جنية شعر

البارحة في آخر الليل أمرحت=لكن مدري وشهو اللي جرالي
صحيت في ديره وفي سحرها تهت=في وصفها فاقة وصوف الجمالي
ما ادري أنا واعي والأ تحلمت =لكن أكيد الوضع فوق الخيالي
سمعت صوتاً نادى بسمي وجاوبت=صوتاً من بعيداً وحلواً عنالي
ثم قرّبت مني وأنا يوم طالعت=معاد اقدر شئ فوق احتمالي
مما رأيت الصدق والله تصوبت=لو شافها ورعٍ يسابق رجالي
حوريتاً في عيونها لا تصورت=مهما تصور فيها يصبح عدالي
في خفها مثل الفراشة ليا قلت=تاقف على روس الورود بدلالي
في مشيها مثل الحمامة ليا همت=في حبها باقول ظبي الجفالي
في ريقها قاتوه لمن تطعمت=وفي لسانها نهر ومائه زلالي
لا غمضت النور يطفي وغمضت=معها لان الغالية عند غالي
لا فتحت عيونها ثم فتحت=شفت النجوم اللي عراضاً طوالي
وإذا جلست طاحت نجوم وتهاوت=والبدر متحرك جنوب وشمالي
وسألتها يا بنت منتي ترى بنت=أنتي وش أنتي يوم جاك السؤالي
ثم قالت اسمعني بجاوبك لا هنت=أنت بعيني كامل بالخصالي
قاطعتها استغفر الله اله تبت=الكامل الله يا بنت الحلالي
قالت أنا في صورة البنت لك كنت=لكن لا تبحث بهذا المقالي
أنا جمالي فوق ما أنت توقعت=لكن صبرك بنقلبلك ضلالي
ثم قلت بسم الله وبسمه أنا آمنت=الواحد المعبود عزالجلالي
ثم قالت أنا من سن الرضاعة ترى أسلمت=بالواحد مخفف ثقيل الثقالي
وسألتها ما شفتي البرنس قالت شفت=صديقنا ونسهر معاه الليالي
وقالت تراني منه والله تعجبت=شكله يضحكني لامنه طرالي
الراسي اللي من وصوفه تمكنت=جبل وهابنه كبار الجبالي
لو اسكنه عز الله إني تنعمت=روض خلا من جملة الناس خالي
ثم قلت وجبتي و أنا معك وجبت=وطبحتي أبنا بس ما أبه شكالي
وختامها يا برنس طلبتك إذا أمكنت=انك تسامحنا وتنهي الجدالي

لاهنت يابو سلطان على هالقصيده الأكثر من رائعة

بنت فاقت الوصف
والله يستر على البرنس منها


صح لسانك يا عذب المعاني
امتعتنا يا ذيبان

يا هلا والله يا شاعرنا أبو سلطان
والله يحييك من جديد بهذه الرائعة الطيبة
وهذا الابداع الغير مستغرب على شاعر مثلك
ونقول لك:
صح لسانك ولا هنت يا الذيب

صح لسانك
ومابعد ابوحنس وبعد البرنس

باقي ناصر بس تكتب فية

عقبال ربع الحتة كلهم

صح لسانك أخوي أبو سلطان
وتمنيت إني شاعر أجاريك
ولكن ما أقول إلا صح لسانك والله يعينك

عذب المعاني يوم كتبت هالقصيده كنت واعي وإلا بعدك مافقت من هالحلم

صح لسانك مليار ولاهنت "

		المشاركة الأصلية بواسطة : اقتباس
	وقالت تراني منه والله تعجبت=شكله يضحكني لامنه طرالي

ياعذب هالبيت لازم تصحصح وتنسى البنت والجنية وتفهمنا شنو قصدك إن البرنس

يضحكها وبعدين تمدحه بالأبيات الثانية <<نشبت بهالبيت مااستوعبته عدل

بصراحة قصيدتك فيها جنيه لأني كل ماجيت بستوعب شغله وأمسك خط

قطيتني لمكان ثاني وخليتني أتوه وأنا مايخفى علي ترجمة القصايد

عز الله إنك خليتنا نوسوس مثلك وماندري إحنا صاحين وإلا باللاوعي

طيب علمنا وين كنت أنت والبرنس عشان نفهم السالفة

ويابرنس انهي جدالك ويّا عذب المعاني وسامحه بعد المدح اللي جاك

بنهاية القصيدة وصح لسانك عليها ملايين البرنس يستاهل وأنت ماعليك قصور ..
وأعذرني شكل السهر أثّر على ذكائي
الشعري وعجزت أدخل بأبياتك عدل وأفصفصها
صح لسانك وسلم راسك وعلا شانك "