<<<<<<< ((( دوامــــــة المـــــحـــبــة ))) >>>>>>>>

{{ دوامــــــــة المــــحـــبـــة }}

آه ياقلبي ترى جرحك عصيب = ما أدري كيف إنك تحملت الجراح
سهم حبك خلا من قلبي صويب = لين دمي انسكب مني وساح
كل قلب ماخذ في حبه نصيب = وانت حبك اثخنه والحين طاح
ياما رديته وعيا يستجيب = ولا طريتك فز من حاله وصاح
الصراحة رأسي من حبك يشيب = والسبب زينك خطفني يوم لاح
والعجيب إن المرض عيا يطيب = وليت ودك غاب عن ذهني وراح
لامتى أبقى أعاني ياحبيب = وادفن احساسي بستر من وشاح
لامتى أصبر على حر اللهيب = الصبر ودّع ترى والعقل فاح
هذا سر ولا أحد منكم يعيب = من عشق قلبه أظنه ما استراح

هذا سر ولا أحـد منكـم يعيـب=من عشق قلبه أظنه ما استـراح

سر مفضوح تفضحة الاهات والعيون ... وكلنا مبتلى به ...
صح لسانك يالشاعر.. سلمت على ابداعك ..

صح لسانك يابو وحيد!!
الحب لا يمكن يبقى سر!!
يظهر غصب

الحب أقشر يا أبو وحيد

أو قد يكون جميلاً

متى يتحدد ذلك ؟

عندما يشعر كلا الحبيبين بالآخر عندها يكون جميلاً

صح لسانك ولا هنت يا شاعرنا وبيض الله وجهك

لاهنت



يابو وحيد



على القصيده الرائعه والحب غذاب المحبين

صح لسانك على القصيده

الراااائعه بس الحب يالسلطان

ماهو بقشر ان شاء الله