لا واهنيك يا العتيبي هنياه

بسم الله الرحمن الرحيم

هذا واحد من قبيلة عتيبه خوينا لنا مدة عنه لا نزوره ولا حتى نتصل عليه وأسباب ذلك كنا مشغولين في عزا المرحوم عبدالله بن صنات بن عايض ابن مهرس الشدادي رحمه الله واسكنه فسيح الجنان....

عاد يوم واجهنا العتيبي ينشد أنتم وينكم فاتكم عرس فلان وذاك اليوم رحنا تعشينا عند فلان انتم وينكم لا تنشدون ولا......


عاد أنا أخبرته بالسبب والظروف وتمثلت بهذه الأبيات :

لا واهنيك يالعتيبي هنياه = مرتاح ماتدري وش اللي جرالي
فقدنا ابوصنات زبن المخلاه = حر ٍ ولد حر ٍ على الروح غالي
من صلب جدي وافيات ٍ سجاياه = قرم ٍ رقى بالطيب روس الجبالي
مرحوم ياللي تبذل الطيب يمناه = يا معرّبن ما بين جد وخوالي
سقم المعادي في نهار المثاراه = في ساعة ٍ فيها تبين الرجالي
اطلب عسى السحاب اللي ينتثر ماه = تمطر على قبره حقوق الخيالي
واطلب عسى في جنة الخلد ماواه = طالبك يالمعبود ياذا الجلالي

وسلامتكم ورحم الله الشهم الشجيع عبدالله بن صنات بن عايض ابن مهرس الشدادي

لا واهـنــيــك يالـعـتـيـبـي هـنــيــاه
مرتـاح ماتـدري وش اللـي جـرالـي
فقـدنـا ابـوصـنـات زبـــن الـمـخـلاه
حـر ٍ ولـد حـر ٍ علـى الـروح غـالـي
ابن مهرس شعره يتميز بالجزاله وعندما اقراء له قصيده كانني اعيش في زمن جدودنا من الشدادين

فقصايده كلها تحاكي زمنهم واجزم لوانه لايبن لنا انه من قالها لقلت هذه قصيدة الشاعر القد يم فلا ن الشدادي

بحق انك امير وتراث شعري لعله لا ينقرض وقد احس السلطان بهذا وجعله مشرف لمنتدى التراث والاثار

فسر ايها المبد ع الى المام دائما والتوفيق حليفك ان شاء الله.

كما اشكرك على القصيدة الاكثر من رائعه ....

ابن مهرس مشكور اخوي

على القصيده ومناسيتها

الله يرحمه .. خلده طيبه وذكره الى يوم الدين ..

الله يرحمه ويسكنه الجنه
صح لسانك يا ابن مهرس على الابيات الرائعه
يعطيك الف عافيه يا النشمي

تحياتي لكـ...

صح لسانك يا ابن مهرس

ورحم الله عبدالله بن صنات

وأسكنه فسيح جناته

بيض الله وجهك ما قصرت وهذا وفاء منك لولد عمك

اخواني الأعضاء مشكورين على المرور والردود الطيبة

ترفع من جديد

يا ابن مهرس

صح لسانك يابن مهرس

بيض الله وجهك

السلطان قصيده تستحق الرفع

اي والله تستحق الرفع

صح لسانكـ يابن مهرس

والله يرحمكـ يابو صنات

بيض الله وجهكـ يابن مهرس

تحيتي لكـ ^_^