مخيم الربيع للشعر والسوالف

[flash=http://www.mlfnt.com/live/12632909671.swf]width=498 height=326[/flash]

وينكم يا هل البر زان الربيع=والليالي تونس بمظهارها

زانت الخد والعشب سمكه رفيع=قالوا أم الرمم يشبع حوارها
سجة البر حلوة، وتقضي سريع=مير يبقى على الحول تذكارها

يالله حيهم يالله حي الشدادين



وياهلا بكم جميع في مخيم الربيع



والله انو نفسي انا نجتمع بجد كل سنه من بعيد وقريب

:fingersx:

كلنا في مكان واحد

احب اقول لكم






البسو زين عليكم بالفرو والكوته ترى الشبط داخله



والهواء قوي لا يدخلكم البرد





ياهلا والله بالكشاته عسى ماتعبتو

:ily:












معكم مسؤلة العلاقات العامة <<<<< سبوت لايت







هنا في خدمتكم والي تأمرون به أنا حاضرة لا يردكم إلا لسانكم



تفضلو

كل شي جاهز

وماقصر اخوي رعد الجبوب

جهزنا لكم ورتبنا كل شي لاستضافتكم














تقهوو وروقو

ماودكم بـالشعثة





الله ياالدنيا ...



زمان يافن




وربي سعابيلي تقوطر اشتهيتها




بس ماعليكم ان شاء الله نسويها لكم في المخيم



الحين

تعالوا معي أفرجكم على المخيم





هذا مخيم للشيبان









وفيه السوالف والعلوم الطيبة



والألغاز والألعاب القديمة وقصص من أول وعلمونا ونبي نخليها مكان نستفيد ونتعلم منكم البداوه

وما يمنع ان الشباب يكونون هنا







وهذي خيمة الحريم












لكن مخيم مستقل لسوالفكن وقصصكن



ولاننسى الطبخ يازين الطبخ في البر زيناه <<<<<وحده تبي تشجع الحريم على الطبخ



وفيه كمان مكان هناك شوفوه زي التسريحه هذا للتبغى تتزين



وكمان حاطين لكم اسرة اعرف احتياجاتكم كلها ومانسيتكم من الكريمات الواقية من الشمس بعد ...بس الي ماتشتغل زين بنحرمها من منها



ونومها برى الخيمة عند الذيابه هههههه



شوفو وش جبت لكم .







هذا الله يسلمكن (الغرب) للي ماتعرف

وبعطيكم عليه دورة ,.,.,.؟:ily:






وبس ايه أي اسمعن لاشوف وحد توطوط هنا والاهنا والا تفكر بس انها تروح مخيم الرياجيل <<<<<< عيب



الا اذا قالت لي يمكن انسق لها زيارة خاصه ..



ايش تاني ايوه نسيت والله كلامي مدري كيف ملخبط الله يعينكم على كل شوي بقلب وحده وعاشت نص عمرها في الحجاز والباقي في الرياض وماسكه مخيم أنا لما بخلص بصير زى ألي ضيع مشيته مدري بيكون فاتحت خير عليه وأتعلم كلام أهلي وأجدادي

شوفو المكان كيف يشرح الصدر











باقي عندنا خيمه شاعر الجلسة الربيعية







وهذا الله يسلمكم نستقبل فيه الشعار ونسولف معهم والي عنده سوال يجي يقوله لهم ونسمع قصيد وعلوم غانمة



ولاننسى إننا كل بعد يومين في اليوم الثالث عندنا محاضرة



دينيه وبنحطها في قسم المرئيات والصوتيات والله لايهين المشرفين ينبهو عليه لاننا نبغى نتكلم في المحاظرة ووش استفدنا منها



مهوب يعني اننا طلعنا للبر نسى الدين لا اجمل مافي طلعات البر انك تحافظ على الدين




وابشركم بعد الله لايهين ابو عبدالله يقومك كل يوم للصلاة وخص صلاة الفجر والي مايقوم ياويله بنعلقه في الشجرة ونحرمه من الفطور ههههههه



ايوه على طاري الفطور بنقسم الحريم الى مجموعات المجموعه الاولى مسؤوله عن الفطور



والمجموعه الثانيه مسؤله عن الغداء والمجموعه الثالثة مسؤله عن العشى وكل يوم يتغير الترتيب كل مجموعه تمسك شغل الي قبلها




وأما القهوة فكل خيمة تحط لها كم واحد مهمتهم القهوة والشاهي



واهم شي النظام على شان كشتتنا تحلى



واما من ناحية الاطفال لاتشيلون همهم العيال في خيمة الرياجيل علشان يتعلمون العلوم الغانمة والشعر خلاص ملينا من العيال الي متسدحين قدام الكمبيوتر والسوني الين دلخو



واما البنات الله لايهنهم بيحرفون علينا خليهم يتعلمو لهم كم شغله تنفعهم بكرة










والغنم الى جايبينهم فيه واحد مسؤال عنها وكل يوم يذبح الصبح بدري علشان نسوي الكبود اهم شي الكبود والقرص الصبح وخصوصا في البر والعصيدة خلوها في الليل احسن



واما الخضرة والخبز فنهاك بعض الشباب الشقردي نوكل له المهمه كل يوم يروح يقضى لنا الي ينقص علينا



والله الله بالشغل الزين واللي عنده ملاحظه يقولها صدورنا وسيعه



بس اهم شي ان كشتتنا تكون احلى واحلى



وخلوكم من التبطح والنوم حنا طالعين علشان نستانس ونفلها ونشوف بعض

والي عنده صور لمكشات له يحط لنا الصور







اهم شي اننا نستفيد من مكشاتنا

ونستفيد من جمعتنا


ونتعاون




والله احس اني قلبت رجال لاكن ماعليكم بنكمل القوانين



مع اخوي ومسؤل العلاقات العامه رعد الجبوب

وااااااااااااااااااااااااااااااااااو
روعه روعه روعه
يعني انا من ضمن

ياهلا ومرحبا بك عسوله
انتي تامرين امر
المخيم كله تحت امرك
لاتصدقين
خخخخخخخ

ارحبوووو
يالوجيه الغانمة
الحقيقة ماقصرت اختي سبوت
لكن ودي اضيف لكم شي انه ماقصرو القائمين على المخيم كل شي وفروة
من فرش ووايت ماء وخيام واكياس نوم وبطاطين واكل حتى خرابيط الورعان جابوها
الله لا يحرمهم الاجر ويعيننا على القطه
وابشركم
الحطب موجود والغاز موجود
والي عند شي يبينا نجيبه ماله الا يامر وحنا نحظره له على طول
ومانسينا الدبابات جبناها للي وده بالحضارة
وبغيت اضيف انا المخيم هذا متعوب عليه
وماقصرت الاخت لايمكن ارضى بك سوت لنا التصاميم مشكورة

و لازم تتبعون القوانين الي بقولها لكم
حتى نكون كلنا مبسوطين ارجو ان كلامنا يكون واضح ومزحنا واضح والي ودة يزعل الله لايهينه لا يرد
زي ماتحب نفسك حب للناس بعد
والشعار الي ودة يتواجد معنا ماعندنا مانع عندنا اجتماع في مركى الشعر كل بعد يومين يعني يوم محاظرة ويوم نرتاح ويوم شعر
علشان نخلي وقت للمحاظرة نسمعها ونناقشها
والي ودة يقول لغز او سالفه حنا مجتمعين كل يوم في المخيم
تعالو واسمرو
وناسه وشبه نار
ولاتشيلون هم شي

مشرف المنتديات الشعبية رعد الجبوب

على فكره تراني أعرف اطبخ الذبايح هههه((تسوي عرض ))..






.واحب قومة الصبح أموت عليها ....يعني ماراح تتعبون وياي هههههههههه

ماشاء الله عليك سنعة
عسوله خلاص بكرة الفطور عليك

يا هلا والله بالجميع هنا
وفي
مخيم الربيع للشعر والسوالف

نرحب بكم هنا ونلتقي معكم حيث أروع اللقاءات
وأجمل العبارات وأحلى السمرات بكل مفيد وممتع وهادف

أشكر الأخت سبوت لايت صاحبة الفكرة وكذلك الأخ المشرف
رعد الجبوب الذي كان له مشاركة بها

ونتمنى أن يطيب التواصل معنا بكل ممتع وهادف
ونرجو من جميع شعرائنا التواجد معنا ومشاركتنا
وكذلك الأعضاء فالمخيم للجميع واللقاء هنا لنا كلنا

وأتمنى من الخت سبوت لايت والأخ رعد الجبوب متابعة
الموضوع يومياً ودعوة الأعضاء إليه ومشاركتهم تفاعلهم
والله يوفقكم ويحفظكم

أبشرو والله بسعدكم .....تراني ذربه وماينخاف علي...بش اش تبون مقلقل والا فته..والا عريكه ,الاجريش والا مله ،،،،،بس أمرو....((ياليتني صدق اقدر ارسلها ))ههههههه

ارحب يابوعبدالله منور الصيوان

الموضوع مفتوح مثل ماقلنا
سولفو وخذو راحتكم

الغاز قصص

حكاوي شعبية

واذا فية سوالف عن الجن والعفاريت مافي مشكلة >>ملحوس يبي يخرب جوهم

وين الشعار هنا خذو راحتكم بعد
ولاتنسون لقاء الليلة لقاء

والبنات كل وحدة تروح تستلم

جدولها من سبوت لايت

جن وعفاريت لااااااااااااااااااااااا ((ما اتفقنا على كذا صح)) كذا نستحشش ههههه وماننام الليل...تعوذ من ابليس وفكنا منهم