ظافر وعواض بن درين المرمش وقبيلة غامد

السلام عليكم ورحمة الله وبركاته.
اليوم سوف نذكر لكم قصة الفارس ظافر بن درين المرمش من فرسان الشدادين المشهود لهم ولاشك سابقا كانوا العرب يعيشون في فقر وضعف وكانوا يقومون بغزوا بعض وسرقة بعضهم وظافر واخيه عواض كانوا يقومون بغزوا قبيلة غامد وسرقة ابلهم واملاكهم وغامد تضايقوا من هذا شي الي يحصل ودبروا خطه لقتل ظافر وارسلوا له صبي من غامد يقول له اليوم جماعتي عازمينك ومسامحينك على الي صار وظافر وجب العزيمه وذهب الى غامد وغدروا به وقاموا قبيلة غامد يلعبون ويقولون في لعبهم ( أرتعي يالحظانه وادي الكنه وادي ظافر وعواض حامينه)
وسوف نذكر لكم قصة سعد بن ظافر وثأره لابيه...

كما ذكرنا لكم قصة غدر ظافر المرمش ولما علموا اهله اخذت حرمته تصيح وتقول يالي يبى يبشرني بذباح ظافر يبشر بالعطيه وكانوا قبيلة غامد يلعبون ويقولن في لعبهم ارتعي يالحظانه وادي الكنه واد ظافر وعواض حامينه والا فيه صبي من البصصه يشتغل عند واحد من ربعهم عاد رد عليهم وقال لاوعذابي من ونه لابد ان الشدادين قافينكم وغاروا عليه غامد يبون يذبحونه وقال معزبه والله ماتذبحونه الا اذا طلع من بيتي وراح البصيصي لديار ابا الحارث ولما علم ان مرة ظافر تقول منهو ذباحه راح يبشرها بذباح ظافر وعطته العطيه وراحت لولدها سعد وهو يبلغ من العمر 18 وقالت والله ان ماخذت بثار ابوك ياديس رضعت منه لاقطعه واخذ سعد عمه واتجهوا لقبيلة غامد وهم يطلعون ذاك الضلع ويلقون 4 من غامد يلعبون وقال سعد ياعمي خلنا انحول عليهم وقال عواض بحناكه خل الليل يمسي وامسى الليل والافيه واحد من الرجال يقولون جثه كبير وقال العم انت ياسعد رح لذولا ومرحهم وانا بروح لذا وراح سعد وذبح الثلاثه بسكات ويوم التفت الا الرجال الكبيرالرمح داخل من ظهره وهو موقف على رجوله وماسك عواض برقبته وعواض يقول عليك بعراقيبه وسعد يروح يم عراقيبه ويلهبه وطاح على ركبه وفك عواض وهم ينسفون راسه ويعودون لديرتهم سالمين غانمين والولد ماخذ بثار ابوه ولما علمت حرمة ظافر ان الولد اخذ بثار ابوه ذبحت من الغنم 40 وعزمت كل اهل قيا...

تنبيه :

المرمشي تسلم على النقل من قصص الأولين ولكن ليت باعدت بين الأسطر حتى يجي مجال للقراءه في قصص الراحلين من ربعنا الله يرحمهم ويرزقنا بمثلهم ولك تحياتي ننتظر البقيه من شخصك الكريم

[warning]

أرى من المشرفين التحفظ على الموضوع حتى يجي من يتمكن من الموضوع صحه من خطاءه

وياليت أبن مهرس يحضر ويجيب على تلك القصه .

[/warning]

حياك الله أخوي المرمشي
ويا هلا بك في منتديات ربعك الشدادين
والله يرحم فرساننا ويرحم أمواتنا وأموات المسلمين
وألف شكر لك تواجدك وأتمنى من أبو زايد الحضور

الله يرحم فرساننا ويرحم أمواتنا وأموات المسلمين
وألف شكر لك تواجدك أخوي العزيز المرمشي

مشكورين يعيال عمي على الردود وماهي بغريبه عليكم صراحه وأبشر ياخيال الشدادين

ماهي بسرقة يارجال ضحى ضحية والشمس حية