آخر 10 مشاركات |
مختارات | إذا قلّ ماء الوجه قلّ حياؤه ولا خير في وجه إذا قلّ ماؤه |
مواضيع ننصح بقراءتها |
|
||||||||||||||||||
مشاكلنا النفسية
الوضع تعبآن والأخلاق خـربانه , واللي م يدري بوضعي لا يحاآكيني
مشكلتنا والنفسيه .. احنا ك شعب نعاني من مرض ماله علاج اسمه (نفسيتي زفت ) وهالمرض منتشر بشكل كبير كبيررر مره , وموجود بكل الفئات العمريه بزران عجايز شياب شباب بنات متزوج عزوبي مطلق سواق هندي ماشي بالشارع , بكل مكان محد صار يتحمل شي الا و ينافخ ويهاوش ويسب و...ألخ يعني مثلا وحده بالسوق وطيت عبايتها بالعربيه تفضحك وتهاوش وتسب طيب اعصابك ي عمتي قلنا اسفففين م يحتاج تفشلينا قدام الناس في كل مكان لازم النفسيات متواجدين , حتى بالبيت لو تقول ل اخوك بعد شوي صارخ عليك حتى الخدامه صايره نفسيه م تتحمل الطلبات الا وتنافخ وتكلم نفسها , اعديناهم الدول الشقيقه عصبيين واعصابنا ع شفا حفره , م عندنا ولا ذررره صبر , م نطيق من احد كلمه , ننتظر شي عشان نتهاوش فيه ونتهاوش عليه ف انا ابناقش معاكم هالمشكله اللي م ظنتي لها حل بس يالله يمكن نلآقي طريقه نحسن فيها نفسياتنا بالعربي الفصيح حنا صرنا م نتحمل شي ابد , م نتحمل نصيحه ولا نتحمل احد يتكلم حتى لو نقد م نتحمله , مدري الدعوه حساسيه زايده والا السبب بالاكل اللي ناكله والا ايش بالضبط ! يعني حتتتى البزراااان صايرين م يتحملوون احد وش السالفه ي جماعه بالشارع مثلا اللي يدقون بواري عشان الزحمه وكذا تلقى اللي وراك مطلع راسه من الشباك ويهاوش ويسب ويدقدق بواري حتى عروق وجهه بانت من العصبيه طيب انا وش اسوي زحمه قدامي م اقدر امشي والا البزران , بس تقول له جيب لي كاس مويه بالله ينطلق عليك خدامه انا شايفني اشتغل عند ابوك , طيب انت اخوي وابوي ابوك لاحول ولا قوة الا بالله والا اخواننا النفسيات اللي بالبي بي يجيك بزر عمره 9 سنوات كاتب بتوبيكه ليه يا دنيا ضيعتي سنيني ومرزز جنبه مليون قلب مجروح وفيس حزين ي عمي رح باقي لك تطعيمه م اخذتها للحين عشان تكمل 10 سنين وش هالحاله النفسيه اللي نعاني منها ب ازدياد بشكل عام والشعب السعودي بشكل خاص , لان الشعب الكريم لا قفلت معه قفلت معه , اصلا هي دايما قافله معاه في كل مكان تروح له لازم تقابل شخص نفسيه , وممكن تكون انت النفسيه بعد وين اللي حثنا بالابتسامه لانها صدقه , وينه يجي يشوف هالعالم اللي صارت م تتحمل بعضها .. رسولنا محمد صلى الله عليه وسلم شاف العجب العجاب والذل والاهانه من الكفار ومازال يحث ع الابتسامه , وحنا م شفنا الا الفسقه واخلاقنا ززززفت بصراحه حاولت ادور اسباب للنفسيه الخايسه بس م لقيت ! يمكن لان الشعب السعودي كله صار كذا بس حتى ولو يعني المفروض نكون اكثر تحمل حتى جدانا الله يطول ب اعمارهم من كثر م ازعجونا ب زمان اول صارو هم نفسيات بعد م يجي بزر يطمر ع الكنب حق جدتي الا وتمحطه وتطرده وتسب امه وابوه افا ي جدتي وين زمان اول اللي تقولين حنا م نعرف نزعل ولا نهاوش احصائيه النفسيات ع حد علمي وصلت للبليون بالمجتمع السعودي , يمكن يجيك بزر توه مولود مكشر لا تستغرب اتوقع الموضوع صار وراثه , وصار ابتلاء , تحس اللي نفسيته زفت مبتليه ربي , يمكن لان صرنا مقصرين بالصلوات وبعيدين عن ربي بس اتوقع ان فيه سبب ثاني مخلي نفسياتنا في انحدار , وانا ابي منكم اراء ونتبادل ونتناقش بعيدا عن النفسيات ناقشوني بهالموضوع يمكن نلقى اسباب تعدل هالنفسيه رجاءا اللي قافله معه لا يرد هاه , نبيه خارج الموضوع ويقولون من القولون العصبي وكذا , لان القولون العصبي منتشر كثير عندنا , وش السالفه ي عرب وش بلانا منقلبين كذا , يمكن من الفسقه الزايده اللي عايشين فيها طيب والبزران وش حلهم , حنا لما كنا بزران م كان عندنا اجهزززه كذا وكانت نفسياتنا تهبببل ,, وش سبب هالنفسيه بظنكم ؟ ووش الحل معاها تهققون !!
|
29 Oct 2012, 03:32 AM | [ 2 ] | ||||||||
خلاص ما عاد تفرقٰ..!
|
رد: الوضع تعبآن والأخلاق خـربانه واللي م يدري بوضعي لا يحاكيني
اعججبني الصراحة فكرة الموضوع انا بقولك متى يصير الواحد نفسيه اذا كثرة المعاصي اما اذا كتن الواحد يؤءدي للعبادات وكذا يعني وللع م راخ يلقى الا راحة البال وسعة الصجر والسعادهه هذا واحد من الاسباب لاهنتِ…«#) |
||||||||
|
|||||||||
29 Oct 2012, 03:46 AM | [ 3 ] | ||||||||
شاعر
|
رد: الوضع تعبآن والأخلاق خـربانه واللي م يدري بوضعي لا يحاكيني
والله أنا عاجبتني الفكره وعاجبني الكلام ومعبي راسي بعد إسلوب طرح القضيه راقي جداً جداً وتسلمين الله يابحة خفوق والله مشكله عظيمه ويبي لها حل ومايصير نستمر على هالوضع أنا شايف إن كل اللي ذكر صحيح وموجود وبدرجات كبيره أكيد مع هاللي صاير بتخرب حياتنا فوق ماهي خربانه والله يعين بس .. أو يمكن سبب خراب عيشتنا يكون من هالمشكله نفسها ماندري هذي مشكله كبيره ولا أدري وش اقول فيها خاصه إني ماني من هالنفسيات ولله الحمد حتى أتوقع وش السبب هذا الموضوع مهم جداً ويبي نقاش من ناس متخصصين في إعتقادي مو أي إنسان يقدر يحط يده على الجرح ويطلع لنا بشيء مفيد ولا ألغي فكرة النقاش من الكل بس لازم درايه ووعي وشي من منطق ونظر بعيد ومصداقيه شكرا شكرا بحه تحياتي |
||||||||
|
|||||||||
29 Oct 2012, 02:17 PM | [ 4 ] | |||||||
شاعر
|
رد: الوضع تعبآن والأخلاق خـربانه واللي م يدري بوضعي لا يحاكيني
يمكن بلنسبه للشباب ان المشكله في العطاله والوقت الزايد اللي مافيه شي يضيعونه فيه كذا يقلبون نفسيات ومالومهم هذا اللي اقدر افدكم فيه |
|||||||
|
||||||||
29 Oct 2012, 07:50 PM | [ 5 ] | ||||||||
مؤسس شبكة الشدادين
|
رد: الوضع تعبآن والأخلاق خـربانه واللي م يدري بوضعي لا يحاكيني
حضور مبدأي للشكر والتقدير لك أختي بحة خفوق ولي عودة بحول الله وقوته |
||||||||
|
|||||||||
30 Oct 2012, 09:42 PM | [ 6 ] | ||||||||
شاعر
|
رد: مشاكلنا النفسية
ياليت يصير تنبيه على الموضوع والله مهم جداً يمكن من التنبيه نشوف عجايب قدرة الله من الأعضاء ويفيدوننا تحياتي |
||||||||
31 Oct 2012, 01:23 AM | [ 7 ] | |||||||
|
رد: مشاكلنا النفسية
نغم الشتاء وحي الالم وجع الذكرى السلطان لاهنتم الجمييع عالتواجد |
|||||||
31 Oct 2012, 06:29 PM | [ 8 ] | |||||||
عضو متميز
|
رد: مشاكلنا النفسية
كل هذا بسبب البعد عن الله وعن الطاعات اولا وعدم الايمان بالقدر خيره وشره ثانيا لقوله تعالي(ومن يعرض عن ذكري فان له معيشة ضنكا) لو تمسكنا بالقران الكريم وسنة الحبيب عليه افضل الصلاة والسلام وتمشينا بتعاليم الاسلام السمحة لاستقامة حياتنا بعيدا عن الامراض النفسية. فيجب علينا التمسك بهالنعيش حياتنا بروحانية وايمان. اختي بحة خفووق تقبلي مروري وسلمت يمينك |
|||||||
|
||||||||