لا توصي حريص

	كان قصدك عذابي لاتوصي حريص + الزمن مايقصّر وانت فيك إبركه 0مصافحتي الأولى لكم -------------------------------------------------------------------------------- أحبائي أهديكم قصيدتي ( لاتوصي حريص ) وهي من القصائد التي تطلب مني بإستمرار ومطلعها هو الأكثر شهره في مجال الشعر : كان قصدك عذابي لاتوصي حريص الزمن مايقصّر وانت فيك إبركه لاتعاند تراني صرت مثل القريص ماحدن راح صوبه والعذاب انهكه لمعة الشوق فيني مثل لمع الفصيص والقدم سقتها لك والطريق اسلكه قانصن لك وطحت برمش عينك قنيص يوم شفته غدا بالقلب صوت إدبكه جيت بافر منّك واثر مالي محيص أثر سهمك تعدا للحشا وادهكه أشهد إنك إبقدرك وبغلاتك بخيص من كثر زود حبّك طحت وسط إشبكه انت وينك؟ ترى الدعوا غدت خيص بيص وين راح الذكاء والفكر والتكتكه؟ خل قلبي بحبّك ياغناتي يهيص وبين روحي وروحك وقّف المعركه ماهو إبشرط من دش البحر صار غيص كم وكم واحدن شاف البحر واربكه إشتوت كبدي وصارت ببعدك حميص وقرقعة قلبي بصدري تقول إتنكه الأمل إنطفا نوره وباقي بصيص والعمر فات دوره والزمان ادركه صح قلت إبتعد لاشك منت إبرخيص ماتناساك عقلي دام فيه إحركه مايأثر عذولن جا عيونه نفيص راح منّي وكفه بالقهر يفركه ياحبيبن جعلني من غلاته خبيص له عيوني وطن والروح له مملكه ماعلي غير شوفك ياحياتي نقيص هاك خيط المحبه وابيديك إمسكه بين هم(ن) وتفكير(ن) وحظ(ن) عويص كل من قال خلّه قلت كيف أتركه ؟ كيف اخلي حبيبن في المحبه خليص؟ فارض(ن) إحترامه والحنان إملكه لو جعل لي رساله وسط مخبا القميص بدري إن التجافي والزعل فبركه ويوم قلت إبتعد والله منت إبرخيص كيف يرخص مقام اللّي هواه إحبكه؟ وتسلمون من كل شر ومكروه ,,,,,,,,,,,,,,,,,,,,,,,,,,,,,,,,

صح لسانك وبيض الله وجهك وتسلم يا الغالي

صح لسانك يابو عزه

جزله من جزل

الله يعطيك العافيه

صح لسانك يا بوعزة قصيدة جزلة وفي غاية الروعة

لا اقول الا اننا كسبنا شاعرا اذا كانت لك ...

من جد مطلع رائع .. صح لسانك

هالقصيده سمعتها كثيراً في مجالس الرجال
وفي رسائل الجوال

لاهنت