|
||||||||||||||||||
سيف الجنوب
الاخوه الكرام اداري وأعضاء ((شبة الشدادين الرسميه)) السلام عليكم ورحمة الله وبركاته وكل عام وانتم بخيروصحه وعافيه من العائدين الفائزين انتهزالفرصه وارفع الى مقامكم الكريم باسمى ايات التهاني والتبريكات بحلول عيد الفطر المبارك اعاده الله علينا وعليكم بالخير والبركه وتقبل الله منا ومنكم الصيام والقيام وصالح الاعمال طاب للي ان اطرح على انظاركم هذه القصيده المتواضعه بمعايدت جنودنا البواسل المرابطين على الحدود الجنوبيه امل ن تحوز على رضاكم والسلام عليكم ورحمة الله وبركاته ((عيدكم سعيد )) ومن العائدين الفائزين عيدك سعيد وبارك الله لياليك=يامحتمي سيف الجنوب المكالي كل الحروف الابجديه تهنيك=وكل المعاني والسمات السبالي اسمى تباريك التهاني توافيك=روس الشهاليق السلال الطوالي وسلام من راسي يطخم معاليك=الذ من شرب القراح الزلالي حقك على الشاعريبارك مباديك=والبيض ينشرها بروس العوالي وبشراك والنصر المؤزر يواليك= تفوق تفكيرالقدى والخيالي والغادر اللي بالصواريخ يرميك=عود وهو مدحور خايب مجالي من كاد يستقبل جهنم وصاليك=عود على الزلقوم كي الرجالي خله يعرف ان الحدود المماليك=للناصيه من دونها فالقتالي وماهيب في ذمة رخوم الصعاليك=في ذمة اللي يحتمون التوالي ياخيبة الهقوي بذنب المهاليك=عنا وراكم ياقرود الجبالي خل المجوس اللي خيانه تربيك=تجني قدرها من حثول الحثالي تبت يدالحوثي تهقوى يعاديك=وانحط للمخلوع خيبة موالي وعادوا بخيبتهم هذولي وذوليك=وضفوا على شين الخمول الخمالي ذل النفوس ومرمطة من يشانك=ماتعرف ان الفصل يوم الفصالي وقولوا لراس الحوثي اللي محزيك=يبكي على الرحله نهار الرحالي مارم سلمان المفدى يجليك=وما قام للنخوه مقام المهالي من طابع النخوه براسه تعشيك=ومن طابع النقوه مقام العدالي الحاصل اني جيت اعايد واحييك=ماجيت ادور للأجابه سؤالي حقك على افخر بعزك واسميك=وحقي عليك ادمح قصور المقالي
|
17 Jul 2015, 04:46 AM | [ 2 ] | |||||||
ممنوع من المشاركة
|
رد: سيف الجنوب!!
بيض الله وجهك صح لسانك وارتقى بيانك وعاد عيدكم وعساكم من عواده وكل عام وانتم بخير وإلى الله أقرب. |
|||||||
22 Jul 2015, 05:41 AM | [ 3 ] | |||||||
<img border=
|
رد: سيف الجنوب!!
جزل البيان ياهلا ويامرحبا وكل عام وانت بخير وعيدك مبارك لله درك قصيدة رائعه سيف الجنوب وابيات جزاله وصح لسانك ملايين وفقك الله ورعاك والف شكرلك حضور راقي وجميل شاعرنا المخضرم تقديري واحترامي |
|||||||
|
||||||||
22 Jul 2015, 09:30 AM | [ 4 ] | |||||||
عضوة متميزة
|
رد: سيف الجنوب!!
صح لسانك اخوي جزل البيان ويستاهلون ابطالنا و الله يحميهم وينصرهم . |
|||||||
|
||||||||
22 Jul 2015, 09:54 PM | [ 5 ] | ||||||||
مؤسس شبكة الشدادين
|
رد: سيف الجنوب
يا مرحبا تراحيب المطر يا أبو محمد والله يحييك وعسى عيدك سعيد وعمرك مديد ما قصرت يا بعدي وصح لسانك وكل عام وأنت بألف خير والله يرد كيد الخونة الحوثيين في نحورهم وينصر المسلمين الموحدين عليهم |
||||||||
|
|||||||||
22 Jul 2015, 09:56 PM | [ 6 ] | ||||||||
|
رد: سيف الجنوب
صح لسانك
وعلا شانك أخوي ولاهنت كل الشكر والتقدير |
||||||||
|
|||||||||
23 Jul 2015, 12:17 AM | [ 7 ] | ||||||||
مراقب عام
|
رد: سيف الجنوب
صح لسانك شاعر جزل جعلت لجنودنا البواسل المرابطين على الحد الجنوبي نصيب من شعرك وفقك الله |
||||||||
|
|||||||||
23 Jul 2015, 01:33 AM | [ 8 ] | ||||||||
مراقب عام
|
رد: سيف الجنوب
صح السانك جزل البيان ع الابيات ماقصرت طابت لنا حرووفك دمت ولاهنت |
||||||||
|
|||||||||
24 Jul 2015, 08:56 PM | [ 9 ] | |||||||
شاعر
|
رد: سيف الجنوب
بيض الله وجهك على هذا القصيد الجزل والله ينصر جنودنا الأبطال في الحد الجنوبي العزيز على عدو الله وعدوهم الحوثي وصح لسانك ملايين |
|||||||
|
||||||||