..:.. مرحباً بك في شبكة الشدادين الرسمية ، ضيفنا الكريم يسعدنا دعوتك للانضمام والمشاركة معنا .. اضغط هنا لتسجيل عضوية جديدة ..:..


آخر 10 مشاركات وفاة اللواء سلطان بن عايض بن حسين    <->    حصرياً لقاء الكبار مع سعادة اللواء / سلطان بن عايض الشدادي    <->    القليل عن اللواء / سلطان عايض الشدادي أبو ثامر    <->    Reyadh رابطة جمهور العالمي (18)    <->    نشاط كريستيانو رونالدو CR7    <->    وردة محشي بطاطس    <->    وردة شوربة اش رشته الايرانية    <->    وردة تكساس فرايز    <->    وردة شوربة الشوفان    <->    كيك امريكانا    <->   
مختارات   إن القذى يؤذي العيون قليله ‏ ولربما جرح البعوض الفيلا ‏   
مواضيع ننصح بقراءتها وفاة اللواء سلطان بن عايض بن حسين
العودة   شبكة الشدادين > المنتديات الأدبية > منتدى القصص والحكايات > كتّاب المنتدى في القصص والرواية الأدبية
 
أدوات الموضوع
إضافة رد
  [ 1 ]
قديم 29 Jan 2010, 03:10 AM
عضوة متميزة

تــرف غير متصل

مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
المشاركات : 14,299
معدل التقييم : 767
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
يا ما أسهل الدنيا :: مهما تعاندنا {الفصل السادس}




::::
::


في المستشفى :


راكان وياسر يركضون بالأسياب من الصدمة صاروا مايدرون وين

قسم الحوادث ووين أبوهم ومايدرون شنو السالفة بالضبط


وغالية ماسكينها بناتها ومنهارات يهدون أمهم ويبكون معها ..

سعود شافهم بآخر السيب وجاهم

غالية شافته وبعيونها تكفى لاتفجعني وبكل نظرة انكسار وحزن ودموع :
س سعو وأجهشت بالبكاء وطاحت عليهم من كبر الهم والصدمة والفجعه


مو أي أحد هذا فيصل بكرها وريوف وناستهم بالبيت

سعود ووجهه أصفر ويمسح دموعه : هم بخير عطاهم أمل سرى بعروقهم

راكان : طمنا يبه وينهم وش صار فيهم مدري وشلون وصلت للمستشفى

ماقدرت أشيل نفسي من الروعة والدموع بعيونه

سعود : شي أحسن من شي وأنا أبوك دامهم عاشوا كل شي يهون

ياسر: بإذن الله ماعليهم خلاف دامهم سلموا أدعولهم

وعلى الكرسي مجلسين غالية وحوالينها بناتها ويعطونها ماي

نوال : الحمدلله يايمه أبوي يقول عايشين ماماتوا يايمه

مها : تكفين يمه ارحمي نفسك ريوف ماتحب تشوف دموعك أكيد بتتعبينها زيادة خلك قوية والصبر عند الصدمة الأولى ..

راكان يحب راس أمه ويمسك كفوفها ويحبها : يالغالية ياعلني أفداك لاأشوف دموعك اخواني بخير والحين بتشوفينهم تعوذي من الشيطان

(سعود خاف من لحظة المواجهة وش بيقول لغالية الحين دامها مصره تشوفهم وش بيقول لعياله هم خافوا من الموت بس ماسألوا وش جاهم بالضبط ياربي صبرني وألهمني القوة يارب لاتفجعني بأغلى عيالي
وعطى بدر رسالة عشان يرجّع ريم من شهر العسل وتشوف اخوانها خاف يصير فيهم شي وهي ماشافتهم )


قامت غالية والبنات والعيال وتوجهوا لسعود يبغونه يدلهم ع الغرف

ياسر : يبه وين الجناح اللي هم فيه نبي نشوفهم

انصفق وجه سعود : هاه مدري بس شكل الزيارة ممنوعة

غالية وترجع تبكي : لا وبعيني مو عايشين قول ماتوا لاتطمني وأنت تكذب كلهم ماتوا ياويل قلبي ويمسكونها ويهدونها وهم يبكون والكل يبعد
نظراته عن الثاني ويجهشون بالبكاء

سعود وشهق طلعت بكيته اللي كان كاتمها صورة عياله وهم متخضبين بالدم بعيونه : ماماتوا بس حالتهم خطيرة وأدعو لهم وراح يمشي لغرفة
الدكتور المسؤول عن حالتهم وراحوا وراه أهله والكل يجر همومه جر
والحزن ينبع من أشكالهم ووجيههم ..


آه يادنيا آه ضعنا في دربك وتهنا يادنيا القدر محتوم

يارحمة الرحمن يارحمة الرحمن

يادنيا وين الصبر يكفي صبر وهموم



الدكتور توفيق : تفضل

انفتح الباب ودخل سعود وأهله وبعيونهم رجاء إنه يطمنهم

سعود : طمني يادكتور فيصل وريوف كيفهم الحين

الدكتور : مثل ماقالت لك يبغى لهم وقت فيصل سيطرنا على النزيف
الداخلي ومن بعد العملية يحتاج عناية فائقة والكسور اللي تعرض لها
في رقبته وصدره تحتاج لتجبير ومو متحمل عمليات كثيرة بوقت واحد
الآن هو بالعناية وأجرينا عملية براسه وبعدها نبدأ بعمليات التجبير
ولله الحمد ماتعرض لعاهه مستديمة وهذا بحد ذاته يبغالكم تسجدون شكر
لله اللي نجاهم من هالحادث الشنيع وسلمت أرواحهم
وريوف دعواتكم لها الغيبوبة اللي هي فيها مايدري عنها إلا الله مقدر
أتنبأ متى تصحى سوينا لها اللازم وكسرها اللي بالرجل واليد تم تجبيرها
واللي شفته ياسعود بجسمها هذي كدمات شديدة تعرضت لها لكن الساق
يحتاج لأسياخ وبنسوي لها العملية بأقرب وقت لكن حالتها ماتسمح للزيارة

راكان وعيونه اغرورقت بالدموع : يعني مانقدر نشوفهم لو دقايق دكتور

أمهم تعبانه لازم تشوفهم حنا مو لازم بس اسمح لأمي تشوفهم
غالية والصدمات تتوالى على قلبها الضعيف غيبوبة ونزيف وكسور وهم
طالعين قدامها يتضاحكون يااااه ياكبر همها وتتمتم بداخلها إن الله يحفظهم ويشفيهم

وافق الدكتور بعد التوسلات من ياسر وراكان وسمح لهم يشوفونهم من ورى الزجاج ومايدخل عندهم إلا أمهم وأبوهم وثلاث دقايق ويطلعون

وبالسيب خطواتهم بكل ألم يجرجرونها ويوم وصلوا لغرفة فيصل
وقفوا العيال من برى ودخلت غالية لوحدها ومعها الدكتور طاحت
عينها على هيئة فيصل وبدت دموعها تخونها وتبكي بألم فيصل

لاحراك معطينه منوم عشان قوة الألم اللي تعرض له وراسه لافينه

بشاش وصدره عريان وكله شاشات ولصقات ورقبته مثبتينها والأكسجين

على وجهه ماتشوف إلا قطعة بيضاء وأسلاك وأجهزة ...........

طلعوا يجرون أذيال الخيبة بأن عيالهم ممكن يكونون سالمين من هالحادث

راحوا لريوف ..

أصوات الأجهزة خانقه في غرفة العناية الفائقة وريوف لاحراك
جسد ضعيف مهدود وأنفاس اصطناعية واختفت معالم غالية وسعود
وعيالهم وأجهشوا بالبكاء من حالة ريوف اللي كانت ماليه البيت عليهم
بضحكها وحركاتها والحين في عالم آخر تصارع الآلام وتحت رحمة
رب السماء ....

ليت المرض فيني حبيبي ولافيـك
ياليت انا اللي رحت يـم الدكاتـر

ياليت وجعك وسط قلبي اضمـه
ذي حكمة الله وماعلى الرب قادر

....



بعد شهر من الأزمة طلع فيصل بالسلامة وظلت ريوف بالمستشفى



بعد ماأفاقت من الغيبوبة وعمت الفرحة بيت سعود لأن ريوف سلمت



من مضاعفات الغيبوبة وحلف سعود لاطلعت ريوف ليسوي حفلة



ماصارت ولاأستوت ويعزم عليها كل الناس ..





الممرضة السعودية اللي كانت تناوب على العناية الفائقة وتستقبل

المكالمات بعد مافاقت ريوف لها يومين دخلت عليها وهي مبسوطة :



الممرضة دلال : الحمدلله على السلامة ياريوف ياكثر اللي يحبونك

ومزعجيني بالاتصالات ليل نهار وغمزت لها ..



لممرضة دلال هذي تعرف ريوف معرفة شخصية خارج العائلة ويوم


درت بالحادث باشرت حالتها وصارت تهتم فيها وتناوب ع العناية عندها )

ريوف وتبتسم ابتسامه باهته من التعب : الله يسلمك وهذولي أكيد أهلي

وصاحباتي وقريباتي وش قالولك مقطوعة من شجرة يادلول<<ماتخلي دقاتها وحتى هي مريضه
دلال : أهلك يجون كل يوم بس فيه واحد شكله من اخوانك يجي بآخر الليل ويستفسر عن حالتك ويمر علي ويترجاني أدخله وأرفض لأنه

مو وقت زيارة وممنوع يدخل ومايفصل بالاتصالات ليل نهار لدرجة

إنه سبب لي قلق كل ربع ساعة وإذا طول نص ساعة يتصل يسأل

بس الغريبة مايجي بوقت الزيارة ولا مع أهلك بينكم وبين أحد

أخوانك مشكلة ومايبي يشوف أهلك معليش تدخلت بخصوصياتك بس الدنيا ماتسوى وهو باين عليه يحبك ولاتخلون الشيطان يدخل بينكم

الأخو ماينتعوّض أنتي لو تشوفين حالته ترحمينه شماغة على كتفه

وهموم الدنيا بوجهه



ريوف وهي مستغربة : غريبة مستحيل اخواني مابيني وبينهم شي

وماعندنا هالحركات مدري مستحيل وتذكرت إنها يوم صحت كانوا

كلهم عندها واستغربت طيب أنتي تعرفين شكله البارح كل اخواني

موجودين ..



الممرضة دلال بابتسامة : وكيف أنسى شكله وهو كل يوم ينشب لي

حتى تصدقين يبخشش لي عشان أدخله وأرفض وإذا رحمته أعطيه

الملف حقك ويقرأ حالتك بالتفصيل "



ريوف تكلم نفسها من اللي يتجرأ يسأل عني ومايزورني مع أهلي

حتى خوالي وعمامي بيدخلون غريبة وبدأ الخوف يسيطر عليها أنا ماعرف أحد
وماني قليلة أدب وماعندي علاقات بأحد منو هذا معقول يكون سلطان


ولد عمي مجنون ويحبني وأنا ماأعطيه وجه يمكن مثل أمه قماشوه بيسبب لي مشكلة ويجبرني آخذه واستبعدت الفكرة مستحيل يسويها بيخاف من أبوي وجا ببالها ريان واستبعدتها كمان وين وش بيجيبه من الديرة ويجي كل يوم مستحيل بعد أجل أكيد أحد اخواني وفيه مصيبة صايرة ومخبينها عني..........



دلال وهي تقيس نبضات القلب وتاخذ الضغط وتشبك الأكسجين وشافت

حيرة ريوف : شوفي ريوف هو له فم وعيون وخشم وضحكت



ريوف : ههههه ضحكتيني وأنا كل شي فيني يوجعني ياه من زمان ماضحكت أحس إني مت وحييت من جديد ياربي لك الحمد على الصحة

يعني مسويه جايبه جديد كل الناس لهم فم وعيون وخشم وابتسمت



ريوف : طيب ماقالك وش اسمه

دلال وهي تتذكر : إلا إذا اتصل وقلت من معي قال ريان

ريوف وودها تذبحها تعرف اسمه وساكته : ريان

دلال : وش فيك انتفضتي إيه ريان ليه مو أخوك
ريوف وتبلع ريقها : هو شافني لايكون دخلتيه علي أمانتك قولي لي وش سوى وش كان يقول ووش يبي ووشلون جا مناك كل يوم كل يوم يجي
هو يتصل عليك هو اللي مهموم ماني مصدقه وتجمعت دموعها بعيونها
تحبه تموت فيه بس ماتخيلته يبادلها هالشعور وأكثر للحين



دلال مستغربة كلام ريوف ولخبطتها وشكت بالوضع : صاحية أنتي وشلون أدخله هو يجي قدام هالمكتب وأنتي بينا وبينك باب صح كان
يجي عند الباب ويطالع من ورى القزازة بس مايشوفك ترى مايشوف
إلا هالأجهزة



ريوف وحست برجفة وارتاحت : الحمدلله لو سواها ودخل طاح من عيني

دلال : والمستشفى تسيّب بندخله أنتي أمك وأبوك وأهلك مايشوفونك إلا خمس دقايق باليوم وبعدين من هالريان هذا اللي لخبط كيانك طاريه

ريوف ومن التعب مو فاضيه تشرح لها : هذا خطيبي وزوج المستقبل ومتملكين وهي تكذب ماتملكوا بس هو لها وهي له هذا اللي معروف وعاشت عليه من الطفولة ..

دلال : ياهوووووووووه ع الحب أجل ماينلام لو رابط عند الباب للصبح

وزوجته هالملاك

ريوف واستحت من كلام دلال وغيرت الموضوع : متى بتفكون رجلي

كنها جبل من هالتجبير بعدين أنا ماأحس فيها والحين بكمل شهرين مامشيت

عادي بمشي طبيعي وراسي يمسك فيني صداع أحس مخي بيطلع من قوه متى بيجي الدكتور متى بترك المهدئات هذي لاخف مفعولها يذبحني الألم
وشلون بتحمل الأجاع وتغيّر وجهها وشد جسمها من ألم مسكها بساقها



دلال : كل هالأسئلة قوليها للدكتور وهو يجاوبك المشي راح تمشين بس

مو ع طول لازم علاج طبيعي وتمارين عشان تستعيدين لياقة رجلك شي

طبيعي شهرين ع السرير بدون مشي تأثر على رجولك بس عن قريب

أنتي تعديتي كل الخطورة وكلها أسبوع نشيل الجبيرة وتسوين العلاج الطبيعي وبشوفك تهرولين وتركضين بعد وابتسمت ..

وانتهى لقاءهم وطلعت دلال بعد ماحقنت المهديء في وريد ريوف وطلعت



الغرفةمليانة ببوكيهات ورد وعلب حلاو وصارت تفتح البطاقات القريبة

منها ع الطاولة وتشوف منو اللي أهداها وتحمدلها بالسلامة ..



أجمل خبر سمعته إن ريوفي صحت وبترجع لنا من جديد تراني حالفه

أذبح لك حاشي يادوبا بتخسريني وأنتي ماتاكلينه بس أهم شي راكان يذوقه <<بتنجلد

الحمدلله على سلامتك بعد عمري وتفداك الدنيا



محبتك / شوق



وابتسمت ريوف على هبال شوق وشمّت ريحة الورد وحست بانتعاش



وفتحت البطاقات كلهم اللي جايب ورد واللي حلاو وكلهم مانسوها



جوزاء وجواهر وبشاير ومها ونوال وريم وصاحباتها وكل الي تعرفهم



ولفتت انتباهها باقة ورد كبيرة فيها جوري ووفل وشكلها خيال

توقعتها من اخواتها لأنهم يعرفون إنها تحب الفل وتعشق الجوري

طلعت وردة من الفل وشمتها وحطتها ع الطاوله دورت بطاقة لقتها

مدفونه جوى الورد ومو باينه فتحت البطاقة وكانت كبيرة وبدت تقراها :



ليت الوجع بعروق قلبي ولا فيك ...............
...............
وليت التعب غلطان ساهي ولا جاك
لو الشفا بضلوع صدري لداويك ...............
...............
واطحن جميع ضلوع صدري فداياك
الله من شر المقادير يحميك ...............
...............
والله يحفظك ياعيوني ويرعاك
====




اكتملت سعادتي بعودتك للحياة ورجعت ذاكرتي

عندما تيقنت بسلامتك ولم تسعني الدنيا فرحاً بشفائك

جعلتيني كالمجنون والتائه في طرقات المستشفى

وعاد عقلي من جديد للتو عندما بلغني خبر قيامك بالسلامة

والحمدلله على السلامة ياريف قلبي "



أحبك "



(لم تذيّل البطاقة باسم ولــكن ريوف عرفت إنها من ريان

لأن مافيه أحد يسميها ريف إلا هو )



غمضت عيونها وسبحت في خيالات الحبيب والدنيا مو سايعتها من الفرحة ...


الله عطاني مـن غـلاه وعطيتـه
وغيره بغى مني ولانيـب معطيـه
قالوا هويته قلـت إيـه هويتـه
قالوا تركته قلـت مانـي مخليـه
دورت له بين الضلـوع ولقيتـه
خلف الضلوع يبين(ماطى)خطاويه







مرت الأيام كسرعة البرق وطلعت ريوف وسوى سعود حفلة بسلامة

ريوف وفيصل وعزم كل ربعه وكل الدنيا مجتمعة ووناسة والكل يبارك

ومبسوط ..



بعد الأحداث بخمس شهور وعادت الحياة مثل طبيعتها بروتينها العادي



في بيت ناصر وبمجلس قماشة :



بدر عند أمه وجايب ريم معه



ريم مستغربة حياتهم كلن بحاله وكل واحد بعالمه الخاص نوف بغرفتها



ولا كأن عندهم أحد وماطلعت لها ع طول وسلطان صار أحسن منها



سلم من بعيد وكلم الشغالة تجيب القهوة



قماشة جالسة على الكنبة ومصفطه أكمامها وكأنها بتدخل مصارعه



ولافه طرحتها وكلماتها بالقطارة وبشوفة نفس



قماشة : وشلونك ياريم (ومستحيل تقول وشلون أمك أو تسأل عنها )



ريم : بخير ياعمه وريم كلماتها مقتضبه وتخاف من عمتها وتستحي من بدر وصارت بس ترد على الأسئلة وتاركه بدر يسولف مع أمه

بدر مستحي من ريم : يمه وين نوف من زمان ماشفتها


قماشه : كلن على راحته نوف تنام هالحزه

وتطقطق بالريموت وتحط أغاني وقنوات ماله داعي تحط عليها
ريم فتحت عيونها وانذهلت وسكتت

بدر: يمه الله يهديك هذا بدال ماتنصحين العيال عن هالقنوات تشوفينها

أنتي مابقى بالعمر كثر ماراح ..



قماشة وعصبت : لاعمرك ترفع صوتك علي وهو مارفعه بس كذا وعندك حرمتك أنا مالك علي كلام وبعدين أنا ماشوفهن بس كذا فتحته



بدر ورقعها ومايبي فضايح أمه تبان قدام ريم : أدري يالغالية حاشاك بس استغربت إنك حاطتها بالمجلس وخفت الوراعين يفتحون القنوات

ريم استغربت ماعندهم عيال صغار أصغرهم سلطان وكبير بس ماحبت
تحرج بدر وسوت نفسها عادي ..

جابت الشغالة القهوة وصبتها ريم وشرفت نوف على نهاية الجلسة

وخذت القهوة ورحبت بريم ولطف الجو بجيتها وسولفت ريم معها
وانبسطت فيه أحد ببيت عمها غير عمتها تقدر تاخذ راحتها معه وتسولف



(نوف فيها طيبة لكن تتقلب على حسب أوامر أمها وسوالفها حلوه ولكنها مزاجية إذا رايقه وش حلاتها إذا مالها خلق ممكن ماتطلع من غرفتها يومين ولاأحد يسأل عنها بيتهم حرية طليقة للأشخاص فيه ممكن حتى قماشة تسافر وتحجز وإذا جت تروح للمطار تبلغ عيالها وهي عند باب الشارع وين رايحه وين بتسافر محد له دخل يسأل إلا إذا بغت هي تصرح )





رن الجرس وصار سعود ودخل داخل وانقلبت قماشة اللي ماده بوزها

وشايفه نفسها يوم جا سعود بالوداعة كلها ..

قماشة وتغطت بغطا خفيف ووجهها باين : ياهلا والله بأبو فيصل



اقلط



ريم : انصدمت من وقاحة قماشة مالبست جلال ولا عباية ووجهها باين

صح عجوز بس مايجوز ..

سعود : هلا بالريمي هنا وسلم عليها وسلم على بدر وصافح قماشه وجلس
وأخذت قماشه الدله وجلست تحت وجلس سعود قريب عندها وقهوته
وأوم السوالف السنعة وكلها بالبزنس وأخبار الشركة وتتريق عليه
يوظف نوف عنده



قماشه : ريم فنجالك يالغالية



ريم وانصدمت من نفاقها قبل شوي مو طايقتها يوم جا أبوها تنقط عسل
وقالت بنفسها صدقت ريوف يوم قالت حية من تحت تبن والله وعرفتيها ياريوف ياني منخدعة فيها أنا وأمي واحترقت ريم وهي تشوف أبوها
وهو يبجل قماشه وكأنها جلالة الملكة وهي ملعونة ..

قماشة : سعود وش رايك نوف الصوامه القوامه اللي مامثلها بالبنات
اللي ماعمرها دخلت سوق ومافيه مثل ثقلها <<طبعاً دقات على ريم
ونوف عكس اللي تقوله بس تبي تغسل مخ سعود ببنتها بأي طريقة
البارح كلمتني أم صديقتها وتبيها لولدها وقلت بشاورك هم أجواد
وبعدين عيالك ماخطبوها وأنا إذا نوف ماخذت من عيالك تحرم على غيرهم
وبزوجها برى الجماعة <<قلة حيا وصافطه زوجها على جنب والمصيبة
يقدرونها ويحترمونها وهي الصح ولو غيرها سوى هالشي كان فضيحته بجلاجل

سعود : أفا ياذا العلم نوف تطلع وعيالي موجودين لاوالله نوف أبيها لفيصل

قماشة وتبتسم ابتسامة نصر إنها بتجيب روسهم عن قريب : والله شورها
بيدها وأنا ماني غاصبتها



ريم وهي مولعه بقلبها عشتوا تخطب لبنتها وتقول بآخذ رايها أخ منك يايبه

وشلون تخليها تتحكم بحياتنا كذا ....



بدر ونوف طالعين من المجلس ماكان فيه إلا قماشه وسعود وريم

ريم وتبي تدق بالحكي : عمتي شكلك تقرين السنة النبوية وتطبقين حديث اخطب لبنتك ..

قماشة وهي نيرانها شابه : فيصل ولدي وسعود أخوي وإلا عندك كلام غيره ياسعود

سعود : لا والله عيالي عيالك ونوف بس تختار فيهم

وطلعت ريم بعد ماأندبلت كبدها وراحت بيتها وكلمت فيصل وعلمته

بدر : الريمي وش فيها زعلانه

ريم : سلامتك مافيني شي
بدر : أجل متضايقه وإلا ليه الوجه محمّر لهالدرجة والدم متجمع فيه
ريم : مافيني شي
بدر : كان قصدك نوف ماطلعت لك بدري ترى هذا طبعها وهي ماتقصد
وجلس يتعذّر

ريم : عادي براحتها تنام على الجنب اللي يريحها ومتعوده على نوف أختك
من تزوجتك وهذا طبعها صح يقهر بس ماتهمني وبحترمها من احترامك
وبترفع عنها إذا جت ياهلا وإذا ماجت ماتشوف شر ..

وسكت بدر مابغى يضغط عليها ..




ببيت سعود :



فيصل من علمته ريم وهو معصب ويحلف إنها ماياخذها وعلم أهله

راكان : ياخي أنت رخمة قل مابيها وأعلى مابخيلهم يركبونه

فيصل : مسوي ماتعرف أبوك أنت والله إن يتبرى مني

غالية : فيصل وأنا أمك لاتعصي أبوك وبنت عمك مافيها شي

فيصل : وأمها هذي وبلاويها فيني من طلعت على الدنيا وإلا ناسين

حركاتها والله لو بنتها ملكة جمال الكون وهذي أمها ماتزوجتها وأنا

ماأبغى غير غيداء وبكلم أبوي فيها ومتزوجها متزوجها لو حتى ماوافق

نوف الله يستر عليها تلاقي لها واحد يناسبهم أنا مايناسبوني يخسون ماتهنو فيني



راكان : كفوووووو ياأخوي الكبير ماعليك منهم منت حرمة يقودونك هذا عرس مو مسيار أرفضها وأنا معك والله ماتدخل عليها وأمها قماشه ..

مها : مصدق أبوي بيخليك تتزوج غيداء وتروح أملاكه للأجناب وقماشه
حاطتك براسها والله ماتفلت من تخطيطاتها وبترسم طريقة تجيبك فيها وتجيبنا بعد..

ريوف :هههههههههههههه أهنيك يامها على تتبع الجريمة واكتشاف التخطيطات يماما شوفي بنتك بدت تهلوس هذي نتايج الروايات البوليسية
اللي تسهر عليها ..



راكان : الروايات هذي تخرب العقول وفيها دشاره وكلها كذب بكذب وقطعيها يامها تراها حرام وإلا بقطعها أنا

ريوف : هههههههههههه راكان فاهم الدنيا مقلوب أنت تراها بوليسية مو
إباحية

راكان : وأنتي وش عرفك بالإباحية وين قاريتها
ريوف : ماقريت شي بس أعرف أنواع الروايات وقسم بالله ماعمري قريت
إباحية ومدري وين يبيعونها

راكان : يعني لادريتي بتشترينها هاه لكن هالشارب مو على رجال لاخليتك

تشترين كتب عقب اليوم إلا وأنا معك

ريوف : استغفر الله العظيم وش دخلني تعصب علي فتش غرفتي ماعندي إلا روايات عادية ورومانسية مو تعصب عشان فيصل وتحط دوبك دوبي
وعصبت ريوف وقامت وخلتهم وراحت لغرفتها تكلم شوق


على الخط الثاني :

شوق : ألووووووو

ريوف : ساااااااااكته

شوق
: ريوف وش فيك ساكته تكلمي


ريوف بكت


شوق : وش فيك وش صاير خوفتيني اهدي وتكلمي حرام عليك تسوين فيني كذا

ريوف وبكت ربع ساعة وسكتت


شوق : أنتي وش فيك تبين تجيبين لي جلطة أسحب منك الكلام سحب

ريوف : راكان جرحني تخيلي يقول أنتي وش دراك عن الروايات الإباحية وماراح أخليك تشترين كتب إلا معي وعلمتها السالفة ..

شوق :ههههههههههههههههههههه الله ياخذ عدوينك قولي آمين وهذي سالفة تبكي الواحد ربع ساعة ويشاهق عشانها

ريوف : أصلا أنتي ماتحسين فيني وعشانه راكان تدافعين عنه



شوق : خبله أنتي أنا أعرف راكان أكثر منك وأنتي أخته ماتعرفين تفكيره يعني هو مايعرف يعبر يبي يقولك هالشي غلط وخايف عليك وتعرفينه

طعس يعدم الدنيا وهو ماوصل الفكرة هو واثق إنك ماتقرينهم بس بنفس الوقت بيحافظ عليك من كل شي يضرك ولو هو يتهمك أو شاك ماراح

يسولف كذا بيفتح غرفتك وبيفتش بالمكتب حقك وماعليه منك وماينلام

لاخاف عليك بالعكس حلو إنه يراعيك ويخاف عليك من كل شي ياحبي له

ريوف : هذا اللي هامك كل ماشكيت لك منه تبررين موقفه وتحطين اللوم علي عشان الحبيب تصدقين يناسب لك دامك فاهمته كذا أنا لو بتزوج واحد
مثل راكان ماجلست عنده أسبوع



وطق باب غرفة ريوف



ريوف: مييييييين



راكان : تعالي أبيك بسرعة تحت



ريوف بدون نفس : وش تبي أكلم



راكان : أقول سكري وأنزلي بسرعة



ريوف وتتأفف : طيب


شوق : منو هذا ياريوف

ريوف : مدري يعني ماتسمعين صوته



شوق وتتنهد : عين السيح



ريوف :ههههههههههههههه وتذكرت مسلسل أم خطر مع حسين عبدالرضا الله يقطعك أنتي وياه هذاك مهبول وأنتي مهبوله وبيلتم المتعوس على خايب الرجا ياأم خطر وسكرت السماعة ونزلت تحت وهي مبوزه

راكان : وش فيك زعلانه تراي ماقلت شي

ريوف وتقلب عيونها : حاشاك ياخوي ومن يقول إني زعلانه وإلا إنت غلطان وسكتت

راكان : شوفي وجهك اللي مايسوى ريال وبعدين قولي مازعلت

ريوف : أقول ثمّن كلامك وجهي يسوى ملايين



راكان :هههههههههههههههههههههههههههه أبوكن يالحريم يسون من الحبه

قبه أمزح أنتي ووجهك



ريوف : طيب على بالي ماتمزح



راكان : هههههههههههههه البيت هاجد اليوم عشانك زعلانة حتى سوالف



مافيه ومافيه ازعاج ويعاندها زيادة



ريوف ومعصبه وشوي وتبكي وماسكه نفسها : نعم ماسمعتك زين كأنك تسبني

راكان : ومن اللي يقوله حاشاك يالغالية وأنا أقدر

ريوف وتحس دمعتها بتنزل ومسحتها بيدها : طيب وش تبي مناديني من فوق ومخليني أسكر السماعة



راكان وشاف دمعتها وحس الدعوة قوية وإنها ماتتحمل شي وتنجرح بسرعة : صبي لي قهوة

ريوف : تستهبل أنت منزلني اصب لك قهوة ماعندك ايدين وليتك بعد مو مزاعلني ماني صابه شي صبها أنت الله لايهينك

راكان جا قدامها ومعه علبة حلاو تموت فيها ريوف وفاتحها



راكان : تبين حلاو



ريوف وتوها تنتبه إن بيده علبة حلاو ودها تاخذ وماودها ترضى بسرعة : شكراً مابي



راكان : ماتبين حلاو ماكنتوش ترى ماتلقينه بسهوله هنا هذا القديم شوفي العلبة أقول خوذي قبل يطير عليك وتقهوي



ريوف وماقدرت تطنشه مدت يدها وخذت وحده



راكان نزل العلبة ومات من الضحك :هههههههههههههههههههههههه



آه يابطني هههههههههههههههههههههههههههههههههههههههه



ريوف طيرت عيونها : مافيه شي يضحك يخليك تضحك هالكثر



راكان : هههههههههههههههههههههههههههههههههههههههه





ريوف : !!!!!!!!!!!!!!!!!!



راكان : شفتي إنك رخمة وترضين بدقايق وتسوين نفسك شخصية وأنتي



من جنبها



ريوف : يابايخ أصلاً ماهميتني أنا رضيت عشان الحلاو نفسي فيه



راكان :ههههههههههههههههههههه طيب ليه صبيتي لي القهوة وأنتي تقولين لك يدين وتصبها أنت ههههههههههههههههههههههههههه



ريوف : عشانك اخوي وأكبر مني وأعتذرت مني وقبلت اعتذارك



راكان ابتسم وكمل السوالف معها
(راكان لاغلط اعتذاره يبدأ بصبي
قهوة وبعدين يجيب لها شكولاته ويسوي نفسه إنه كان مشتهي هالحلاو وتذكر إنها تحبه وجابه وهي فاهمه حركات اعتذاره مستحيل يقول
آسف أنا غلطان بس يسوي أفعال تدل على الأسف )



وفي مكان هاديء وفي إحدى أجنحة قصر سعود فيصل متمدد ع السرير

ومسكر اللمبات وإضاءة خفية عنده وهموم الدنيا على راسه وشايل هم

غيداء ووعده لها وعهدهم اللي أجله بعد الحادث
أخ يالقهر ليتني خطبتها من زمان ياربي لارد على قضاءك كانت
جنبي ومتواعدين أخطبها وخرب علي الحادث كل مخطاطاتنا
ويبوني آخذ غير حبيبة قلبي والله مستحيل أفكر بغيرها وقلبي لها
وبحارب حتى أبوي ماني متخلي عنها عشان وحده ماعرف حتى شكلها
(فيصل دارس برى وعنده الحب قبل الزواج ومافيه شي اسمه حب بعد
الزواج والحب واحد ويكذب كل اللي يقول مافيه حب إلا بعد الزواج الحب
واحد مايتكرر سواء قبله أو بعده وراسه يابس ومحد يقدر يقنعه ولازم
يكون عارف شكلها قبل الزواج ويحس إنه حسافة يرتبط بأي وحده منصب
ونسب وثقافة ومن عايلة مرموقة وفوق هذا أبوه ملياردير يعني لو بغى أي
وحده ماراح ترفضه وكل البنات يتمنونه بس هو مايبي إلا غيداء وبس)


فيصل ويقلب بجواله ويقرأ آخر رسالة جته من غيداء :

حبيبي مازلت بانتظارك لآخر يوم من حياتي
وبابا قدّر ظرف الحادث وإنك ماقدرت تخطبني
وأنا لك لو بعد عشر سنوات تطمن ماسكن قلبي
غير فيصل ولا مليون واحد يقدرون يلفتون نظري
غيداء تتنفس هواك وهي بآخر العالم وعايشه على ذكرياتك





وسكر جواله وهو يداري دمعة حايرة في عيونه وشلون ياغيداء
لو تدرين عن اللي ممكن يصير لي لو تزوجت غيرك قلبي ماينبض
إلا لك يالغالية .........



وفتح المسودات وكتب قصيدة :

أبسولف وصدري مختنق منك من الضيقة

أبسولف وأنا حتى كلامي صرت ماطيقة

أبسولف عن أجمل حلم .. وصعب تحقيقة

والله ودي أسولف لك

عن الأحزان والضيقة

عن الدنيا

وأتساع الكون

لاضاقت لجنحانك وتحليقة

عن الآمال لاطاحت

ورجع صوتك لتنهيدة

تعب فيني الوجع
مدري .. ؟؟

تعب فيني التعب ضيقة

شسولف

للغلا اللي فاض بي صدر وحنين

شسولف

للضلوع اللي تضمك من سنين

شسولف لك ؟؟

عن أشواقي

عن فؤادي

عن اللي داخل أعماقي

عن الحب اللي من عرفتك نام بأحداقي

شسولف لك ؟؟

وأنا خايف يخون الكلمة التعبير

أنا شرهات شوقي تكره التقصير

شسولف


والبشر عادي ولكن أنت عندي غير

شسولف لك ؟؟

وأنا خايف يموت النبض في صدري

وأنا شايف أحبك وأنت بعيد

شسولف لك

عن أخباري

وش يبي يطلع جديد

مالحزن نفس الحزن

ومن رحل يبقى بعيد

شسولف لك

عن أخباري

وش الطاري

مابه جديد

مابه جديد

نفس التعب

نفس الضما

نفس السهر

نفس هذا الأحساس البليد

شسولف لك

بعد أكثر

عن الشوق اللي كل ماخلص

يبدأ من أول يزيد

وش تبي تسمع بعد أكثر

عن الدنيا

لما كنت أشعلها بقربك

أفراح

وتهاني وعيد

ويش أسولف لك وأعيد

من سافرت لاجديد

شسولف لك ؟؟

وش اللي باقي ماقلتة

وش اللي باقي ماشلتة
هو بقى حيل وهد متني ماتحملتة

أنا ماقلت لك مرة ؟؟
تعال وشوف بعيوني حنين القلب لشتاقك

الله ياكثر الحنين اللي خنقتة بصدري علي شانك

أموت .. أموت في قربك

لا وربي أنا أحيابك
شسولف لك ؟؟

إذا قلبي نشدني شــ آخر أخبارك

شسولف لك ؟؟

عن الذكرى وطيوف تداعب أنهارك

وأنت تدري

أنا أكثر شخص واحشني كلامك

يعني مو بس أوله عليك

أنا والله أتشفق سلامك



شسولف لك ؟؟



وأنا أصلا



أرتباكي لك غلا



شوف عيني لا لقيتك



ماتكفيني هلا



خايف أضما وماأرتويك



خايف اللحظه تطوف



والله ياعمري تطوف



ويشتعل كلي عليك



وأنا شفني بين أيديك



شسولف لك ؟؟



تبي أكثر ؟؟



تبي حبي يصير أكبر



شسولف لك ؟؟



تبي أحلف لك ؟؟



((والله أحبك )) *





*لــ بدر المطيري



وضغط فيصل زر ارسال للي سكنت روحه غيداء ...







:::::



في بيت قماشة :



نوف : حرام عليك يمه تبيني آخذ فيصل وهو يحب وحده معه بالجامعة



كل الناس يقولون يحب وحده وبيتزوجها حتى هو مصرّح للناس وماعليه من أحد وأنا ماأبغاه



قماشة : وأنا طلبت رأيك عشان تقولينه فيصل بزوجك إياه مو على شان



سواد عيونك وتزوجيه لو ثلاث شهور وبطلقك منه بس لازم تتزوجين



واحد من عيال غالية وراكان مابيه جني وماأقدر عليه مافيه إلا فيصل





نوف : يعني تخربين حياتي علشان أشياء تافهه فيصل مستحيل أتزوجه وأنا

ماأحبه وماأبيه ويكفي إنه يحب وحده ثانية لايصلح لي ولا أصلح له



قماشة : وأنتي مصدقه سعود بيخلي فيصل يتزوج وحده غربيه



نوف : ومن قالك إنها غربية البنت بدوية وقبيلية بس أمها لبنانية مدري أجنبية بس اللي سمعته إنها بدوية وأبوها يشتغل بالسفارة وهي وحيدة أبوها

ويقولون ملكة جمال وهو شايفها ويحبها بالله بيطالع فيني بعدها وأنا أصلاً

ماأحبه ولا أهتويه شايف نفسه وأنا أبغى واحد بدوي وماطلع برى المملكة



قماشة : اللي يشوفك يقول فيصل أجنبي تراه ولد غاليوه وزواج خلصنا منه



وعمك يبيك وبيتم بأقرب وقت أنا كل أموري واقفه على هالزواج واللي بنيته سنين مابيه ينهدم بخبالك أنتي ماتعرفين مصلحتنا كثري ..



نوف وغصب عنها تسمع كلام أمها وترضخ لمخططاتها



ببيت سعود ...



فيصل : يايبه أنا مافكرت بالزواج ومابي أتزوج الحين ونوف كبيرة وماهي

منتظرتني عشر سنين خلها مع نصيبها



سعود : وأنت صغير الحين عشان تقول عشر سنين أنا اللي بزوجك وكل شي علي وأنا مابي غير نوف مافيه مثلها بالبنات وخلاص خطبتها لك



فيصل وانصدم : أنا ماأبي نوف



سعود وعصب : تكسّر كلامي يافيصل

فيصل : الزواج ماهو بالغصب وأنا ماني بنت تغصبني وحتى البنات ماينغصبون هالوقت وأنا أبغى لي وحده كانت تدرس معي وأهلها

مستواهم عالي وقبايل ومافيه شي ناقصها ومابي أتزوج غيرها



سعود : طالت وشمّخت يافيصل خليتك تدرس برى جيتني تبي تاخذ قليلات الحياء وتخلي بنات عمك مو على كيفك تطلع من شوري والبنت خطبتها لك

وخلصنا والملكة الأسبوع الجاي وكانك تبي تطيّح وجهي قدام عمك وأهله

سوها يافيصل ووقتها لاأنت ولدي ولاأنا أعرفك وبيتي يتعذرك ويحرم

عليك تطب فيه ويحرمون عليك أهلك كلهم لاتكلمهم ولاتجيهم وأمك تحرم

علي إذا أنت خليت نوف وفضحتني عندهم وطلع سعود وهو معصب

وخلا فيصل وهو المصايب تجيه من كل مكان أمه وخواته واخوانه

وبيتهم وكل شي بينحرم منه وعشان من عشان بنت قماشه الله ياخذها

ويريحني منها كانها مافكتني من شرها وتبيني أتزوج بنتها بعد


ومرت الأيام وبيت سعود تحيط فيهم غمامة سوداء من الهموم وحالة فيصل
اللي كاسرة خاطرهم وهم بعد مو متقبلين بنت قماشة تدخل بيتهم وتاخذ
أغلى اخوانهم وشايلين هم غيداء اللي من علمها فيصل وهي بالمستشفى
بانهيار عصبي يحبون غيداء ويكلمونها البنات كلهم بس مالهم يد لافرض
سعود شي لازم الكل يطيعه وإلا تدمرت حياتهم فيصل من تملك وهو غايب
عن البيت ومايكلم أحد إلا راكان وهو الوحيد اللي يقدر عليه ويسمع منه





وصار سعود ينفذ أوامر قماشة وسلمها المهر وحجزوا كل شي وحددو

موعد العرس وفيصل مايدري عن شي وحالف يفشل أبوه ومايحضر

العرس ويفضح قماشه وبنتها حالة نفسية كئيبة مرت على فيصل وسعود

ماخلا مكان مادوره فيه ويتصل عليه وجواله مغلق وراكان مسوي نفسه

مايدري شي عن فيصل ومحلّف أمه وخواته مايجيبون طاري عند أبوه

إنهم يعوفون مكانه لأن فيصل مايبي يشوفه ومفهم أهله إن فيصل بيجي

يوم الزواج بس مايبي يقابل أحد قبله وهو حاط براسه إنه بيقنع فيصل

بطريقته بس لين يهدى ..



وفيصل يتصل على المستشفى يتطمن على غيداء وهو مو بأحسن حال منها
أخ يايبه ليه تسوي فيني كذا على بالك أنت وقماشة بتجبروني أنا عشان
أمي بحضر الزواج مابي انحرم من أهلي بسبب حثالة حريم مايسوون ريال
بس بوريكم من فيصل اللي تسوون فيه كذا إن ماخليتك ياقماشه تعضين
أصابع الندم ماكون فيصل أنا لكم والله مثل ماطيّحتو غيداء بالمستشفى
وبهذلتوني لأذوقكم المرارة اللي شفتها وكلها يومين وتعرفون من فيصل

ومسك دفتر عنده وكتب فيه :

(اني انسان لي روحان...روح يعرفها كل الناس....وروح اخرى تجهلها كل الاجناس...روح مرحه لم تلقى الهم في دنياها...وروح تشقى لم تلقى سوى فيض الآلام....ماغرد فرح يسعدها...مامارست املا يبهجها....مافيها سوى دمع متدفق محترق فوق الوجنات...مافيها سوى طفل معدم مطعون عدة طعنات...مافيها سوى يأس قاتل يردد اصداء الاحلام....اني انسان....انسج احلامي بخيالي لاصل إلى كل محال...اتعدى الارض إلى زحل اتمشى في كل الاكوان...اتسامر ليلا مع قمر....اعطيه حنانا وامانا....اعطيه جروح الايام...اعطيه دموعا تتتساقط لتعبر عن ظلم الازمان....يتخافت ضوؤه بين يدي....ينطفىء القمر لآلامي....ينطفىء القمر لأحزاني....فيموت القمر باحظاني...ولكن من الجاني.؟؟؟...من الجاني؟؟؟...)


::::
::


وانتهى الجزء السادس

بعد فترة مخاض طويلة


::
::::


لنا لقاء قريب
في الجزء القادم
تحياتي لكم













توقيع : تــرف


وأنا الذي .. لو جِئْتَ تطلُبُه الفؤادَ .. لقُلْتُ : لَكْ ..!
عَجَبِيْ لهُ مِنْ سَائِلٍ .. أنْ جاءَ يطلُبُ ما مَلَكْ ..!!
"إنيْ أحبُّكَ" .. قُلْتُها .. فبَنَتْ بقلبِي مَنْزِلَكْ !
وزهدتُ دَهْري .. واعتزلْتُ الناسَ .. كي أتأمَّلَكْ !!
قلبي اصطفاكَ على البرايا .. واصْطفاكَ .. وفَضَّلَكْ !!
كُلُّ الحكايةِ أننّي .. أَيُّوْوووهْ .. ! كمْ أشتاقُ لَكْ !!

رد مع اقتباس
قديم 29 Jan 2010, 01:36 PM [ 2 ]
عضو متميز


تاريخ التسجيل : Oct 2007
رقم العضوية : 9692
الإقامة : saudi arabia
الهواية : ..
مواضيع : 161
الردود : 6249
مجموع المشاركات : 6,410
معدل التقييم : 797إحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to behold

إحساس واثق غير متصل


مـجـمـوع الأوسـمـة : 10
مسابقة الشدادين الكبرى

المراقب المتميز

وسام لمن الكأس؟

فعالية تذكر واتربح

الاحتفال بالعام السابع

الاحتفال بالعام السابع

الإداري المميز

العضو المميز

المشرف المميز

التواصل




وطال الفرح بيت سعود

و

عاد سعود لغيداء

و

لريان ريوف

ممكن من اصعب الأوقات الحادث و النوم على السرير شهرين

و الأبر رايحه جايه مهدئات و مسيلات للدم

و

بلاوي كثيره مالها اول ولا تالي

اتكلم عن تجربه شخصيه عذاب بمعنى الكلمه

لكن الحمد الحين نمشي وهم يمشون

وراح الألم وبقة ذكريات كشف الحب الهائل في قلوب من يحطوننا في لحظات ظنوا فيها انهم فقدونا


عندما يكون المال سبب في الزواج من اي الاطراف سيجعل نسبة الفشل عالية

و

ربما سيهدم قلوب كانت عامرة بحب طاهر نقي في يوماً ما

إحساس واثق


توقيع : إحساس واثق

لكم حرية الكتابة هُنا
https://mukh1id.sarahah.com/
الأعلى رد مع اقتباس
قديم 29 Jan 2010, 01:36 PM [ 3 ]
عضو متميز


تاريخ التسجيل : Oct 2007
رقم العضوية : 9692
الإقامة : saudi arabia
الهواية : ..
مواضيع : 161
الردود : 6249
مجموع المشاركات : 6,410
معدل التقييم : 797إحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to behold

إحساس واثق غير متصل


مـجـمـوع الأوسـمـة : 10
مسابقة الشدادين الكبرى

المراقب المتميز

وسام لمن الكأس؟

فعالية تذكر واتربح

الاحتفال بالعام السابع

الاحتفال بالعام السابع

الإداري المميز

العضو المميز

المشرف المميز

التواصل




وطال الفرح بيت سعود

و

عاد سعود لغيداء

و

لريان ريوف

ممكن من اصعب الأوقات الحادث و النوم على السرير شهرين

و الأبر رايحه جايه مهدئات و مسيلات للدم

و

بلاوي كثيره مالها اول ولا تالي

اتكلم عن تجربه شخصيه عذاب بمعنى الكلمه

لكن الحمد الحين نمشي وهم يمشون

وراح الألم وبقيت ذكريات كشفت الحب الهائل في قلوب من يحطوننا في لحظات ظنوا فيها انهم فقدونا


عندما يكون المال سبب في الزواج من اي الاطراف سيجعل نسبة الفشل عالية

و

ربما سيهدم قلوب كانت عامرة بحب طاهر نقي في يوماً ما

إحساس واثق


الأعلى رد مع اقتباس
قديم 29 Jan 2010, 03:46 PM [ 4 ]
عضوة متميزة


تاريخ التسجيل : Oct 2006
رقم العضوية : 1959
الإقامة : saudi arabia
مواضيع : 186
الردود : 4155
مجموع المشاركات : 4,341
معدل التقييم : 222شموخ شدادية has a spectacular aura aboutشموخ شدادية has a spectacular aura aboutشموخ شدادية has a spectacular aura about

شموخ شدادية غير متصل


مـجـمـوع الأوسـمـة : 14
فعالية طلباتك أوامر

فعالية طلباتك أوامر

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

عضو مخلص

كيدهن عظيم

فعالية لقطة ومقاديرها

الخطوط الشدادية




ترف

يعطيك العافية

ما معي وقت أقرأها الحين

إذا أجّـزت إن شاء الله

مزيدا ً من التقدم .


توقيع : شموخ شدادية



فَـآنـِيَة ْ !
مَهْمَا طـَآلَتْ ...
سّآعَاتــُهَآ وَأَيـَّامـُهّا وَشُهُورُهَا وَسـِنِينِهَا !

الأعلى رد مع اقتباس
قديم 29 Jan 2010, 03:49 PM [ 5 ]
عضوة متميزة

تاريخ التسجيل : Jan 2010
رقم العضوية : 23865
الإقامة : saudi arabia
مواضيع : 36
الردود : 613
مجموع المشاركات : 649
معدل التقييم : 25بنت الزين is on a distinguished road

بنت الزين غير متصل


مـجـمـوع الأوسـمـة : 2
العضو المميز

الحضور المميز





و انا كذلك أختي ترف ..
شكلها تحمس ويبيلها رواقة وطيب بال ..
بإذن الله لي عودة بعد الإختبارات ..
تقبلي مروري..


توقيع : بنت الزين
الأعلى رد مع اقتباس
قديم 29 Jan 2010, 05:31 PM [ 6 ]
مؤسس شبكة الشدادين


تاريخ التسجيل : Jan 2005
رقم العضوية : 1
الإقامة : saudi arabia
الهواية : رياضة + كمبيوتر وبس
مواضيع : 2071
الردود : 91524
مجموع المشاركات : 93,595
معدل التقييم : 4981السلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond repute

السلطان غير متصل


مـجـمـوع الأوسـمـة : 8
فعالية ضوء عدسة

فعالية طلباتك أوامر

شكر وتقدير

فعالية مجموعات المنتدى

يوميات الأعضاء

التميز في دورة الفوتوشوب

شكر وتقدير

أجمل خط 1434 هـ




ما شاء الله يا كاتبتنا ترف
شاعرة وكاتبة وقاصّة ومبدعة
في كل أعمالك اللي تقدمينها لنا
عسى الله يسلم يديك وفكرك
وعلى الطباعة الآن وبلا تأخير



توقيع : السلطان
الأعلى رد مع اقتباس
قديم 29 Jan 2010, 10:16 PM [ 7 ]
شاعر

تاريخ التسجيل : Mar 2007
رقم العضوية : 2479
الإقامة : saudi arabia
الهواية : الرياضة
مواضيع : 66
الردود : 2043
مجموع المشاركات : 2,109
معدل التقييم : 25من رؤس بنيوس is on a distinguished road

من رؤس بنيوس غير متصل


مـجـمـوع الأوسـمـة : 3
المشاركة في احتفالية العام التاسع

المشاركة في احتفال المنتدى

عضو مخلص




قصص شيقة رغم طولها

مشكورة الله يعطيك العافية

تحيتي لك


توقيع : من رؤس بنيوس
الأعلى رد مع اقتباس
قديم 30 Jan 2010, 02:25 AM [ 8 ]
عضوة متميزة


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
مواضيع : 331
الردود : 13968
مجموع المشاركات : 14,299
معدل التقييم : 767تــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to behold

تــرف غير متصل


مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز




 
 
المشاركة الأصلية بواسطة : إحساس واثق
اقتباس
 

وطال الفرح بيت سعود

و

عاد سعود لغيداء

و

لريان ريوف

ممكن من اصعب الأوقات الحادث و النوم على السرير شهرين

و الأبر رايحه جايه مهدئات و مسيلات للدم

و

بلاوي كثيره مالها اول ولا تالي

اتكلم عن تجربه شخصيه عذاب بمعنى الكلمه

لكن الحمد الحين نمشي وهم يمشون

وراح الألم وبقة ذكريات كشف الحب الهائل في قلوب من يحطوننا في لحظات ظنوا فيها انهم فقدونا


عندما يكون المال سبب في الزواج من اي الاطراف سيجعل نسبة الفشل عالية

و

ربما سيهدم قلوب كانت عامرة بحب طاهر نقي في يوماً ما

إحساس واثق


 
 
صدقاً تباً لتلك الأموال التي تجعل قلوب الناس يملأها الحسد ويرتكبون

أبشع الجرائم ويتخطون حدود الدين من أجل وصخ دنيا ..

ماذنب من ولد وبفمه ملعقة من ذهب أن يكون ضحية ثراء تفقده من سكنت قلبه

وماذنب الأبرياء يُزجّون في زواجات فاشلة بسبب المال والجشع ..

قراءة راقية من مشرف أرقى ..

أسعدني حضورك وشرفني تواجدك ..

امتناني"


الأعلى رد مع اقتباس
قديم 30 Jan 2010, 02:28 AM [ 9 ]
عضوة متميزة


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
مواضيع : 331
الردود : 13968
مجموع المشاركات : 14,299
معدل التقييم : 767تــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to behold

تــرف غير متصل


مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز




 
 
المشاركة الأصلية بواسطة : شموخ شدادية
اقتباس
 

ترف

يعطيك العافية

ما معي وقت أقرأها الحين

إذا أجّـزت إن شاء الله

مزيدا ً من التقدم .

 
 
هلا وغلا بغناتي

ياهلابك والله ويعافيك ربي ..

أسعدني تواجدك وحضورك

وبالتوفيق "


الأعلى رد مع اقتباس
قديم 30 Jan 2010, 02:29 AM [ 10 ]
عضوة متميزة


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
مواضيع : 331
الردود : 13968
مجموع المشاركات : 14,299
معدل التقييم : 767تــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to behold

تــرف غير متصل


مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز




 
 
المشاركة الأصلية بواسطة : بنت الزين
اقتباس
 


و انا كذلك أختي ترف ..
شكلها تحمس ويبيلها رواقة وطيب بال ..
بإذن الله لي عودة بعد الإختبارات ..
تقبلي مروري..


 
 
ياهلابك يابنت الزين وحياك قلبي "

الرواية متواجدة ومتى ماروقتي وخلصتي

اختباراتك أتشرف بقراءتك لها ويسعدني ذلك "

بالتوفيق "


الأعلى رد مع اقتباس
إضافة رد
الذين يشاهدون محتوى الموضوع الآن : 1 ( الأعضاء 0 والزوار 1)
 
المواضيع المتشابهه
الموضوع كاتب الموضوع المنتدى مشاركات آخر مشاركة
يا ما أسهل الدنيا :: مهما تعاندنا {الفصل الثاني} تــرف كتّاب المنتدى في القصص والرواية الأدبية 22 06 Jan 2011 02:54 AM
يا ما أسهل الدنيا :: مهما تعاندنا {الفصل الأول} تــرف كتّاب المنتدى في القصص والرواية الأدبية 30 06 Jan 2011 02:15 AM
يا ما أسهل الدنيا :: مهما تعاندنا {الفصل الثامن} تــرف كتّاب المنتدى في القصص والرواية الأدبية 23 31 Mar 2010 08:41 PM
يا ما أسهل الدنيا :: مهما تعاندنا {الفصل الخامس} ‏ تــرف كتّاب المنتدى في القصص والرواية الأدبية 14 13 Feb 2010 06:18 PM
يا ما أسهل الدنيا :: مهما تعاندنا {الفصل الرابع} تــرف كتّاب المنتدى في القصص والرواية الأدبية 20 13 Feb 2010 06:17 PM
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

06:42 AM
Powered by vBulletin® developed by Tar3q.com