينا تخافين من راكان وإلا ..........

شوق : أقول ضيعتي وقتي بروح ألبس وأطلع السايق ينتظرني ساعة يالله باي

ريوف : أوكيه طمنيني لادخلتي عند الشباب هههههههه

شوق سكرت بوجهها تبيها تخفف عليها وهي ترفع ضغطها

طالعت بنفسها بالمراية وانقهرت العباية مفصلة جسمها وراحت نزلتها وطلعت عباية ثانية مو مفتوحه من قدام وكتافية لبستها وفيها تفصيلات بس أهون من الأولى ورفعت شعرها الطويل ولفت الطرحه وحطت مرطب شفايف وردي وماحطت كحل خافت تطلع عيونها وتصير مكحله وتفتن أحد لبست لثام وتغطت وراحت للجامعة وببالها ماراح تفتح الغطاء وأول مادخلت الجامعة تفاجأت كأنها بمصر مو الكويت ماتوقعت تشوف هالأشكال واتصلت بمنى وجتها

منى : تدرين إنج ملفته وأنتي متغطية وقسم عليج جسم مو صاحي

شوق : قولي والله واضح من ورى العباية ياويل قلبي ماراح أتحرك أجل

منى ماتبيها تجلس : ههههههه لا عادي بس أنا أتخيل جسمج من دون عباية وانطبع براسي

شوق : وين أروح بعدين وش فيهم الأوادم يطالعوني فيني شي غلط

منى : ههههههههه نسيت نزلي الغطوة فشلتينا ماينلامون فيج متغطية والناس كاشفين

وتحاول فيها لحد ماأقنعتها أن اللثام ممنوع وممكن تتعرض لمضايقات تتحجب ومحد منتبه لها

شوق : أوكيه رضخت شوق لمنى خوفاً من العقوبات وصدّقتها ومشت شوق وهي ماتطالع بأحد تحاول عينها ماتطيح بعين أحد

منى : شوق ترى من هالصوب قاعتج شفت جدولج ويبته لج تلاقينها بالدور الثاني لاتطوفج المحاضرة تلاقيني بالبريك بتصل فيج وبكون بالكافتيريا حقت البنات


شوق : طيب بروح قبل تبدأ عشان أدخل القاعة ومايكون فيها أحد استحي أدخل

وهم متواجدين وشلون بشوف طريقي مقدر

مشت شوق لعند القاعة وتفاجأت إنهم بادين ووقفت عند باب القاعة وشافت اللي جوى شباب وبنات والدكتور يشرح وقررت ماتدخل تروح أي مكان بس صعب تدخل كذا

.... : لوسمحتي ياأخت

شوق وهي متخرعه من صوت رجال : نعم

الباب مو من هالصوب شكلج وياي بنفس القاعة من الصوب الثاني إهنيه مسكّر

شوق : وإنت شكو لو سمحت لاتكلمني وأنا أعرف طريقي

.......: توقعتج سورية واستغربت لهجتج !!

وشوق وقلبها يضرب مافيه إلا هي وياه بالسيب والمصعد بعيد وخافت منه وقررت

تهرب وتدخل القاعة واللي يصير يصير ولا إنها تجلس معه ويسوي فيها شي

وفتحت باب القاعة بقوة وبدون ماتستأذن من الخوف وهي تتراجف وتوهقت يوم

حست نفسها بوجه الدكتور والقاعة كلها تناظر يها وساكتين

شوق : أأأأأ لو سمحت أأأأ وسكتت

الدكتور محمد : عافيه عليك جايه بدون إحم ولادستور وتقتحمين علينا القاعة

وتوقفين
المحاضرة وش اسمك وغياب أنا كم مره قلت إذا دخلت محد يدخل وراي

شوق وانهبلت وشلون يطردها والكلب واقف برى يمكن ينتظرها ويسوي فيها شي

وبكل
هدوء قالت : أستاذ لو سمحت أنا جديدة وحتى لو حسبت لي غياب ممكن تسمح لي أحضر

وفيه شلة شباب جالسين ورى ويضحكون عليها

جاسم :ههههههههه شكلها سكرانه في أحد يفتك من محاضرته ويدخل

أحمد: صوتها عذاب ليتها تلتفت بشوف وجهها شكلها مو كويتيه فيها نعومة ولهجتها غير

جاسم : طالع طالع لفت البنت شقراء شكلها سوريه متجنسه

الدكتور : تفضلي

شوق : ورفعت نظرها وبعدين نزلته وحست إنها بيغمى عليها من أشكالهم الغريبة وطرحتها مو ثابته وخصلة شعرها نزلت وجلست بسرعة بأول كرسي صادفها وقلبها يضرب وماتدري وشلون دخلت وعدلت طرحتها وهدت شوي
لأن اللي بجنبها بنت بس اللي قدامها ووراها شباب ...

استأذن الإستاذ بعد نص ساعة وطلع وقاموا الشباب والبنات يطلعون جلست

بمكانها لحد ماتخف زحمتهم وتطلع براحتها بدون ماتحتك فيهم وطلعت جوالها تتصل بمنى تجي وتاخذها وهي طول المحاضرة تحاول تنزل راسها عشان مايشوفون وجهها وخافت تنزل بروحها وتصادف أحد .

طلّعت الجوال وضغطت الاتصال
إلا يد من وراها لمست كتفها وفزت من مكانها وهي منصدمة إلا ...............!!



""
انتهى الجزء الثالث
وألقاكم في الجزء الرابع قريباً












توقيع : تــرف


وأنا الذي .. لو جِئْتَ تطلُبُه الفؤادَ .. لقُلْتُ : لَكْ ..!
عَجَبِيْ لهُ مِنْ سَائِلٍ .. أنْ جاءَ يطلُبُ ما مَلَكْ ..!!
"إنيْ أحبُّكَ" .. قُلْتُها .. فبَنَتْ بقلبِي مَنْزِلَكْ !
وزهدتُ دَهْري .. واعتزلْتُ الناسَ .. كي أتأمَّلَكْ !!
قلبي اصطفاكَ على البرايا .. واصْطفاكَ .. وفَضَّلَكْ !!
كُلُّ الحكايةِ أننّي .. أَيُّوْوووهْ .. ! كمْ أشتاقُ لَكْ !!

رد مع اقتباس
قديم 12 Nov 2009, 12:52 PM [ 2 ]
مؤسس شبكة الشدادين


تاريخ التسجيل : Jan 2005
رقم العضوية : 1
الإقامة : saudi arabia
الهواية : رياضة + كمبيوتر وبس
مواضيع : 2071
الردود : 91524
مجموع المشاركات : 93,595
معدل التقييم : 4981السلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond repute

السلطان غير متصل


مـجـمـوع الأوسـمـة : 8
فعالية ضوء عدسة

فعالية طلباتك أوامر

شكر وتقدير

فعالية مجموعات المنتدى

يوميات الأعضاء

التميز في دورة الفوتوشوب

شكر وتقدير

أجمل خط 1434 هـ





من جديد ومع الحلقة الثالثة
نرحب بك أختي ترف ونشكرك
جزيل الشكر على اتحافنا بمثل هذا العمل الجميل
لم أقرأ إلى الآن ولكن الطابعة تأخذ عملها في طباعة الحلقة
وسأقرها مع وقت روقاني
تسلم يديك ويعيش فكرك


توقيع : السلطان
الأعلى رد مع اقتباس
قديم 12 Nov 2009, 03:12 PM [ 3 ]
عضوة متميزة


تاريخ التسجيل : Sep 2008
رقم العضوية : 10686
الإقامة : saudi arabia
الهواية : الكتابة و الرسم :)
مواضيع : 10
الردود : 1464
مجموع المشاركات : 1,474
معدل التقييم : 25غالية is on a distinguished road

غالية غير متصل


مـجـمـوع الأوسـمـة : 2
العضو المميز

الحضور المميز




تسلم ايديك

مرة روعة تحمست يلا لا تطولين

نورت الدمام بعيال غالية ياحبني لهاا سميتي
هههههههههههه احلى شي بالقصىة


يعطيك العافية قلبووو


توقيع : غالية





تسلم يد من زين التوقيع مرة حلو
كل ذوق
الأعلى رد مع اقتباس
قديم 12 Nov 2009, 04:21 PM [ 4 ]
๑.•[عُذِبُـةے الأطَبُـاعُـ]•.๑


تاريخ التسجيل : May 2009
رقم العضوية : 20425
الإقامة : saudi arabia
الهواية : تحرير المواضيع المُزخرفة > فيس يقهرهم ويحرّك حواجبه
مواضيع : 69
الردود : 4588
مجموع المشاركات : 4,657
معدل التقييم : 37شوق شداد is on a distinguished road

شوق شداد غير متصل


مـجـمـوع الأوسـمـة : 8
كيدهن عظيم

وسام صورة ومثل

مشارك في مسابقة القرآن الكريم

مسابقة تعرجات قلم

العضو المميز

المشرفة المميزة

التواصل

الحضور المميز




>> متابعـــــه ..


تروفه فديتك إذا خلصتي الروايه كامله حطيها بملف مضغوط

ونزّليها هنا ..عشان أحمّلها وأحّولها لجوالي وأفصصها تفصيص :icon_mrgr


توقيع : شوق شداد



{اللهم استُرنا فوق الأرض وتحت الأرض
ويوم العرض ، واجعل كُلّ قضاءٍ قضيتُه لي خيرا }



:


مَا أشْبهِكْ ياوَردْ غَير فْ ذُبولِكْ

:
" شوق شداد "







..
الأعلى رد مع اقتباس
قديم 12 Nov 2009, 08:34 PM [ 5 ]
عضوة متميزة


تاريخ التسجيل : Nov 2009
رقم العضوية : 22400
الإقامة : saudi arabia
مواضيع : 36
الردود : 857
مجموع المشاركات : 893
معدل التقييم : 116الراكدة will become famous soon enoughالراكدة will become famous soon enough

الراكدة غير متصل


مـجـمـوع الأوسـمـة : 3
العضو المميز

الحضور المميز

الشاعر المميز




رررررررروعه عزيزتي..



دمتي بود...


توقيع : الراكدة
تستطيع أن ترى الصورة بحجمها الطبيعي بعد الضغط عليها
الأعلى رد مع اقتباس
قديم 13 Nov 2009, 03:48 PM [ 6 ]
عضو متميز


تاريخ التسجيل : Oct 2007
رقم العضوية : 9692
الإقامة : saudi arabia
الهواية : ..
مواضيع : 161
الردود : 6249
مجموع المشاركات : 6,410
معدل التقييم : 797إحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to behold

إحساس واثق غير متصل


مـجـمـوع الأوسـمـة : 10
مسابقة الشدادين الكبرى

المراقب المتميز

وسام لمن الكأس؟

فعالية تذكر واتربح

الاحتفال بالعام السابع

الاحتفال بالعام السابع

الإداري المميز

العضو المميز

المشرف المميز

التواصل




نبضات حياتنا هي ثروتنا الحقيقه في هذه الحياه

لا مال

لا منصب

لا جمال


يعطي الضمان لاستمرار ذلك النبض عندما يختلط في شراينه الحب

من يعطي الضمان للاستمرار هو قلب الحبيب

لأننا من دونه نشعر بصداع رهيب

يخفي الوان الاشياء من امامنا

يسرق البسمه من افواهنا

ينشر الالم في جميع اجزاء حياتنا

هنا كان حب رائع

\



\



\



حقد يملاء العروق كرهاً

لا نعلم اين يكمن مصدره

بلا سبب اصبحوا اعدائنا

اقوى اسحلتهم التي تفتك بنا كثيراً

هو قربهم منا

اين الحياء اين حقوق القرابه

لما نحن فقط من نرعاها

لما هم يسمحون لأنفسهم للقفز خلف اسوار خصوصيتنا

لما هم يتمنون ان يحرضوا كل الاشياء من حولنا ضدنا

لما عندما نكون بطيبتنا امامهم يبتسمون ولكن عيونهم تكذب ابتسامتهم

كان هناك حقد




\


\


\


مابين هناك و هنا

فصول تختفي خلف اسطر القلم

((حرب بين الحب و الطيبه)) & (( الحقد و الكراهيه))

هذا ما ستكشفه لنا فصولك في المرات القادمه

إحساس واثق


توقيع : إحساس واثق

لكم حرية الكتابة هُنا
https://mukh1id.sarahah.com/
الأعلى رد مع اقتباس
قديم 14 Nov 2009, 12:10 AM [ 7 ]
عضوة متميزة


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
مواضيع : 331
الردود : 13968
مجموع المشاركات : 14,299
معدل التقييم : 767تــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to behold

تــرف غير متصل


مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز




 
 
المشاركة الأصلية بواسطة : السلطان
اقتباس
 

من جديد ومع الحلقة الثالثة
نرحب بك أختي ترف ونشكرك
جزيل الشكر على اتحافنا بمثل هذا العمل الجميل
لم أقرأ إلى الآن ولكن الطابعة تأخذ عملها في طباعة الحلقة
وسأقرها مع وقت روقاني
تسلم يديك ويعيش فكرك

 
 
ومن جديد أرحب بك أخي السلطان ..

أسعدني وشرفني تواجدك وحضورك ...

شكراً لك بحجم السماء ..

امتناني "


الأعلى رد مع اقتباس
قديم 14 Nov 2009, 12:15 AM [ 8 ]
عضوة متميزة


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
مواضيع : 331
الردود : 13968
مجموع المشاركات : 14,299
معدل التقييم : 767تــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to behold

تــرف غير متصل


مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز




 
 
المشاركة الأصلية بواسطة : غالية
اقتباس
 

تسلم ايديك

مرة روعة تحمست يلا لا تطولين

نورت الدمام بعيال غالية ياحبني لهاا سميتي
هههههههههههه احلى شي بالقصىة


يعطيك العافية قلبووو

 
 
هلا وغلا بسميّة بطلتنا

حياك يالغلا كله أسعدني تواجدك وحضورك

أجل غالية والدمام بأي حي ساكنه لاتصير بجنبكم بطلتنا وتشوفين عيالها :icon_mrgr

يعافيك ربي غناتي

امتناني "


الأعلى رد مع اقتباس
قديم 14 Nov 2009, 12:18 AM [ 9 ]
عضوة متميزة


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
مواضيع : 331
الردود : 13968
مجموع المشاركات : 14,299
معدل التقييم : 767تــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to behold

تــرف غير متصل


مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز




 
 
المشاركة الأصلية بواسطة : شوق شداد
اقتباس
 

>> متابعـــــه ..


تروفه فديتك إذا خلصتي الروايه كامله حطيها بملف مضغوط

ونزّليها هنا ..عشان أحمّلها وأحّولها لجوالي وأفصصها تفصيص :icon_mrgr

 
 
هلا وغلا بشوّاقه ومتابعتها

تآمريني ياقلبي كم شوق عندي :lips:

حياك ياقلبي وأسعدني تواجدك ..

امتناني "


الأعلى رد مع اقتباس
قديم 14 Nov 2009, 12:39 AM [ 10 ]
عضوة متميزة


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
مواضيع : 331
الردود : 13968
مجموع المشاركات : 14,299
معدل التقييم : 767تــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to behold

تــرف غير متصل


مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز




 
 
المشاركة الأصلية بواسطة : إحساس واثق
اقتباس
 

نبضات حياتنا هي ثروتنا الحقيقه في هذه الحياه

لا مال

لا منصب

لا جمال


يعطي الضمان لاستمرار ذلك النبض عندما يختلط في شراينه الحب

من يعطي الضمان للاستمرار هو قلب الحبيب

لأننا من دونه نشعر بصداع رهيب

يخفي الوان الاشياء من امامنا

يسرق البسمه من افواهنا

ينشر الالم في جميع اجزاء حياتنا

هنا كان حب رائع

\



\



\



حقد يملاء العروق كرهاً

لا نعلم اين يكمن مصدره

بلا سبب اصبحوا اعدائنا

اقوى اسحلتهم التي تفتك بنا كثيراً

هو قربهم منا

اين الحياء اين حقوق القرابه

لما نحن فقط من نرعاها

لما هم يسمحون لأنفسهم للقفز خلف اسوار خصوصيتنا

لما هم يتمنون ان يحرضوا كل الاشياء من حولنا ضدنا

لما عندما نكون بطيبتنا امامهم يبتسمون ولكن عيونهم تكذب ابتسامتهم

كان هناك حقد




\


\


\


مابين هناك و هنا

فصول تختفي خلف اسطر القلم

((حرب بين الحب و الطيبه)) & (( الحقد و الكراهيه))

هذا ما ستكشفه لنا فصولك في المرات القادمه

إحساس واثق

 
 
جميل جداً تواجدك أخي إحساس هنا ..

لقد كانت قرائتك من نوع آخر وتحمل

إحساس آخر ..

أجدت قراءة السطور بحس جميل ..

تواجدك راقي وحضورك باذخ

شكراً لك بعدد قطرات المطر ..

امتناني "


الأعلى رد مع اقتباس
إضافة رد
الذين يشاهدون محتوى الموضوع الآن : 1 ( الأعضاء 0 والزوار 1)
 
المواضيع المتشابهه
الموضوع كاتب الموضوع المنتدى مشاركات آخر مشاركة
يا ما أسهل الدنيا :: مهما تعاندنا {الفصل الثاني} تــرف كتّاب المنتدى في القصص والرواية الأدبية 22 06 Jan 2011 02:54 AM
يا ما أسهل الدنيا :: مهما تعاندنا {الفصل الأول} تــرف كتّاب المنتدى في القصص والرواية الأدبية 30 06 Jan 2011 02:15 AM
يا ما أسهل الدنيا :: مهما تعاندنا {الفصل الثامن} تــرف كتّاب المنتدى في القصص والرواية الأدبية 23 31 Mar 2010 08:41 PM
يا ما أسهل الدنيا :: مهما تعاندنا {الفصل السابع} تــرف كتّاب المنتدى في القصص والرواية الأدبية 22 13 Feb 2010 06:43 PM
يا ما أسهل الدنيا :: مهما تعاندنا {الفصل السادس} تــرف كتّاب المنتدى في القصص والرواية الأدبية 17 13 Feb 2010 06:38 PM
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

11:16 AM
Powered by vBulletin® developed by Tar3q.com