..:.. مرحباً بك في شبكة الشدادين الرسمية ، ضيفنا الكريم يسعدنا دعوتك للانضمام والمشاركة معنا .. اضغط هنا لتسجيل عضوية جديدة ..:..


آخر 10 مشاركات وفاة اللواء سلطان بن عايض بن حسين    <->    حصرياً لقاء الكبار مع سعادة اللواء / سلطان بن عايض الشدادي    <->    القليل عن اللواء / سلطان عايض الشدادي أبو ثامر    <->    Reyadh رابطة جمهور العالمي (18)    <->    نشاط كريستيانو رونالدو CR7    <->    وردة محشي بطاطس    <->    وردة شوربة اش رشته الايرانية    <->    وردة تكساس فرايز    <->    وردة شوربة الشوفان    <->    كيك امريكانا    <->   
مختارات   وطني لو شُغِلْتُ بالخلدِ عنه ***‏ نازَعَتني إليه في الخُلدِ نفسي   
مواضيع ننصح بقراءتها وفاة اللواء سلطان بن عايض بن حسين
العودة   شبكة الشدادين > المنتديات الأدبية > منتدى القصص والحكايات > كتّاب المنتدى في القصص والرواية الأدبية
 
أدوات الموضوع
إضافة رد
  [ 1 ]
قديم 08 Feb 2010, 06:51 AM
عضوة متميزة

تــرف غير متصل

مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
المشاركات : 14,299
معدل التقييم : 767
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
يا ما أسهل الدنيا :: مهما تعاندنا {الفصل السابع}



زواج فيصل

راكان : وين بتروح يافيصل لاتفضحنا

فيصل
: بطلع من القاعة كلها ياخي مابيها ومكتوم مقدر أجلس هنا

راكان
: وين النخوة يافيصل مهما كان خل بلاويهم على جنب على الأقل عشان عمك

وعشان أبوك وعشان سمعة العائلة كلها لاتصير أناني خلاص هذا مصيرك لو قدام الناس

فيصل : أقول وخر يدك وماهموني ينفضح اللي ينفضح أنا وافقت ع الملكة عشانك
وجبتني غصب للقاعة عشان أتزوجها وهذاني جيت وبيّضت وجيهكم بس بطلع
الحين ولاتعلم أحد عن مكاني وخل قماشة تنام عند بنتها الليلة ..

راكان : صاحي أنت وإلا مجنون ع الأقل تحملها ست شهور وطلقها تكفى
يافيصل لاتجلط أبوي وتخلي سيرتنا على كل لسان وتفضح البنت

فيصل : أنا فيصل ولد سعود تمشيني قماشة على كيفها وتخطبني بعد ونمشي
وراها كنا مهابيل ليتني مارجعت للسعودية ولاشفت أبوي كان أنا بخير ..

وراكان ماتحرك من عند فيصل وكل ماكشّر فيصل ضربه من ظهره عشان يبتسم

وصاير حارس شخصي له يخاف فيصل يتهور ويطلع من العرس ..


فيصل ويحرك شفايفه يعنني ابتسم وهو وده يخنق راكان : ياخي أنت وش بلاك هاه عجبتك ابتسامتي الحين وإلا أزودها شوي (يقولها بسخريه )

راكان : ههههههههههه ياشينك لاابتسمت بدون نفس ارجع على تكشيرتك أحسن

هذي واضحه غيّرها ..


وزفوا فيصل وراكان ماسكه ويوزع ابتسامات وكنه هو المعرس عشان يغطي على كآبة
فيصل ومايلفت الانتباه لهم ..

وانزف فيصل والشباب معاه وكل واحد بسيارته وفيصل مانعهم يصورونه ولكن يوم

ركب السيارة صوروه الشباب وهو ماد بوزه والسيارات حواليه وكاميرات التصوير

وصوت الأغاني وسوو له موكب لحد ماوصله راكان للفندق

(الفندق حاجزه سعود أفخم فندق بالدمام وفيصل قايل لهم لاتجي نوف للقاعة
لأني ماراح آخذها تجلس بالفندق لحد ماأجي لأنه ناوي يهرب ومايجيها وتصير
أمها عندها وصرّفهم بموكب اخوياه وإنهم حالفين يزفونه للفندق ومايقدر يآخذها
قدامهم ولكن ربي عرف لنياته وسلّط عليه راكان
)

حركة فيصل قهرت قماشة وماتوقعت فيصل يوقف بوجهها من البداية ويمشي كلمته

هي الرجاجيل كلهم تحت طوعها وش معنى فيصل يهينها ..

وصل فيصل للفندق وهو وده يهرب بس تعوذ من الشيطان وبقلبه الله يعدي
هالأيام على خير وأطلقها وأتزوج غيداء وذكر غيداء وفتح جواله وقرأ رسالتها

فيصل أنا مقدر أخليك توقف بوجه أبوك وتحاربه عشاني
مهما كان أنا أحبك وأموت فيك لكن كلام أبوك وإجباره لك
يخليني أوقف معه وأرضى إنك تتزوج بنت عمك ولو إني
راح أموت وراح أتألم وأتعذب وأنا يادوبني طلعت من الأزمة
النفسية لكن ماأرضى إنك تتعذب عشاني بعد يكفي زواجك
وظروفك العائلية وأهلك أهم مني وراح أظل أحبك للأبد وماراح
أتزوج لين أموت يكفي أعيش على ذكرياتك
والله يوفقك ..


غيداء أرسلت الرسالة ودخلت بنوبة بكاء وألم ولوعات فضيعة بس كان لازم تسوي
كذا عشان فيصل ولأنها خايفه عليه وقدّمت مصلحته وعشان مايخسر أهله على حبهم

وفيصل يوم قراها طاحت دمعة حائرة من عينه وبنفس الوقت حس بمرارة مع ارتياح إن
غيداء تقبّلت الواقع ووقفت معه وماتركته وتفهمت أموره وهالشي خفف عنده أشياء كثيرة

فيصل دخل للجناح وشاف نوف ماكانت أبد من ضمن أحلامه لابالجمال ولا بالرغبة الذاتيه ولابالمشاعر ولابشي لكنه تعامل معاها بأخلاقه وتربيته وماحاول يبين لها رفضه لها

نوف : حست من شكل فيصل عدم تقبله لها وعدم رضاه وأخذت موقف من أول يوم

ثاني يوم من الزواج الساعة ثمانية الصبح

فيصل بيتصل على أهله يبغاهم يجونه تصرف مجنون منه ولكنه مالقى إلا هالحل
عشان مايسولف مع نوف ويبان عليه كرهه لهم

اتصل على جوال أمه مقفل واتصل بالبيت محد يرد

جاء بيتصل على ريم وتذكر بدر وهون ومافيه إلا ريوف وابتسم يوم تذكرها
هي الوحيده اللي تقدر تغيّر الجو وهي الوحيده اللي مثله وماتحب قماشه ولانوف

في غرفة ريوف "

نايمة ع السرير بالعرض من التعب اللي تعبته بالعرس وأغراضها راميتهم
ع السرير والأرض والغرفة فوق تحت وصوت جوالها يرن من تحت الأنقاض
ع نغمة فيصل :


وياربي رجّع كل حبيب لحبيبه

إذا تفارق شخص عادي مصيبة وشلون لو فارقت منهو تحبه

يارب رجّع كل حبيب لحبيبه دام الحياة فبعدهم حيل صعبة

فيصل : غريبة ريوف ترد من أول رنة نومها خفيف وش فيهم
ويتصل ثاني مره

ريوف : ممممم واستوعبت صوت جوالها وصحت وتدور ع الجوال
ولقته طايح تحت الكرسي يالله صباح خير من المزعج

واتصل بيدها من جديد وصار فيصل

فيصل : ألوووو

ريوف : بسم الله الرحمن الرحيم

فيصل : ههههههههه ليه جني شايفتني

ريوف : فيكم شي

فيصل : ليه يعني بفزع فيك وأنتي تخافين من الحمامة

ريوف : إيييييييه صح مبرووووك ياعريس قصدي ياشايب فيه معرس يصحى
الفجر أنت ووجهك

نوف تسمع المكالمة وع بالها فيصل يكلم حبيبته وأرتفع ضغطها

فيصل وشاف نوف وحب يعاندها لأنه عرف شكوكها
: والله صاحي عشان أسمع
هالصوت الحلو

ريوف تستهبل
: وش قلت حبيبي ماسمعت

فيصل : اللي سمعتيه حبيبتي

ريوف : طيب ماعندك كلام حلو ثاني هيه وش فيك ع بالك فاضيه لك تراي
دايخه وبنام وش عندك

فيصل
: ماتبيني أشتاق لك

وريوف حست إنه مصخها وإنه قاصد يقول كذا
: حركات المصارية هذي ماتمشي
علي وفّر كلامك لست الحسن والجمال نوف

فيصل وتذكر وشو له هو متصل يوم جابت طاري نوف : كنت بحلم وصحيتيني للواقع

أقول تعالوا لي الحين

ريوف وانهبلت
: لا أكيد مجنون أو شارب شي منت مسافر وش نبي فيك نجيك
تعال أنت قبل تسافر والليلة عندنا حفلتكم عشان البرستيج العائلي سلم وتعشى وسافر

فيصل : لا ماني مسافر نوف ماتبغى السفر وقررت أجلس بالدمام

وأقنع فيصل ريوف تجيه ومعها أمها والبنات

ريوف وهي تفكر وحست فيصل متورط وإنه مايبيهم لسواد عيونهم بس عشان
يتهرب من نوف وقررت تفزع معه والأجر على الله

غالية : وش فيه فيصل وشلون نروح له ع الصبح والله لويموت ماجيته
والبنت تستحي وعيب نجيها بهالوقت

ريوف : هذا آخر ماعندك

غالية : إيه والله لو درى أبوك إن يذبحك

ريوف : وش فيكم معطين أبوي أكبر من حجمه وتخافون منه هالكثر عادي
خليه علي أنا ألف راسه بقول بنت قماشه اتصلت علي وقالت تعالي لي
وأخربط عليه هو لاسمع طاري قماشه وبنتها بيخليني أروح

ورفضت غالية تروح والبنات نايمات ورفضن يصحن وريوف طلعت من ورى
أبوها بوقت الجد تخاف منه بس تبغى أمها تقتنع وماأقتنعت وراحت لوحدها
وهي عارفه إن شكلها سخيف وإن الموقف ماله داعي بس عشان فيصل
ومرت محل الحلويات وجابت سلة حلاو وراحت لمحل ورد

ريوف : لو سمحت مافيه بوكيه ورد لونه أسود

صاحب المحل مستغرب : إيه بتئولي إيه

ريوف : مثل ماسمعت ورد أسود

المصري انصدم
: مالحياة حلوه بتسوّديها ليه

ريوف : اخلص علي عندك أو لا لاتضيّع وقتي وأخوي برى ينتظرني

المصري : انتي عايزه ورد طبيعي أو صناعي

ريوف : طبيعي

المصري ع باله البنت سكرانه بعد طلبها
: للأسف يافندم أصل الطبيعة مافيهاش ورد خالص

ريوف وسفهته وشافت باقه أعجبتها : طيب عطني هذي

المصري : من اللون الأسود للوردي

ريوف وبقلبها شاسوي كنت بآخذ وردات سوداء مع أبيض وأقول أعجبني شكلها
بس قهر بنت قماشة هذي كل ماجيت أحقد عليها الظروف تعاكسني وأحس إني
ماأكرهها ليه ماأدري

وأخذت الباقة والحلاو وطلعت لأخوها ريان اللي نايم ع الدركسون ومرتفع
ضغطه منها عشانها صحته

ريان
: خلصتي
ريوف : وش فيك معصب تبغاني أروح مع السواق لوحدي وأنت موجود
ومشوا ووصلت للجناح وهي ترتب ببالها وش بتقول لنوف عشان تقتنع
سبب زيارتها لوحدها وبهالوقت

ودخلت جوى وسلمت على نوف وباركت لها

فيصل وكأنه مسجون وأفرجو عنه من الوناسة : ياهلا والله بريوف أسفرت وأنورت

ريوف : يابعدي يافيصل شفتي يانوف هو واعدني قبل الزواج وتحديته قلت أنا
ماراح أنبسط إلا إذا باركت لك وجهاً لوجه وأكون أول وحده من العائلة تهنيك
بصباحية زواجك وقالي خلاص تعالي للفندق وباركي لي وتحديته إنه يستقبلني
ومايصرّفني وهذا هو أوفى بوعده ولا بعد اتصل هو علي عشان ماأقول
إنه جحدني <<مشت على نوف التصريفه وفيصل انذهل من عذر ريوف المهبولة

ريوف لطفت الجو شوي ولكنها حست إن فيصل ونوف كأنهم بعزاء ولايكلمون بعض
ولاحتى ابتسامة كل واحد بحاله وفوق راسه جبل هموم

في بيت سعود ..

راكان صحى من نومه مفزوع : أعوذ بالله من الشيطان الرجيم ويتذكر الرجال
اللي صحّاه من نومه ولحيته طويلة وكأنه صاحب دين يحس حتى بمسكة يدينه
يحس ويتذكر إنه صحّاه من نومه وجلّسه مو حلم ولا شيطان شي غريب
أول مره يشوفه بحياته

.....
: راكان انتبه لأهلك ولاتخلي فيصل تراه مكيود له ترى أهلك في خطر
كبير وخصوصاً أمك ترى بيضيعون كلهم لاتنسى الله معكم بس لاتتركهم

واختفى الرجال وراكان في حالة ذهول ومخه بغى ينفجر وش السالفة ووش فيه
فيصل ومن بيضر أمي واتصل بفيصل وتطمن عليه ونزل عند أمه ونسى السالفة


بعد زواج فيصل بشهر

بيت قماشة ..

قماشة تكلم رقم خارجي : وشلون يعني راكان ينخاف منه
على الخط الآخر : التكهنات تقول إن فضيحتك بتكون على يد راكان
ولازم تتخلصين منه بأقرب وقت وإلا بننضر كلنا ..
قماشة : أدفع ماوراي ودوني بس يموت راكان لو بنفضح معناتها
انهيار سنوات وخسارة ملايين ولكن راكان وشلون بيدري عن شغلنا
محد يدري غيري وغيرك وغير شغالتي اللي هي الوسيط بيننا وكلنا مصيرنا واحد

..... : إحنا نعمل وناخذ احتياطاتنا حتى لو راكان تقولين ماراح يكتشفنا
أنا ماراح أكذب التكهنات اللي تقول بيجي يوم راح ننكشف عن طريق راكان
والباقين مامنهم خوف بس راكان هو اللي بيجيه يوم ويعرف ولازم
نتخلص منه قريب بدون محد يحس فينا

قررت قماشة تكسب فيصل بصفها عشان تضعف شوكة راكان

نوف : يمه وش بقوله بيرفض وبيقول بيتنا جديد

قماشة
: مالك شغل لاراح الدوام أنا بجي وبجيب معي العمّال

وماراح يقول شي لاخلصنا أنا بتصرف مالك شغل

نوف خافت وترددت وخضعت لأمها : خلاص اللي تشوفينه

من باكر قماشة حبت تغيّر بوية غرفة فيصل ونوف وتقنع فيصل
إن اللون مو متناسب مع الأثاث وإنها سوتها هدية ومفاجأة
وعارفه فيصل لو شاورته بيرفض لأنه مو مجنون غرفته الغبي
يقول جناح فندقي خمس نجوم من فخامتها وتناسقها وأثاثها
وشلون الصاحين ..


رجع فيصل وتهاوش مع نوف وهزأها وطردها هي وأمها وإنه مو بزر
يلعبون ببيته بدون شوره وجته الفرصة لحد عنده ..


قماشة
: تعوذ من الشيطان ياجعلي ماخلا منك والله إنك غالي ومثل عيالي
ومافرقتك عنهم كنه بيت بدر مو بيتك وماظنيتك ترفض هديتي ونوف مالها
دخل والله إنه رافضه أنا اللي أجبرتها

فيصل وفاير دمه : والله لولا حشمة عمي كان سويت شي ماتسوى ولكن أمري لله
ويانوف ورقة طلاقك بتجيك وكفاية لعب ياقماشه وإلى هنا وكفاية وبيتي يتعذركم

قماشة وحاولت تتمسكن عنده وإنه مايفضح بنتها وتو الناس ع الطلاق وصبرّته

ووعدته إنها بنفسها تطلب الطلاق عشان مايقول أبوه شي وأقنعته بكل شي

بس يصبر عليها أسبوعين زيادة ع الأقل ..

فيصل وشاف من مصلحته إن قماشه تكلم أبوه وتخليه يقولي أطلق نوف عشان
حزتها لايزعل أبوه ولاشي ويقدر يتزوج غيداء برضاه وسكت عنهم وطلع من البيت
وصار له ثلاث أيام يحس بتغيرات عجيبة على حياته يطلع برى البيت ينوي إنه
مايرجع إلا إذا تعب وينام ع طول ويصحى ويطلع لحد ماتخلص الأسبوعين
لكن في الفترة الأخيرة حس إن نوف مظلومة وإنها مالها دخل بأمها وبدى يحبها
بجنون ونسى غيداء وطوايفها

بعد الأحداث بشهر ولاطلقها ولاشي

في مجلس الحريم بقصر سعود :

دخلت نوف ووراها فيصل كأنه خاروف

ريم بقلبها وباستغراب
: الله يازمن فيصل اللي مايبيها وكارههم الحين نوف تمشي قدامه
كأنها أميرة وهو كأنه بزر بس يداريه ويقلب علينا عشانها والله غريبة

غالية ومبسوطة وماتحب المشاكل : ياهلا وغلا وحياكم الله

وجلسوا يتقهوون خمس دقايق وقامت نوف

نوف : يالله فيصل بروح لأهلي وقامت ولبست بدون ماتنتظر رده يعني مالك شور

نوال دخلت
: وين تو الناس ماشفتكم

نوف
: مره ثانية

وطلعوا وارتسمت علامات استفهام واستغراب من تحوّل فيصل المفاجيء

في مجلس الرجاجيل :

راكان : أنا دارس المشروع كله ونجاحه كبير وبصير من كبار التجار والمستثمرين

سعود : معقولة بس أربع ملايين بتبني لك مدينة كاملة

راكان
: يايبه أنت عطني المبلغ وبتشوف إن ماجتك أخباري بعد أربع شهور إني
صرت مالك جزء كبير من هذيك الدولة ماكون ولدك

سعود : إذا الخطط اللي بتمشي عليها مثل ماأنا شايف وإذا على قولتك المنطقة
هذي بأفريقيا وسكانها فقراء ومعيشتهم رخيصة ومواد البناء برخص التراب
تقدر تسوي مشروعك وبينجح

انتشر خبر سفر راكان وإنه بيستثمر أربعة مليون في دولة أفريقية وبيجني وراها
أرباح بالهبل وبيصير في مصاف التجار مع أبوه ..


في بيت قماشة :

ومتى بيسافر خلاص باكر بيروح الله يرجعه بالسلامة

سعود وهو يكلمها ومعلمها بكل شيء
: الله يسلمك

قماشة
: بس ماعليه خوف هناك يقولون لاشافوا السعودي تاجر يقتلونه
وياخذون فلوسه

سعود : لا أنا ماأرسلته لحاله أعرف ناس من السودان مشتغلين عندي وأمينين
وكلمتهم وكلمت له كم واحد بالسفارة وضبطت أموره وراكان ذيب ماينخاف عليه

قماشة وبدت ترسم خططها وجتها الفرصة لحد عندها راكان خارج البلاد ولو بيصير
له شي مستحيل أحد بيشك فيها وسكرت من سعود وبدت تكلّم وتنسق وتحوّل مبالغ
جامدة وتعطيهم أخبار راكان أول بأول وين راح ووش صرف ووش سوى وتعرف كل شيء
عن طريق سعود ..


في الشهر الأول والثاني والثالث راكان كان على اتصال مع أهله بين فترة وفترة
لأن المنطقة اللي هو فيها مافيها خدمات ولا إرسال ولاحتى سيارات كانوا ينتقلون بجمال

وهو يسوي مثلهم عشان مايلفت الانتباه لتجارته وإنه عنده سيارة لأنه بيكون الوحيد

من بين الآلآف يركب سيارة فأبوه قايل له ماتآخذ سيارتك إلا بالعاصمة لكن بالقرى النائية
تصير مثلهم وهو يمشي على كلام أبوه وعلى كلام عصمان كان عامل عندهم ويعرف
تفكير أهل هالمناطق والخوف من شرهم

غاب راكان عن أهله ست شهور لاصوت ولاخبر و عصمان ساكن بالقرية وماعنده تليفون
وهو ودع راكان على إنه راجع للدمام ومواعده لاجاء يجيه ببيته وكل اللي يعرفهم
سعود كلمهم وقالوا خبرهم فيه إنه عنده شغل بالقرية ومع البناء والمشروع الكبير حقه أكيد انشغل وماقدر يجي للعاصمة وهي بعيدة أربع ساعات يقطعها عشان يكلم أهله
انتظروا راكان الشهر الأول وقالوا يمكن شغله ماخلّص وماراح للعاصمة وجوالاته مقفله كلها انتظروه شهر ونص وماجاهم خبر يطمنهم ومن بعدها سافر سعود وفيصل لأفريقيا بدون مايحسسون أحد من جماعتهم إن راكان فيه شي أو ماأتصل وبغوا يبلغون عنه
بالسعودية وخاف سعود يجيه اتهام إنه ارهابي وهارب ومن هالكلام ورفض سعود يبلغ عنه
خاف على مصير ولده وسافر يدوره بنفسه

في الدمام كانت حالة غالية وبناتها يرثى لها وخايفين على راكان
ويدعون له يرجع لهم

سعود وفيصل ماخلوا مستشفى ولاشرطة ولافندق ولاحتى شقق ماسألوا عنها راكان
ومالقوه راحوا لنفس مكان المشروع حقه واكتشفوا إنه غايب عنهم من شهر ونص وإنه
قال بيرجع للدمام جلسوا شهر كامل وهم يبحثون مالقوه لاحي ولاميت

رجعوا للسعودية وبدت غمامة الحزن تسيطر على بيتهم وكأنهم بعزاء من غاب راكان
وهم مايشغلون التليفون ومايكلمون أحد يخافون إنه يتصل ومايردون صاروا يرابطون
عند التليفون ليل ونهار وجوالاتهم مفتوحة يمكن يجيهم خبر من أي أحد ويعلمهم
وزادت حالتهم النفسية سوء من كثر ماالإتصالات كثرت والكل يسأل عن راكان
ويدعي واللي يسأل ويهاوش إنهم ماسوو شي ولازم يبلغون واللي يسأل وهو مبسوط
إنه مارجع واللي هي قماشة اشتدت الضغوطات واستمر الغياب انقلبت حياة بيت
سعود لاطلعة ولا أكل ولاسوالف ولاضحك ولاشي بس دموع ويدعون له وكل وحده تحاتي
من البنات تحاتي أمها لأن حالتها صارت صعبه وماتقوم من السرير من الهم اللي فيه
والحزن

غالية وهي تبكي
: ياليتني أدري عنه والله لو يقولون مات أهون من هالعذاب اللي أنا فيه

سعود : حرام عليك تعوذي من الشيطان لاتيأسين من رحمة الله أنتي ضعيفة إيمان
شوفي بناتك من حالتك كل وحده دمعتها على خدها من تصبح لين تمسي خافي الله فيهم
مو حل تبكون وتكتأبون وتقنطون من رحمة الله دامه لاهو مسجون ولاهو بالقبر خلاص
مصيرنا ندري وينه

غالية : وش دراكم يمكنه مقتول وإلا ميت ودافنينه ومحد درى عنه مستحيل يختفي
كل هالشهور ومحد لقاه

سعود يداري دمعته ويحاول يستقوي قدامهم لأنه لاإنهار كلهم بيضيعون

وطلع من عندهم وراح يصلي ويدعي الله يحفظ ولده وغالية وبناتها صاروا يدعون
له ربي يحفظه لهم ويجعل كيد اللي يبونه بشر في نحورهم

غوالي أخت غالية وبناتها شوق وبشاير صاروا كل يوم يزورون غالية وبناتها
عشان يخففون عليهم ويغيرون جوهم ..

وهنااااااااااااك في مكان بعييييييد في إحدى القرى المهجورة المتهالكة

خديجة سودانية : الحين هذا لو بيموت بنكون نحنا مسؤولين عنه

أبو خديجة : عليك الله ياخديجة ماداير أحسن اتصرف

خديجة : لازم نوديه مستشفى

المريض اللي عند خديجة وأبوها لقوه يدور بالشارع وخمنو إنه مجنون
لأنه شكله يوحي بالجنون شعره طاير وينزف من خشمه وملابسه معدومة
وباين عليه التعب والإرهاق

الشخص المجهول هذا يدور بالشوارع وينام بالعراء ويجلس يومين ثلاثة مايآكل شي

إذا شافه أحد عطاه أكل وإذا ماشافه أحد يظل يدور بين البيوت وينتقل من قرية
لقرية وهو مايدري من هو ولا وين ولا وش فيه

أبو خديجة عطاه أكل وشاف بعيون هالمريض ضياع وماهان عليه يتركه بدون
مايوديه لدار تؤيه بالعاصمة وإلا بمستشفى لأنه حتى مايتكلم جمل مفهومة

وصلوه لمستشفى بعد يومين

في المستشفى :

الدكتور
: طيب حتى اسمه مو معروف مجهول الهوية

أبو خديجة
: الرجال بيموت بين ايدينا لازم يتعالج

دخلوه وطلع أبو خديجة وراح لقريته وهو مبسوط إنه سوى خير

وسلمه للمستشفى يعتنون فيه ..

في بيت قماشة :

........ : راكان مات وافتكينا منه مستحيل يعيش بعد اللي سويناه فيه خلاص انتهى

قماشة : أكيد مات

...... : قلت لك مات ومستحيل يعيش وأنا موجود

قماشة سوت حفلة بمناسبة موت راكان وماعلمت أحد بالسالفة
وكل من سألها وش مناسبة الذبايح والإحتفال تقول علي حلف
ونفذته وش يخص هالحلف محد يتجرأ يسألها ولكن الكل
مستغرب لأن قماشة ماتعزم أحد وماتحب الحريم وماتسوي حفلات
ولكن مثل كل مره تساؤلاتهم مالها جواب ...

في بيت سعود ..

للحين ينتظرون الأمل اللي يرجّع لهم راكان وكملوا سنة وهم ينتظرونه
ومارجع


في المستشفى وتحديداً في افريقيا ..

الدكاترة مجتمعين ويقررون حالة النزيل مجهول الهوية

الدكتور عثمان : الولد مافيه شي عضوي
الدكتور محمد : الغريبة حتى المخ سليم ومافيه آثار حادث ولاطيحة ولاشي

عثمان : حالته غريبة

محمد : الكوليرا تشافى منها وشكله كان يشرب ماء ملوث ولكن الجنون
اللي هو فيه إيش سببه

عثمان
: ربنا العالم

في يوم من السنة يجي للمستشفى واحد يسمونه عالم دين يشوف المرضى
اللي حالتهم ميؤوس منها واللي ماعرفوا يشخصون حالتهم يعرفها هو
يتعامل مع الجن المسلم ويكتشف وش الأسباب

الشيخ توفيق جا عندهم : السلام عليكم ورحمة الله

عثمان ومحمد : وعليكم السلام ورحمة الله
وهم مستغربين من جيته هو يجي بالسنة مره والحين ماله شهر ورجع

وبدأو يتناقشون بالأحوال وعلموه عن حالة واحد مجهول عندهم ومجنون
ومايدرون حتى عن اسمه وإنه انشل واطرافه ماتتحرك
ومايتكلم وكأنه ميت وهو حي يتنفس

توفيق دخل عليه وشاف وجهه وفتح عيونه وطالع فيها وجلس نص ساعة
وكتب حالته لهم

الشخص هذا مكانه ليس المستشفى هذا مسحور وفاقد للعقل وفاقد للحركة
وسوف يفقد حياته بعد يومين ويحتاج لقراءة قرآن وأنا سأتولى الأمر

المجهول هو راكان وجية الشيخ بوقت مو متعود يجي فيه بسبب دعاء أبوه وأمه
واخواته واللي يحبونه ربي أراد له نجاة بعد سنة من الضياع وفقدانه نفسه
أرسل له عبد صالح في مجاهل أفريقيا

بدأ يقرأ عليه عشر ساعات متواصله وكان يتعب فيها راكان ولازال مواصل
عليه القراءة

أهل راكان مايعرفون عنه شي وقماشة عايشة على إنه مات

بدأ راكان يستجيب لكلام الرحمن وفتح عيونه ولكن لازال فاقد الحركة
وفاقد العقل يستوعب ماحوله ولكنه لايتكلم ولايدري أين هو
الشيخ صار يتردد يومياً على راكان بعد ماشاف استجابته للقراءة
وبعد كان يبغى يعرف سر هالمجهول ومن اللي سوى فيه كذا وبما إن السحر
منتشر بأفريقيا مايخفى عليهم الشخص المسحور من الشخص المريض
يدري إنه راح يعرف كل السالفة ولو مااستجاب للقراءة راح يوديه
لساحر ويفك السحر بالسحر
(قلة الإيمان عند الأفريقيين تجعلهم مايفرقون
بين عالم دين ومشعوذ وساحر كلهم يتعاملون مع بعض بشكل مستغرب
قمة الجهل في أبسط الأمور ولكن هذه ارادة الله جعلت من راكان ومشروعه
وفقده لعقله وعذابه بداية النهاية لأناس يعبثون من خاف الكواليس لذئاب متوحشة
ضارية لاتعرف عن الإنسانية شي يذكر )

جلسة الشيخ مع راكان تبكّي الصخر

راكان اللي يهاوش واللي يوقف مع اخوانه واللي تخاف منه قماشه
صار الحين كقطعة قماش بالية يحركونها كيفما يريدون سنة وكم شهر
على مهدئات وإبر وعلاجات يتكهنون بها الدكاترة وهو لايعاني من مرض عضوي
كوليرا ,, صرع ,, شقيقة ,, الذئبة الحمراء ,, جنون ,,
تشخيصات دكاترة لايعرفون من الطب سوى اسمه علاجات وأدوية تسري بين
عروق راكان ولاتحسن ولاجديد بل انتكاسه في انتكاسة ومن ثم
كلمات الرحمن أتت تغسل عفن تركز في جسد راكان الطاهر
ويبدأ الشيخ ينفث على جسد راكان ويقرأ ( واتبعوا ماتتلوا الشياطين
على ملك سليمان وماكفر سليمان ولكن الشياطين كفروا يعلمون الناس السحر ......)
تتجمع الدموع في عين راكان وينبض قلبه استجابة لماكان يسمعه قبل سنة ونص
في مساجد السعودية تذكر المسجد والصلاة والقرآن ...

وش سويتي يادنيا العجب كافيني حرمان وتعب
كافي علي عمر انحسب واقع وهو أصلاً سراااااب
أيام قالوا عشتها دورت وماحصلتها
حاضر مع العالم وأنا مكتوب جنب اسمي غياب
ياوقت خذ صفحة وقلم واحسب لي بالضبط الألم
دوّر سنيني اللي مضت وأسألها تعطيك الجواااااب


وللرواية بقية فـ انتظروني
في الجزء القادم المليء بالمفاجأت








توقيع : تــرف


وأنا الذي .. لو جِئْتَ تطلُبُه الفؤادَ .. لقُلْتُ : لَكْ ..!
عَجَبِيْ لهُ مِنْ سَائِلٍ .. أنْ جاءَ يطلُبُ ما مَلَكْ ..!!
"إنيْ أحبُّكَ" .. قُلْتُها .. فبَنَتْ بقلبِي مَنْزِلَكْ !
وزهدتُ دَهْري .. واعتزلْتُ الناسَ .. كي أتأمَّلَكْ !!
قلبي اصطفاكَ على البرايا .. واصْطفاكَ .. وفَضَّلَكْ !!
كُلُّ الحكايةِ أننّي .. أَيُّوْوووهْ .. ! كمْ أشتاقُ لَكْ !!

رد مع اقتباس
قديم 08 Feb 2010, 07:37 AM [ 2 ]
عضو متميز


تاريخ التسجيل : Oct 2007
رقم العضوية : 9692
الإقامة : saudi arabia
الهواية : ..
مواضيع : 161
الردود : 6249
مجموع المشاركات : 6,410
معدل التقييم : 797إحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to beholdإحساس واثق is a splendid one to behold

إحساس واثق غير متصل


مـجـمـوع الأوسـمـة : 10
مسابقة الشدادين الكبرى

المراقب المتميز

وسام لمن الكأس؟

فعالية تذكر واتربح

الاحتفال بالعام السابع

الاحتفال بالعام السابع

الإداري المميز

العضو المميز

المشرف المميز

التواصل




عمر دعاء الوالدين ما صعد لرب السماء ورفضه
كان ودي انك تكملين
الحمد الله عاد راكان
هذا ما اتأمل فيه في الاجزاء القادمه
وهذا عنواني لهذا الجزء من الروايه
يارب لا تجعل الدنيا اكبر همنا و لا مبلغ علمنا
علشان فلوس
اسحر و اقتل و انا ما اضمن ساعات حياتي القادمة
شكرا ترف على هذه الرائعه


توقيع : إحساس واثق

لكم حرية الكتابة هُنا
https://mukh1id.sarahah.com/
الأعلى رد مع اقتباس
قديم 08 Feb 2010, 01:50 PM [ 3 ]
شاعر

تاريخ التسجيل : Mar 2007
رقم العضوية : 2479
الإقامة : saudi arabia
الهواية : الرياضة
مواضيع : 66
الردود : 2043
مجموع المشاركات : 2,109
معدل التقييم : 25من رؤس بنيوس is on a distinguished road

من رؤس بنيوس غير متصل


مـجـمـوع الأوسـمـة : 3
المشاركة في احتفالية العام التاسع

المشاركة في احتفال المنتدى

عضو مخلص




تفقعت عيوننا نحن نقراء وبعد تقول فيه جزء ثاني

صارمسلسل تركي ماينتهي هههههههههههههه

يسلمو على القصة بارك الله فيك

تحيتي لك


توقيع : من رؤس بنيوس
الأعلى رد مع اقتباس
قديم 08 Feb 2010, 02:52 PM [ 4 ]
عضو متميز


تاريخ التسجيل : Aug 2006
رقم العضوية : 1787
الإقامة : saudi arabia
الهواية : السياحة والسفر التاريخ والآثار حب الطبيعه
مواضيع : 265
الردود : 1260
مجموع المشاركات : 1,525
معدل التقييم : 25الأمير العربي is on a distinguished road

الأمير العربي غير متصل


مـجـمـوع الأوسـمـة : 2
الحضور المميز

العضو المميز




تفقعت عيوننا نحن نقراء وبعد تقول فيه جزء ثاني

صارمسلسل تركي ماينتهي هههههههههههههه

يسلمو على القصة بارك الله فيك

تحيتي لك

</i>


توقيع : الأمير العربي
تخيلـوا لـو يفـزع الجـار للـجـار = في مجتمع غاضـب وحاقـد ومشحـون
وتخيلـوا لـو تلتفـت كـل الانـظـار =للمشهـد اللـي وقفـت دونـه عيـون
وتخيلـوا لمـا رحـى الحـرب تنـدار = مابيـن حكـام العروبـه وصهـيـون
اليـا متـى نستقبـل ذنـوب بأعـذار = واليا متى نستنـزف جـروح بطعـون
نتبـع خطـأ تـيـار ونـصـد تـيـار = نبعـد وعـدوان المسلميـن يـدنـون
لوكان بقلوب العـرب صبـر واصـرار = ماكـان سـووا فيكـم اللـي يسـوون
بهمالـكـم بدلـتـم الـثـار بالـعـار =بعتم تـراب القـدس وانتـم تشوفـون
حنـا كـذا بمعـارض الـراي شطـار = لين أستوى بالمجـد عالـي ومطمـون
الأعلى رد مع اقتباس
قديم 08 Feb 2010, 04:04 PM [ 5 ]
عضوة متميزة


تاريخ التسجيل : Nov 2009
رقم العضوية : 22437
الإقامة : saudi arabia
الهواية : .
مواضيع : 420
الردود : 16118
مجموع المشاركات : 16,538
معدل التقييم : 149السديم will become famous soon enoughالسديم will become famous soon enough

السديم غير متصل


مـجـمـوع الأوسـمـة : 13
المشرفة المتميزة

المشاركة في احتفال المنتدى

العضو المميز

القسم المميز

الاحتفال بالعام السابع

الاحتفال بالعام السابع

نجم يوميات الأعضاء في رمضان

الخطوط الشدادية

مسابقة تعرجات قلم

العضو المميز




^
^


ماشاءالله عليك ترف .. توي أخلص قراءة الفصل السادس ومره تحمست للجاي .. وهذا أنتي تنزلين الفصل السابع .. الله يحفظك ويبارك فيك واصلي أبداعاتك وأنا ساأتابع ماتسطره تلك الأنامل ..


يعطيك الف عافيه


الأعلى رد مع اقتباس
قديم 08 Feb 2010, 05:16 PM [ 6 ]
مراقب عام


تاريخ التسجيل : Nov 2007
رقم العضوية : 4435
الإقامة : saudi arabia
الهواية : المقناص + الرياضة + الكمبيوتر
مواضيع : 573
الردود : 17982
مجموع المشاركات : 18,555
معدل التقييم : 923خيال الشدادين is a splendid one to beholdخيال الشدادين is a splendid one to beholdخيال الشدادين is a splendid one to beholdخيال الشدادين is a splendid one to beholdخيال الشدادين is a splendid one to beholdخيال الشدادين is a splendid one to beholdخيال الشدادين is a splendid one to beholdخيال الشدادين is a splendid one to behold

خيال الشدادين غير متصل


مـجـمـوع الأوسـمـة : 9
المشاركة في الاحتفالية السنوية

المشاركة في احتفالية العام التاسع

المراقب المتميز

الإداري المميز

عضو مخلص

الاحتفال بالعام السابع

العضو المميز

المشرف المميز

الحضور المميز




ترف الله يعطيك العافيه على تميزك وحضورك المشرف

التحايا لشخصكِ الكريم


توقيع : خيال الشدادين
الأعلى رد مع اقتباس
قديم 08 Feb 2010, 08:29 PM [ 7 ]
عضوة متميزة


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
مواضيع : 331
الردود : 13968
مجموع المشاركات : 14,299
معدل التقييم : 767تــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to behold

تــرف غير متصل


مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز




 
 
المشاركة الأصلية بواسطة : إحساس واثق
اقتباس
 

عمر دعاء الوالدين ما صعد لرب السماء ورفضه
كان ودي انك تكملين
الحمد الله عاد راكان
هذا ما اتأمل فيه في الاجزاء القادمه
وهذا عنواني لهذا الجزء من الروايه
يارب لا تجعل الدنيا اكبر همنا و لا مبلغ علمنا
علشان فلوس
اسحر و اقتل و انا ما اضمن ساعات حياتي القادمة
شكرا ترف على هذه الرائعه


 
 
هلابك إحساس وحياك ..

ولحد هنا ماقدرت أكمل خارت قواي الفكرية واستنفذت طاقاتي

وتأملاتك في مكانها ..

واللهم لاتجعل الدنيا أكبر همنا والفلوس وصخ دنيا مايدورها بهالطرق إلا الحثالة..

شكراً لقراءتك وتواجدك الذي يدفعني للمزيد ..


الأعلى رد مع اقتباس
قديم 08 Feb 2010, 08:33 PM [ 8 ]
عضوة متميزة


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
مواضيع : 331
الردود : 13968
مجموع المشاركات : 14,299
معدل التقييم : 767تــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to behold

تــرف غير متصل


مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز




 
 
المشاركة الأصلية بواسطة : من رؤس بنيوس
اقتباس
 

تفقعت عيوننا نحن نقراء وبعد تقول فيه جزء ثاني

صارمسلسل تركي ماينتهي هههههههههههههه

يسلمو على القصة بارك الله فيك

تحيتي لك

 
 
هههههههههههه ياهلابك ياشاعرنا وأنا وش زودي على التركيين

دامهم سحبو البساط بطول مسلسلاتهم أنا بعد بنافسهم وأسوي رواية طويلة

وأسويها مسلسل وأكسّر الأسواق << طموحها توصل روايتها وأحداثها للعالم كله

أعذب تحية لتواجدك ياخوي "


الأعلى رد مع اقتباس
قديم 08 Feb 2010, 08:35 PM [ 9 ]
عضوة متميزة


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
مواضيع : 331
الردود : 13968
مجموع المشاركات : 14,299
معدل التقييم : 767تــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to behold

تــرف غير متصل


مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز




 
 
المشاركة الأصلية بواسطة :
اقتباس
 
تفقعت عيوننا نحن نقراء وبعد تقول فيه جزء ثاني

صارمسلسل تركي ماينتهي هههههههههههههه

يسلمو على القصة بارك الله فيك

تحيتي لك


 
 

مشكور يالأمير على تواجدك وحياك

يعطيك العافية لاهنت "


الأعلى رد مع اقتباس
قديم 08 Feb 2010, 08:40 PM [ 10 ]
عضوة متميزة


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
مواضيع : 331
الردود : 13968
مجموع المشاركات : 14,299
معدل التقييم : 767تــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to behold

تــرف غير متصل


مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز




 
 
المشاركة الأصلية بواسطة : شغب انثى
اقتباس
 

^
^


ماشاءالله عليك ترف .. توي أخلص قراءة الفصل السادس ومره تحمست للجاي .. وهذا أنتي تنزلين الفصل السابع .. الله يحفظك ويبارك فيك واصلي أبداعاتك وأنا ساأتابع ماتسطره تلك الأنامل ..


يعطيك الف عافيه

 
 
ياهلااااااا وغلااااااااا فيك ياشغب

تشرفني قراءتك وحضورك يسعدني وياهلابك ..

وكلي فخر بمتابعتك الراقية ولاهنتي يالغلا ..

أرق تحية لروحك العذبة "


الأعلى رد مع اقتباس
إضافة رد
الذين يشاهدون محتوى الموضوع الآن : 1 ( الأعضاء 0 والزوار 1)
 
المواضيع المتشابهه
الموضوع كاتب الموضوع المنتدى مشاركات آخر مشاركة
يا ما أسهل الدنيا :: مهما تعاندنا {الفصل التاسع} تــرف كتّاب المنتدى في القصص والرواية الأدبية 14 04 May 2011 09:56 AM
يا ما أسهل الدنيا :: مهما تعاندنا {الفصل الثاني} تــرف كتّاب المنتدى في القصص والرواية الأدبية 22 06 Jan 2011 02:54 AM
يا ما أسهل الدنيا :: مهما تعاندنا {الفصل الخامس} ‏ تــرف كتّاب المنتدى في القصص والرواية الأدبية 14 13 Feb 2010 06:18 PM
يا ما أسهل الدنيا :: مهما تعاندنا {الفصل الرابع} تــرف كتّاب المنتدى في القصص والرواية الأدبية 20 13 Feb 2010 06:17 PM
يا ما أسهل الدنيا :: مهما تعاندنا {الفصل الثالث} تــرف كتّاب المنتدى في القصص والرواية الأدبية 13 13 Feb 2010 06:14 PM
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

02:21 PM
Powered by vBulletin® developed by Tar3q.com