..:.. مرحباً بك في شبكة الشدادين الرسمية ، ضيفنا الكريم يسعدنا دعوتك للانضمام والمشاركة معنا .. اضغط هنا لتسجيل عضوية جديدة ..:..


العودة   شبكة الشدادين > المنتديات الأدبية > منتدى القصص والحكايات > كتّاب المنتدى في القصص والرواية الأدبية
 
أدوات الموضوع
إضافة رد
  [ 1 ]
قديم 20 Nov 2009, 03:36 AM
عضوة متميزة

تــرف غير متصل

مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
المشاركات : 14,299
معدل التقييم : 767
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
يا ما أسهل الدنيا :: مهما تعاندنا {الفصل الرابع}



::
::



شاب يحمل ملامح بدوية وبنظرة استغراب : لو سمحتي أنتي قلتي اسمك شوق فهد الفلاني

شوق ارتبكت وتمنت الأرض تنشق وتبلعها ولاتكون بهالموقف : إي نعم

وبشك أكثر . : أنتي بنت فهد فيصل الـ.... اللي بالرياض صاحب العقارات

شوق ودها تهرب وماتقدر واقف بوجهها وقالت بكذب وخوف : لا غلطان ممكن تبعد بطلع

ناظرها من فوق لتحت بنظرات احرقتها وقلبت وجهها طماطم من كثر ماهي خايفه يكون يقرب لها ويوصل الخبر لأبوها ....

مسكت طريقها بتطلع برى القاعة وبجواتها تلعن نفسها كيف ردت عليه وكيف

قدر يوقفها ويخوّفها بهالطريقة إلا منى جايه وصادفتها ..

منى : قوة ياقمر يالله بسرعة تعالي الحقي على الشاعر خالد المريخي
مسوي اصبوحه شعريه بالجامعة بالقاعة الخاصة وعالم وهيصه لايفوتج

خلّود ...

شوق والدموع بعيونها : تراي مخنوقة وأبغى أطير من هالمكان رجيتك مالي خلق حتى نفسي مابي أحضر شي بطلع ..

منى : ليه وش فيج ياخوافه ليه منقلب حالج كذا

شوق ودمعة تنزل ودمعة تمسكها وبكل قهر وألم : هذي جزاتي يوم داومت اليوم بدون ماأعطي أهلي خبر إن جامعاتكم مختلطة الحين كيف بيكون رد بابا لاجاه الخبر من غيري

منى باستغراب : ومنو بيقوله ياخبله أنتي خوفج ماله مبرر لأن الاختلاط غريب عليج وماتعودتي عليه تكبرين السالفة بعقلج وتوسوسين ومحد يمج ..

شوق : واللي وقفني قبل شوي عرفني من قلت للدكتور عن اسمي وعرف أبوي وعرف أنا بنت من وأزيدك من الشعر بيت شكله من جماعتنا اللي بالكويت بس أنا ماعرفهم كلهم وش أسوي الحين

منى : هههههههههههههههههه سواها البايخ تقصدين منو أنتي وويهج لايصير أخوي لافي هو معاج بنفس الصف ومتحلّف يحرجج يوم عرف إنج متخوفه هههههههههه ..

شوق وبصدمه : تحكين من جدك أنتي أخوووووووك !!

منى : مالت عليج عادي هو درى مني بوجودج وإنج بنفس قاعته وتحمّس يشوفج ..


شوق وبكل خجل وتوهقت من الموقف : أممممم شنو هالحظ الزفت يوم واحد وصارت لي كل هالمصايب والاحراجات

ومشوا للبوابة وتوادعو لأن شوق بتسافر للدمام بتحضر زواج بنت عمها ريم ......


في الدمام وفي فلة سعود وتحديداً بغرفة ريم :

ريوف : ياسرع الأيام من يصدق إن بعد ثلاثة أيام زواجك ياريم تصدقين حقدت على قماشه وولدها أكثر وأكثر عشانهم بياخذونك منا ..

ريم : هههههه وأنتي حاطه دوبك ودوب عمتي

ريوف : عمت عيونها أمحق عمه لو إني بمكانك ماأناديها إلا الحية الرقطاء

ريم : والله لو عليها كان ماأخذتني لولدها ماتطيقنا من أولنا لتالينا بس بدر مانسى عهدنا وحارب حتى أمه عشان حبنا وهذا هو أثبت لي إنه يحبني مثل ماأحبه وأنا بعامله بأصلي وماعلي منها بداريها عشان بدر وبتحمّل شرها ..

ريوف وتصفّر : أذوب ع الحب ياناس ومسويه البريئة أنتي ووجهك

ماكأني خابره مصايبك وتتذكر ريوف موقفها قبل ماتتغطى وريم كانت

بالثانوي وتذكرها ريوف بالموقف اللي كانت شاهده فيه وراحوا مع ذكرياتهم

لذاك اليوم :

ريوف : هههههههه أما عليه صورة خطيرة وش الفايدة واقف عند بيتنا ومصور سيارته ووجهه يعني عشان ريحتك موجودة ويثبت لك إنه يمر كل يوم عند بابنا !!

ريم واستحت : ريوف أمانه هالسر يبقى بينا لحد يدري إنه يرسل لي صوره وهداياه

ريوف :ههههههههههههه عادي كلها صورة وولد عمك لاقالوا شي قولي

لقيتها بالألبوم ومدري من جايبها عادي محد بيشك إنه ناشب لي بالمراسيل
وكل يوم والثاني بالشني فيك حتى البوسات يرسلها مهو صاحي هبلتي بولد عمي والهدايا حتى أنتي ترسلين له وأشعارك اللي من تحت لتحت
تشعرين بالبدر وهات ياقصايد ونوتات طايره من فوق الجدار وتسطّحينها

بحوشهم أبوك يالرومانسية والعشق القبلي من فوق الجدران تتطاير مشاعركم

يعنني ماشفتوا بعض وأرتكبتم جرم يعني أرقابكم بيدي لافضحتكم والله يعلقون رقبتك بالصفاة ...............

ورجعت ريوف لواقعها الحين وتناظر بريم وهي ميته ضحك

ريوف : ياحلو مواقف زمان صدق إني داهيه من أنا صغيرة


ريم : هههههههههههه ريوف ياملعونة أسلوبك وأنتي تتكلمين وتتذكرين مواقفنا تموتني ضحك وخصوصاً لاطيّرتي عيونك ورومشتي أحس إنك بايعتها وربي بفقدك لاتزوجت ..

ريوف : بتفقديني والله ماظنتي لاشفتي بدر أمانه تذكري أمي وأبوي لاتنسين إن لك أم وأب أنا مو لازم بياخذ الجو بدر علينا آه ياني ناس بتعرس على حبيبها وناس تتشفّق شوفة عيون حبيبها ...

أهديتني شوق على هيئة "عطور" ..!

والعطر يكفي بس / هالشوق كافر،،

وأهديت لكـ (قلب) .. أغلفهــ بالنور ..

قلبٍ فضحني~ لكن الضلع ساتر ..!


وفي مكتب سعود في شركته وهو جالس يقرأ فاكسات ودق جواله رقم خارجي

وعرف إنه ولده فيصل :


سعود وهو حايس بالفاكسات : نعم

فيصل : هلا يبه وشلونك

سعود : هلا هلا يابوي وشلونك؟ كيف حالك ؟

فيصل : بخير جعلك بخير

سعود : بشرني عنك خلاص أجل مافيه رجعه لكندا مابقى لك كورسات

فيصل بتردد ويفكر لأشياء ممكن تخدمه : هاه إيه أنا رحلتي اليوم الساعة خمس العصر يادوبني أرتاح يومين وألحّق على عرس ريم والله يهديك يبه هذا آخر ترم لي بس لازم أرجع عندي اختبارات ..

سعود : وإنك تقول اليوم آخر اختبار لك

فيصل وتوهق وتذكر حبيبته غيداء : لا يبه كنت غلطان لخبطوا الجدول وأجلت أربع مواد لبعد الإجازة

سعود : يصير خير وأنا أبوك المهم حنا ننتظرك وتوصل بالسلامة

سكر فيصل وهو شايل هموم الدنيا على راسة وصورة غيداء براسه وشايل

هم وداعها ويمنّي نفسه إنه بيرجع بأقرب وقت ويخطبها مثل مااتفقوا وتعاهدوا ..


.(سنين العطاء لايمكن تبور وقصة الحب اللي عاشوها ست سنوات مستحيل
تضيع من ايديهم وبيضرب فيصل بعاداته عرض الحائط ويبغى يتزوج غيداء
حتى لو هي مو من قبيلته )

الحب مشاعر سامية

ماهو عبث أو تسليه
الحب عهد كلمة ووعد
الحب أمانه وتضحيه

(فيصل يدرس هندسة بكندا وله ست سنوات فيها وعاش قصة حب مع حبيبته
غيداء وهي أمها لبنانية وأبوها رجل أعمال سعودي وعاشت مع أبوها
بعد ماطلق أمها من هي صغيرة وكل حياتها بكندا وتجي للسعودية زيارات لأهل أبوها )


وهناك بعيداً عن صخب المدينة وتحديداً في القرية

جوزاء وتدندن تذكار عيشي على التذكار وإن كان يحصلك تناسيها لاتحسبي سرك من الأسرار اللي على ونست التكمله وحطت أبيات على كيفها وغنتها نفس اللحن

ريان : ههههههههههه من لاعب عليك وقال صوتك حلو يابقرة

جوزاء : أقول انقلع محد طلب رايك يالتيس

(جوزاء عربجية وماعندها مانع لو تتضارب مع أخوانها وآخر شي ممكن تتوقعونه إنها تقول كلمه حلوه وناعمه )

ريان : جوزاء حرام عليك والله يشوفك يقول ثور حتى البقرة فيها أنوثه شوي

عاجبتك شحومك هذي سوي ريجيم انحفي والله محد ياخذك وأنتي بقرة كذا

جوزاء : من زين عظامك اللي تطاق تزرى علي وأنت تقول جاي من مجاعة افريقيا

ريان ويطالع بجسمه : أأأخ بس هذا الحب ينسف الجسم زين باقي فيني لحم ياكثر حبي لها

جوزاء : تراك صجيتنا ليل ونهار مهذري في ريوف استح على وجهك الرياجيل ينطمون ومايتشكون مثل الحريم يالعنبو من حطك رجال إهب ياوجهك يالرخمه..

ريان : الشرهه مهي عليك الشرهه علي اللي جالس أسولف لك ع بالي أختي متفهمه وتخفف عني مادريت إنك ماعندك احساس ومشاعر بلوه من الله اللي خلاني أترجى سوالفها منك أنا مدري كيف متحملتك ريوف وكل يوم تطق الساعات معك ماتمل من صوتك اللي يجيب الهم

جوزاء بكل غيرة : لا يارباب << تشبيهاتها قديييييمة

من زين صوت ريوف كنها عنز تثاغي صوتي أطلق منها
ريان ويتنهد : وتعلميني بصوتها أنتي ووجهك ماكني أسمعه كل يوم يوووووه هذيك مافيه مثلها لاحكت غنت سنابل من رضا والسكوت إن صار نيران الغضا أنا ماكنت أتوقع فيه بنت بهالنعومة وهالصوت الذبّاح يافيها دفا وسحر مو طبيعي وحتى دلعها لايق عليها كن الدلع منها وفيها ..

جوزاء :هيه أنت صدق لي قالوا ان لم تستحي سو اللي تبي

ريان : حتى الأمثال قالبتها ماأنلام لو هذريت بصوتها متعوّد على الخشونة هنا أنتي كنك واحد من الربع وجواهرالنعومة بوادي وهي بوادي ع بالي كل البنات مثلكم خفت ريوف يوم كبرت صارت مثلك من كثر ماتكلمك بس الحمدلله طلعت غيركم..

جوزاء وهي منقهرة من ريوف وغموضها وتحفظها لاكلمتها ومدح ريان لها : ترى ريوف ماتكلمني لله تقول عشان ريان أبغى اسمعه لو من بعيد وصاجتني فيك من تتصل لين تسكر وريان وش سوى والحين وينه

وتراها تتصل وإذا رديت عليها قالت سكري وودي التليفون عند ريان

واطلعي لأي مكان تصريفه وبتصل وكني مادريت واسمع صوته ..

ريان ومستغرب : تقول كذا مستحيل هذي الجرأة بوادي وهي بوادي ثاني ريوف هذي تستحي حتى منكم

جوزاء : هههههههه هذاك زمان أول الحين عادي حتى اليوم كلمتني وتقول بالليل لااتصلت لاتردين أنتي خلي ريان يرد مشتاقة له ..

ريان وهو مرتاح ومبسوط إن ريوف للحين متعلقه فيه : ياعلني أفداها الغالية بس صوتي هذي لو تبيني أسولف للصبح تبشر هو بس أدري إنها تبيني للحين وأبشري ياجوزاء باللي تبينه بس علميني وش تقول بالضبط كل يوم ...

جوزاء بانتصاربيقهر ريوف بعدين : لاتستخف خلك ثقل الرجال لاطاحت عليه البنت مايعطيها وجه يالرخمه

ريان : أقول انتي ماتخلين الواحد يستانس لازم تنكدين عليه وطلع وخلاها

جوزاء : أوريك ياريوف إن ماخليتك تجين وتبوسين يدي عشان أقولك سالفة لريان ماكون أنا جوزاء عشان تعرفين وشلون ماتساعديني على ياسر وتعرفين تسوين نفسك تكابرين قدامي
وكن ريان ماهمك وأنتي تشتعلين نار وذابحك حبه وتتكبرين علي .


في كندا وتحديداً في المطار


غيداء وهي تبكي وفيصل ماسك يديها وضاغط عليها وماسك نفسه :
حبيبتي مابي أشوف هالدموع فديت روحك لاتخليني أسافر وأنا أحاتيك.
غيداء وعيونها كلها دموع : فيصل حبيبي مقدر أعيش من دونك هذي أول
مره تسافر بدون ماترجع وانهارت بالبكا
فيصل : ومن يقول أنا راجع لك ياحياتي ومحد يدري إني خلصت وكل هذا
عشانك أنا مقدر أتخلى عنك ويرفع وجهها بيدينه ويمسح دموعها وهو
يتقطع ألف قطعه عشانها بس ماراح يبكي ويحس بالضعف قدامها
لازم يصير قوي عشان هي تتقوى فيه ..
غيداء وعيونها حمراء ووجهها أحمر : أوعدني ماتتخلى عني أنا بموت
من دونك أنا سعادتي معك وبس أنا أبيك يافيصل لاتسافر لاتخليني أبوس
ايدك وانخرطت في نوبة بكاء قدام الناس
فيصل لاحظ العيون توجهت له وحط ايده على كتف حبيبته وأخذها بعيد بزاوية
مافيها أحد .

فيصل : غدو حبيبتي أنا من يوم عرفتك ماضريتك بشي وماخدعتك وماتسليت

فيك وحبيتك من كل قلبي أنا ودي ألاقي فيك شي مو عاجبني مالقيت جمال
وأخلاق وطيبة وتعامل وحبك لي لوحده يكفيني أنتي صنتي هالحب وماخنتيني
ولك من يصونك طول العمر وروحتي هذي أنتي عارفتها عشان زواج أختي
وبعد زواجها بكلم أبوي بموضوع خطبتي لك والشهر الجاي أنتي بتجين
السعودية ماتبيني أرتب وضعي عشان من تجين أخطبك وأملك عليك وأطير
فيك لجزيرة مافيها أحد مثل ماتتمنين طالعي بعيوني وربي اللي خلق هالنظرات
إني أحبك كثر ماترمش عيونك الحلوه هذي ..
غيداء بعد ماهدت من كلام فيصل : وأنا أحبك كثر ماينبض قلبك


وأعلنوا عن رحلة فيصل بهالوقت موعدها وهويمشي للطيارة وبكل خطوة
يسرق كم نظرة لمحبوبته اللي كل ماله يبعد عنها متوجه للطيارة وهي واقفه وتطالع فيه بنظرات ضايعه ومدامع حايره ..

(ووقفت قلوب عن النبض وسكنت الأرواح الحزن العميق وعدم المقدرة
على تحمّل البعاد فمقاعد الدراسة التي جمعتهم انتهت ولقاءاتهم ستصبح
خاطفة وتحت حكم الزمن )
وتاهت خطوات غيداء وطارت طائرة الحبيب لأرض الدمام وصحت على
حقيقة أن المسافر راح ....
ويالله يا قلبي تعبنا من الوقوف
ما بقى بالليل نجمة ولا طيوف
ذبلت أنوار الشوارع وإنطفى ضيّ الحروف
يالله يا قلبي سرينا ضاقت الدنيا علينا
والمسافر راح
مادري باكر هالمدينة وشتكون
النهار والورد الأصفر والغصون
هذا وجهك يالمسافر لما كانت لي عيون
وينها عيوني حبيبي
سافرت مثلك حبيبي
والمسافر راااااح



::
::

انتهى الجزء الرابع
ولنا لقاء جديد

مع أحداث
مثيرة





توقيع : تــرف


وأنا الذي .. لو جِئْتَ تطلُبُه الفؤادَ .. لقُلْتُ : لَكْ ..!
عَجَبِيْ لهُ مِنْ سَائِلٍ .. أنْ جاءَ يطلُبُ ما مَلَكْ ..!!
"إنيْ أحبُّكَ" .. قُلْتُها .. فبَنَتْ بقلبِي مَنْزِلَكْ !
وزهدتُ دَهْري .. واعتزلْتُ الناسَ .. كي أتأمَّلَكْ !!
قلبي اصطفاكَ على البرايا .. واصْطفاكَ .. وفَضَّلَكْ !!
كُلُّ الحكايةِ أننّي .. أَيُّوْوووهْ .. ! كمْ أشتاقُ لَكْ !!

رد مع اقتباس
قديم 20 Nov 2009, 02:56 PM [ 2 ]
عضو متميز


تاريخ التسجيل : Oct 2007
رقم العضوية : 9692
الإقامة : saudi arabia
الهواية : ..
مواضيع : 161
الردود : 6249
مجموع المشاركات : 6,410
معدل التقييم : 797إحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to behold

إحساس واثق غير متصل


مـجـمـوع الأوسـمـة : 10
مسابقة الشدادين الكبرى

المراقب المتميز

وسام لمن الكأس؟

فعالية تذكر واتربح

الاحتفال بالعام السابع

الاحتفال بالعام السابع

الإداري المميز

العضو المميز

المشرف المميز

التواصل




اخر نداء للرحله يسترجيها الصعود للطائره

ليحلق بها القدر نحو المجهول

و

اظل اقف بجمود على ارض المطار

افكر هل ياترى ستعود

و

يجيب القلب بصوت باكي

من نظراتها تتمنى الرجوع

لكن هل يسمح لها الزمن

و عازيته في الفراق بنفس القصيد

يالله يا قلبي سرينا ضاقت الدنيا علينا

المسافر راح

و

ما عاد لنا بأرض المطار حاجه

خلنا نخفي دموع الوداع

و

نشعل شموع الامل

تنور ليل السهر



ما أشبه الامس باليوم

ترف

جزء رائع و ننتظر القادم بكل شوق


توقيع : إحساس واثق

لكم حرية الكتابة هُنا
https://mukh1id.sarahah.com/
الأعلى رد مع اقتباس
قديم 20 Nov 2009, 03:07 PM [ 3 ]
مؤسس شبكة الشدادين


تاريخ التسجيل : Jan 2005
رقم العضوية : 1
الإقامة : saudi arabia
الهواية : رياضة + كمبيوتر وبس
مواضيع : 2071
الردود : 91524
مجموع المشاركات : 93,595
معدل التقييم : 4981السلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond repute

السلطان غير متصل


مـجـمـوع الأوسـمـة : 8
فعالية ضوء عدسة

فعالية طلباتك أوامر

شكر وتقدير

فعالية مجموعات المنتدى

يوميات الأعضاء

التميز في دورة الفوتوشوب

شكر وتقدير

أجمل خط 1434 هـ




قبل السفر تنثر ترف هذا الفصل الجميل من روايتها
وقبل أن تغادرنا لا بد أن تترك بصمة جميلة ورائعة هنا
وفقك الله أختي ترف
والرواية ستطبع كما طبعت الأجزاء السابقة
مع تمنياتنا لك بكل توفيق وسداد


توقيع : السلطان
الأعلى رد مع اقتباس
قديم 20 Nov 2009, 03:58 PM [ 4 ]
عضوة متميزة


تاريخ التسجيل : Sep 2008
رقم العضوية : 10686
الإقامة : saudi arabia
الهواية : الكتابة و الرسم :)
مواضيع : 10
الردود : 1464
مجموع المشاركات : 1,474
معدل التقييم : 25غالية is on a distinguished road

غالية غير متصل


مـجـمـوع الأوسـمـة : 2
العضو المميز

الحضور المميز




مع دموع الفرقا ادمعت عيني
ليه يا ترف

من اول فيصل كاسر خاطري

مبدعة ترووفا
تسلم ايديك


توقيع : غالية





تسلم يد من زين التوقيع مرة حلو
كل ذوق
الأعلى رد مع اقتباس
قديم 20 Nov 2009, 08:25 PM [ 5 ]
عضو متميز


تاريخ التسجيل : Nov 2007
رقم العضوية : 4673
الإقامة : saudi arabia
مواضيع : 403
الردود : 6724
مجموع المشاركات : 7,127
معدل التقييم : 29ابن مهرس2008 is on a distinguished road

ابن مهرس2008 غير متصل


مـجـمـوع الأوسـمـة : 2
عضو مخلص

المشاركة في احتفالية العام التاسع




سفر ووداع كلمات مؤثرة بالفعل وترف نقلت لنا صورة رائعه وجميله
قبل الوداع والسفر 000000
رائعه رائعه وسلمت يمينك وباانتظارك وتقبلى احترامي


توقيع : ابن مهرس2008
الأعلى رد مع اقتباس
قديم 20 Nov 2009, 09:32 PM [ 6 ]
شاعر


تاريخ التسجيل : May 2006
رقم العضوية : 10390
الإقامة : saudi arabia
الهواية : الغياب
مواضيع : 688
الردود : 19496
مجموع المشاركات : 20,184
معدل التقييم : 2155رعد الجبوب has a reputation beyond reputeرعد الجبوب has a reputation beyond reputeرعد الجبوب has a reputation beyond reputeرعد الجبوب has a reputation beyond reputeرعد الجبوب has a reputation beyond reputeرعد الجبوب has a reputation beyond reputeرعد الجبوب has a reputation beyond reputeرعد الجبوب has a reputation beyond reputeرعد الجبوب has a reputation beyond reputeرعد الجبوب has a reputation beyond reputeرعد الجبوب has a reputation beyond repute

رعد الجبوب غير متصل


مـجـمـوع الأوسـمـة : 12
فعالية رضاب القوافي

فعالية رضاب القوافي

يوميات الأعضاء

يوميات رمضانية

عضو مخلص

المراقب المتميز

مشارك في مسابقة القرآن الكريم

العضو المميز

وسام الربيع

المشرف المميز




جميع الفصول مميزة
وكل طرح اجمل من الاخر

لكي كل الشكر


توقيع : رعد الجبوب
,
| استغفر الله واتوب إلية

بعيد عن هذا
الأعلى رد مع اقتباس
قديم 21 Nov 2009, 04:22 AM [ 7 ]
عضوة متميزة


تاريخ التسجيل : Nov 2009
رقم العضوية : 22400
الإقامة : saudi arabia
مواضيع : 36
الردود : 857
مجموع المشاركات : 893
معدل التقييم : 116الراكدة will become famous soon enoughالراكدة will become famous soon enough

الراكدة غير متصل


مـجـمـوع الأوسـمـة : 3
العضو المميز

الحضور المميز

الشاعر المميز




طرح رائعه




والقادم اروع باذن الله




تقديري


توقيع : الراكدة
تستطيع أن ترى الصورة بحجمها الطبيعي بعد الضغط عليها
الأعلى رد مع اقتباس
قديم 22 Nov 2009, 01:14 AM [ 8 ]
عضو متألق


تاريخ التسجيل : Apr 2009
رقم العضوية : 19954
الإقامة : saudi arabia
الهواية : النت
مواضيع : 37
الردود : 105
مجموع المشاركات : 142
معدل التقييم : 25بن زايد is on a distinguished road

بن زايد غير متصل




طرح رائع اختي


تقبلي مروري


توقيع : بن زايد
من يخطئ عليك , لا تنفعل من أجله !
واستخدم القاعدة المكتوبة على مرآة السيارة الجانبية
{ الأشياء التي تشاهدها أصغر مما تبدو عليه في الواقع }
الأعلى رد مع اقتباس
قديم 05 Dec 2009, 12:50 AM [ 9 ]
عضوة متميزة


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
مواضيع : 331
الردود : 13968
مجموع المشاركات : 14,299
معدل التقييم : 767تــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to behold

تــرف غير متصل


مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز




 
 
المشاركة الأصلية بواسطة : إحساس واثق
اقتباس
 

اخر نداء للرحله يسترجيها الصعود للطائره

ليحلق بها القدر نحو المجهول

و

اظل اقف بجمود على ارض المطار

افكر هل ياترى ستعود

و

يجيب القلب بصوت باكي

من نظراتها تتمنى الرجوع

لكن هل يسمح لها الزمن

و عازيته في الفراق بنفس القصيد

يالله يا قلبي سرينا ضاقت الدنيا علينا

المسافر راح

و

ما عاد لنا بأرض المطار حاجه

خلنا نخفي دموع الوداع

و

نشعل شموع الامل

تنور ليل السهر



ما أشبه الامس باليوم

ترف

جزء رائع و ننتظر القادم بكل شوق

 
 
ياهلابك أخي إحساس وياهلا بقرائتك المتميّزة للأحداث

ويشرفني ويسعدني تواجدك هنا ..

امتناني لطيب الحضور"

وشكراً لك بحجم السماء ...


الأعلى رد مع اقتباس
قديم 05 Dec 2009, 12:54 AM [ 10 ]
عضوة متميزة


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
مواضيع : 331
الردود : 13968
مجموع المشاركات : 14,299
معدل التقييم : 767تــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to behold

تــرف غير متصل


مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز




 
 
المشاركة الأصلية بواسطة : السلطان
اقتباس
 

قبل السفر تنثر ترف هذا الفصل الجميل من روايتها
وقبل أن تغادرنا لا بد أن تترك بصمة جميلة ورائعة هنا
وفقك الله أختي ترف
والرواية ستطبع كما طبعت الأجزاء السابقة
مع تمنياتنا لك بكل توفيق وسداد

 
 
والسفر لخبط موازيني وسرقني من وقتي وبعد السفر جبت وياي فصل طويل شوي

وبينزل اليوم بإذن الله ..

ويعطيك ألف عافية ياسلطاننا ويشرفني تواجدك ومتابعتك "

امتناني"


الأعلى رد مع اقتباس
إضافة رد
الذين يشاهدون محتوى الموضوع الآن : 1 ( الأعضاء 0 والزوار 1)
 
المواضيع المتشابهه
الموضوع كاتب الموضوع المنتدى مشاركات آخر مشاركة
يا ما أسهل الدنيا :: مهما تعاندنا {الفصل التاسع} تــرف كتّاب المنتدى في القصص والرواية الأدبية 14 04 May 2011 09:56 AM
يا ما أسهل الدنيا :: مهما تعاندنا {الفصل الثاني} تــرف كتّاب المنتدى في القصص والرواية الأدبية 22 06 Jan 2011 02:54 AM
يا ما أسهل الدنيا :: مهما تعاندنا {الفصل الأول} تــرف كتّاب المنتدى في القصص والرواية الأدبية 30 06 Jan 2011 02:15 AM
يا ما أسهل الدنيا :: مهما تعاندنا {الفصل السابع} تــرف كتّاب المنتدى في القصص والرواية الأدبية 22 13 Feb 2010 06:43 PM
يا ما أسهل الدنيا :: مهما تعاندنا {الفصل السادس} تــرف كتّاب المنتدى في القصص والرواية الأدبية 17 13 Feb 2010 06:38 PM
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

09:06 AM
Powered by vBulletin® developed by Tar3q.com