..:.. مرحباً بك في شبكة الشدادين الرسمية ، ضيفنا الكريم يسعدنا دعوتك للانضمام والمشاركة معنا .. اضغط هنا لتسجيل عضوية جديدة ..:..


العودة   شبكة الشدادين > المنتديات الأدبية > منتدى القصص والحكايات > كتّاب المنتدى في القصص والرواية الأدبية
 
أدوات الموضوع
إضافة رد
  [ 1 ]
قديم 23 Feb 2010, 03:54 AM
عضوة متميزة

تــرف غير متصل

مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
المشاركات : 14,299
معدل التقييم : 767
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
يا ما أسهل الدنيا :: مهما تعاندنا {الفصل الثامن}





تصدق حيل أنا عاجز عن التفكير
تعال وشوف في عينك غيابك وش عمل فيني
راكان مابقى عندي صبر يتحمّل التأخير
رحلت وعقبك الدنيا غلاها طااااح من عيني
أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني
على طاريكْ كِلْ لحظه .. ولا أحتاج للتذكير
حَريصْ القلب ما ينسَى عيونِكْ , لا توصيني
مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني
وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني
مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني
مِثلْ طيرٍ كِسَرْ بُعْدِكْ جَناحَه وما قِدَرتْ آطير
أحَاولْ أبْتِسِمْ وأنْسَى ولكنْ وشْ ينسيني
أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني
تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني
أنامْ شلونْ ؟ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّى النُوم يعطيني
تغيَّر وجْهَي .. مِنْ أوَّل غيابكْ وإبْتِدَى التأثير
راكان مِنْ التَّعَبْ كافي خذيتْ اللِّي يكفيني
يا أغلى مِنْ رَحَل عنِّي يا كِلْ الحُبْ والتقدير
تعَالْ: إنْ كان لِي عِندِكْ مَعَزَّه وكان تغليني
تعَالْ: إنْ كِنتْ تعشقني وإذا فِعلاً تبي لي خير
تعَالْ: ومِدْ لِي .. كَفْ الوَصِلْ .. وآمِدْ كَفيني
إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني
أنا ما أقولْ اللِّي صَار فِيني ما هقيته يصير
لأنِّي كِنتْ .. ( مِتأكِدْ ) .. بأنْ البُعد ينهيني





سنة وسبع شهور ولازال راكان غائب عن أهله وبدأو يفقدون الأمل في عودته فأصبحت حياتهم أشد من مرارة


العلقم كل زاوية تذكرهم به أعتادوا على الحزن وألفوه ولازموا المنزل بأمل عودته بأي لحظة



رنات متواصلة من الهاتف في قصر سعود وأصبحت تلك الرنات لاتنبئهم بعودته أبداً بعدما بدأ اليأس يدب

في خيالاتهم ..



ترررن تررررن تررررن



نوال : مها ارفعي السماعة

مها : مالي خلق

نوال : وبعدين روحي يمكن راكان



مها : وللحين عندك أمل يتصل



غالية قامت تداري دمعتها ورفعت السماعة



غالية : نعم



قماشة : السلام عليكم



غالية : ياهلا بأم بدر وعليكم السلام



قماشة : وشلونك



غالية : الحمدلله بخير



قماشة : طيبين



غالية : ياربي لك الحمد أنتم أخباركم وأخبار عيالك وأبو بدر عساه بخير



قماشة : بخير ماعليهم



قماشة : إلا ماجاكم خبر عن راكان



غالية وبدت عبراتها تتجمع وتبلع ريقها وتتماسك : راكان في رجا الله



قماشة : بيكمل سنتين غايب و في رجا الله

غالية : ولو يغيب العمر كله في رجا الله ورحمته



قماشة : والله اليوم بالأخبار يقولون الشباب صاروا يكذبون عليهم وويغيرون أفكارهم ويقولون تعالوا جاهدوا



وهم ضعيفين وجاهلين يروحون وحتى يكذبون على أهلهم ويروحون سنين ويجي خبرهم مقتولين بحرب أو مأسورين ..



غالية : أعوذ بالله لا والله راكان ولدي مايمشي هالدروب



قماشة : والله مايندرى ماتدرين لو صار معهم وأنتم ساكتين على الأقل بلغوا عنه وإلا أنا ببلغ مايصلح تسكتون



كل هالوقت



غالية : لا والله ماحنا معرضين حياته للمسائلات وحنا واثقين إنه مارده عنا إلا كايد



قماشة : ترى الشخص لاغاب عن أهله خمس سنين يصير بحكم الميت



غالية : أنتي عندك علم عن راكان وساكته هو فيه شي ياأم بدر كان عندك خبر تكفين علميني



قماشة وخافت إن غالية حست بشي : هاه لا والله بس شكلي خرفت ماغير أطالع الأخبار ووسوست على راكان

والله إني أحبه مثل عيالي



غالية واختنقت من كلام قماشة بس استحت تقول شي أو بالأصح تعمل لها حساب وتخاف على شعورها : وهو بعد يغليك وأنتي أمهم ماأنتي غريبة ولارجع أول ماأبشر أنتي والله مابيفرح له مثلك ماتقصرين والله كل يوم

تتصلين وتسألين عنه فيك الخير والله



قماشة : والله إني خايفة عليه مثلك وماذوق النوم وكل يوم أتصل أقول إن شاء الله سمعتوا شي عنه وتبشروني



وانتهت المكالمة وتكالبت الهموم على غالية أكثر وأكثر وصارت تشكك براكان من أسلوب قماشة وسوست

إنه ممكن يكون ارهابي وليه لا قماشة تقول الضعيفين والحليلين هم اللي يغررون فيهم وراكان طيب بس لا

راكان ماهو خبل ولاهو شخص أحد يقوده هو يقود رجاجيل مستحيل أحد يقدر عليه



نوال: من هي اللي تكلمك يماما



غالية : هذي عمتك قماشة



ريوف : عمت عينها من يقول إنها عمتنا تخسى هالأجنبية تصير عمتنا



غالية : ريوف عيب عليك هذي حرمة عمك يعني عمتك



مها : إيه وش فيها لاقلنا عمة عادي وتغمز لريوف عشان تفهمها وماتضايق أمها



ريوف : إيه آسفة هذي أم الغالي أم نسيبنا بدر هذي طوق على الراس مصيري أكسره وأرميه بأقرب زبالة



مها: ههههههههههههههه يعني ماتعرفين تكملين الحسنة وتكملين المدح



ريوف : ياناس افهموني أنا أكرهها في الله ولله غصب تبغوني أحترمها وأحبها مقدر غصب أجامل



وأنتم مسوين نفسكم تحبونها وأنتم تكرهونها بس تناقضون أنفسكم خايفين من أبوي خايفين منها ليه



هي ربنا نعمل حسابها هذي حثالة وحية من تحت تبن مصيبتنا ناكلها ونبلعها ونتجرعها وننطم ونسكت وننسى



وكأنها ماسوت شي وفي هذه المناقشات يدخل فيصل وهو سامع كلامهم



فيصل وهو معصب : والله وطلع لك لسان ياريوف وتسبين عمتي



ريوف وقفت وانصدمت إنه سمعها : أنا شفت رجاجيل يدافعون عن حريمهم لكن عن أمهات حريمهم هذي قوية



شوي



فيصل : لا والله وأنا مالي شغل بهالرجاجيل وبدافع عن حرمتي وأمها وطوايفها



ريوف : سبحان مغير الأحوال



غالية : ريوف وبعدين معك فيصل أجلس حياك وقومي ياريوف جيبي القهوة



ريوف وقهرها فيصل وحطت رجل على رجل : سااااريتي القهوة جيبيها



فيصل : وأنتي متكسره يوم تقولين للشغالة تجيبها أنا ماأشرب عقب شغالات



ريوف : والله أنا أشوف الطباخة حقتنا وليست الشغالة أنظف وأحسن من شغالة قماشوة



اللي تصب لك القهوة ليتها تنزلها عندك وبس هذي تصبها لك مخليه قدرك شغالة تصب لك ع الأقل أنا



تعمدت أنادي ساريتي عشان أبيّن لك الفرق بينا وبين قماشوة



فيصل : والله لأقص لسانك إن قلتي قماشوة مره ثانية



غالية : ياحول وأنت يافيصل كل ماجيت حطيت دوبك ودوب ريوف وقلبتوها هواش



فيصل : أسألي بنتك حتى نوف ماسلمت منها أجل تعاند نوف وتقولها أنا لبسي أحسن من لبسك وأنا ماعمري



كررت اللبسات حقتي وتحسسها بأنها أقل منها



غالية وانصدمت من تفكير فيصل اللي انقلب : ومتى قالته ريوف لاوالله كذبت عليها صح ريوف ماتحب الغلط



واللي بقلبها على لسانها لكن نوف ماتجينا إلا طايرة ومافيه مجال لهالسوالف وحتى لو قالته سالفه بايخه ماتنقال وتتكبر بهالطريقه


فيصل: إلا قالته ونوف كل ماطلعت من عندكم تبكي بالسيارة وأجلس أسكتها ساعة ولكني سكت وتحملت وقلت يمكن تستحون على وجيهكم وتحترمونها ولكن بناتك يبيلهن من يأدبهن



نوال ومها وريوف انصدموا ماعمرهم قالوا شي لنوف



مها : ريوف تقول كذا مستحيل هذا كلام مراهقات



نوال : متى أصلاً كل ماجت نوف أبوي يجلس عندها وحنا مانغلط قدام أبوي وأنت عارف



فيصل عارف إنه مستحيل بس كلام نوف لازم يمشي ويحاول يصدقه حتى لو الظروف عكسه



ريوف وملت من الظلم ومن تعامل فيصل اللي نقلب عليها 120 درجة مع إنه كان أقرب واحد لها من اخوانها

وكله عشان نوف اللي كان يشتكي منها ويكرهها وقررت تقول إيه أنا قلت هالكلام لأنها عارفه لو تحلف لو تبرر هي المدانة ونوف الملاك فليه تعور راسها فصارت تعاند أكثر ..



ريوف : إيه أنا قلت لنوف كذا وحلو البقر صار عندهم مشاعر ويحسون
خلها تبكي على كيفها ماكثّر الله إلا المناديل ودموع التماسيح ببلاش




غالية والبنات انهبلوا وبلّمو من تصرف ريوف المعاكس للحقيقة



فيصل : هه شفتي يايمه وتقولين ريوف حليله وماتخطي



ريوف : أقول تراك صرت حرمه وكل يوم والثاني نوف قالت ونوف تبكي تراك بطيت كبدي ياعل نوف وأمها



للمصيبة اللي مايطلعون منها عشان يعرفون يتبلون خلق الله وأنا فاضية لهالسوالف ماتشوف حالتنا ماتشوف



قهرنا وحزننا على راكان وإلا نسيته أكيد ماعليك منه تمشي ورى قماشوه وبنتها وكل يوم والثاني جاي تهاوشنا



وش سوينا لك بدال ماتسكت حرمتك وتقول مالك دخل بخواتي تخليها تتقوى علينا وإحنا مقدرينها من قدرك ومانغلط عليها

وتكذب على لساننا بعد



فيصل : تعترفين بغلطك وبعدين تقولين ظلموك



ريوف : ياخي حرام عليك تراك ذبحتني ماعاد فيني أتحمل أنا يكفيني فراق راكان تجي أنت تكرهني بحياتي لا الصدق عاجبك ولا الكذب يمشي معك


بسبب كذب وحسد حريم تصير رخمه كذا ياخي فوق على نفسك تبي الصدق نوف هي اللي تقولي أنتي من تزوجت فيصل ماعمري شفتك تكررين



لبساتك وقلت لها أنا كذا أمل بسرعة من اللبس وكنا نسولف عادي هي تسأل وأنا أجاوب ماتوقعتها تقلب السالفة



وبعدين سالفة تافهه أنا نقدت عليها بهالأسئلة بس سكتت لأني ماأحب السوالف لكن تكذب وتبكبك وتتهمني هذا



عين السخافة وبدت تبكي ريوف من القهر ومن الحزن ومن كل شي



فيصل بدأ يحس بالذنب وإنه مصخها معها وهو يدري إنها بريئة بس ينبسط لادافع عن نوف كذا شعور يجيه



يحب يهاوش كل الدنيا حتى لو وصلت مع أمه عادي أهم شي يحس بنفسه نشوة فرح إنه يحب نوف





ويحارب أهله عشانها !





جا بيستسمح من ريوف وفيه شي رده تنازعات بداخله أحيان يقول أهلي عزوتي واخواتي يحبوني



ودايم أظلمهم ومايستاهلون وإذا جاء بيتراجع طغى جانب ثاني يقول لا أهلك مايحبونك ومايحبون نوف ولاقماشه



ويضايقون نوف بأي شي ويبدأ يحقد وينافخ ويطلع ويسكر الباب بأقوى ماعنده ويروح لنوف كطفل وديع لايعرف للعصبية مدخال







:::



وهناك وفي بلد آخر قلب حائر يعد الساعات والأيام ويرتجي أخبار

عن الحبيب الذي انقطع سنة وعدة أشهر



غيداء والهموم تكالبت عليها ترفع جوالها وتتصل بريم ...



ريم : مرحبا



غيداء : مراحب ريمو



ريم : ميييين غدو بشحمها ولحمها معاي ع الخط ياهلاااا والله حياتي أخبارك طمنيني عنك أخبار الوالد



غيداء : شوي شوي عطيني فرصة أرد وضحكت من برى قلبها



ريم : مدري أنا ولهانة عليك والظروف اللي مرينا فيها وغياب أخوي سنة وعليها وماندري عن أخباره قلبت حياتنا وإلا أنتي بالقلب



غيداء بفزع وماببالها غير فيصل حبيبها : فيصل شو فيه طمنيني



ريم : لا مو فيصل راكان وكملت



ريم ببراءة ونست إن غيداء بيوم كانت حياة فيصل ونست إن فيصل روح غيداء اللي للحين تحبه وكمّلت لا فيصل بخير ومبسوط

وأبشرك بعد منهبل مع نوف لدرجة يحاربنا عشانها أنا قصدت راكان وعلمتها السالفة



غيداء وصغرت الدنيا بعينها وانخنقت يوم سمعت من ريم إن فيصل مبسوط وباع أهله عشان زوجته ونساها ونزلت دموعها

وانتبهت ريم لغلطتها



ريم : غدو حبيبتي والله ماقصدت شي بس أنا كنت متضايقة

من تصرفات فيصل ومكبوته من غياب راكان ومدري كيف قلت

هالحكي تراي كنت أبالغ يمكن لأني ماكنت أبغاه يتزوج نوف وماكنا نتوقع إنه بيتزوج غيرك وصرنا نكبّر المواقف لكن الدنيا نصيب ونصيحتي

لك ياغيداء ماتوقفين حياتك عشان فيصل أنتي جميلة ومتعلمة

والكل يتمناك اسمعي نصيحة أخت الحب ينولد مع أي رجل بيدخل

حياتك بالحلال ويقدرك ويحترمك



غيداء وانطعن قلبها وحاولت تتماسك : بس اللي حب ياريم صعب

ينسى



وسكرت السماعة وقررت تكسر القيود وترسل لفيصل رسالة حتى

لو كان قاطعها من فترة طويلة (أحيان يطغى الحب على الكرامة

ويشتغل القلب ويتعطّل العقل ونتصرف تصرفات من اللاوعي وبعد

مانفوق ع الواقع نقول ليتنا ماسوينا كذا وهذا اللي صار مع غيداء )



::::



نوف وماده بوزها ومسويه زعلانة وساكته

فيصل : الحلو ليه زعلان من مزعله لأقطعه حته حته



نوف وبكل خبث : مافيني شيء وبالأصح مابي أتكلم وأضايقك



فيصل : أنتي تضايقيني حرام عليك أنتي فرحتي بالدنيا



نوف : بصراحة مع إني ماأحب المشاكل وأهلك مثل أهلي بس



ريوف هذي ماهي راضيه تخليني بحالي تخيّل تقول إنك ماسفرتني



بشهر العسل لأنك ماتبيني وتخيّل فشلتني وأنا عندهم البارح أقول



لشغالتكم تجيب لي مويه ونطت ريوف وقالت شغالتنا هذي



للتنظيف مو للأوامر وتخيل ماقدرتني وقالت المطبخ قريب



ويوم طلعت للمطبخ وأنا ميته عطش شافني أخوك ياسر وحتى



ماأستحى على وجهه يطالعني بقوات عين بس تكفى مابي مشاكل ولاتقولهم شيء بس عشان تعرف أهلك على حقيقتهم وتعرف ريوف هذي اللي تقول مافيه مثلها وبسمي بنتي عليها هذاك شفت تصرفاتها أنا مدري وش فيها حاطه دوبها ودوبي



فيصل : أفففففف ريوف هذي يبيلها من يأدبها ذبحها الدلع



نوف : بعدين بيني وبينك ماتستحي البارح ترد على جوالها وصوتها مايع



فيصل : لا عاد هي صوتها كذا وهذي طبيعتها



نوف : الله الدنيا تقدر تخلي صوتها ثقيل وماتتدلع فيه لكن الله يستر لاتخلونها بس ترد على الثابت ويسمع صوتها رجال ويعجب

فيها والمصايب ماتصير إلا كذا (نوف بقلبها حركة فيصل مع ريوف بصباحية زواجها وكلام فيصل الحلو مع أخته وأسلوبه وأكتشافها إن فيصل يحب ريوف وهي بنظرتها الأخو مفروض مايعطي أخته وجه لهالدرجة وبدت تغار وتكرهها )



فيصل : أعوذ بالله وش هالتحليلات لاعاد ريوف صحيح مدلعه بس عاقل



نوف : تصدق لازم تزوجونها بالله ماسألت نفسك كم واحد رفضته ريوف ليه يعني معقوله كلهم ماناسبوها مو واحد ولا اثثنين هذي

بسم الله الرجاجيل رايحين جايين عليها مدري وش لاقين فيها ماصخة دلع



فيصل : لاتظلمينها ريوف لريان من هم صغار والناس مايفهمون



شافوا ريان ماخطب رسمي وماملك وع بالهم مو ماخذته وهي ترفضهم عشانها لريان



نوف : ههههههههه أنت صاحي تبي تقنعني إن ريوف رفضت

الضابط والمهندس والدكتور والناس المناصب وبتنتظر ريان اللي مايملك حتى سيارة زي الناس هذي رفضت عشرة مو واحد وتقول بتتزوج ريان اللي راتبه ظنتي ماوصل حتى ألفين وعايش بقرية مستحيل أنت مخك ضارب وريوف ترسم لشي ثاني وأنتم معطينها راحتها ليه ماتوافقون على سلطان أخوي ميّت عليها وولد عمها وبيعيشها أحسن من ريان وأنت عارف أختك وحياتها تبغى واحد

يدلعها مو يمرمطها بالفقر وهي متعوده على النعمة (وهذا السبب الثاني لحقد نوف على ريوف لأنها رفضت أخوها ثلاث مرات يخطبها وتوصّله كلام عن طريق نوف إنها ماتبغاه وإنها لريان )

من مصلحة قماشة ونوف إن ريوف تتزوج سلطان وتتوثق العلاقات أكثر وأكثر



سلطان أمنيته توافق عليه ريوف وماعنده مانع لو يخطبها وترفضه ويخطبها من جديد عادي عنده بس فيه صفه حلوه يبغاها توافق بالإقناع ومو بالجبر يرسل لها مراسيل عن طريق نوف وعن طريق أبوه لدرجة إن ناصر عم ريوف حب راسها عشان

توافق على سلطان



ناصر : وهذي حبة على راسك ياريوف سلطان مايبي إلا أنتي

وولد عمك أولى فيك وريان بيقطع نصيبك تكلّم فيك وخلاك ليه مايتزوجك دامه يبيك



ريوف واستحت من حبة عمها لراسها وبنفس الوقت ودها تقوله

ريان مايكذب بس ماعنده فلوس وبنتظره لآخر العمر : حبيت الكعبه عمي وتجمعت دموعها بعيونها من كثر ماهم يضغطون عليها بكل الطرق عشان توافق ومسكت كفوفه وباستها



ناصر : أعوذ بالله ريوف لاعمرك تبوسين كف أحد حتى لو إني عمك ماأرضى لك بالمذله وحسسته من دموعها ومسكتها لكفوفه وبوستها إنها رسالة بالرفض وبالإحترام بدون ماتتكلم



ريوف : عمي أنا مابي أتزوج الحين وسلطان مثل أخوي والله يرزقه باللي أحسن مني (ناصر حنون مع بنات أخوه ويعتبرونه كأب مو عم )



ناصر وماوده يقتنع برفضها وغيّر الموضوع : ريوف أبوك بيطول

وينه له ساعة ماجا



ريوف : والله مدري هو قال إنه بيجيكم البيت ومارجع



(سعود داقها حنك مع قماشه وناصر يشوف وماكأنه يشوف والكل

يقول مافيها شي كبار ويسولفون سوالف عادية والمجلس مفتوح

وقماشه تعتبر سعود ولدها وأخوها وهو يعتبرها أخته لدرجة تصب له القهوة بيدها وتجلس بجنبه مايفصلهم إلا مركا وسعود

لاصار عندها يحس الدنيا حلوه وسوالفها وجلستها مايستغني عنها لازم كم مره باليوم يمر عليها مع إنه محافظ على دينه

صلاة ماتفوته وكان متطوّع يكون إمام مسجد وخلاه

بسبب ضغط شركاته ومكة كل أسبوعين ياخذ عمره بس عند قماشه ينسى أحكام الشرع مدري يتناساها أو فيه سبب ثاني

محد يعرفه معقوله كان يحبها قبل لايتزوجها ناصر وعشان كذا

مايقدر يخليها ممكن ليش لا !)



وتقهوى ناصر عند بنات أخوه وطلع لبيته وقابل سعود



في مجلس الحريم



سعود وقماشه يسولفون بأخبار راكان والجماعة ودخل ناصر

وجلس عندهم وكمّل معهم السوالف وعادي عنده واثق بأخوه

ودينه أما قماشه ماتهمه لأنه من تزوجها وهي ماتحبه وماتعطيه

وجه ومسويه تحديد نسل ماجابت منه إلا بنتين وولدين وماتطيق

ناصر لكن خلته يطلق حرمته الأولى وخلته يسلمها راتبه الشهري

وخلته كأنه خاروف قدامها مايجرأ يهاوشها بشي جابت لها سواق

وشغالة وكل شي بيدها تسافر تروح تجي تكلم رجاجيل تتعامل مع

عمال عادي فري ماله خص بتصرفاتها مع العلم إنه مرعب مع الرجاجيل وقوي شخصية لكن على قماشة يصير أليف ولايهش ولاينش وهي محسسته إنها أتجر منه وإنها مو محتاجته وفلوسها تغنيها عن حتى زوجها وتستقل بحياتها وتحسسه بالنقص وإنه ولاشي عندها هي الكل بالكل



وهناك عند فيصل ....



تك تك تك تك صوت مسج واصل لجواله فتحه





الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا



ياللي جفيت وجفـاك المـر .. ذابحنـي
عقبك وجيـه البشـر .. مانـي بدانيهـا



اقـرى رسايلـك ودموعـي تسابقـنـي
وارد ! واقرى الرسايل .. واحتفظ فيهـا



انت آخر انسـان هاقـي منـه يصدمنـي.
والظاهـر ان هقوتـي بانـت مواريـهـا



لـو الوصايـا ليـا احتديـت ! تنفعنـي
ياكثـر نـاس ٍ علـى ذودي بوصيـهـا



ليت الفـرح ( بنـك ) لاجيتـه يسلفنـي
واقاصده ( راحتـي ) وحقوقـه اوفيهـا



من كثر ماكنـت ! جارحنـي وظالمنـي
قمت اعزل جروحـك بقلبـي واسميهـا


تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا


تدري متاك ؟ تعـرف قـدري وتفقدنـي
لارخصت نفسك ,, لشخص ٍ مايراعيهـا



بكـره الا هملـوك الـنـاس تذكـرنـي
وتقول عـزاه : عينـي مـن يداريهـا ؟



مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا



يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا



اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا



واهديتني جرح .. موجعني ؟ وعاجبني ؟
لــن الهـدايـا عـلـى مقدار مهديـهـا



صحيح ! ( حنا انتهينا ) .. بس صدقني !!
والله ان تبقى ( هوى روحـي ) وغاليهـا



مفضوح ؟ راع الهيام .. ونظرته !! تغني
ملامحه واضحه ! , في وجـه راعيهـا



لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا



ان قلـت : علمنـي انسـى ؟ لاتعلمنـي
دنيـاي لامـن نسيتـك ويــش تاليـهـا



فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا



مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا



اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا



نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا



تبي تعرف ! وش ؟ على الفرقا مصبرني
انـك بخيـر .. وحياتـك مهتنـي فيهـا



مـن يـوم ماغبـت ! والوحـده تعذبنـي
اقرى ( رسايلك ) في حرقـه والاحيهـا



اشوف ( صورتك ) .. ودموعي تسابقني
وياكثـر ماجيـت أبمسحهـا ؟ وأخليهـا

غيداء


فيصل قرأ المسج وضغط على خيارات مسح الرسالة


فيصل تنهد وقال بقلبه : أنا وش فيني غيداء اللي بغيت أموت عشانها صرت ماأطيقها نوف اللي أكرهها صرت أموت فيها أكيد عشان حبي كان مو بمحله وصار يبرر لنفسه أسباب ويقنع نفسه بتصرفاته


نوف : فيصل وش فيك من جتك الرسالة وأنت تفكر ومكتئب


فيصل : هاه لا بس هاه إيه وش كنتي تقولين عن ريوف ترى بآخذ لك حقك منها وإهانتها لك ماني ساكت عليها مابقى إلا بزره ترادد حبيبتي وتجلّس الشغالة وتخليك تقومين صدق ماتستحي بس أوريها


نوف وحست بانتصار وانبسطت وسوت نفسها طيبه : لا يافيصل ريوف مهما كان أنا اعتبرها أختي الصغيرة ومايحتاج تهاوشها أخاف تعاندني أكثر لا صرت تهاوشها بسببي


فيصل: مالك شغل ريوف بأدبها يعني بأدبها وأنا كم نوف عندي

::::

غالية : ريوف وش فيك أنتي نايمة ريوف ريوف


ريوف : ...........


غالية : هذي نومه ياريوف


(ريوف وحاطه وجهها بالمخده ونايمه على بطنها والمكيف يطيّر شعرها وطيّر الأوراق اللي على السرير والغرفة باردة بقوه وكانت تبكي وانتبهت لدخول أمها

وانقهرت إنها نست الباب مفتوح وماسكرت الإضاءة)


دخلت غالية وأخذت ريموت المكيف وخففت عليه وجت بتغطي ريوف وبتعدّل نومتها وشافت كفوفها مغطيه فيها عيونها وعرفت إنها تبكي وشهقت ريوف

وضعفت قدام أمها وقامت وضمتها وبكت على صدرها


غالية : بسم الله عليك وش فيك ياريوف


ريوف وبدت تنهمر دموعها وماتكلمت وش بتقول


تقول : أشتقت لراكان تقول البيت من دونه مايسوى

وإلا تقول يايمه أنا أمسك نفسي قدامك ولارحت لغرفتي وشفت صورته وقريت شعره بديت أبكي لين

الصبح وش بتقول راكان وينه خلاص مافينا نتحمّل هالغياب وإلا تقول فيصل تغيّر عليها وصار يقسى عليها وإلا تقول سلطان مو راضي يفهم إني ماأبيه ويضغطون علي وإلا تقول ريان اللي يحبني وكل ماخطبني

أحد أرسل جوزاء عشان أرفضه وأرفضهم عشانه

وهو موقادر حتى على حفلة ملكه كيف عاد زواج

وماخطبني رسمي من خوفه لاينحرج ويطول ماقدر يجمّع هالمصاريف آه بس وش أقولك يايمه وبدت تهدأ

وغالية عارفه ريوف ماتتكلم وهي تبكي ومستحيل تقول السبب لين تهدأ وخلتها براحتها


غاليه : يايمه تعوذي من الشيطان ولا أشوف هالدموع وفهمت إنها تبكي عشان راكان لأنها شافت صورته ع السرير ومسكت دمعتها وحاولت تصير أقوى من ريوف وماتقلبها بكاء ريوف حبيبتي قومي توضي

وصلي ركعتين هذا الشيطان صار يلعب بعقلك راكان

محتاج دعواتك مايبي دموعك

ياليت منهو باله اليوم مرتاح
نومه هني يرقد وعينه قريره
مثل الطفل لاطاح في مرقده طاح
لاشاغله همه ولاهم غيره


::::::


..... : الله يلعنك ياابن الكلب ياواطي ياخسيس ههههههه موش حتئدر تحرئني نقوم السماء أأرب لك

ماتعبش حالك ياأفندم


الشيخ توفيق : تف الله لاإله إلا هو الحي القيوم لاتأخذه سنة ولانوم له مافي


...... : أسكت بلاش تقرأ مش حينفع دنا موش سهل


الشيخ توفيق وعارف إن هالحركة تشويش للقراءة وكمّل بدون مايوقّف


........ : آه أه نفس حختنق وقّف لاتقرأ خلاص بأ إنت عايز إيه


الشيخ : تطلع وإلا تسلم


....... : هههههههه أهبل أخرق أروح فين فيك مسلاً


الشيخ : أتقي الله والله يقبل توبتك وهالجسد اللي أنت داخل فيه تاخذ ذنبه وأنا ماراح أتركك يابتحترق من كلام الرحمن ياتطلع من هالإنسان ياتشهد أن لاإله إلا الله


........ : وبدأ يبكي


الشيخ استغل نقطة الضعف وبدأ يتكلم عليه بالموعظه والظلم وعذاب جهنم


........ : والله أنا مأمور وماليش زنب بأيتها حاقه وماأدرش أخرق من راكان هم حيئتلوني


الشيخ : ومن اللي أمرك تدخل براكان ومن اللي بيقتلك


........ : أنا من الفيوم بمصر وأنا جن مارد


الشيخ : من الشخص اللي أرسلك ووش تبغى من راكان


........ : مابغاش حاقه دنا بئتله وأتوكل


الشيخ : وتقتلون النفس التي حرم الله


........ : تسدء بالله ماأدرت أأتله شلّيته قننته أتكلّم بلسانه استحوذت على جسمه على عقله غيّبته عن الوعي ومامات دنا بخنئه بإيديا وبعده عايش


الشيخ : أعوذ بالله من غضب الله لماذا كل هذا ماذا عمل راكان وماهو الذنب الذي اقترفه وماتستطيع أنت

ولاغيرك إماتت أحد أو إحياءه هذا خروج عن الملة

وأنت ماتعلم عن عظم ذنب السحر والشرك بالله


........ : أنا مشرك وكافر بالله ممكن تنئطنا بسكوتك

<< الجني اعتبروه مصري عايش بالسعودية مشوها لي أمّا علي لهجة مصريه مدري وش تبي

الشيخ : حسبي الله ونعم الوكيل وبنفسه قال هذا سحر كبير وهالجني متمرّد وماهو بالسهولة بينزل عن لسان

راكان والله يشفيك ياراكان ويقدّرني على علاجك


> شكلي خشيت جو مع الجن أعوذ بالله منهم بس هم كذا يعيشون مثلنا بس الفرق إنهم بأجساد البشر لاصاروا مرسلين عن طريق سحر






راكان جثه هامده وإذا قرأ عليه الشيخ يبدأ جسمه يتحرك من عند رجله اليسرى كأن جسمه مثل حركة الثعبان لحد ماتوصل الحركة

لبطنه ولصدره ومن ثم رقبته وبعدين يتحرك فمه ويبدأ الجن يتكّلم بلسانه بلهجة مصر وعيونه ماتثبت تتحرك بالفراغ وهذا يعتبر تحسّن بحالته لأنه جلس فترة طويلة الجن اللي بداخله صامد ومايهتز بالقرآن وكأنه مافيه شيء لحد ماضعف وبدأ يتكلم وهذا دليل إنه ممكن على الأقل يحصلون على مكان السحر بالضغط عليه بقراءة آيات السحر



الشيخ : قل أعوذ برب الفلق من شر ماخلق ومن غاسق إذا وقب



ومن شر النفاثات في العقد ومن شر النفاثات في العقد ومن شر النفاثات في العقد





....... : صراخ وبكاء وحركة عشوائية بجسم راكان واحتباس وضغط للجن وصار يبلع ريقه ماقدر يقاوم ثلاث شهور كل يوم

عشر ساعات متواصله قراءة وتو المارد يتكّلم ويبان ضعفه



الشيخ : ويكمّل القراءة ويعيد بعض الآيات ولاحظ إنه يتأثر لاقرأ



من شر النفاثات في العقد وعرف إن اللي سحرت راكان حرمه بدليل تأثر الجن واختناقه من هالآية وهو شيخ كبير ومعروف

على مستوى القرّاء وعنده خبره بتأثير بعض الأيات

(ذكر الله في كتابه العزيز التعوذ من شر النفاثات في العقد ولم يقل النفاثين في العقد
وهذا دليل كثرة جهل النساء وقلة دينهن وكثرة الحسد والضعف الذي يتملّكهن
فلا عقل يديرهن ولا علم ودين يردعهن إلا ما رحم ربي )


واستغل فرصة الضعف وقرر إنه يتكلم مع الجني ويعرف وين مكان السحر



......... : لاتحرئني دنا بتكلّم



الشيخ : تف وأتبعوا ماتتلوا الشياطين على ملك ........



.......... : لاتتفل ياوصخ



الشيخ ومتحمّل واستخدم أسلوب الضغط بالقراءة لحد مايضعف بقوة أكثر



........ : والدموع ملت وجه راكان وكل مامرت آية بدأ يصرخ ويبكي



الشيخ : تعترف بمكان السحر بخليك تطلع بدون ماأحرقك بالقرآن



......... : واحد تحت البلاطة السادسة قدام باب الشارع بقصر سعود أبوه اللي بالدمام



الشيخ : والثاني



........ : بمقبرة في مصر



الشيخ : والباقي



...... : بالبيوت الطين في صعيد مصر وواحد بالمحيط الأطلسي



الشيخ : كل هالأسحار لراكان وإلا لغيره



....... : السحر القديم لسعود وزوجته والجديد لفيصل وراكان



الشيخ : والباقين مسحورين وإلا لا



........ : لا مايقدرون وماكانوا يبغون يسحرون فيصل ولا راكان



لأنه يكلّف ملايين ولازم كل سنة يتجدد كل شخص باسمه ويدفع

فيه مبالغ خياليه وإلا الساحر اللي تعاملوا معه مايرضى بأقل من مليون هذا ساحر للطبقات الراقية وسحره متعوب عليه وكل سنة

يدفع له مبلغ عشان يجدده وإلا يرجع السحر للي أرسلونا يعني

لو مادفعوا كل سنة للساحر يرسل للشخص اللي تعامل معه جن يعذبه وينقلب عليه ويخف على المسحورين



الشيخ : حسبي الله عليهم ملايين وشلون جابوها يعني أربعه مليون لأربعه أشخاص وكل سنة نص مليون لكل شخص وشلون يتوفر هالمبلغ معهم



الشيخ : اللي سحرهم أمير أو ملياردير



........ : لا أمير ولاملياردير وانسحروا من فلوسهم



الشيخ ومصدوم : وشلون من فلوسهم



........ : الحرمه اللي سحرتهم كانت تتحايل على سعود بالسحر

ويحوّل لها مبالغ خيالية بدون مايدري وهي تاخذ الفلوس وتحولها

على الساحر



الشيخ : فيصل وأبوه وأمه نفس مكان سحر راكان



........ : فيصل مرشوش بغرفة النوم والسحر بالبوية الجديدة لازم



تحرقونها وحاطين له سحر مشروب هو وسعود وغالية



الشيخ : من سحرهم



....... : وحده اسمها قماشه وعندها بالبيت شغالة مشعوذه وتتعامل بالسحر لكن مو محترفه ابتدت سحرها عن طريق

الشغالة لحد ماوصلو لهالساحر وتمكنوا من صاحب البيت



الشيخ : ومالهدف من ذلك



...... : فيصل سحر عطف وحب عشان يحب بنتها وسعود سحر عطف لقماشه عشان تستغل فلوسه وكانت تبغاه يكون زوجها وأخذت أخوه وتحس إنه من حقها فلوسه وتجارته وغالية سحر

تفريق عن زوجها عشان مايشوفها ومايعتبر لها اعتبار وماتوقف

بوجهه وتخرب على قماشه علاقتها بسعود وراكان لأن الساحر قال بننفضح عن طريق راكان واضطرت تسحره وتتقي شره



وهي معها جن تبعد الأنظار عنها بحيث اللي يشوفها تغلط مايتكلم

حتى زوجها يتخيل إنها ماتسوي شي غلط ..





وأكمل القراءة بكل خشوع وعمّت السكينة المكان ...



.............................



بعد اللي صار ..

بعد الصبر والانتظار,,

بعد الغياب والخوف ,,

والخافي والمألوف,,



بعد الضياع ,,

والحيره ,, واصناف الخداع ,,

واللي صار

تسألوني .. كيف الأوضاع ؟



في غيبته

العمر واقف مامشى ,, مابه جديد

كن الثواني ماتطوف ,,

وكل الاماني ماتشوف ,,,

صار الامل عندي ضرير ,,

ماقد خطا ,,

والشاهد الله

ماخطى ,,

لالا .. حشى

هذا الرجا

ياما تعثر ..على

فتات الامنيات ,,

وعلى شتات الانتظار

واللي صار

وماقد لمح,, ضي اعتذار

في غيبتك

صارت ,, خطاوينا شقا ,,

تاهـــت ,, مسافات اللقا ,,

أرحل ,,

أرحل معا اول صباح ,, اودع اللي مابقا ,,

في غيبتك كلي رحل ,,

في غيبتك عمري ذبل,,

ماشافت عيوني نهار

بعد اللي صار

بعد اللي صار

ودعت شمس وقمر

وبختصار .. هذا اللي صار .

.
.
.



وانتهى الجزء الثامن
ولن يفصلنا عن النهاية سوى
أجزاء بسيطة ولنا لقاء قريب
.
.
.





توقيع : تــرف


وأنا الذي .. لو جِئْتَ تطلُبُه الفؤادَ .. لقُلْتُ : لَكْ ..!
عَجَبِيْ لهُ مِنْ سَائِلٍ .. أنْ جاءَ يطلُبُ ما مَلَكْ ..!!
"إنيْ أحبُّكَ" .. قُلْتُها .. فبَنَتْ بقلبِي مَنْزِلَكْ !
وزهدتُ دَهْري .. واعتزلْتُ الناسَ .. كي أتأمَّلَكْ !!
قلبي اصطفاكَ على البرايا .. واصْطفاكَ .. وفَضَّلَكْ !!
كُلُّ الحكايةِ أننّي .. أَيُّوْوووهْ .. ! كمْ أشتاقُ لَكْ !!

رد مع اقتباس
قديم 23 Feb 2010, 12:05 PM [ 2 ]

تاريخ التسجيل : Oct 2009
رقم العضوية : 22196
مواضيع : 117
الردود : 263
مجموع المشاركات : 380
معدل التقييم : 25خالد ال عويد الحارثي is on a distinguished road

خالد ال عويد الحارثي غير متصل




مبدعة ورائعة مواضيعك كلها تستحق الاشادة وفقك الله

الأعلى رد مع اقتباس
قديم 23 Feb 2010, 02:33 PM [ 3 ]
๑.•[عُذِبُـةے الأطَبُـاعُـ]•.๑


تاريخ التسجيل : May 2009
رقم العضوية : 20425
الإقامة : saudi arabia
الهواية : تحرير المواضيع المُزخرفة > فيس يقهرهم ويحرّك حواجبه
مواضيع : 69
الردود : 4588
مجموع المشاركات : 4,657
معدل التقييم : 37شوق شداد is on a distinguished road

شوق شداد غير متصل


مـجـمـوع الأوسـمـة : 8
كيدهن عظيم

وسام صورة ومثل

مشارك في مسابقة القرآن الكريم

مسابقة تعرجات قلم

العضو المميز

المشرفة المميزة

التواصل

الحضور المميز




تــرف متى تخلّص القصة

أبيها كاملة ماأحب التقاطيع عشان أمخمخ عليها

أخاف يصير لك هذاك الشيء وأنتي ماخلصتيها


توقيع : شوق شداد



{اللهم استُرنا فوق الأرض وتحت الأرض
ويوم العرض ، واجعل كُلّ قضاءٍ قضيتُه لي خيرا }



:


مَا أشْبهِكْ ياوَردْ غَير فْ ذُبولِكْ

:
" شوق شداد "







..
الأعلى رد مع اقتباس
قديم 23 Feb 2010, 02:57 PM [ 4 ]
عضوة متميزة


تاريخ التسجيل : Oct 2006
رقم العضوية : 1959
الإقامة : saudi arabia
مواضيع : 186
الردود : 4155
مجموع المشاركات : 4,341
معدل التقييم : 222شموخ شدادية has a spectacular aura aboutشموخ شدادية has a spectacular aura aboutشموخ شدادية has a spectacular aura about

شموخ شدادية غير متصل


مـجـمـوع الأوسـمـة : 14
فعالية طلباتك أوامر

فعالية طلباتك أوامر

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

عضو مخلص

كيدهن عظيم

فعالية لقطة ومقاديرها

الخطوط الشدادية




يعطيك االعافية ياترف
بس تراي وقفت عند أجزاء أبيها تكتمل كلها
كل فترة أنسى وش قريت قبل
عجّلي نحن بانتظارك


توقيع : شموخ شدادية



فَـآنـِيَة ْ !
مَهْمَا طـَآلَتْ ...
سّآعَاتــُهَآ وَأَيـَّامـُهّا وَشُهُورُهَا وَسـِنِينِهَا !

الأعلى رد مع اقتباس
قديم 23 Feb 2010, 03:14 PM [ 5 ]
عضوة متميزة


تاريخ التسجيل : Mar 2008
رقم العضوية : 5976
الإقامة : saudi arabia
الهواية : قراءة روايات
مواضيع : 349
الردود : 12239
مجموع المشاركات : 12,588
معدل التقييم : 26الجــازي is on a distinguished road

الجــازي غير متصل


مـجـمـوع الأوسـمـة : 12
وسام فعالية الألوان

العضو المميز

القسم المميز

التواصل

الاحتفال بالعام السابع

الاحتفال بالعام السابع

وسام صورة ومثل

فعالية: من صاحب هذا الخط؟

الخطوط الشدادية

وسام المسابقات والفعاليات




يعطيك العافية ياترف

بانتظار انتهائها ووضعها في وورد

وقرائتها كاملة


توقيع : الجــازي
/

.. ضمني إليك قوم إعوجاج أضلعي فيك ..

الأعلى رد مع اقتباس
قديم 23 Feb 2010, 04:59 PM [ 6 ]
مؤسس شبكة الشدادين


تاريخ التسجيل : Jan 2005
رقم العضوية : 1
الإقامة : saudi arabia
الهواية : رياضة + كمبيوتر وبس
مواضيع : 2071
الردود : 91524
مجموع المشاركات : 93,595
معدل التقييم : 4981السلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond repute

السلطان غير متصل


مـجـمـوع الأوسـمـة : 8
فعالية ضوء عدسة

فعالية طلباتك أوامر

شكر وتقدير

فعالية مجموعات المنتدى

يوميات الأعضاء

التميز في دورة الفوتوشوب

شكر وتقدير

أجمل خط 1434 هـ




يا هلا والله من جديد بكاتبتنا الرائعة المبدعة ترف
وألف شكر لك على تواصلك معنا بهذه الرواية
المتسلسلة المتميزة والتي بالفعل تستحق القراءة والإشادة
تسلم يديك ويدوم فكرك الراقي والله يعطيك ألف عافية


توقيع : السلطان
الأعلى رد مع اقتباس
قديم 24 Feb 2010, 01:28 AM [ 7 ]
عضوة متميزة


تاريخ التسجيل : Sep 2008
رقم العضوية : 10686
الإقامة : saudi arabia
الهواية : الكتابة و الرسم :)
مواضيع : 10
الردود : 1464
مجموع المشاركات : 1,474
معدل التقييم : 25غالية is on a distinguished road

غالية غير متصل


مـجـمـوع الأوسـمـة : 2
العضو المميز

الحضور المميز




ماشاء الله عليك تروفاا


بهذا الجزء ابردت حرتي شوي


معك للنهاية بإنتظاارك

يعطيك الف عافية


توقيع : غالية





تسلم يد من زين التوقيع مرة حلو
كل ذوق
الأعلى رد مع اقتباس
قديم 24 Feb 2010, 03:06 AM [ 8 ]
عضوة متميزة


تاريخ التسجيل : Feb 2010
رقم العضوية : 25260
الإقامة : saudi arabia
الهواية : الحاسب الالي
مواضيع : 62
الردود : 376
مجموع المشاركات : 438
معدل التقييم : 25ملاك القلوب is on a distinguished road

ملاك القلوب غير متصل


مـجـمـوع الأوسـمـة : 3
العضو المميز

التواصل

الحضور المميز





الله الله عليك يامبدعه والله قصة محزنة مثيره


قد استمتعت بها كثير تسلم يد كتبت وابدعت ونسقت


بارك الله فيك غاليتي الجميله التي لها لقاء متجدد مع كل اشراقة صبح جديد


الفن من تصنيفك الرائع للحوار والتميز الساطع لكي مني


ارق واحلى التحايا عمري ترف


توقيع : ملاك القلوب
الأعلى رد مع اقتباس
قديم 24 Feb 2010, 03:40 AM [ 9 ]
عضوة متميزة


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
مواضيع : 331
الردود : 13968
مجموع المشاركات : 14,299
معدل التقييم : 767تــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to behold

تــرف غير متصل


مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز




حياك ياخالد وياهلابك ..

مشكور ع الحضور العذب ولاهنت ياخوي "


الأعلى رد مع اقتباس
قديم 25 Feb 2010, 04:24 AM [ 10 ]
عضوة متميزة


تاريخ التسجيل : Jan 2010
رقم العضوية : 24725
الإقامة : saudi arabia
الهواية : كل يوم لي هوايه جديده
مواضيع : 99
الردود : 1780
مجموع المشاركات : 1,879
معدل التقييم : 25أم الفزعات is on a distinguished road

أم الفزعات غير متصل


مـجـمـوع الأوسـمـة : 4
يوم الضحك العالمي

العضو المميز

الحضور المميز

اكتشف الصورة




واخيرا
مابغا ينطق الجني الله ياخذه
وجع لبليس
<<< تحمست بقوه

ترف

روايه رائعه وننتظر نهايتها يالغاليه ^_^


توقيع : أم الفزعات
كَـلْ ما ضـآقْ بِـيْ الواقِـعْ أسلِـيْ خ ـآطِريْ

بـــِ { النـومْ}

و هـِذيْ حَ ـآلة أيآمِ ـيْ صـآرتْ فرح ـِتيْ
بـِــ { نومِ ـيْ } .. ! ، ~

جواهــر
الأعلى رد مع اقتباس
إضافة رد
الذين يشاهدون محتوى الموضوع الآن : 1 ( الأعضاء 0 والزوار 1)
 
المواضيع المتشابهه
الموضوع كاتب الموضوع المنتدى مشاركات آخر مشاركة
يا ما أسهل الدنيا :: مهما تعاندنا {الفصل السابع} تــرف كتّاب المنتدى في القصص والرواية الأدبية 22 13 Feb 2010 06:43 PM
يا ما أسهل الدنيا :: مهما تعاندنا {الفصل السادس} تــرف كتّاب المنتدى في القصص والرواية الأدبية 17 13 Feb 2010 06:38 PM
يا ما أسهل الدنيا :: مهما تعاندنا {الفصل الخامس} ‏ تــرف كتّاب المنتدى في القصص والرواية الأدبية 14 13 Feb 2010 06:18 PM
يا ما أسهل الدنيا :: مهما تعاندنا {الفصل الرابع} تــرف كتّاب المنتدى في القصص والرواية الأدبية 20 13 Feb 2010 06:17 PM
يا ما أسهل الدنيا :: مهما تعاندنا {الفصل الثالث} تــرف كتّاب المنتدى في القصص والرواية الأدبية 13 13 Feb 2010 06:14 PM
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

12:23 PM
Powered by vBulletin® developed by Tar3q.com