..:.. مرحباً بك في شبكة الشدادين الرسمية ، ضيفنا الكريم يسعدنا دعوتك للانضمام والمشاركة معنا .. اضغط هنا لتسجيل عضوية جديدة ..:..


العودة   شبكة الشدادين > المنتديات الأدبية > منتدى القصص والحكايات > كتّاب المنتدى في القصص والرواية الأدبية
 
أدوات الموضوع
إضافة رد
  [ 1 ]
قديم 04 Oct 2010, 01:32 AM
عضوة متميزة

تــرف غير متصل

مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
المشاركات : 14,299
معدل التقييم : 767
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
يا ما أسهل الدنيا :: مهما تعاندنا {الفصل التاسع}



نظراً للطلب الذي أتاني لتكملة الرواية والعتب لتأخيري


كلي عذر لكم واتمنى أن يصل هالجزء لمبتغاكم وتعبت فيه كثير


لأنه استنفذ ذاكرتي وأثار حفيظتي وظل حبيس أدراجي لمدة شهر


ودمجت فيه جزء آخر كي أختتم فصول الرواية في الجزء القادم


والآن سيرى النور كي أتنفس بإرتياح بعيداً عن أبطال الرواية




,
,



ياغالية جيتك من الشوق ولهان / ماطيق أشوفك ياحياتي حزينة



حالة نفسية سيئة مرت بها غالية وأصبحت طريحة الفراش بسبب غياب راكان الذي أكمل السنتين ولا خبر قد

يبعث للنفس الطمأنينه وأصبحت الدمعة لاتفارق عيونها وبناتها وابنائها شاركوها الحزن وظللت

غمامة الحزن حياتهم

سعود : والله أنا تعبت وكرهت حتى بيتي كل مادخلت غالية لاهي راضيه تآكل ولا تصبر والعيال يكسرون الخاطر مدري وش أسوي معهم والله لو إنه ميّت أرحم من عذابنا بهالأمل سنتين ماذقنا فيها الراحة

أبو ناصر أخو غالية بالخط الثاني : هونها يابو فيصل والله كل الناس شايله همه مثلكم وأزود شي يخلف العقل معقوله للحين مايندرى أرضه من سماه لاحول ولاقوة إلا بالله أنا بجيب حرمتي وعيالي الليلة

يونسون غالية والبنات ويغيرون جوهم يمكن يقدرون عليهم

سعود : حياكم الله وزين ماتسوي على الله تقدرون تطلعونهم من جوهم


.......


الشيخ توفيق بأفريقيا وبين ايديه راكان وهو غايب عن الوعي ويكمّل عليه القراءة وخلاه ينام وبعدها

بكم ساعة صحى وهو منهك وكأنه طفل يبحث عن أمه من بين العالم


راكان وحلقه جاف : أنا ويني

الشيخ توفيق : الحمدلله على سلامتك أنت لك سنتين في المستشفى فاقد عقلك وأنا جالس أقرأ عليك

أكثر من سبع شهور بفترات تواجدي والحمدلله وضعك تحسن والحين تحركت أطرافك وعقلك شوي

شوي يرجع لك

أنا ماأصدق إنك وعيت الحين من بعد الجثه اللي شفتها

راكان ويمسك راسه بيديه ويدخل بنوبة بكاء تقطع القلب وتتساقط مع دمعاته سنواته اللي راحت أمه أبوه

أهله يااااه وين الدنيا ودته وش صار معه وليه هو هنا !!!

ودي ابكي لين مايبقى دموع
ودي أشكي لين مايبقى كلام
من جروح صارت بقلبي تلوع
ومن هموم احرمت عيني المنام
انطفت في دنيتي كل الشموع
والهنا مايوم في دنياي دام
غربتي طالت متى وقت الرجوع
كل عام أمني أحلامي بعام
إن شكيت الحال محدن لي سموع
وإن سكتت الناس زادوني ملام
طال صبري والزمن عيا يطوع
والرجا باللي عيونه ماتنام


مسكه الشيخ وهدّاه وجلس يشرح له حالته وإنه مسحور بسحر قوي وكل اللي صار قاله له عشان يهيئه نفسياً لتكثيف العلاج هالشهر

أنا راكان مستحيل وش سوى فيني كذا

الشيخ : تتذكر اسمك وأهلك ومن وين أنت

راكان : كيف ماأذكرهم أنا ولد الشيخ سعود اللي الدنيا توقف له وتحترمه وتعمل حسابه

وشلون صار فيني كل هذا وشلون حرمة خسيسة زي قماشه تدّمرني وتشتت أهلي

بأي دين تقترف كل هالذنوب ليه وش سويت لها وأبوي وأمي وفيصل ماأذّوها

كل خيرنا تحت أمرها أأأخ يالقهر أنا خلاص حياتي مابيها أهم شي أمي تعيش وأهلي يكونون بخير

أنا بقتلها بيديني هذي هذي ماتستحق الحياة

الشيخ : راكان القتل يدينك والسحر شي خفي الكل ماراح يصدقك وبالأخير أنت بتصير تحت حبل المشنقة

وبتخلي أهلك يقاسون عذاب فراقك أنا ماشرحت لك الوضع عشان تيأس صحيح حياتكم مرتبطة ببعض

وخصوصاً أمك لانها أضعف منكم وراح تتأثر من فكة السحر احتمال إنها ماتعيش لان الجن اللي معها

له سنين راكد ويمشونها زي ماتبي قماشه أنا ببدأ معك بفك السحر لكن بحطك بالصورة أنت بتتعذب

هنا وهي بتتعذب هناك وأبوك وفيصل نفس الوضع لكن هم يمكن أخف منها بحكم قوة الرجل تختلف
عن تحمل المرأة

راكان : خلني أموت ولايمس أمي عذاب لاتعالجني ولاشي أرجوك سكر الموضوع مجنون أنت أشتري

صحتي بموت أمي

الشيخ : لاحول ولاقوة إلا بالله راكان أنت ضروري أقرأ عليك لازم تنقذ امك أنت على بالك إنك إذا مارقيتك

أمك بتتعافى غلطان السحر اللي بأمك نهايته الجنون أو الموت مثلك تماما لكن هي على مدى سنوات وأنت

قاصدين ينهونك من الحياة بسرعة لكن هي بيخلونها سنين عشان محد يشك فيهم ويظنونها شي طبيعي ومن الله ومالهم يد بالموضوع أنت ربي أرسلك رحمة لهم وكل اللي صار لك خيرة من الله لازم تساعد نفسك وتساعدني

راكان وهو مو مصدق اللي مر عليه واللي شافه واللي بيشوفه

وش اللي صار في هالدنيا وش اللي صار

خطاك في هالزمن أبد ماله غفران

في كل شي سويتيه فقدتي صورة الإنسان

آآآه وين الحقيقة في هالزمن آآآآه في هالزمن

الكل ماشي في طريقه في دنيا مافيها أمان

مدري اختلفنا مدري الزمن فينا اختلف

لو مااعترفنا منهو فينا بيعترف



في قصر سعود وبعد وصول خالهم وحرمته وعياله :

ياغالية جيتك من الشوق ولهان / ماطيق أشوفك ياحياتي حزينة



غالية وتعبانه نفسيتها وتحاول ترحب فيهم ولكن ماقوت ترسم البسمة وإلا تصطنع الفرحة لأن قلبها ينزف

من غيبة راكان ومن شافت أخوها وبكت أول ماسلم عليها ويمسكها أبو ناصر ويسمي عليها وريوف واقفه

بتسلم عليهم وبعد ماشافت أمها تبكي بكت ووقفت بمكانها مو قادره تمشي لأي مكان مسكتها مزنه حرمة خالها وهدّتها يابنتي حرام عليك ساعدي أمك لاتنهارين قدامها مايجوز اللي تسوونه بأنفسكم

وجت جوزاء وحاولت تلطف الجو ريفوه ترى ريان معنا وطالعتها ريوف ودموعها بعيونها وابتسمت من حركة جوزاء

جوزاء : ايه كذا لو أدري اسم ريان بيخليك تبتسمين كان دخلته معي بالصاله يمكن تضحكين

ريوف بتغير الموضوع : ماودك تسلمين

جوزاء وتضحك وأنتم خليتم الواحد يركز عشان يسلم قلبتوها فيلم هندي وضمتها ريوف بكل شوق



نحاول نكتم الحسرة نحاول نخفي الأحزان
نحاول والزمن أقوة وناره حيل تكوينا


وفي المجلس غالية وهدّاها أخوها ومزنة تأثرت وبكت وتمسح دموعها وتحاول إن غالية ماتشوفها وجوزاء

وأختها جواهر جلسوا وريوف جلست عند أمها وتقولها يمه عشان خالي بلاش دموع اليوم جاي لك من ديرته وتكدر خاطره يوم شاف حالتك وضغطت ع كفوف أمها بتوصل لها رسالة إنها حاسه فيها بس الشكوى لله مو

بيدنا الفرحة وعم الهدوء المجلس ودخلت نوال ومها وريم لأنهم مايحبون مواقف أمهم حزات ضعفها يتهربون

لين يظمنون إن ريوف قدرت عليها وتلطف الجو

ريم : السلام عليكم ياهلا والله نوّر البيت بوجود الغالين وسلمت عليهم وسلمو البنات وصار الجو حلو

وبدت غاليه تسولف معهم ونسوا حزنهم بفقد راكان


بعد العشاء بساعة دخل ياسر وينادي : يمااااه

نوال : هلا ياسر وش بغيت ياخي أمي تعبانه تبي شي قولي

ياسر : ريان بيسلم عليها

نوال : يوووه أخاف تبكي قدامه وأنت عارف أمي تهدأ شوي وتنهار مايعرف لها إلا ريوف وهي عندها

من دخلو أهل خالي تقول كل ماحسيت إنها بتبكي ترجيتها تمسك نفسها وأنواع الأحاديث

بالصبر والله تعبت ريوف بس والله بترفض ريوف إنها تخلي أمي لوحدها صرّفه لايدخل


ياسر : صاحيه أنتي أصرفه الرجال جاي عشانها ويقول بشوفها وأصرّفه حتى أنا مقدر على أمي مدري

وشلون ريوف تقدر عليها وتخليها تسمع كلامها أقولك شغله خلي ريوف تلبس عبايتها وتجلس عند أمي

ريان ماهو غريب زوج المستقبل ويمون وبيفهم وضع أمي

نوال : بقولها وافقت وإلا ماعلي منكم


ريوف : شتقولين صاحيه أنتي مقدر قلبي يضرب من جبتي طاريه شلون بشوفه لا لايدخل قولوا أمي نامت

نوال : هيه أنتي بلا حركات بزران يعني هو مايسلم عليك كل ماجاء وقّفت الحين يعني

ريوف : ايوه يسلم علي بس أنتم معي وخواته موجودات مو لوحدي مع أمي استحي ومو وقته مالي مزاج

ياسر ينادي : يالله ترى ريان بيدخل طريق بسرعة



نوال ورمت على ريوف عبايه ع الكنبه ووهقتها وطلعت
ريوف وتتحسب عليهم وتآخذ العبايه وصارت حقت جوزاء الدوبا وانقلب وجه ريوف بيصير شكلها غلط

العباية كأنها خيمة عليها جوزاء من ذوي الأوزان الثقيلة وريوف رشيقه بتضيع بالعبايه خذت الطرحه

ولفتها وسوّت منها لثمه لأنها ثقيلة ومابتشوف فيها وبقلبها تقول جوزاء هذي مو صاحية فيه أحد يلف

طرحه بهالثقل هذا والطبقات هذي والله إنها منسّمه صدق

والعبايه ع أكتافها وحطت ببالها ماراح تتحرك عشان ماتطيح العباية ماتعرف تتصرف فيها

بحكم موديلها اللي ماانتبهت لطريقته من السرعة ولبستها بطريقه مضحكه للي بينتبه


دخل ريان وهو يتنحنح وأول مادخل المجلس لا إرادياً وقفت ريوف بمكانها من الربكة وطاحت عينه

بعينها وعرف عيونها وارتبك وابتعدت عن أمها شوي وسلم ع راس عمته وحط يده ع كتفها بكل حنان

ريان : ها يالغالية طمنيني عنك ان شاء الله بخير

غالية : بخير من شفتك يالغالي

وصار يسولف مع عمته وريوف ابتعدت بالجهة الثانية من المجلس عشان ماتحرجها أمها عند ريان وتطلب منها شي ريان واحلوت له الجلسه بعد مادخل أبوه وياسر وريوف توهقت ماتقدر تمشي من قدامهم وتطلع

وبنفس الوقت عارفه أمها لو بتطلع بتناديها هي ماتفارقها دقيقه حتى النوم تنام عندها

وخالها فري عنده وفضيحه ممكن يسولف بأي شي ويطلب منها تجلس عنده حتى بوجود ولده



أبو ناصر : ريوف صبي لي فنجال

ريوف وشوي وتبكي من الموقف البايخ وانقذها ياسر

ياسر : أبشر خالي أنا أصب لك

وناظرت بريان وحست إنه كاتم ضحكته وانقهرت الحين ع باله إنها جالسه عشانه وتقول بنفسها ماسلّم علي شايف نفسه مسوي ماعرفني هو ووجهه

ريان وقطع حبل فكارها : مساك الله بالخير ياريوف

ريوف بربكة وتلعثم وبصوت خفيف واستحت منه : مساك الله بالنور

ريان : وشلونك مع عمتي لا أوصيك عليها يقولون مايعرف لها إلا أنتي حطيها بعيونك ترى بجيها بعد أسبوع أبغى أشوفها وحده ثانية وإلا بآخذها عندي بالديرة وبتنبسط لاشمت الهواء النظيف

ريوف وبقهر تغار على أمها حتى من اخوانها : لا ارادياً حطت يدها ع خصرها وقالت : لا عاد أمي عندي محد يآخذها قالتها بدون شعور نست إنه ريان ونست إن نبرة صوتها علت ونست شكلها واستوعبت ونزلت يدها واحمدت ربها إن محد انتبه لها بس ريان كانت عيونه عليها كل دقيقه وهي تسوي نفسها ماشافت نظراته

ريان وضحك : اوف أوف عمة فكيني من بنتك بغت تآكلني بقشوري يوم نويت أخذك وشلون لو خذيتك من بيفكني منها وضحكت غالية من سوالفه وابتسمت ريوف

ريان : ايوه كذا أبغاك ياعمة الغايب ربي بيرده إحنا نبغى هالضحكة ماتفارقك والله إني استانست يوم شفت نفسيتك تحسّنت شوي والله يديمها عليك الصحة والعافية

وياسر قام أبوه ينادي يبغى القهوة للرجاجيل وأبو ناصر جلس عند أخته قريب وقام ريان وريوف وقفت

وطالع فيها والتقت نظراتهم بخطفه من الوقت وبحضرة أمها وأبوه اللي لاهين بنهاية المجلس وكانت عيونه

تتكلم بصمت مايفهمه إلا العشاق وطلع وأول مره يسويها ريان يرسل لها بوقت غير العيد والمناسبات الكبيرة

وارسل لها :


جميل الصدفه اللي جابتك حي الهوى والنور
عليك اجمل مسى مسيت عطني منه قنطاره
احيي فيك ذكرك قبل شوفك والنبا مغمور
واحيي فيك عطرك واسمك اللي ماليٍ داره
انا من مات حي لا طعن ولا منحور
صويب العين مايبرى غدى قلبي لك الشاره
بغيت امشي واحس انه غدا مني القدم مبتور
بغيت اقف واشوف عظام كل الجسم منهاره
انا من خانته عبرة فرح ولا ضحك مسرور
يضيق به النفس وده يقول من الحكي خياره
اشيل غناي لك عرضه وابدل به على المجرور
وامول من طواريقي على عشاق سماره
ابكتب من قصيد الوزن وغيره من شعر منثور
انا لك شاعر يكتب وشعره نقوة افكاره
الا ياغايب عني مع حاضركم الدستور
خيالك مايفارقني بفكري دق مسماره
الى من ضقت اسولف بك على نفسي وانا مقهور
واقول الوقت مايعطي على مااريد واختاره
عليك اقبل ومنك اقفي ولا بينت لك محظور
اخاف عيون بعض الخلق ترقبنا وسباره
وجدك الله ياحسن كما التحفه وانا جمهور
انا المبهور من حسنك وانا من خطفت ابصاره
ومنك العين تامرني وانا لك طايع مامور
على وصلك غدا حظي هوين وقصرت اشباره
اشوف ان الحسن عقبك ولو يذكر غدا مكبور
يقال انه حسن والا انت كل الزين وابهاره
لا يابو عيون حق وبعض الوصف خرس حور
عليك الصوت ماهو صوت كما ترنيم قيثاره
بقى قصرك على فالك عساه بطلتك معمور
تمشى بردهته حافي وتحيا عقبك ازهاره
بريح المسك والعنبر تخالطهم زراق بخور
الى اقبلت جا قبلك ولا اقفيت عدا استاره
على هالبوح والتلميح راس المال صدق شعور
وصدقني ترى فكري عقب طيفك محد زاره
انا باسالك تعذرني عساي بطلبتي معذور
اشوف الوقت مايعذر ولا في الناس عذاره
ذكرت اليوم والساعه ورحلة عمر يامستور
ذكرت الله في خلقك خلقه الزين واسراره
اعرف اني م انا ب اول ولا اخر واحد ماسور
واجمل ماملكته منه طيف دام تذكاره



وماردت له شي ولو مو إنها متأكده إنه أرسل لها وهو بدون شعور وإلا كان أخذت منه موقف وطاح من عينها لكنها تختلق له أعذار وعدم ردها عليه يحسسه بالغلط ويرسل لها اعتذار وإنه صابته حالة جنون العشق ومرفوع عنه القلم وتضحك من تبريراته الغبيه وتسكت وضمت جوالها لصدرها وتنفست بعمق والبسمة ع وجهها

على دخلة جوزاء وشافتها وهي ماسكه جوالها وضامته لصدرها ومو مع العالم

جوزاء : ياهوووووه وينك

ريوف ارتبكت وتلخبطت وخافت بنفس الوقت ماتبي أحد يعرف شي عن ريان تبغاه الرجال الثقيل بعيون
كل الناس حتى أخته

ريوف : هاه ... لا ... مدري ... وش قلتي ...

جوزاء وشكت بوضعها : وش فيتس اختبيتي مسويه شي خايفه منه

ريوف وبلعت ريقها وتعرف جوزاء دايم نواياها سوداء : لا بس أنتي خوفتيني دخلتك علي بدون استأذان ارعبتني

جوزاء : وليه حنا بمدرسة استاذن منتس يالأبله

ريوف وحست إنها بدوامة ماراح تطلع منها : مو قصدي أنتي وش فيك تكبرين المسائل تعالي بس مدام
أمي مع خالي انبسطت خلينا نسولف مع البنات بالحديقة برى جالسين عند المسبح والجو حلو ومن زمان

ماطلعنا تصدقين من تعبت نفسيتنا حتى الحديقة ماصرت أطلع لها لين تقتنع أمي تطلع معي بعد شهر ربع

ساعة وتطفش وندخل كل مكان تتذكر فيه راكان تبكي وتخرب جلستنا ونقلبها حزن

جوزاء والوساوس بدت تدب براسها وتبغى تعرف سالفة جوال ريوف : خلاص نطلع بالحوش ياأخت الغالي

ريوف وبدت تتضايق لاجابت جوزاء طاري ياسر لأنها مو راضيه تفهم إن حب ريان لريوف ماله علاقه

برفض ياسر لها وكل شخص وحياته ونصيبه


وعشعش برأس جوزاء إن ريوف لها علاقه برجال غريب برى العائلة وتكلمه بالجوال
ويرسل لها لأن ببالها ريان مستحيل يرسل لريوف وقررت تسبب مشكله وتقطع علاقتهم ببعض
وتساومها ياإنها تقنع ياسر يتزوجها وإلا بتخرب عليها عند ريان وبيكون معها حق لأنها تعتبر
ريوف خانت ريان وماقررت تصارحها خلاص يكفي وجهها وربكتها إنها تنسج القصص عنها"



طلعوا البنات عند المسبح ونوال ومها جالسين مع جواهر ويسولفون وكالعادة لاجت ريوف تجلس معهم جوزاء تغار عليها وتزعل لاشافتها تسولف مع أختها وأخذتها وقالت أبغاك بسالفة لوحدنا وهذي عادتها وريوف فاهمتها وقالت أول نجلس مع جواهر عيب جايه ببيتنا وأطنشها هالحركات سويها ببيتكم عادي أهضمها بس الحين فشله

وماعجب جوزاء حكي ريوف واضطرت ترضخ لها وسهروا البنات ضحك وتعليقات وانزاح منهم هم راكان

وقبل الفجر راحوا ينامون إلا جوزاء وريوف كالعادة يواصلون للصبح


جوزاء شخصية غريبة تحمل طيبة قلب وهذا اللي مخلي ريوف تصبر عليها لأنها مهما
سوت ترجع بالأخير وتندم لكن إذا زاد منسوب غيرتها من ريوف يوصل لحسد وليه أنا مو مثلها
ويلعب فيها الشيطان لدرجة تفكر تدمر حياتها وتقنع نفسها إنها ماظلمتها ولاسوت منكر وإنها
كانت فاهمه غلط وعلى هالمنوال المهم ماتكون ريوف حظها أحسن من حظها وتتفوق عليها بكل شي
حتى الحب والنصيب تحاول تمنعهم بأي طريقه الأهم ياأنا أكون مثلك بحكم قرابتنا وعلاقتنا
ياتكونين مثلي ومالك حظ بأي شي "

جوزاء : ريوف أخبار ياسر ماقلت لك قولي له إني أحبه وأبغاه ومستعده أتزوجه بثيابه بدون حتى مهر

ريوف : استحيت أقوله

جوزاء : تستحين ليه وإلا عشانك ضامنه ريان يحبتس ماعليتس مني ترى مصيرتس مع مصيري
وأقدر أهدم اللي انبنى

ريوف وانصدمت من نبرة جوزاء اللي فيها حقد وتهديد :
لا تخلين حبك لياسر يعميك عن اللي بيننا أنتي أكثر وحده تعرف إني أحبها وأتمنى لها الخير
بغض النظر سواء صار نصيبنا معهم أو مع غيرهم

جوزاء : بس أنا لو مازوجتيني ياسر بتغير وماراح أكون زي قبل

ريوف : ياسر مو ريموت بيدي أغيره أنا مدحتك عنده وهذا اللي اقدر عليه
أخوي وأعرفه لو بقول إنك تحبينه حتى لو بغاك بيقول مابيها أعرفه ياجوزاء
أنتي تقولين هالكلام ع بالك بتكسبينه هو تفكيره غير يقول البنت اللي تعرض نفسها علي
أعافها تبينه يعافك أقوله وعد لك مني ماأمدح غيرك وإذا قال أبغى أتزوج أقول جوزاء ونعم
وأحاول قد ماأقدر بدون ماأشوه صورتك قدام تفكيره

جوزاء : شفتي كلامتس هذا بليه واشربي مويته تفكيره وتفكيره وليه جاي من المريخ يوم تقولين
تسذا عنه إن مادخلتي الحين وناديتيه وقلتي له لاني بنت خالك ولاأعرفك
ريان حبك من كيفه قبل يدري عن حبك وخلصنا باقي أنا

ريوف : جوزاء انهبلتي اقوله الحين وأنتي ببيتنا قوية بحقك ترى قدامه

جوزاء : علمن جاتس وتعداتس الحين تنادينه وتقولين جوزاء تحبك وتبغاك على سنة الله ورسوله

ريوف : طيب ماقلتي كم تدفعين مهر هههههه

جوزاء : تقولينه صادزه والله أنتم من خليتم البداوه وأموركم ماهي عاجبتني

ريوف : يالبيه يالبداوه اللي يشوفك جايه من الديره يقول سلوم العرب من راسك لكرياسك
والله لو يدري أحد عن علومك وإنك تخطبين الرجاجيل صار فيها قبايل
ع بالك كل من سكن القرى مالهم مثيل وهم راعين الأوله مو شرط ياماما

جوزاء : اقطعي واخصي الحب أعمى ماله دخل بالسلوم روحي لعين السيح وعلميه

ريوف : وإذا قلت لك ماراح أعلمه وعشان كرامتك وكبريائك بوصل حبك له بطريقة غير مباشره
وأقوله إنك تهتمين بأخباره اي شغله بس بدون ماأقوله حكيك هذا

جوزاء : إن ماقلتي له كل كلامي كله ماتعرفيني ولا اعرفك وانسيني أخاف أموت وأنا ماأعرست

ريوف احتارت بعقلية جوزاء تبغى الزواج بأي طريقه وبتفرض حبها بأي وسيله
وبتخسر ياسر حتى لو كان مفكر فيها

,,,,,,,,,,,

..... : ألوووووووو

ياسر : مرحبا

....... : وينك

ياسر : فيكم شي

........... : لا بس كنت بسألك عن شغله

جوزاء وتضرب كتف ريوف عشان تحطه سبيكر بتسمع صوته
وتأشر لها تقوله السالفه وريوف تقول لا ومن وجه جوزاء خافت ريوف
وقررت تقوله وبكيفها تتحمل نتيجة قرارها

ياسر : أسألي يالله بنام

ريوف : فيه ناس مزعجيني يحبونك ويبغون يسمعون صوتك

ياسر وضحك وأخذ الموضوع بتريقه : خليهم يمسكون طابور

بالله صادقه أنتي من لاتكون فلانه وجلس يعدد اسماء صاحبات ريوف

ريوف : لااااااااا وحده تقرب لنا

ياسر : توقعتها وحده مرجوجه من صاحباتك

ريوف : لاوحده ثقيله من جماعتك وهي خايفه بقلبها ياسر يقول شي
وتنجرح جوزاء

ياسر وتغير صوته : جماعتنا من بنات خالتي

ريوف : لا

ياسر : قولي طيب

ريوف تحت ضغط من جوزاء وتأشر قولي أنا : جوزاء يسوري وربي أكتشفت
إنها تحبك ولو تدري إني قلت لك بتزعل وبنت خالك وتحبك وعاقله و... و....

ياسر : المواصفات هذي كلها بجوزاء ماغيرها

ريوف : ايوه وش فيك البنت لاكبرت تتغير أنت تفكر فيها وهي بزر الحين حرمه

ياسر : لكن أنا ماأحمل لها مشاعر وأعتبرها مثلك وماأقدر أتخيل تكون زوجه لي
أغليها مثل أختي

ريوف : حرام عليك ياسر البنت تموت فيك حطها ببالك لاتجرحها

ياسر : شلون لااجرحها أنا مواعدها بشي أو قايل أحبها وتركتها أنا
بنت خالي على عيني وراسي ولها التقدير والغلا الاخوي الزواج
أنتي عارفه وجهة نظري فيه وحتى أبوي وأمي مابيقنعوني اللي أبغاها
وتتناسب مع تفكيري بتزوجها أنا بتزوج مره وحده بحياتي

ريوف وسكرت السماعه وجوزاء ولا كأنها سمعت شي

جوزاء : ريوف كثر الدق يفك اللحام

ريوف وانصدمت من تفكير جوزاء : شلون يعني

جوزاء : ياسر يتزوجني غصب وأنتي اللي بتقنعينه بأي طريقه

ريوف وعارفه تفكير أخوها واستحالة اقناعه جوزاء ياسر انسيه واعتبريه مثل أخوك

وأنا حاولت قد ماأقدر والطرق مسدوده معه

جوزاء وبدت تستلعن وتذكرت سالفة الجوال ووجه ريوف وقررت تنتقم منها
واعتبرتها هي السبب مفروض تغصب ياسر بأي ثمن

جوزاء : عطيني جوالك بكلم دقيقه

ريوف ونست سالفة الرسالة وإنها مامسحتها : تفضلي

جوزاء وفتحت الرسايل وشافت الرسايل وماقرت الرسايل

وطاحت عينها ع رسالة الاعتذار الأخيره :

أنا مجنون فيك والرساله كتبتها بدون شعور
وماعلى المجنون حرج ياأغلا من سكن هالكون
آسف حبيبتي شفتك وهاضت مشاعري

وكملت رسالته وقرتها وعرفت إن هالشخص المرسل
كان شايفها وفتحت الرسايل المرسله مالقت شي
وبهالأثناء تذكرت ريوف رسايل ريان وانقلب وجهها

ريوف : جوزاء عطيني جوالي ثواني بس

جوزاء : بدور لي رساله برسلها ع صديقتي

ريوف وبلعت ريقها من الصدمه : أوكيه

جوزاء مدت لها الجوال وقالت خلاص اخذيه بدخل أجيب رقم صديقتي وبجي

ريوف لا إرادياً خذته ومسحت رقم ريان من القائمه خافت جوزاء تشوفه وتدري إنه أخوها
وخلت الرسايل مامسحتها لأن ببالها لو سوت كذا بتشك أكثر وبما إنه بلقب ماراح
تنتبه للرقم

رجعت جوزاء ومعها رقم ريان مو صديقتها وناوية تهدم كل حب جمعهم
وتخطط بطريقة تخلي ريان ينصدم من ريوف ويعافها من نفسه لأنه مستحيل
يتركها إلا بهالطريقه لأن جوزاء تشوف من أبسط حقوقها ريوف ماتآخذ أخوها


جوزاء : ريوف بلعب ع صديقتي وأبغاك تعطيني رسايل قويه مره
وبعدين بعترف لها ودي اهبل فيها واخف بعقلها

ريوف : عن ايش تبغينها

جوزاء : حب وقلة أدب أبغاها تحس إني رجال داشر

ريوف : حرام بتخاف كذا

جوزاء : ماعليتس هذي قلبها صخر وبعترف لها بعد ساعه

ريوف : ماعندي شي زي كذا

جوزاء : دوري تراي زهقانه من أخوك وودي أغير جو وساعديني

ريوف : أممممممم

لقيتها قصايد نزار قباني فيها حب وعندي ديوانه اقريه وأرسلي لها
قصيده حب مو قويه مره أخاف تزعل عليك وإلا تخلي أحد اخوانها يتصل
ويصير رقمي صعبه

جوزاء خذت الديوان وبدت تقرأ ولقت اللي تبيه وحست الخطه بتمشي زي ماتبي
وأختارت قصيدة متحرره

كتابة رسالة :

لم يحدث أبداً أن أحببت بهذا العمق

لم يحدث .. لم يحدث أبداً

أني سافرت مع امرأة .. لبلاد الشوق

وضربت شواطئ نهديها

كالرعد الغاضب أو كالبرق

فأنا في الماضي لم أعشق

بل كنت أمثل دور العشق

لم يحدث أبداً

أن أوصلني حب امرأة حتى الشنق

لم أعرف قبلك واحدة

غلبتني ..أخذت أسلحتي

هزمتني.. داخل مملكتي

نزعت عن وجهي أقنعتي

لم يحدث أبداً سيدتي

أن ذقت النار.. وذقت الحرق

كوني واثقة سيدتي

سيحبك الآف غيري

وستستلمين بريد الشوق

لكنك .. لن تجدي بعدي

رجلاً يهواك بهذا الصدق

لن تجدي أبداً

لا في الغرب..و لا في الشرق


إضافة رقم :


.............055


رقم ريان


ومسحت جوزاء الرسالة


وأرسلت ثلاث رسايل أشنع من هالرسالة وكلها تتحدث عن جسد المراءة

والعشق النزاري المتحرر المنعدم الأخلاق !

وماكانت تدري إن السجل يطلع نص الرساله والرقم


وختمتها برسالة :


ريان هالرسايل من شخص يعشقني وأنا أبغاه



تم ارسالهم ومسح الرسايل وجوزاء سوت نفسها ماأرسلت شي وإنها بتأجل الموضوع


ريوف ذكيه وماطافت عليها حركة جوزاء وكتابتها للرسايل وبعدين تقول ماأرسلت


شلون تكتبها ساعه وهي بطيئه بالكتابه وتمسحها بسهوله وقررت تشوف السجل لانامت جوزاء


جوزاء وتنفست بارتياح والبسمة ماتفارقها ومبسوطه : فيني نوم وقاموا للغرفه وتغطت جوزاء


ونامت ع طول ومو عادتها تنام بسرعه بالعاده تسولف


ريوف ومستغربه من الوضع : تصبحين ع خير وسكرت الأنوار ونست الجوال


,,,,,,,,,,,,,


في الجانب الآخر وفي غرفة ياسر ونايم عنده ريان


ريان توه صاحي وماسك جواله ومصدوم من الرسايل اللي جته والرقم رقم ريوف


ويشوفه أكثر من مره مو مصدّق نفسه وقام من فراشه وجاء بيطلع برى البيت


ياسر : بسم الله الرحمن الرحيم وش مصحيك ريان فيك شي


ريان : لا


ياسر : وجهك يقول إن فيه شي روعتني أحد ميت أنت من شفت الرساله وجهك صار أسود


ريان : ياابن الحلال مافيني شي واحد من العيال صار له حادث وبروح له


ياسر : منهو فيهم أعرفه


ريان : ماتعرفه الله يرحم والديك صاير كنك أمي بهالأسئله


ياسر مستغرب من أسلوب ريان وخلاه براحته


أظلمت الدنيا بعين ريان وانجرح وماتوقع ريوف تخونه وترسل له بكل وقاحه


وتحسّف على كل يوم عشقه فيها وبدأ الشيطان يلعب براسه وأنت ياريان مصدق


ريوف تحبك وأنت منتف وفقير ريوف تبغى واحد غني وباعتك وخانتك وهذا هو طبع


البنات لاتقول ريوف غير شافته أحسن منك وأغنى منك وبيعيشها حياة حلوه وداستك


برجولها واحتقرتك وبكل جرأة ترسل لك رسايله الحقيره اللي ماتستحي على وجهها


وجلس يتعوذ من الشيطان ويستغفر ربه معقوله أنا أطيع الشيطان في ريف قلبي


هالبنت ماردت ع رسالتي لها وانحرجت شلون تتجرأ ترسل هالرسايل الوسخه


ووش قصدها ماصار بيننا شي عشان تسوي كذا وقرر مايتركها لحد مايجرحها


مثل ماجرحته يكفي إن الرسايل جت من رقمها ومالها عذر هذي أهانتني وبدت عزة


النفس تعلو منسوبها براسه وقرر يدوس ع قلبه عشان تتأدب وتحترم اللي ربوها


خيانة وانتهت آخر سوالف عشقي المجنون

في ليلة حلمي الوردي تحطم في نهايتها

في ذيك الليلة كان أهون علي أحيا بدون عيون

ولااشوف اللي شفته من حبيبة قلبي ساعتها





,,,,,,,,,,,,


اشارة تنبيه برسالة وارده على جوال ريوف اللي كان ع الطاوله


الرسائل الوارده : 1


فتحت الرسالة وكانت صدمتها أشد من صدمة ريان:


أخ ياحسافة تربية عمتي فيك ياالخاينه !!!!


تطالع بالرقم هذا رقم ريان حافظته مثل اسمها



طاح الجوال من يدها ودخلت نوبة بكاء تقطع القلب وتقول ظلمتني ياريان


مستحيل أسامحك انا تقول عني كذا أنا اللي عفت الناس وبعت اللي شروني عشانك


ورضيت أنتظرك العمر كله وأعيش معك لو بأعشاش تقول عني كذا أنا استاهل


ماسمعت كلام ريم يوم تقول مايستاهلونك لاتدفنين عمرك معهم وأقول ريان مو مثلهم


وتذكرت سالفة رسايل جوزاء وهي مو متوقعه إنها ممكن تكون سبب


لكن بدون شعور فتحت الرسايل مالقت شي فتحت السجل ولقت


بداية رسايل مو مكتمله لأنها طويله ومرسله لريان


انصدمت من مضمون الرسايل المتحرر


ولقت الرسالة الأخيرة كامله لأنها قصيره:


ريان هالرسايل من شخص يعشقني وأنا أبغاه


وفهمت إن جوزاء مرسله لريان هالرسايل على إنها ريوف


عقلها مو مستوعب دناءة جوزاء ومو مصدق قساوة ريان


صحتها من النوم وهي تبكي


ريوف : جوزاء اصحي كلميني


جوزاء بكل برود : هاه


ريوف : وش سويتي أنتي مرسله لريان ليه قولي لي ليه


جوزاء وبضحكه عاليه : أحسن خليه ماينام الليله ويفكر فيك ماتوقعت إنها قاريه الرسايل لأنها مستحتها


ريوف وهي تشاهق من كثر مابكت : يفكر فيني مرسله رسايل دنيئه وتقولين يفكر فيني أنا ماأصدق


إنك حقيره وتستغفليني تشوهين سمعتي وتظلميني وكل برود الكون فيك


جوزاء : ياحوووووول أنا برفع ضغطه واعتبريه مقلب


ريوف : مقلب زي كذا ومن رقمي تلعبين على نفسك وإلا علي


الحين تتصلين عليه وتعترفين له بكل شي


جوزاء : أقول لاتزعجيني بنام وحده مسويه مقلب بأخوها وش دخلت تتلقفين


ماراح أتصل ويذبحني اعرفه لاعصب مايشوف طريقه بكره يصير خير لارجعنا للديره أقوله


لازم وجهاً لوجه بعد ماتبرد حرته يالله نامي نامي


وتغطت جوزاء وماردت على توسلاتها


ريوف وحست إن جوزاء طلعت انسانه ثانيه وإنها مخدوعه فيها كل هالسنين

وماتخيلت إنها بمجرد رفض ياسر لها تنقلب عدو لها وامتلأ المكان بشخير جوزاء

وبكاء ريوف اللي شربت مرارة صداقتها وحبها لجوزاء مو كافيها حالة بيتهم

بعد راكان جايه تزود همومها ماعندها قلب ينبض شلون تحب هذي شلون تنام

مرتاحه وهي ظلمتها وقذفتها وبتفرق بين قلبين عشقوا بعض من الطفوله

ماتخاف من ربها تسوي كل هالذنوب وتملأ الدنيا بشخيرها معقوله مات قلبها!!



العدو لالا تخافه في يوم ولا تحذره .. خاف وأحذر من حبيبٍ اوقريبٍ لك يصون

العدو لا مايخونك من أمامك تنظره .. والحبايب والقرايب من ورى ظهرك تخون




7 ساعات متواصله مدة نوم جوزاء ومدة بكاء ريوف اللي ماقدرت تتجرأ


تتصل عليه وتقوله الحقيقه ووش بتقوله والرقم رقمها والرسايل باسمها


وهو عارف أخته بدويه ماتعرف تكتب هالقصايد وتوها متعلمه ع الجوال


وبمجرد وجود هالقصايد بجوالها ممكن تخليه يآخذ فكره غلط عنها شلون


بتشرح له إن أخته كتبتها من ديوان وكانت بتسوي مقلب ماتقدر تتكلم معه


وتشرح له لازم جوزاء هي اللي تصلح غلطتها وتقوله الحقيقه


جوزاء : يلعن أوم الهبال للحين تبكين


ريوف وعيونها حمراء ودموعها ماوقفت وبنبرة حزن وقهر وضيم وتعب : كلمي أخوك


جوزاء : جوعانه بفطر وأعين من الله خير ولارجعنا كلمته وجوزاء تتعمد التأخير عشان يصدق ريان


لانها عارفه ريوف مستحيل تتصل عليه أو ترسل له وبتمسك ريوف من يدها اللي توجعها وتساومها

عشان تساعدها تقنع ياسر يقبل فيها وهي بتصلح الغلط مع ريان ومصيره بيرضى لأنه يحبها



ريوف أقولك تكلمينه الحين وإلا والله لأوصل اللي صار لأمي وأخليها تكلمه أنا مابي أصير أردى منك


وأعلم عن سخافتك وأضيع سمعتك حتى عند اخواني وأهلي للحين محترمتك لأنك ضيفه وأنا مابي أغلط عليك


أو أنتقم صلحي غلطتك وانسيني وبنساكم كلكم حتى ريان ع كثر ماعشقته ع كثر ماكرهته الحين بعد رسالته لي


أنا ماأنهان ياجوزاء وماجابته أمه اللي يشكك بتربيتي ريان وإلا غيره


وجوزاء أخذت جوال ريوف بتتصل


ريوف : ليه تتصلين من رقمي كلمي من جوالاتكم


جوزاء : ريان بنفسه لابغانا مايتصل ع جولاتنا مايتصل إلا عليك وحتى يقول لنا إنك عنيده


يبغى يسمع صوتك ويتعذّر فينا وأنتي تفتحين الخط وتعطينه العيال الصغار يكلمونه


ويقول ع الاقل اسمع صوتها لانادت أحد سحرتيه ياريوف


واتصلت جوزاء مرتين مارد


واجبرتها ريوف تكلمه من جوالاتهم وطلعت جوزاء تجيب الجوال


وجت رساله ع جوال ريوف من ريان :


امسحي رقمي ماأتشرف أشوف رقمك لاتتصلين ولاراح أرد عليك لاتحاولين تعتذرين

أو تبررين مالك كلام بعد اللي اعترفتي فيه والله يستر عليك أكرهك ياريوف!!


ودخلت جوزاء وماانتبهت لريوف اللي منزله راسها ع ركبتها وضامه رجولها وتبكي بحرقه


ولاحاولت ترسل له أو تتصل فيه كل همها جوزاء تعترف وتطلع برائتها ويندم ع جرحه لها وظلمه


وإلا هي مستحيل تتجرأ تكلمه بموضوع كبير زي كذا


جوزاء : هاه ريان وينك


ريان بدون نفس : نعم


جوزاء : وش فيه صوتك


ريان : مالك دخل آخر من يتكلم أنتي لاتتلقفين بشي مايخصك


جوزاء : لاتآكلني ماقلت شي


ريان : اطلعوا برى بمشي للديره الحين قولي لأمي تطلع أبوي بيجلس عندهم ويطول


جوزاء : طيب بقولك شي


ريان : اسكتي ولاكلمه أنا مو طايق نفسي اطلعوا وإلا بروح واترككم


وسكر بوجهها


وشافت ريوف وقالت لها بنمشي للديره وبقوله بالسياره وماردت عليها ريوف


ولاطلعت معها كالعاده ولاودعتها ولابكت عليها لاصارت بتفارقها وتمشي الديره


وحست جوزاء بالذنب متعوده ريوف لاجت تودعها تضمها وتبكي وتقولها انا أحبك مو عشان ريان


عشانك أنتي وبس وإذا وصلوا باب الشارع يودعها ريان مره تلتقي نظراتهم من بعيد ومره من ورى الباب


وماكان أحد يشوفهم إلا جوزاء وهي اللي تحرجهم وشاهده ع مواقفهم


قربت من ريوف وهي مقرره تسلم عليها وتطلب منها تسامحها وبتصلح الغلط


مسكت يدها تبغى تخليها توقف وتشوف وجهها وريوف دخلت بإغماءه وطاحت بين ايديها


وامتلت غرفتها صراخ واللي يبكي واللي يسأل وش فيها وشالوها للمستشفى


,,,,,,,,,,,,,,,,,


تخطيط قلب وأكسجين ومغذيات وأسئلة مالها جواب وصحت ريوف


الدكتور يكلم أهلها : انخفاض حاد بالضغط لو تأخرتم توقف القلب عندها


أبو فيصل : سبب الحاله هذي شنو


الدكتور : هي متعرضه لصدمه نفسيه


أبو فيصل ومستغرب : هي تعبانه نفسيتها من سفر أخوها لكن لها سنتين ماعمرها طاحت إلا اليوم


الدكتور : الآن هي معرضه لهالحاله إذا تعرضت لضغط نفسي والخطوره ع قلبها


وتحتاج لراحة نفسيه وماودنا نعطيها أبر مهدئه بترتاح هي من نفسها وبتجلس عندنا أربع وعشرين ساعه


تحت الملاحظه


ودخل الدكتور على ريوف


الدكتور : لو سمحتم ممكن تطلعون خمس دقايق بتكلم مع المريضه


طلعوا أهلها ووقف قدام سريرها


آنسه ريوف ممكن تحكين لي عن اللي سبب لك هالأزمه


أنا شخصت حالتك على إنها صدمه نفسيه وممكن تحتاجين لعلاج نفسي


لكن مابلغت أهلك أبغى أتأكد منك الآن


ريوف تسمعه وفكرها مع الموضوع وتبكي بقوه وماتكلمت


حاول يفهم منها يهديها ماقدر خلا الممرضه تعطيها ابره مهدئه ونامت


غاليه تعبانه نفسيتها واندمرت بعد طيحة ريوف وماتقدر حتى ترافق معها بالمستشفى


أبو فيصل خاف ع بنته وطلب لها غرفة خاصه ورافق هو عندها وخلاهم يطلعون


من باكر صحت ريوف


أبو فيصل : الحمدلله ع السلامة


ريوف : الله يسلمك


أبو فيصل : أنا ربيتك ع الصراحه وأبغاك تقولين لي وش فيك


ريوف وكانت بتقوله كل شي وخافت تصير مشاكل ويتفرقون العائله بسبب جوزاء


ريوف : مافيني شي


أبو فيصل : لاتكذبين عيونك تقول فيه شي


ريوف ودخلت بنوبة بكاء وانهبل أبوها ومسكها وجلس يهديها لين هدت


أبو فيصل خلاها تبكي ولاحظ إنها بتعترف بنته ويعرفها ماراح تكتم بقلبها


هالمره ريوف كذبت ع أبوها


ريوف : يبه صديقتي ماتت يبه فقدت أغلى انسانه كنت أشوفها كل الدنيا وماتت وخلتني لوحدي


وبكت وهي تتكلم عن الموت كانت تقصد موت محبة جوزاء بقلبها وسواد الدنيا بعيونها بعد اللي صار


وأبوفيصل تأثر وجلس يعلمها عن الصبر والمصايب وجلست بالمستشفى فتره بعد ماشخصوا حالتها


صدمة نفسيه تحتاج لأبر مهدئه وانتشر خبر موت صديقة ريوف وصدمتها ووجودها بالمستشفى



,,,,,,,,,,,,,,



في الديره :


جوزاء وهي بحالة ندم وصدمه من تصرف ريوف وإنها ماقالت الحقيقه وماانتقمت منها ع الرغم من الأذى اللي جاها



ريان : صدق الخبر يقولون ريوف بالمستشفى صديقتها ماتت أحسن حوبتي فيها وماقال شي عن السالفه بس

باين عليه حقده عليها


(للآن مااعترفت جوزاء بالحقيقه بعد صدمتها بوجود ريوف بالمستشفى


وخافت من ردة فعل ريان لو عرف إنها كذبت عليه )


جوزاء : حرام ريوف حساسه وماتتحمل صدمات ياخوفي أفقدها وهي مجروحه مني


ريان : ماعليك منها هذي دلوعه لو أحد هاوشها جلست تبكي وأنتي ماغلطتي عليها عشانك رجعتي


للديره ومازرتيها تعتبرها جرح سكري سيرتها لاتجيبين طاريها قولي ريان ماجابني وبتسكت


جوزاء وماتوقعت ريان ينقلب لهالدرجة وخافت ريوف تموت من اللي جاها وقررت تقوله


جوزاء بدون مقدمات او تلطيف : ريان أخبار الرسايل اللي جتك وضحكت ع بالها بضحكتها


تثبت له إنه مقلب وإن الظروف ماساعدت تعترف له


ريان : أي رسايل


جوزاء : اللي من رقم ريوف


ريان ونطت شياطين الدنيا براسه : هي حقيره لهالدرجه تعلمك بعد ماكفاها فضحت نفسها

عندي تعترف بعد قدامك لهالدرجه ماتهمها سمعتها لهالدرجه بنات الأكابر مايستحون

وبقلبه غل عليها وجلس يسب فيها وعيونه حمراء من الألم والحرقه وجوزاء انصدمت

إنها شافت دمعته وهو الكتوم اللي مايتكلم وخافت أكثر منه ياليتها ماتطلع من المستشفى

ليتها تموت وماشوفها مع غيري وتخوني


جوزاء وتحرك قلبها : ريان لاتظلمها ريوف ماتخونك تحبك أنا اللي ارسلت لك وكنت أبغاه مقلب


ماتوقعتك تــ وماكملت كلمتها إلا كف جاها ع وجهها أفقدها توازنها وكأن ريان صار شخص ثاني


مايعرف للرحمه درب ذوقها أنواع الضرب والسب والشتم وهو بحالة هستيريه لحد مافكوه أهله


وتأكد إنه ظلم ريوف واستحقر نفسه شلون أرسل لها كذا شلون ماتأكد ليه مارد عليها


ليه ماتذكّر إنها ماكانت تكلمه وهي تحبه لأنها تستحي وتربيتها ماسمحت لها ليه طاع الشيطان فيها


وجلس يلوم نفسه ومسك راسه وطلع من البيت وهو يتجرع القهر والندم


للأسف أني ظلمتك كنت سبه في عذابك

آه من أعظم خطية يا عذابي ويش دهاني


في حياتي ما ظلمت ومن بديت اظلم ظلمتك

احتقر شخصي و ذاتي واعتبر نفسي أناني


استحق اللي يجيني بعد ما أنا قد صدمتك

خاب تقديري وظني غلطتي غلطة زماني


ويش يفيد أقول آسف بعد ما أنا قد طعنتك

ما اصدق أنا نفسي كيف خليتك تعاني


كل شي راح مني بعد ماأنا مرضتك

سامحيني يا وفية كثر حبي لك عماني


,

,

,


انتهى هالجزء ولنا لقاء بالجزء الأخير


ألقاكم بكل خير





توقيع : تــرف


وأنا الذي .. لو جِئْتَ تطلُبُه الفؤادَ .. لقُلْتُ : لَكْ ..!
عَجَبِيْ لهُ مِنْ سَائِلٍ .. أنْ جاءَ يطلُبُ ما مَلَكْ ..!!
"إنيْ أحبُّكَ" .. قُلْتُها .. فبَنَتْ بقلبِي مَنْزِلَكْ !
وزهدتُ دَهْري .. واعتزلْتُ الناسَ .. كي أتأمَّلَكْ !!
قلبي اصطفاكَ على البرايا .. واصْطفاكَ .. وفَضَّلَكْ !!
كُلُّ الحكايةِ أننّي .. أَيُّوْوووهْ .. ! كمْ أشتاقُ لَكْ !!

رد مع اقتباس
قديم 04 Oct 2010, 04:15 AM [ 2 ]
عضو متميز


تاريخ التسجيل : Oct 2005
رقم العضوية : 612
الإقامة : saudi arabia
الهواية : كمان معرفش
مواضيع : 159
الردود : 6956
مجموع المشاركات : 7,115
معدل التقييم : 179الغريق الشدادي has a spectacular aura aboutالغريق الشدادي has a spectacular aura about

الغريق الشدادي غير متصل


مـجـمـوع الأوسـمـة : 16
مسابقة الشدادين الكبرى

المشاركة في احتفال المنتدى

وسام أفضل تقديم للسفرة

فعالية أجمل شعار

المشرف المميز

فعالية تذكر واتربح

الاحتفال بالعام السابع

وسام صورة ومثل

فعالية عيدية الشدادين

مشارك في مسابقة القرآن الكريم


رد: يا ما أسهل الدنيا :: مهما تعاندنا {الفصل التاسع}


أنا بصراحه ماأعرف عن الأجزاء شيئ اللي راحت ولا عمري شفتها لكن


هالجزء باين أنه روووووووعه لأني قريت نصفه وماقدرت أكمله

لأن النوم سلطان سأخلد للنوم ولي عوده قريبه أن أحياني الله

ماقصرتي ياترف والله يعطيك ألف عافيه

لي عوده كما قلت لأستمتع بقصة غاليه وراكان


توقيع : الغريق الشدادي



لن آنساك أيها العام الجميل
ستظل في مخيلتي إلى أن تأتيني منيتي
أنت أجمل أعوام عمري رغم كل المشاكل اللتي جلبتها لي
لكنك قدمت لي حلم عمري

1432
ستبقى في الذاكرة

الأعلى رد مع اقتباس
قديم 04 Oct 2010, 06:16 AM [ 3 ]
مؤسس شبكة الشدادين


تاريخ التسجيل : Jan 2005
رقم العضوية : 1
الإقامة : saudi arabia
الهواية : رياضة + كمبيوتر وبس
مواضيع : 2071
الردود : 91524
مجموع المشاركات : 93,595
معدل التقييم : 4981السلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond repute

السلطان غير متصل


مـجـمـوع الأوسـمـة : 8
فعالية ضوء عدسة

فعالية طلباتك أوامر

شكر وتقدير

فعالية مجموعات المنتدى

يوميات الأعضاء

التميز في دورة الفوتوشوب

شكر وتقدير

أجمل خط 1434 هـ


رد: يا ما أسهل الدنيا :: مهما تعاندنا {الفصل التاسع}


من جديد وبكل جديد
يا هلا والله بك يا مشرفتنا
ترف
والله يحييك مع الجزء التاسع
من روايتك الرائعة
التي بالفعل حققت الكثير من النجاحات
وعدد زوارها يشهد بذلك
أهنئك على هذا النجاح
وأهنئ منتدانا بقلم جميل مثل قلمك
والله يحفظك ويرعاك


توقيع : السلطان
الأعلى رد مع اقتباس
قديم 04 Oct 2010, 03:15 PM [ 4 ]
๑.•[عُذِبُـةے الأطَبُـاعُـ]•.๑


تاريخ التسجيل : May 2009
رقم العضوية : 20425
الإقامة : saudi arabia
الهواية : تحرير المواضيع المُزخرفة > فيس يقهرهم ويحرّك حواجبه
مواضيع : 69
الردود : 4588
مجموع المشاركات : 4,657
معدل التقييم : 37شوق شداد is on a distinguished road

شوق شداد غير متصل


مـجـمـوع الأوسـمـة : 8
كيدهن عظيم

وسام صورة ومثل

مشارك في مسابقة القرآن الكريم

مسابقة تعرجات قلم

العضو المميز

المشرفة المميزة

التواصل

الحضور المميز


رد: يا ما أسهل الدنيا :: مهما تعاندنا {الفصل التاسع}


الحمد لله باقي جزء واحد من زمان أبي أقراها

قلت خلّها لين تكتمل الأجزاء كلها

طيب لاتنسين بعد إذا نزلتي الجزء الأخير

إجمعي كل الأجزاء في ملف واحد

< مافيها تروح تجمّع كل جزء لحال

عوافي ترفتي ولاعدمناك ولاتطوّلين بالجزء الأخير







..


توقيع : شوق شداد



{اللهم استُرنا فوق الأرض وتحت الأرض
ويوم العرض ، واجعل كُلّ قضاءٍ قضيتُه لي خيرا }



:


مَا أشْبهِكْ ياوَردْ غَير فْ ذُبولِكْ

:
" شوق شداد "







..
الأعلى رد مع اقتباس
قديم 04 Oct 2010, 04:22 PM [ 5 ]
عضوة متميزة


تاريخ التسجيل : Aug 2010
رقم العضوية : 29321
الإقامة : saudi arabia
مواضيع : 90
الردود : 2953
مجموع المشاركات : 3,043
معدل التقييم : 127أعذب إحساس will become famous soon enoughأعذب إحساس will become famous soon enough

أعذب إحساس غير متصل


مـجـمـوع الأوسـمـة : 6
وسام المسابقات والفعاليات

فعالية تذكر واتربح

الاحتفال بالعام السابع

مشارك في مسابقة القرآن الكريم

العضو المميز

الحضور المميز


رد: يا ما أسهل الدنيا :: مهما تعاندنا {الفصل التاسع}


سبحان الله عن نفسي لاأحب قراءة الروايات إلا البوليسيات ونادر بعد
لكن أهنئك ياترف على النجاح ومع مزيد من الإبداع والتوفيق.
دمت بود


توقيع : أعذب إحساس

الجميل أنني لم أعد أنتظر أي شي من أحد ..
الأعلى رد مع اقتباس
قديم 05 Oct 2010, 02:26 PM [ 6 ]
عضو جديد


تاريخ التسجيل : Oct 2010
رقم العضوية : 30195
الإقامة : saudi arabia
الهواية : القراءة
مواضيع : 3
الردود : 23
مجموع المشاركات : 26
معدل التقييم : 25وجدان آل براهيم is on a distinguished road

وجدان آل براهيم غير متصل


رد: يا ما أسهل الدنيا :: مهما تعاندنا {الفصل التاسع}








توقيع : وجدان آل براهيم
سبحـــــــــــــــــان الله
الأعلى رد مع اقتباس
قديم 05 Oct 2010, 02:27 PM [ 7 ]
عضو جديد


تاريخ التسجيل : Oct 2010
رقم العضوية : 30195
الإقامة : saudi arabia
الهواية : القراءة
مواضيع : 3
الردود : 23
مجموع المشاركات : 26
معدل التقييم : 25وجدان آل براهيم is on a distinguished road

وجدان آل براهيم غير متصل


رد: يا ما أسهل الدنيا :: مهما تعاندنا {الفصل التاسع}




الأعلى رد مع اقتباس
قديم 06 Oct 2010, 07:29 PM [ 8 ]
عضوة متميزة


تاريخ التسجيل : Jun 2008
رقم العضوية : 8386
الإقامة : saudi arabia
مواضيع : 49
الردود : 1457
مجموع المشاركات : 1,506
معدل التقييم : 25النايفة is on a distinguished road

النايفة غير متصل


مـجـمـوع الأوسـمـة : 5
مشارك في مسابقة القرآن الكريم

نجم يوميات الأعضاء في رمضان

فعاليات أم السعف

العضو المميز

الحضور المميز


رد: يا ما أسهل الدنيا :: مهما تعاندنا {الفصل التاسع}


بصراحة ابداااااااااااع يا ترف

جمعت كل الاجزاء اللي فاتت وقريتها في يوم واحد

بانتظار الجزء الاخير بفااااااارغ الصبر


توقيع : النايفة
سبحان الله
الأعلى رد مع اقتباس
قديم 14 Oct 2010, 03:30 AM [ 9 ]
عضوة متميزة


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
مواضيع : 331
الردود : 13968
مجموع المشاركات : 14,299
معدل التقييم : 767تــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to behold

تــرف غير متصل


مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز


رد: يا ما أسهل الدنيا :: مهما تعاندنا {الفصل التاسع}


 
 
المشاركة الأصلية بواسطة : الغريق
اقتباس
 

أنا بصراحه ماأعرف عن الأجزاء شيئ اللي راحت ولا عمري شفتها لكن


هالجزء باين أنه روووووووعه لأني قريت نصفه وماقدرت أكمله

لأن النوم سلطان سأخلد للنوم ولي عوده قريبه أن أحياني الله

ماقصرتي ياترف والله يعطيك ألف عافيه

لي عوده كما قلت لأستمتع بقصة غاليه وراكان

 
 
ياهلا فيك يالغريق

ويشرفني تواجدك بأي وقت

كل الشكر لحضورك

لاعدمتك


الأعلى رد مع اقتباس
قديم 14 Oct 2010, 03:34 AM [ 10 ]
عضوة متميزة


تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
مواضيع : 331
الردود : 13968
مجموع المشاركات : 14,299
معدل التقييم : 767تــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to beholdتــرف is a splendid one to behold

تــرف غير متصل


مـجـمـوع الأوسـمـة : 15
المشاركة في الاحتفالية السنوية

المشاركة في احتفالية العام التاسع

المشرفة المتميزة

المشاركة في احتفال المنتدى

فعالية تذكر واتربح

الاحتفال بالعام السابع

الاحتفال بالعام السابع

كيدهن عظيم

يوم الضحك العالمي

العضو المميز


رد: يا ما أسهل الدنيا :: مهما تعاندنا {الفصل التاسع}


 
 
المشاركة الأصلية بواسطة : السلطان
اقتباس
 

من جديد وبكل جديد
يا هلا والله بك يا مشرفتنا
ترف
والله يحييك مع الجزء التاسع
من روايتك الرائعة
التي بالفعل حققت الكثير من النجاحات
وعدد زوارها يشهد بذلك
أهنئك على هذا النجاح
وأهنئ منتدانا بقلم جميل مثل قلمك
والله يحفظك ويرعاك

 
 

هلا فيك يالسلطان

ومانجاحي إلا بكم وبوقفتكم وتفاعلكم وياي

وأنا اللي أهني نفسي بتواجدي معكم

شكراً بعدد قطرات المطر

وشكراً لك بعدد نجوم السماء


الأعلى رد مع اقتباس
إضافة رد
الذين يشاهدون محتوى الموضوع الآن : 1 ( الأعضاء 0 والزوار 1)
 
المواضيع المتشابهه
الموضوع كاتب الموضوع المنتدى مشاركات آخر مشاركة
يا ما أسهل الدنيا :: مهما تعاندنا {الفصل الثاني} تــرف كتّاب المنتدى في القصص والرواية الأدبية 22 06 Jan 2011 02:54 AM
يا ما أسهل الدنيا :: مهما تعاندنا {الفصل الثامن} تــرف كتّاب المنتدى في القصص والرواية الأدبية 23 31 Mar 2010 08:41 PM
يا ما أسهل الدنيا :: مهما تعاندنا {الفصل السابع} تــرف كتّاب المنتدى في القصص والرواية الأدبية 22 13 Feb 2010 06:43 PM
يا ما أسهل الدنيا :: مهما تعاندنا {الفصل السادس} تــرف كتّاب المنتدى في القصص والرواية الأدبية 17 13 Feb 2010 06:38 PM
يا ما أسهل الدنيا :: مهما تعاندنا {الفصل الخامس} ‏ تــرف كتّاب المنتدى في القصص والرواية الأدبية 14 13 Feb 2010 06:18 PM
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

02:36 PM
Powered by vBulletin® developed by Tar3q.com