إن كان وجهك ما يجيب لك حاجة

ان كان وجهك مايجب الك حاجه=اكيد قاصرتن يدينك عن الطيب
الناس كل يمدح اللي يواجه=اما يصيب الظن والا بك يخيب
وكانك تعشي الضيف عندك دجاجه=وفي حلتك تجهل جميع المواجيب
اكيد منت بلاقي الي سراجه=يالع ولاضني بتلقى التراحيب
الناس تبغى اللي طليق حجاجه=اللي على العليا يسوق المراكيب
يعرف مداخيله ويعرف خراجه=يعني على ماقيل ذيب ولد ذيب
واللي تقلب مع ظروفه مزاجه=ومعرض لناس روس المخاليب
جنب عنه والبعد يمكن علاجه=اخير من بعض الحيل والاساليب
وماعوج من رقبة الذلول انعواجة=ولامر من دبج صفى للمشاريب
الا الذي يبلا العرب بالسماجه=ويقول قول ماحسب له تحاسيب
في وقتها محد بلاقي خراجه=نارً صلاها ذوب الصخر تذويب
وكم راس يفقد وقتها عزه وتاجه=و الشر لامنه حظر صعبه يغيب
اما طلبنا المعجزه لنسياجه=والانجيب احقوقنا بالمشاعيب
واليا ضمينا ماشربنا هماجه=وصويبنا موته له اقرب من الطيب
الله يجنبنا النشب واحتجاجه=لاصحة الحجه وجتك المطاليب

عايض
شاعر جزل في معانيك
وحضورك. لاهنت

ابداع وروعة هذه القصيدة
ولا هي غريبة عليك يا شاعرنا
سلمت وصح قافك وابداعك

سلمت ولا هنت
وطبت وما قصرت يا أبو نايش
وبيض الله وجهك على تواجدك المستمر

ارحب يا أبو نايش ولا هنت
والله يحييك وبيض الله وجهك
يكفينا تواصلك معنا واستمرارك
يا بعدي والله يوفقك

صحة ابدانكم جميع وشكراً لكم ولمروركم الكريم

صح لسانك وسلم فكرك واعتلى شانك
ولاهنت

صح بدنك وشكرا لك ولمرورك الكريم