محاورة واعي والبرينيسي

واعي

ياناس من عيًن الشعار
=سهران وأبغي السواليفي
يازينها ساعة المحضار
=فالليل والصبح ما شيفي

البرينيسي

ياواعي أسهر مع السهار
=وأشرب شرابك من الكيفي
عطنا علومك وش الأخبار
=ربيع و الاّ تبى صيفي

واعي

يامرحبا ياعزيز الجار
=مثل الفهد بالتواصيفي
بشر عن الرجع والأمطار
=في نجد والا على السيفي

البرينيسي

تبقون يامكرم الخطار
=ماتحسبون التكاليفي
الله يجيب الحيا والخار
=بقاصاء وذيك المشاريفي

واعي

أنتم من أهل السهل والكار
=والا من الضلع والسيفي
والنعم بالحارث الأحرار
=أهل الشرف والمواقيفي

البرينيسي

منزالنا عالي المقدار
=وعاداتنا نكرم الضيفي
ثلاثه أيام في الأقطار
=خلاص عطنا التعاريفي

واعي

البندق اللي وزان الفار
=ودربيلها يآ تحاسيفي
ابعد هقاويك بالأنظار
=وترك طمان الجراجيفي

البرينيسي

ياواعي اوعى وش الأفكار
=عيد النظر واترك الزيفي
ماعندنا نية استحقار
=خلك معي ذرب وانظيفي

واعي

الشاهد الله عليك أغار
=ولا ني من أهل العجاريفي
اذكرك بس للتذكار
=ماهو مهاوش ولا حذيفي

البرينيسي

يامن يبث الخبر والشار
=ما باقي الا الغطاريفي
الشوف غطي عليه غبار
=الفار شحمه مراديفي

واعي

بغيت أديره ولا يندار
=برنوس صعب المحاريفي
ياما ذبحنا على المعيار
=يازينها بالمراظيفي

البرينيسي

ريح فؤادك ولاتحتار
=طبعك تريد المناكيفي
ياما دعسنا على الأخطار
=ولا ناكله زاد ٍ امجيفي

واعي

حنا ترانا عمود الدار
=يوم القشر والمخاويفي
هونت فالسالفة ثم طار
=ولاني على الخصم بضعيفي

البرينيسي

أنتم وشأنتم وأخذ معبار
=وأزيد الك فالتشاريفي
لالا 0تحيزم وشب النار
=وانطلك فيها تناتيفي

واعي

نبيوس جدي خذ الأسعار
=من عزم جدي مجاديفي
وحنا من أهل القنا والثأر
=والجيش جنك مراديفي

البرينيسي

نبيوس وأورنس ياستار
=من تركيا لا من الريفي
عاداتهم يشربون اسكار
=ياحيف والله ياحيفي

واعي

يا سارقٍ عاقب التجار
=ياقو عينه على الحيفي
يلقط هلل والكبار اكبار
=ما لد عيني لك معيفي

البرينيسي

ماذافقدتواوش اللي صار
=احذر تصرف بتصريفي
احفظ حلالك بسهم اعمار
=عسى تجيك المخاطيفي

واعي

بنيوس معروف ياشطار
=لو صار فالحرف تحريفي
سوق القدم معي فالمشوار
=لا تزيف الهرج تزييفي

البرينيسي

هذي نباها عليك انذار
=رسايل ٍ فالمضاريفي
بنيوس ضلع ٍ ولا ينهار
=بنيوس جانبهم منيفي

واعي

هذي تراها تكون شعار
=يازين هرج العواريفي

البرينيسي

خلك كتوم ٍ على الأسرار
=لا تلتقفها الملاقيفي
وأهديك باقه من الازهار
=الوانها حليت الطيفي

ماشاء الله تبارك الله
محاورة رااااقية
صح ألسنتكم جميع
لاهنتوا

صح إلسانك يالبرينيسي

وصح إلسانك يا الواعي

شكرا لكم جميعا ..

أخوي واعي / والبرينيسي

صح لسانكم ولا هنتوا ..

أثبت شعركم الراقي تقّدمكم بخطى واثقة

وكلمات شاهقة نقرأها مراراً وتكراراً

ونتأكد بأنها تقطر عذوبة فنصوصكم تستنطق الملامح ..

وتشف ماوراء الصمت ..شعركم تتلقاه الأرواح كأغنية حملتها

نسائم ربيع ..

تقبلو مروري المتواضع ..