يالعين صيري دايم الـدوم تبكيـن

السلام عليكم ورحمة الله وبركاته



إهداء لكل أخواني وأخواتي



[RAMS]http://www.al7jaz.com/upload/al7jaz-1235129975.rm[/RAMS]


يالعين صيري دايم الـدوم تبكيـن
على مدار أربع وعشريـن ساعـه


إرثي لعمر فـات وانعيـه يالعيـن
وابكي على ما فاتنا مـن طماعـه

اليوم كملتي من العمـر خمسيـن
تلعبـك اوهـام الغـرور ومتاعـه


يا ما خدعنا الوقت بالمظهر الزين
واليوم يا عينـي عرفنـا خداعـه


ما ندري إن الوقت له باطن شيـن
الا بعد مـا قـام يسقـط قناعـه

وإن ما انتهزنا تالي العمر فالديـن
ولاخسرنا ما لنـا مـن بضاعـه


باقي العمر في علـم رب الثقليـن
تماكنـي تاليـه قبـل انقشـاعـه


مع هجعة اوباش الملا لا تهجعيـن
احيي الدجا ذكر وتوسـل وطاعـه


اليا بقا ثلث ومضى منـه ثلثيـن
وقـت يربـح باذريـن الزراعـه


لانامـوا اللـي فالملـذات لاهيـن
تضرعـي لله باكـف الضـراعـه


ويا الاذن في قول الخنا لا توحيـن
والذكر والنصح انصتي لاستماعـه


اليا استمعتي للذكر والصحيحيـن
يصير عندك ضـد غيـره مناعـه


ويا الرجل لوحيتي الندا لاتوانيـن
اليا دعا داعـي صـلاة الجماعـه


وياالنفس مع درب الهوى لا تميلين
بيعيه مثل اللي زهـد بـه وباعـه


الخمسـة الاركـان لازم تلبـيـن
بتوحيد واخلاص ويقيـن وقناعـه


عسى بتال العمر ثقـل الموازيـن
كود يتعوض ما مضى من ضياعه


سالين كنـا دايـم الـدوم حييـن
ولا دامت الدنيـا لـراع الشفاعـه


والأنبيـا والأوليـا والسلاطـيـن
واهل المروة والكـرم والشجاعـه


العبد مهما عمر أحقـاب وسنيـن
له ساعة فيهـا يطـوي شراعـه


يرحل وخلانـه وربعـه مقيميـن
وتصير فرقا الشمل بعـد اجتماعـه

وصلوا على المبعوث جد الحسنين
مانبت من نبت وما ازهر طلاعـه




الشاعر : غازي بن عون

يا ما خدعنا الوقـت بالمظهـر الزيـن
واليـوم يــا عيـنـي عرفـنـا خـداعـه
ما ندري إن الوقت له باطـن شيـن
الا بـعـد مــا قــام يسـقـط قـنـاعـه
قصيدة رائعة تسلم يمينك يالغاليه

يا سلام عليك يا شيهانه

شيله رائعه وقصيده جميله

صح إلسان شاعرها ومنشدها

وصح ذوقك يالطيبه شكرا

أأأأأأأأأأأأختيار موفق شيهانه
تسلم يدك وصح اللسان الشاعر





دمتي بخير
,,,,,, عنادالقاف

من جد شيلة روعه

كلمات وصوت ,, قمة في الجمال

أختيار موفق أختي شيهانه

تسلم أيدك والله


والله يعطيك العافيه
تقبلي مروري

السلام عليكم ورحمة الله وبركاته


ربي يسلمك شمعة الدنيا

طاب حالك وزانك فالك بندر

الله يسلمك عناد القاف

يعافيك ربي أبو نايف

الله الله يا شيهانة

يا العين صيري دايم الدوم تبكين

حزن وألم ويأس لا بد أن يستمر

تسلم يديك والله

ربي يسلمك

والله نوور متصفحي بردك

يعافيك ربي ياريس

صح الله لسآن شآعرها




وسلمت اناملك على الطرح والإنتقاء

ربي يسلمك فاقدة

عطرتي صفحتي