باقة آمالي

السلام عليكم احبتي وكل عام وانتم بخير
مصافحه تليق بستواكم ايها الاحبه بالمنتدى الشامخ
دون ذوائقكم واحاسيسكم ولكن؟؟؟؟
ارجو قبولها بحلها والرد بما يمليه الضمير
من النقد البناء والهادف
ولكم تقديري
اخوكم
ابو عبدالمجيد

ياصباح الخير يا بلسم احوالي=كل يوم وكل ليله وتصبيحه
يابعد من كان نغمات موالي= لاختصارات الغرام وتباريحه
اعشقك عشقي لتكشيخة اعقالي=واعشقك عشق السحاب للمراويحه
اعشقك عشق البدو للخلا الخالي=اعشقك عشق الحضر لاخرالصيحه
يعطشك همي وحزني وغربالي= والخفوق اللي وله منك تجريحه
انت لون الورد في باقة امالي=وانت مسك العود في مستهل ريحه
الهناء والحب لرضاك يالغالي= يابعد تلميح شعري وتصريحه
قفل ابواب الهجرلجل عذالي=والصدود اللي براء الحال تلويحه
فدوة عيون لها شمس وضلالي=يامرتب رف وضعي وتصحيحه
جاك زهر العمر ماعاد له تالي= جف بوعودك بختريه وشيحه
كل يوم تمرصورتك في بالي=وسط صدري لك ملاهي ومرجيحه

يا هلا والله من جديد يا شاعرنا أبو عبدالمجيد
نعم نقبل بهذه الرائعة ونشكرك على اتحافنا بها
ونقول لك:
صح لسانك وعاش بنانك وعلى شأنك
ونتمنى أن تتواصل معنا دائماً بكل جديد ومفيد

صح لسانك يالبطاوي
قصيده في غاية الأبداع

كل الشكـــر لك

صح السانك وعتلا شانك ولاهنت تحياتي

صح لسانك

ولاهنت ولاهان غاليك

صح لسانك ابو عبد المجيد
قصيدة رائعة مليئة بالاحساس

الهناء والحب لرضاك يالغالي= يابعد تلميح شعري وتصريحه
قفل ابواب الهجرلجل عذالي=والصدود اللي براء الحال تلويحه
فدوة عيون لها شمس وضلالي=يامرتب رف وضعي وتصحيحه
جاك زهر العمر ماعاد له تالي= جف بوعودك بختريه وشيحه

صح لسانك يالبطاوي
والله يعطيك العافيه

صح لسانك وبيض الله وجهك


قصيده جزله تستحق الإشاده عليها.

		المشاركة الأصلية بواسطة : البطاوي اقتباس
	السلام عليكم احبتي وكل عام وانتم بخير مصافحه تليق بستواكم ايها الاحبه بالمنتدى الشامخ دون ذوائقكم واحاسيسكم ولكن؟؟؟؟ ارجو قبولها بحلها والرد بما يمليه الضمير من النقد البناء والهادف ولكم تقديري اخوكم ابو عبدالمجيد ياصباح الخير يا بلسم احوالي=كل يوم وكل ليله وتصبيحه يابعد من كان نغمات موالي= لاختصارات الغرام وتباريحه اعشقك عشقي لتكشيخة اعقالي=واعشقك عشق السحاب للمراويحه اعشقك عشق البدو للخلا الخالي=اعشقك عشق الحضر لاخرالصيحه يعطشك همي وحزني وغربالي= والخفوق اللي وله منك تجريحه انت لون الورد في باقة امالي=وانت مسك العود في مستهل ريحه الهناء والحب لرضاك يالغالي= يابعد تلميح شعري وتصريحه قفل ابواب الهجرلجل عذالي=والصدود اللي براء الحال تلويحه فدوة عيون لها شمس وضلالي=يامرتب رف وضعي وتصحيحه جاك زهر العمر ماعاد له تالي= جف بوعودك بختريه وشيحه كل يوم تمرصورتك في بالي=وسط صدري لك ملاهي ومرجيحه

أبو عبد المجيد صح لسانك وبيض الله وجهك ولا أجمل من هذه الأبيات
تقبل شكري وتقديري والله يعطيك ألف عافيه
والمعذره حذفت حرف وأضفت حرف
في البيت الأخير كلمة يمر
عدلتها تمر أجمل
وأجزل

صح لســآنك ‘ البطــآوي ..

أبيــآت جميلة المعنــى ..

لآهنت اخــووي ..