طلال الرشيد يرحمه الله

قصيده لطلال الرشيد الله يرحمه ويسكنه فسيح جناته التي تحفظها قبيلته شمر صغارها قبل كبارها عندما قالها

بالوافي اللي من ال براهيم يوم قال ان طلال مايستحق أن يطلق عليه كلمة امير واني ماعرفه ومن هالكلام ورد عليه طلال

بالقصيده هذي وبعدها شالوا من طلال كلمة امير

ياصغير مايكبرني لقب = وما يصغرني إذا انكرني صغير
ماخذينا الصيت من جمع الذهب =ولا نسابة شيخ او قربة وزير
كاسبينه من هل السيف الحدب = الجنايز كان ماجاك النذير
صيتهم نجم على راسه لهب = سمعوا الصقهان به واجهر ضرير
بالوفا تاريخ ابيض ينتصب = لا حكوا بالحق حيين الضمير
ضيغمين لسناعيس انتسب = لابةٍ طلنا بها عرش كبير
عند حدك ياكثير الهرج تب = لا تمر النار وثيابك حرير
كان لك عز بذلي فتعقب = والله الا تبطي وحبلك قصير
احسبنك من صناديد العرب = واثر ساترتك عباتك ياغرير
ماحسب للسوس زراع القصب = والقراده مادرى عنها البعير
ولو حسبنا للحسايف والتعب = مابذرنا يالعصافير الشعير
عن هلك براي الله واحتسب = الرجال اللي مجاراهم عسير
من قريش المصطفى وابو لهب = والدغالب ما غشت عذب الغدير
للرجال من الرجاجيل العتب = والزكاة تحل في حال الفقير
لعنبوا وقت غدينابه حطب = تحرقه نار يثورها اجير
مالومك والزمن سوى العجب =هو بقى غير الكرامه بالجفير
ما اذل وراسي يشم المهب = لو بقى من شمر طفل غرير
ما اهاب ولا يزلزلني غضب = الشجاعه ورث العاقل عزير
ياصغير مايكبر باللقب = غير من هو كان من دونه صغير

للشاعر
طلال الرشيد يرحمه الله

لاهنتي



يا لمحة خفوق




دائم أختياراتك متميزه الله يعطيكي العافيه

الله يرحمه كان شاعر ومبدع

في ساحة الشعر والشعراء

مشكور اخوي على حسن الاختيار

يعافيكي ربي ياأختي لمحة خفوق
تسلمين يالغاليه
ورحمة الله عليه شاعرنا المخضرم

ابن جربان


الله يعافيك ولك الشكر والأحترام

		المشاركة الأصلية بواسطة : عبدالله الشدادي اقتباس
	الله يرحمه كان شاعر ومبدع في ساحة الشعر والشعراء مشكور اخوي على حسن الاختيار

شكرا لك

أختك
لمحة خفوق

		المشاركة الأصلية بواسطة : خالد بن سعود اقتباس
	يعافيكي ربي ياأختي لمحة خفوق تسلمين يالغاليه ورحمة الله عليه شاعرنا المخضرم

الله يعافيك ويسعدك ربي
تحياتي لك