لا لميس ولا مهنـد جعلهم نار الجحيم

لا لميس ولا مهند فيهـم الحسـن الفريـد=شفت انا اجمل مٍنًهم في بـلادي ياغشيـم
(السعوديه) حلاهـا زايـد بوصفـه عديـد=من مواطيها لخصلـة جيدهـا قمـة نعيـم
وانت هرجك اقصره وانصحـك لا لا تعيـد=دام شينك مبتليـك مـن اصولـك يافهيـم
ياخساره ضاع فعلك وانت في حكيـك بليـد=من برامـج واطيـه حدهـم فعـلٍِ هزيـم
لاتعمـم دام عينـك ماتشـوف الا البعيـد=والقريب بمحزمك شيـن بوصافـه عديـم
منبطح يومك وليلك عند شاشه مـن حديـد=صرت مثل البنت تحكي عن مسلسل يالرخيم
راحت ايام النشامـا فعلهـم نـار وبريـد=لاحكو حكي بمجالس رعدهم يبـرق بغيـم
اعقل وخلك رزين وبالحكـي خلـك زهيـد=لاتوضح للي حولك إن مـن جنبـك هريـم
فكر بهرجك قبل يظهر ومـن فمـك يزيـد=تحتقرك الناس تهرب تبتلش تصبح غريـم
وإنتي يالبنت الدنيه صرتي تتسمـي جديـد=لعنبو قلبك رخيصه تغيّري المبـداء القديـم
لو تغيري ماتغيري رسمك بوجهـك عتيـد=الملاغه في للسانك شينه من بـد الحريـم
دام شينك محتويك اسكتي ولا مـن جديـد=وش مهند وش حلاتـه لاتعيـدي يـا(...)
لا مهند ينفعـك لا طقـك الشـوق العنيـد=ولا لميس بتنفعك لا ثار شوقـك يالحليـم
ديرتي فيها الملامح حور ذا علمـي الاكيـد=لا لميس ولامهنـد جعلهـم نـار الجحيـم

		المشاركة الأصلية بواسطة : فاقدة أبوها اقتباس
	لاتعمـم دام عينـك ماتشـوف الا البعيـد=والقريب بمحزمك شيـن بوصافـه عديـم

بالفعل هذا اللي صاير !

صارت هالمسلسلات همهم الوحيد

واللي تفوته حلقه , كأنه مضيع أعلى ماعنده ,,

فاقدة

اختيار رائع ,,

يعطيك ألف عافية ,,

من جد روووووووووووووووووووووووعه
لا لميس لا مهند

يعطيك العافيه على الرووووووعه يالرووووووعه

الله يسلم يدينك يالغاليه على القصيده الرائعه

وينه منصور الحربي اللي كتب قصيده ياتيم وصل سلامي للميس
هذه القصيده احسن رد له

مشكوره يالغاليه فديت قلبك والله

		المشاركة الأصلية بواسطة : اقتباس
	وإنتي يالبنت الدنيه صرتي تتسمـي جديـد لعنبو قلبك رخيصه تغيّري المبـداء القديـم لو تغيري ماتغيري رسمك بوجهـك عتيـد الملاغه في للسانك شينه من بـد الحريـم دام شينك محتويك اسكتي ولا مـن جديـد وش مهند وش حلاتـه لاتعيـدي يـا(...) لا مهند ينفعـك لا طقـك الشـوق العنيـد ولا لميس بتنفعك لا ثـار شوقـك يالحليـم ديرتي فيها الملامح حور ذا علمـي الاكيـد لا لميس ولامهنـد جعلهـم نـار الجحيـم

يعطيك ربي الف عافية يا قلبو عالقصيدة ولالالالالالالالالا لميس ولالالالالالالالالالا مزفت جعلهم ربي في الدرك الاسفل من النار .
تقبلي مروري

مشكوره يافاقده أبوها

ولكن لايجوز الدعاء عليهم بالنار أدعوا لهم بالهداية ربما اسلم على يديهم كثير من معجبيهم

شكراً لك مرة أخرى

الله يا جود القلم

قبل كل شيء أقول لك :

الحمد لله على سلامتك ورجوعك لنا

ونوّر المنتدى بطلتك من جديد عسى الله يديمها

تعلق الكثير من ضعاف النفوس بشخصيات هذه المسلسلات الساقطة

وانجرفوا وراء ما فيها من نزوات وقاذورات وتحمسوا لها وكأنهم يؤيدون

ما جاء فيها من أحداث لا تسر لها عين المؤمن ولا يرتاح لها قلبه ...

وبلغت المأساة أوجها عندما قام الكثيرون بتسمية بناتهم باسم ( لميس ) ..!!

لله العجب

كيف تتسمى المسلمة الطاهرة المسكينة التي لا حول لها ولا قوة بساقطة بائعة للهوى ؟!!

اصحوا أيها الآباء واعلموا أنكم محاسبون عن كل صغيرة وكبيرة

شكراً جود القلم

وكل عام وأنتِ بألف خير

سبحان الله على سرعة أنجذاب الناس الى هذا النوع من المسلسلات والمشكله حتى الملابس صارت تحمل أشكال الممثلين رغم مافي هذه المسلسلات من أنحلل أخلاقي واضح الله يعين على هذه الحياة نحن في اخر الزمان
ويقولون عش كثيرا ترى عجبا

مشكوره اختي على النقل
صحيح الكل تعلق بشخصيات كثيره في هذه المسلسات التركيه وهذا اثر سلبي فعلاً

بس لميس والعياذ من ابليس غير ؟؟؟؟

هههههههههههههههههههههههه

احد المتعلقين <<<<<<<<<<<

تحياتي ,,,

ياخسـاره ضـاع فعلـك وانـت فـي حكيـك بليـد
مـــن بـرامــج واطـيــه حـدهــم فـعــلٍِ هـزيــم
لاتـعـمــم دام عـيـنــك مـاتـشــوف الا الـبـعـيـد
والقـريـب بمحـزمـك شـيــن بـوصـافـه عـديــم هذا الي صاير الايام هاذي يتفرجون المسلسلات ويتأثر فيها

ويصدق الي تنشره المسلسلات وهذااااا خطأأأ


يعطيك الف عافيه اختي فاقده ابوها وسلمت يمناك


ليمون