العباءة المخصرة .... دلع أم ولع ؟

[size=6]بسم الله الرحمن الرحيم
اولاً يا اخوان واخواتي انا جبتكم معي هنا وبكل صراحه حاب اطرح الموضوع هذا وهوا يتعلق بالفتاه ومضهرها الخارجي وانا سوف اتأمل مشاركاتكم بدقه وسوف الاحظ الملاحضات الاكثر تحقيق للهدف

الموضوع يا اخوان هو يتعلق بالعباة الكتف والثام

وانا سؤالي موجه للصبايا قبل ان يشاركو الشباب وأنا اعلم ان الشباب يحبون مشاركات المداخله المتعلقه بين الطرفين سؤالي للفتاه

-1هل تؤيدين لبس العباة الكتف والثام
-2 هل انتي ايهاة الفتاة المشاركه فيس منتدى الشدادين تلبسينها ومارأيك فيها بكل صراحه بدون اي احراج
-3بما أن الشباب كثرة ملاحقاتهم للفتيات فما الاعتقاد بذالك طيش ام اغراء
-4اين هم اولياء الامور حتى يتمكنو من قضاء فكرة العباة هذي
-5 هل العباة الكتف كانت تطرح في ايام الستينات ونتج عنها موظه جديده لطرحها مؤخراً

اريد تعليقات جاده تحدد نقطة الاهميه للأجوبه الواقعيه من قبل الفتيات

وشكرا للجميع[/size]

الصراحة
انا لبست عباية الكتف .. لانها موضة فقط (قبل 10سنين )
ورجعت وتركتها بدون اي ضغوط (مع العلم ان امي واخواني يهاوشوني اذا لبستها )
تدري ليش تركتها

بصراحة
وانا لابستها ..احس اني قاعدة اغلط على نفسي .. لانها ماهي عباية كل شي واضح
اضف اني اذا عاكسني احد ... اعتبر نفسي انا اللي حرضته (بتصرف او لبس او وقفة غلط )بالعربي ماني واثقة من نفسي .. احس ان اللي يشوفني علطول بيتهمني بالخلل

اما عباية الراس ... اكون واثقه من نفسي سبحان الله وما عندي احساس بالذنب .. اتحرك ..امشي ..

مااحد يتعرض لي ..



احس اني ما وصلت المعلومة ؟؟؟انت فهمت قصدي

بارك الله فيك يا المستحيله وهذا شي يسعد المجتمع مو بس يسعدني انا لا بل يسعد من يراك من شباب وبنات سواء كانو كبار السن او صغار وصدقيني يا المستحيله ان معظم بنات اليوم للاسف وكلمة (للأسف) اصبحت ماتعني شي لكن اتمنى من رب العالمين ان يصلح بنات اليوم والله يخرب بيوت اللي صنعها ونشرها
تأكدي يا المستحيله ومايحتاج أكد لك لانك انسانه فاهمه...ان اي رجال او اي شاب حتى لو كان اكبر معاااكس على وجه الارض وشافك بعبايه على الراس والله انه ينزل راسه أحترام للمرأه المحتشمه وهذا الي نعيشه بعصر واقعي بجد لكن بارك الله فيك ومهما اصرو عليك الاهل ..الاهل بنسبه لك مش كنز وبس بل كنوز الارض كلها لاجل يرضون عليك ويخافون على بنتهم
الف شكر على تصريحك الجميل وهذا يدل على قوة شجاعتك في الكلام والتعبير الشخصي هذا منتدى والمنتدى لابد انه ياخذ حريه شخصيه من الطرف الشاب او الفتاه
ولك مني جزيل الشكر على مرورك وتصريحك اختي
يالله الي بعده

تسلم
الصراحة مطلوبه

أفهم من كلامكم ياصايل ويا المستحيله إن قبل ماتطلع ها العبايه الملعونه كانت الدنيا تمام يأخوان المرض في النفوس أدى إلى لبس هالعباءه وغيرها والجاي أعظم
السؤال المفروض يطرح الآن الأخت التي تلبس العباءه هذه لماذا موضه وبس لا
طيب الأهل وين
طيب المسئولين والرقابة وين
حتى نحمي المجتمع لابد أن نتكاتف ونرجع قبل 1400هـ كفايه بلا الستة والعشرين

يعطيك العافيه يا صقر الخليج على الرد لكن حنا الان نعيش في الواقع والواقع اصبح خليفه الظاهره
واصبحت الموضه مستعمره في اي بلد والسبب في ذالك لعنهم الله الامريكان يريدون ان يستوطنو العرب رويدا رويدا ولكن ايماننا بالله قوي القوي الله

وشكرا لكم على الردود يا المستحيله ويا صقر الخليج

أنا بصراحة ترددت قبل لا أشارك بهالموضوع

ليش؟؟؟

لان أنا وحدة من اللي يلبسون عباية الكتف ولا عمري في حياتي كلها لبست عباية راس .. مادري يمكن مجتمعي اللي انا عايشة بوسطه ما يشجع على هالشي .. او يمكن اني تعودت عليها والكل هني يلبسها عشان جذيه .. انا ما اعتقد انه الشباب هني ينظرون لعباية الكتف مثل ما ينظر اليها في السعودية .. بحكم انه السعودية بلد "متشدد" أكثر مقارنة بالامارات .. هذي فكرتي .. الله أعلم
أنا ألبس عباية الكتف لكن ما أحس أبدا انها مب ساترتني .. بالعكس .. انا والله اشوفها استر بوايد عن عباية الراس .. لان عباية الراس ما تقدر تتحكم فيها مثل عباية الكتف .. هذا اللي اشوفه ..
ماظن انه غلط أو انه انتقاص من شأني لا بالعكس .. انا لو كنت شايفة انها غلطت ما رديت على الموضوع .. لكن اللي خلاني اتردد في المشاركة اني شفت من ضمن الردود القليلة اللي مرت .. تحيز لعباية الراس على حساب الثانية .. فقلت في خاطري اكيد الا ما يصير تتش بيني وبين احد هني .. وهذا طبعا ما لا اتمناه ..
وانا مستعدة للمناقشة بهالموضوع .. وراجعة
مشكورين على الطرح

لا يالونا ..ابد مافيه مشاكل
بعدين الخلل فقط في النفوس
يعني في مصر يحترمون اللي تلبس منديل على راسها فقط .. لان عرفهم كذا (بغض النظر عن الصواب )
المشكلة في السعوديه ان اللي تلبس عباية كتف ضيقة ومخصرة تعطي تصريح للشباب بإيذائها
وانا ما اقول اللي تلبس عباية كتف انها منحرفة ..لا لا لا لا الخير موجود
وبعض الحريم ..تلبس الكتف ..لانها اسهل (ماتطيح من راسها بالذات اذا كانت تحمل طفلها ..موقصدهم المياعة
عبياية الراس يبي لها جهد ..في اللبس ومسكه خاصة ...

بسم الله الرحمن الرحيم

[size=8]عفواً لونا وقفي عند حدك؟ ؟ ؟[/size]

[size=5]اختي لونا مساك الله بكل خير يالغاليه..وحبيت اناقش معك الموضوع انتي بالذات المستحيله ماقصرت بحياتها اللي مضت لكن لما عرفت الخطاء رجعت لصوابها وأساليها انا رجال لكن اعرف اسرار وخفايا الان في عصرنا الحالي تعرفين ليه....؟

لان الان اصبح كل شي مكشوف كل شي نعيش بواقع الكلام والفعل لكن والله ثم والله ثم والله يا لونا ان لبس العبايه على الكتف لها تأثيرات كثيره حنا الشعب السعودي يا لونا مكانت والله عندنا هذي العبايات مو بس عندنا لا والله حتى عندكم وفي الكويت والبحرين وعمان وقطر وغيرها بس من يوم طرت العباه الي اسمها عبايه مغربيه وبعدها جات اللثمات........انتو تعرفون ان اللثمات هذي تكون قريبه من الرجل في الاساس البنت ماتتلثم مثل الرجال

ولو اقولك شي ياليت انك تجاوبين عليه بس مادري تجاوبين عليه ولالا ...؟

ابي اعرف استخدمو البنات اللثمات يقلدون مين تتوقعين..................؟

تعرفين مين يقلدون...؟


يقلدووووون الرجال الــشـــيـــم اصحاب القلوب كالسيف اللي هم(عصر الملك عبدالعزيز اثناء الحرب)

وعصر المغفور له بأذن الله تعالى الشيخ زايد رحمه الله

وعصر الشيخ أحمد الجابر الصباح

وعصر الشيخ سلمان بن حمد ال خليفة وووووووالخ

يعني في عهدهم مكانت فيه اللثمات وغيرها بس انتو الله يهديكم اخذتو فكرة اللثمات اثناء الحروب

ولا تنسين يالونا اذا انتي فكرتي في التخليص الاقتلاع فكرة لبس الكتف صدقيني ولا تصدقين كلامي بل صدقي كلام

الرسول عليه الصلاة والسلام (كلكم راع وكل راع مسؤل عن راعيته) يعني اذا مجتمعك مافكر انه ينصحك في هذي الامور الشاده للجسم الي تأكد ان الرجال ليس على يقين الرجال يلتفت يمين وشمال ويحب ان يرى الجميل

انا بكون صريح معك ولاني خايف من كلامي بكون جدا جريئ في الكلام لان هذا موضوع وانا اعتبر نفسي تلميذ يجاوب على السؤال لونا اختي ونعم فيك و7 انعام والله منك ومن عيال زايد بس صدقيني ان الموضه هذي راح تعتبر لك جزء بسيط في حياتك مثل حبة التربى لكن في الاخير راح تتركينها لانك بتصبحين ام وبعد الام جده يعني افهم من كلامك حتى اذا صرتي جده وانشالله عمرك عقبال 100 سنه هل راح تلبسينها او انك راح تلبسين الموضه الي راح تطرح في الاسواق..................؟

اكيد الاجابه عندك صعبه واكيد صعب بس الانسان لازم يمر بظروف قاسيه في حياته حتى يتعض ويعتبر

واصلا يا لونا لبسها حرام والله العظيم حرااام لانها ملفته للنظر الرجل واتحدى اي بنت ماتلبس كتـف ولا تخصرها

طيب انا راح اجيب لك الان موضوع منقووول اوكيه بس انزلي تحت وشوفي بـــنـــت سألت شيخ شوفي وش رد عليها
7
7
7
7
7
7

السؤال:

ما حكم لبس العباءة التي تسمى عباءة الكتف ؟ .

الجواب:

الحمد لله
عباءة الكتف ليست هي اللباس الشرعي الذي ينبغي أن تلبسه المرأة المسلمة ، وذلك أن العباءة الشرعية هي التي تغطي الجسم كله من الرأس إلى أسفل القدمين وهي أشبه ما تكون بالجلباب الذي أمر الله تعالى به في قوله : ( يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُوراً رَحِيماً ) الأحزاب / 59 .

والجلباب : هو الرداء فوق الخمار بمنزلة العباءة .

عن أم سلمة قالت : لما نزلت { يدنين عليهن من جلابيبهن } خرج نساء الأنصار كأن على رءوسهن الغربان من الأكسية . رواه أبو داود ( 4101 ) وصححه الألباني في صحيح أبي داود ( 3456 ) .

وكذا وصفت عائشة جلباب المرأة وأنه من رأسها بقولها : كان الركبان يمرون بنا ونحن مع رسول الله صلى الله عليه وسلم محرِمات فإذا حاذوا بنا سدَلت إحدانا جلبابها من رأسها على وجهها فإذا جاوزونا كشفناه . رواه أبو داود ( 1833 ) وابن ماجه ( 2935 ) وقال الألباني : إسناده جيد في مشكاة المصابيح ( 2690 ) .

ويضاف إلى هذا أن وضع العباءة على الكتف فيه تشبه بالرجال ، حيث أن هذا الفعل هو من فعلهم لا من فعل النساء .

وقد ورد سؤال إلى اللجنة الدائمة هذا نصه :

فقد انتشر في الآونة الأخيرة عباءة مفصلة على الجسم وضيقة وتتكون من طبقتين خفيفتين من قماش الكريب ولها كم واسع وبها فصوص وتطريز وهي توضع على الكتف .. فما حكم الشرع في مثل هذه العباءة ؟ أفتونا مأجورين
وبعد دراسة اللجنة للاستفتاء أجابت بأن العباءة الشرعية للمرأة وهي [ الجلباب ] : هي ما تحقق فيها قصد الشارع من كمال الستر والبعد عن الفتنة ، وبناء على ذلك فلا بد لعباءة المرأة أن تتوفر فيها الأوصاف الآتية :

أولاً : أن تكون سميكة لا تظهر ما تحتها ، ولا يكون لها خاصية الالتصاق .

ثانياً : أن تكون ساترة لجميع الجسم ، واسعة لا تبدي تقاطيعه .

ثالثاً : أن تكون مفتوحة من الأمام فقط ، وتكون فتحة الأكمام ضيقة .

رابعاً : ألاّ يكون فيها زينة تلفت إليها الأنظار ، وعليه فلا بد أن تخلو من الرسوم والزخارف والكتابات والعلامات .

خامساً : ألاّ تكون مشابهة للباس الكافرات أو الرجال .

سادساً : أن توضع العباءة على هامة الرأس ابتداءً .

وعلى ما تقدم فإن العباءة المذكورة في السؤال ليست عباءة شرعية للمرأة فلا يجوز لبسها لعدم توافر الشروط الواجبة فيها ولا لبس غيرها من العباءات التي لم تتوافر فيها الشروط الواجبة ، ولا يجوز كذلك استيرادها ولا تصنيعها ولا بيعها وترويجها بين المسلمين لأن ذلك من التعاون على الإثم والعدوان والله جل وعلا يقول : ( ولا تعاونوا على الإثم والعدوان واتقوا الله إن الله شديد العقاب ) ، واللجنة إذ تبين ذلك فإنها توصي نساء المؤمنين بتقوى الله تعالى والتزام الستر الكامل للجسم بالجلباب والخمار عن الرجال الأجانب طاعة لله تعالى ولرسوله صلى الله عليه وسلم وبعداً عن أسباب الفتنة والافتتان . وبالله التوفيق .

وصلى الله على نبينا محمد وآله وصحبه وسلم .

وتقبلو تحياتي مني لكم[/size]

صايل اللثمه ماهي بس للرجال !!!!!!
حريم هتيم +البلوات+ العطوات +الشرارات +نصف حرب +وعنزه
كل حريم هذولا اللثمة لبس رسمي للمتزوجات عندهم

بعدين الاعراف تختلف ...حنا عبياية الكتف ملفتة لاناتعودنا على الراس
بس في الامارات تعتبر حجاب
وقلت لك في مصر ..الحجاب عندهم تغطية الراس فقط
وهكذا ...