العسكرية ورد ريوف الشمري

الشاعر عواض العطشان الشلوي من أشهر شعراء قبيلة
الشلاوى قال هذه القصيدة قبل حوالي سبعين سنة حينما انتظم في السلك العسكري وحيث أنه بدوي لم يتعود أن يآمره أحد
قرر أن يفصل وقال هذه القصيدة
التي يرددها كثير من الناس دون ان يعرفوا قائلها :

يالله انـك لاتـعـود العسكـريـه=والنصيب اللي على البدلـه حدانـي
لبسونـي لبسـة ٍ ماهيـب لـيـه=درعونـي باللبـوس المشبهـانـي
دربونـا مثـل تدريـب المطـيـه=والصعب منـا يعـود مطوعانـي
يالله انــك لاتحملـنـا زريــه=حيـث حنـا للمعاصـي ماندانـي
ياوجودي وجـد حمـر ٍ عيدهيـه=ساقط ٍ فيها الحقب ويـا البطانـي
فوقهـا قـرم ٍ ببـا كـور ٍ قويـه=من ورى العارض يبي دار شهراني
قطـر القربـه وقدمـه قيهمـيـه=مع زوال الظهر يوم الشوف دانـي
هسها العرقـوب والديـره رديـه=لين دم الجوف بالذرعـان حانـي
او وجودي وجد عرب ٍ فوق طيـه=في لهيب القيظ معطيـت ٍ ثمانـي
هملـن عيالهـن بـارض ٍ خليـه=واصبحـن اعيالهـنـه ذيهبـانـي
يوم جـن البيـر لياهـي جاهليـه=مـا عليهـا لا ورود ولا محانـي
بركن بالشمس تصهرهـن شويـه=كل منهن كنها الخـرص الهلالـي
لو بغيت ادله طرى الطاري عليـه=واستحس القلب والهاجوس جانـي
يوم اشوف الدين مرتجـدا ً عليـه=والظهر عريان والجـوع يحدانـي
طالبك رزق ٍ تحطه فـي يـد يـه=ماعلى بابـه شريـف ولا هدانـي

هذي الشاعرة ريوف الشمري ترد على القصيدة بعد أن انتشرت عبر أثير الجوالات , ومن المحتمل أنها لم تعلم بأنها قديمة ..

وسِّـع الملعـب لـقـاف الشمـريـه=وسّعـه للحـق أنـا بطْلِـق عنانـي
خلنـي لا تْحِـط قيـدك فـي يـديَّـه=ولَّعَـتْ ألفـاظ شعـري و المعـانـي
جمـرةٍ كتمانهـا صـعـبٍ علـيّـه=كـل شاعـر لا كِتـم شعـره يعانـي
يشتِعل مـن شـان يسْتهـدي بضيّـه=كلّ طرقي فـي دروب الليـل عانـي
هزّني شاعـر سمعتَـه فـي عَشيّـه=(عسكـريٍ) يشتكـي مـرّ الـزمـانِ
قـال (ربـي لا تعـود العسكـريـه)=(و الزمان اللي على البدلـه حدانـي)
قلت أكيـد الرجـل واقـع فـي بِليّـه=أو مصيبـه صكِّتـه بيـن المحـانـي
قـال وشـو (درّبونـي كالمطـيّـه)=و اتِضح مقصود شعـره لـي وِ بـانِ
طار قلبـي و أثـري الدعـوى كِذَيَّـه=ما أقـول إلا يـا دانـه دانـي دانـي
استلمها جَتْـك نِصـح اخـتٍ لِخيَّـه=ولا أبي مـن وقتـك إلا لـي ثوانـي
قُمْ وِ صلـي و اردع النفـس الشِقيّـه=و احمد اللي يرتجيـه إنـسٍ و جـانِ
الله اللـي مـدّ لـك رزق و عطـيّـه=حـرِّك بحمـده يدينـك و اللـسـانِ
كان شغل (العسكري) متعـب شِويَّـه=قبلك اللي من التعـب عـضّ البنـانِ
الرجـال اللـي يخوضـون المنـيّـه=كـلّ صعـبٍ يَحْمِلُـون إلا الـهـوانِ
إسأل الصحـرا وِ صمـت المهمهيّـه=عـن فعايلهـم وِخِـذْ منهـا البـيـانِ
كيف شقّوا بالصخـر مجـرى وِ مَيّـه=كيـف عاشـوا مِـعْ ذيابتهـا بأمـانِ
صادقوا فـي مشْيُهـم شمسـه وِ فَيّـه=وِ عْقِدوا مَعْ بـرّده و قيظـه رهـانِ
كلّ من لـه نفـس صبَّـاره و حَيَّـه=بـإذن ربـي يقطـف ورود الأمانـي
لا تِشَكّـى ... أشهـد إن العسكريـه=غِصن رزقٍ وارفٍ رطْـبٍ وِ دانـي
كَمِّ بيـتٍ مـن وراهـا شـبِّ ضيِّـه =يغْرِفـون اللحـم دايـم بالصـوانـي
و كـم راسـب بالفصـول المدرسيّـه=ما لقى فـي غيرهـا رزق و مكـانِ
(جندي) و راتِبْـه خمـسُ وكـم ميّـه=نعمـةٍ مـا يجحـده غيـر الجـبـانِ
اضربـوا (للعسكـري) أحـلا تحيّـه=لَوًّهُ (جندي) أشهـد إنـه راعِ شـانِ
حَيِّ (عَينه) لا غَفـتْ عيـن البريّـه=أسْهَرَه لجل الوطـن حـبّ و تفانـي
اللي لا صِحْنا رمى (روحـه) هديّـه=يوم غيره مـن غـلا روحـه أنانـي
لا تلومـونـي بـحـب العسكـريـه=لـو أغنـي دَهْـر حُبـه مـا كِفانـي
خيرهـا طَـوّق بَعَـد ربـي يِـديّـه=رزق (ابوي) وْ شِغل (اخوي) بهالزمانِ
و أنـا بنـتٍ لا جحـود ولا غبـيـه=و احمد اللي بالرضـا دايـم كسانـي
في ردودي دوم لي ب(النصـح) نِيّـه=لا طلب شهره ولا هـو شـي ثانـي
عِنْـد هـذا البيـت وَقَّفـتْ المطـيّـه=وِ اكتمل ردي عسى المقصـود بانـي

شموخ يعطيك العافيه على هذه القصيده الجميله

هنا نرى لفته من الشاعره ريوف الشمري

واسداء نصيحة أخت لاخ عزيز

رغم انها لاتعرف الشاعر ولاحتى الزمن التي عاش به

ولكن لتؤكد للجميع فضل هذا القطاع من قطاعات الدوله

بعد فضل الله عز وجل على الكثير من أبناءها

وتبين للشاعر التي ترد عليه سر الدوافع الكامنه خلف هذا الرد

على الرغم من ان الكثير من الناس لايرضى أن يأخذ برأي إمراءه

حتى وإن كان رأيها سديد وعندما قراءت هذه النصيحه

بادر الى ذهني

البيت القائل

يامرحبا ياللي على بيتنا مر

وماحدث بين غازي وأخته أبناء الشاعر المعروف مخلد القثامي

غازي يقول

يامرحبا ياللي على بيتنا مر=رد السلام ولامعي فيه حيله
يامرحبا عدة حصى كشب وأكثر=وعدة جراد ٍ نافر ٍ من مقيله
وعدة نجوم ٍ حازها الجدي للجر=وعداد ماشاف القمر من قبيله

فردت اخته بهذه الابيات

حيث ترى ان هذه الفتاه التي انبهر غازي

بجمالها لاتليق له كعشيقه لاسباب أوردتها

انهاك ياغازي عن الود الاقشر=انهاك عن طرد الهوى وتعديله
ترى الهوى حم الذرا حلوة الدر=وان درجوا حيرانها بالمسيله
وترى الهوى هزعة ركيب ٍ ليا مر=عن بيت غمر ٍ ماينشط مقيله
مهوب بنت اللي نعاله لها كر=تلقى على جنبه مواثر صميله
ليا سرح يرمي على الضان بفهر=وليا ضوى يدني الحطب للحليله
وليا شبع من زبدة الضان يدجر=يكوش كوش اللي بجال النثيله

والعسكريه وموضوع شموخ

جاءفي وقت متزامن مع أقتراب بدء دورة

الامن العام والتي سينظم لها من الاخوان وابناء العم

مجموعه فنسال الله لهم التوفيق والسداد

الله يا شموخ
هذه القصيدة الرائعة للشاعر عواض الشلوي
من القصائد التي لن تنس أبداً وسيتذاكرها العسكر
دائماً وأبداً بينهم حتى لو لم يعرفوا شاعرها
لكنها أصبحت مشهورة جداً وحرف فيها الكثير من أبياتها
ورد الشاعرة ريوف الشمري من الردود الجميلة جداً
والقوية في معانيها والصادقة في أهدافها
وفقك الله يا شموخ

الله يعطيك العافية ياشموخ شدادية
روعة جداً
منتظر جديدك

صح الله لسان ريوف

كلمات في غاية الروعــه


ما احوجنا إلى مثل هذه القصائد

شكراً لكِ سلمت أناملكِ


ولاهنتِ على هالحضور المميز


لكِ منــي ارقا التحايا

شموخ شدادية
اختيار رآآآئع وذوق رفيع
رحمة الله على الشاعر الشلوي
وصح لسان الشمرية ريوف
تقبلي مروري ,دمت بخير ,,,